!! .. محل للإنتقــاد .. أم للإعجــاب .. !!

الموضوع في ',, البُريمِي للِحِوار و النقَاشْ ,,' بواسطة حكاية روح, بتاريخ ‏22 أبريل 2010.

  1. حكاية روح

    حكاية روح ¬°•| سَحَابة صَيفْ |•°¬

    السلام عليكم..
    صباحـ ك ـم.. مـ س ـاآكم .. ورد وجوري ..

    بسم الله عدد ما كان وعدد ما يكون وعدد الحركات والسكون ..

    بين الجرأه والخجل ..

    .. أختصاراً للموضوع ..

    هل الفتاة الجريئه محل للإعجاب أم للإنتقاد .. ؟؟!!

    وكذلك بالنسبة للفتاة الخجولة ..؟؟!!

    في انتظار آرائكم ..

    همسه ..(( ..إن كنت ذا رأي فكن ذا عزيمة .. فإن فساد الرأي أن تترددا .. ))


    ودي وعبير وردي ..


    .. سفيرة الح ـب ..
     
  2. المهاجر

    المهاجر ¬°•| عضو مميز |•°¬

    أشكرج ختيه ع الموضوع و هم مهم خصوصاَ لمن هن فى بداية العمر

    أنا عن نفسي لا احب الفتاه الجريئه و التي تضع براسها إنها لا تفعل شي غلط و لا يهمها كلام الناس أو ما يقال عنها
    فالفتاة كالثوب الناصع البياض غي نقطه تظل عالقه به لذلك يجب عليها الحذر ثم الحذر فى كل تصرفاتها
     
  3. مردك لي

    مردك لي ¬°•| عضو مثالي |•°¬

    ثانكس خيتي ع هالطرح الطرطريشن
    انا من راي
    في محل الاعجاب والانتقااااد
    فنفس وقت يعني لازم تكون صريحه فشياء معقوله
    اذا كانت صريحه فكل شى هاي البنت متهوره
    في هالزمان تبا تعيش صح مرفوع الراس
    لازم تكون بو ويههن لا صراحه ولا شى
    ثـــــــــــ نكس ــــــــــــــــــــــــــا
    خيتي
    تقبل مروري البسيط
    الفـــــــــــــ الابيض ـــــــــــــــــــارس
     
  4. غيثة السحايب

    غيثة السحايب ¬°•| مُشرفَة سابقة |•°¬


    والله مااقدر ارد عليج

    نخلي الردود للشباب


    متابعه
     
  5. مروض الكهان

    مروض الكهان ¬°•| مَشْرف سابق|•°¬

    اختي يفرق .. أذا جرأة مع وقاحه مع احترامي الشديد

    ولا جرأة بكل ادب واحترام


    لانه في بنات يخلن روحهم جريئات بصوتهن العالي وما الا اخر


    فما اعتقد انه هذي هي الجر|أة

    ومب كل مكان تنفع معاه الجرأة
     
  6. !الـغ ـروب!

    !الـغ ـروب! ¬°•| مُراقِبة سَابقَه |•°¬

    الشيء لو زاد عن الحد ينقلب ضد
    الجرأة مطلوبة بس بحدود والحياء يتقدم الجرأة بخطوات
     
  7. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    هل الفتاة الجريئه محل للإعجاب أم للإنتقاد .. ؟؟!!

    وكذلك بالنسبة للفتاة
    الخجولة ..؟؟!!



    موضوع رائع اختي سفيرة الحب

    بصراحه بتكلم وعن نفسي شخصيا.!
    دائما اسمع كلمة جريئة من اللي حولي
    ولكن الحمدالله تنقال بمدح
    مب بمذمه!

    يعني الجرأه احيانا للبنت تكون مطلوبه عشان تسير امورها وتمشي صح

    واحيانا لازم تكون واقفه عند حدها وماتجاوز الخط الاحمر اللي يوديها في داهيه

    اخوي ردي قال جملة حلوه

    جراءه مع وقاحه هذي ماتسمى جراءه
    هذي تسمى" قلة اددب" مع احترامي للقراء..!

    لان جرأة البنت ماتكون بصوتها العالي
    او بحركاتها الطايشه الغير موزونه
    او بتصرف غير عقلاني يصدر وهيه في مكان مايسمح لها كبنت انها تتصرف هالتصصرف.!

    غير جي
    انا جريئة ولكن بحدود
    جريئة في قاعة الدراسه
    جريئة في حصولي على حقي بالكامل
    جريئة في تعاملي مع موضوعج الحينه هع..~ّ

    اما بالنسبة للخجل
    فهو حلاة المرأة وجمالها
    ولكن مش دوم

    يعني الحيا حلو للبنت ولكن في مواقف تتطلب منها انها ماتستحي وانها تكون حرمة وراعية بيت << هع شدخل..!

    ابسط شي خيتي في الكلية الوحده تترد الف مره انها تجاوب ع ادكتور اوتناقشه بس لمجرد انها تستحي

    برايج هالشي سلبي او ايجابي؟

    يابنت قومي شاركي. سمعيا الدكتور صوتج ولكن لا حياة لمن تنادي وتحصل على درجات قليله في المشاركه.!

