1. --------------------------------------------------------------------------------

    الجمهره ,,,,
    مشكلتي إني ماعرفت أحسب لصدتهم حساب ** قلطتهم صدري علـى ذكـري قصيـد وحنجـره
    صوت ٍ يصول بمنبره واخطاب مامثله خطاب ** والطيبه اللي زعزعت صوت الخطيب ومنبـره
    مافيه دمع ٍ صوبوه أحبابي بوجهي وخـاب ** ولازرق حزنـي علـى غالـي ولافـج انحـره
    كل الزهاب اللي معي ذكرى من أصحاب الزهاب ** واللي بقالي من عذاب اشرس طريقي وأخطره
    لأني تجنبت الغرق.. عديت من فوق السحاب ** لأن أكثر أصحابي ورق..ماشفت للطيـب إثمـره
    والله ماحطيت بين الحقد والخوه حجاب ** حتى غدوا ربعـي يحدونـي علـى الضيـق أشكـره
    أثر المصايب ماتجيك إلا من الناس القراب ** وبهالزمن حتى الخـوي اللـي تثـق فيـه أحـذره
    لابارك الله في رفيـق ٍ تزعلـه كلمـة عتـاب ** ولاجمـع الله الرجـال اللـي تفرقهـم مـره
    الصاحب اللي مايجي من صحبته غير العذاب ** نذر ٍ علي إن ماهجرني وإلا أنا اللـي بأهجـره
    من يفتح لفرقـاي بـاب أفـك لـه عشريـن بـاب ** وأذا خويـي مايقـدر خوتـي ماأقـدره
    عقب أكتئاب البارحه ماعاد انا حمل إكتئاب ** الطيب جرجرني وانـا مانـي بناقـص جرجـره
    اللي يخاف من الظما يترك لنا طرد السراب ** واللي ماهـو بقـد الظـلام ووحشتـه لايسهـره
    انا تجرعت الظما لين أحترق وجهي وذاب ** انـا كسـرت بخاطـري قبـل الصداقـه تكسـره
    انا أكثر (أنسان) تعلم من كثر ماأخطأ وصاب ** انا أخر (لسـان) يتكلـم فـي زمـان الثرثـره
    جفني وجرّحه السهر ، حيلي وهدّت الصعاب ** دمعي هدر،ضحكي ندر،عمري وضيعت أكثـره
    شيبت بعقول العرب..هيبت روس ٍ ماتهاب ** جمهـرت نـاس ٍ عمرهـم مايعرفـون الجمهـره
    ماصرت ذيب إلا لأن اللي تحدوني ذيـاب ** مـا كنـت أغيـب إلا لأن العفـو عنـد المقـدره
    ترى حلاتك لاحملت لصاحبـك كلمـة عتـاب ** أن مانطقـت بهـا بوجهـه ماتذمـه بظهـره
    ودك اليامن جاتك الغلطه من الناس القـراب ** الصاحـب اللـي ماكسبـت محبتـه ماتخسـره



    حــــــــــــــــــــامد زيـــــــــــــد
     
  2. نسيم الشوق

    نسيم الشوق ¬°•| مجموعة تفاعل لأجل البريمي |•°¬

    هذا القصيده تذكرني بقصيده تقول




    ابشر ترى قلبي نوى اليوم ينساك....ودع هواك بمنتهت سود الايام

    وعشنا حياة العز من بعد فرقاك....... انثر شقاك بدرب غيري والاوهام

    يماتحملـــت الغرابــيل ويـــاك.........يما علينا بالخطاء سقت الادنام

    الى متى اصبر واتجاهل خطاياك.......وتخطي وقلبي من خطاياك منضام

    ابعد وخل الوقت بالذل ياطاك...........مثلك ولويصفي لك الوقت مادام

    رح للذي غرك وقفاء وخلاك...........وسهر مثل ماسهرت عيوني العام

    واليوم سافرعن خفوقن قد عطاك....صافي حنانه واعتبر حبك احلام
     
  3. المباني
    جابك الله من غياب ٍ ضيّق صدور المباني
    قبل لا الوحشه تزعزع بيتك الصلب وتبيده
    بيتك اللي من رحلت وكل جدرانه تعاني
    ماتحمل ينتظر شهرين وعيونك بعيده
    الله العالم لو إنك جيت متأخر ثواني
    ماتشوف إلا بقايا من حصاه ومن حديده
    من عرفتك وأنت تايه من مواني لي مواني
    وتارك ٍ قلبي مولّع من وقيده في وقيده
    ضاعت سنيني أحد بهاليالي وتحداني
    وأنت ماتشبع غياب ولاتخاف من النقيده
    ودي أتحمد لك الله بالسلامه , مامداني
    كل ماتوصل برحله ترجع برحله جديده
    دام تدري كل وجه ٍ غير وجه الله فاني
    ياخي أكسبلك ثواب وخاف ربك في عبيده
    كان فيني عيب قلي:فيني العيب الفلاني
    كان هرجي مزعلك في شي قلي:لاتعيده
    عيب تصغر في عيوني وأنت برقاب الغواني
    كيف تستسهل طعوني وأنت خابرني وليده ؟
    لعنبوك أن مت بيدك من يفكك من أخواني ؟
    لحزنوا ربعي على فرقاي شاللي تستفيده ؟
    أنت منت اللي عشقته أنت أكيد انسان ثاني
    ليه صرت بهالبرود وبهالاحاسيس البليده ؟
    وين حبك للزعل .وين العناد الأولاني ؟
    وين حنّية زمان وفرحة العمر الرغيده ؟
    وين ذاك اللي اليا أقبل مايبات إلا بمأني ؟
    وين راح اللي اليا أقفى مايروح ألا فقيده ؟
    واحد ٍ من جابه الله بس يامر ويعصاني
    الوحيد اللي أخافه غصب وأمشي معه سيده
    (مابغيت أطيح بيده) لين ماربي بلاني
    ولا أنا لو هي بكيفي (مابغيت أطيح بيده)
    ذاك بس اللي يامن جيته يلخبط كياني
    اللي بنظره ينشف دم قلبي في وريده
    قبل أشوفه أجمع اله أحلى القصايد والمعاني
    وأن لقيته ماعرفت أقول لي جمله مفيده
    الف مره قبله أعد القصيده من لساني
    ولعنبوه أن جيت عنده قمت أخربط بالقصيده
    أمدحه وأنا أدري أنه لو تباطاني نساني
    أنطحه وانا أعرفه مجنون وأفكاره عنيده
    من يسوي بي سواتك يالرهيف الاسمراني ؟
    منهو من الناس غيرك غلطته ترفع رصيده ؟
    من يقص(جناح طيرك)وأنت أعز أنسان جاني ؟
    ليه أخاف(رماح غيرك)وأنت ضرباتك سديده ؟
    ان تبعتك .أتبعك من طيبي وواسع بطاني
    ولا أنا لاجيت أكيد انسان عزالله بكيده
    أقدر أنزع لك ثيابي وألبس ثياب الأناني
    وأقدر أطلع من عذابي والعب بدورك وأجيده
    ومستعد أكسب رهاني لو بغيت أكسب رهاني
    وأخدعك بحساس كاذب وأتحدى من يصيده
    أبك أنا لي شفت خلّي حط غيري في مكاني
    والله إني لتركه وأن صد لعشق سيد سيده
    جيت مابيك تحقرني جيت أبيك تعز شاني
    جيت أبي فزعة ظلوعك من مشاعرك البليده
    خلني داخل (حدودك) وأجبر بخاطر زماني
    أكذب بباقي (وعودك) وأصدق بلحظه سعيده
    أنتشلني من (برودك) لو تولّع بالمحاني
    عطني أحساس (بوجودك) وأخذ كل اللي تريد
    تكفى واليا قلت :تكفى بيع خلق الله عشاني
    لاتضيّع من يديني فرصة العمر الوحيده
    يعلم الله شفت منك ومن غيابك ماكفاني
    كان ماتقدر تخفف هم قلبي !! لاتزيده
    شف غيابك وش يسوي بالصدور وبالمباني
    وأنت تدري كيف كانت صدمت غيابك شديده
    والله أنك لو وصلت البيت متأخر ثواني
    مالقيت إلا بقايا
     