    طبعا سلبي لانها راح تعطي انطباع خاطئ للدكتورا نها بنت مب شطوره او بنت كسوله لول^^
    فعشان جذا هني الجراه مطلوبه عشان تقضي على هذا الخجل وتحصل نيصبها من التعليم الصح^^

    هذا لي عندي

    والسموحه ع الاطآلة....ّ:29:
     
  8. الوحدانــي

    الوحدانــي ¬°•| عضو فعّال |•°¬

    موضوع إمتيازي

    اشكرج اختيه

    سفيرة الحب

    ع الموضوع الممتاز


    احب ان تكون البنت خجوله الى ابعد الحدود

    بس اذا جرئيه لا سموحه منج اخاف منها صراحتا

    مب خوف رعب الخوف من لسانها بصراحه من ايام محصل وحده ف مسكد

    ف وزارة الإسكان شاله الوزارة وجالبه المكان فوق تحت:giving-up:

    وتقبلي مررررررررررررررروري
     
  9. طبيب-صعراء

    طبيب-صعراء ¬°•| عضو مميز |•°¬

    اكيد الخجولة
    ع فكره بنت الخجولة تحصلي كل شباب يحترمها عكس الجريئه ولى ترمس وااايد

    شوه فايدة البنت اذا ما تعرف حدودها ف الرمسه كونها بنت...


    ثانكس على الموضوع وتش وتش وتش


    ثانكس على الموضوع
     
  10. رحآيل

    رحآيل ¬°•| مُشْرِفة سابقة |•°¬

    أنا عن نفسي أفضل تكون البنت
    جريئة لكن مب ملسونة وبكل قلة احترام

    وطبعا الحياء زينة للبنت لكن انها تكون خجولة
    هذا مب شيء شين لكنه مرات يكون زايد عن الحد
    وبعد ممكن يكون قلة ثقة بالنفس ..

    ومشكووووورة سفروووه عالموضوع الحلوووو ..


    الله السلام ..
     
  11. أسطورة بنفسي

    أسطورة بنفسي ¬°•| عضو مميز جدا |•°¬


    ما عندي زود ع هالكلام

    يسلمووووووو
     
  12. حكاية روح

    حكاية روح ¬°•| سَحَابة صَيفْ |•°¬


    العفو خوية .. ^^
    لما فيه فائده للجميع ..

    .. بمعنى ما تقوله قد يكون لدى بعض الجريئات .. ترفع وتكبر .. ؟!


    وعليك نور إذا تلطخ هالثوب الأبيض بنقطة .. ماتختفي هالنقطة ..
    بعكس الرياييل .. نقطة لفترة وتزول ..
     
  13. حكاية روح

    حكاية روح ¬°•| سَحَابة صَيفْ |•°¬

    العفو خويه .. ^^

    رايك وله احترامه .. لكن هل حدودية صراحتها وجرأتها تتعدى مرحلة التطاول .. ؟؟!!

    تسلم ..
     
  14. حكاية روح

    حكاية روح ¬°•| سَحَابة صَيفْ |•°¬


    تسلمي على المرور .. ومتابعين وياهم ..
    وشكراً على المتابعه .. ^^
     
  15. حكاية روح

    حكاية روح ¬°•| سَحَابة صَيفْ |•°¬



    جرأه في كل الأمور .. ولكن بمعقولية الأدب ..
    لأن جراة الفتاة بوقاحه .. >> لا محاله محل إنتقاد ..

    ومن نظرك خجل الفتاه الشديد هل هو محل انتقاد ام اعجاب .. ؟؟
     
    آخر تعديل: ‏22 أبريل 2010
  16. حكاية روح

    حكاية روح ¬°•| سَحَابة صَيفْ |•°¬


    عليج نور ..^^
    لكن الحياء كذلك قد يزيد عن الحدود .. !!
     
  17. حكاية روح

    حكاية روح ¬°•| سَحَابة صَيفْ |•°¬

    عليج نور كفيتي ووفيتي يزوي .. ^^
    المغزى من كلامج انه البنت تكون جريئه بحدود المعقول ..
    وانا أقول أكيد الجرأة بوقاحه >> محل انتقاد وبشده كذلك ..
    جريئه فتعاملج مع موضوعي خطيره امرره ههههه

    أكيد يكون سلبي .. لكون بحدود انها ما اطيح الميانه على الآخر ..
    لا مسموحه افا عليج تعالي كل يوم .. لو كتبتي بحث ما بنقول شي .. هههه

    الله يعطيج العافية .. ^^
     
    آخر تعديل: ‏22 أبريل 2010
  18. حكاية روح

    حكاية روح ¬°•| سَحَابة صَيفْ |•°¬

    يا مرحبابك خوية .. ^^

    لكن الخجل الشديد ما بيأثر سلبي عليها .. ؟؟!

    لدرجه انك الكلام تيره ير .. ؟؟!!
    وحتى بالمواقف إلي يضطر انها ترمس فيها .. لكن ما في فايدة .. ؟!
    إلي ترمس بهالطريقة .. هذي اعتبرها محل انتقاد .. مع احترامي ..

    فيه جرأه لدى الفتاه لكن بلا معقولية التطاول .. ^^

     
    آخر تعديل: ‏22 أبريل 2010
  19. حكاية روح

    حكاية روح ¬°•| سَحَابة صَيفْ |•°¬

    مقصدك انه الخجوله محل إعجاب ..
    إلي ترمس وايد .. تعتبر ثرثاره كذلك .. وجرئتها متعدية الحدود ..

    العفو ربي يعطيك العافية ..

    وتش وتش وتش ؟؟!!! >>>> يرحمك الله :29:
     
  20. حكاية روح

    حكاية روح ¬°•| سَحَابة صَيفْ |•°¬


    عليج نور .. ^^
    وهذا رأي الأغلبية ..
    وانتي صادقه لحدود تصل إلى الثقة ,,

    العفو .. تسلمي على طلتج الغاوية .. ^^
     

مشاركة هذه الصفحة