  4. نسيم الشوق

    نسيم الشوق ¬°•| مجموعة تفاعل لأجل البريمي |•°¬

    قلي على الله وابتعد عنك وارتاح.......قلي على الله بس من غير تجريح

    من شب نار الشوق ياشوق ماصاح.....واللي وطاها يشرح الجيب ويصيح

    لو لاالغلا ماهنت النفس ياصاح.........محبتي لك ماوراها مصاليح

    وشلون تنسى يالغضي كل ماراح.......مركب غرامك صار مع وجهت الريح

    القلب في يمناك ياعزوتي طاح..........حنا على شط الرجاء بك مجاريح

    جرحتني واحسبك للقلب جراح.........اشوف بعيونك على الصد تلميح

    قلي على الله وابتعد عنك وارتاح.......قلي على بس من غير تجريح
     
  5. مابقى الا سود الايام تحرمك الرقاد
    كيف الاوهام اتجرأ اتسريك مغبون

    من متى تجزع من الدمع وتخاف البعاد؟
    من متى تقفي بك ظنون وتجيبك ظنون؟


    صرت تاخذ كذبتي صدق، ومزاحي وكاد
    لو بقول اني بخونك تحسب اني بخون


    ماتعرف ان كل شاعر يهيم بكل واد؟
    وانهم دايم يقولون مالا يفعلون؟

    ابك انا لاقلت ابنساك وانكرت الوداد
    والله اني مانسيتك وولاهم يحزنون


    من جزع من صفعة الشمس يطمع بالبراد
    ومن فقد وجهاته الخمس يلقى بك ركون


    اعتبرها هفوة انسان او كبوة جواد
    لو بتسمح فانت غالي ولو تجرح تمون


    عد صداتك مروة وطعناتك ضماد
    خلهن لاراحن طعون ولا ردن طعون


    خنجرك يستاهل الطعن ومتوني شداد
    ومنك يازين الخناجر ويا بخت المتون


    ردلي حنية المزح باحساس الجماد
    خلنا واحد يجي صلب والثاني حنون


    موت فيني واندفن فيك بثياب الحداد
    وان حييت أموت لرضاك واحيا بك بهون


    مره ارقد بالكفن وانت ترقد بالمهاد
    ومرة ارقد بالمهد وانت ترقد بالكفون


    ادري ان شجونك شجون واعنادك عناد
    والبلا ان عنادك عناد وشجونك شجون


    ربك اللي سخرك لي تقود وما تقاد
    والله الخالق ولله في خلقه شؤون


    ازرع ضلوعي من رضاك وابشر بالحصاد
    لعنبو من جيت ترضيه وترد امحزون


    بس تسوالك بلد ؟ قول تسوالك بلاد
    انت كل العالم بكون ولحالك بكون


    مابعد محبتك حب ومرادك مراد
    غير كونك سيد حشاي تدري من تكون ؟


    نعمتين اختصوا الخلق من جود الجواد
    كافل الأرزاق من حيث مالا تعلمون


    البنون ونعمة المال بعيون العباد
    زينة الدنيا بلا شك في كل العيون


    مثل زينة دنيتي بس عندي شي زاد
    من عرفتك صاروا المال وانت والبنون


    انتشي بك نشوة التيه لعناق الرشاد
    وافزع الك فزعة القرم لشهاب الزبون


    واحصنك تحصين الأرزاق عن درب الفساد
    واعشقك عشق المظاليم لفراق السجون


    لو تزيد الشوق جمرة تحولني رماد
    لو يزيد العشق شعرة بوصل للجنون


    خل هقواتك كبيرة ونظراتك بعاد
    كانك انت بكبرك تهون من اللي ما يهون ؟


    ازعلك وارهن حياتي تحت رحمة زناد
    تهبى لا والله الا انت والموت تهبون


    عاد اذا ما ارضاك هرجي ولا اللي قلت فاد
    اننا لله وانا اليه راجعون


    وانت باكر بتعرف على ناس جداد
    والكلام يجيك من كل شكل وكل لون


    لاتحسب ان كل كلمة بتسمعها وكاد
    ولا تصدق هرج شاعر وتخدعك الظنون


    دايم اعرف كل شاعر يهيم بكل واد
    وان هم دايم يقولون ما لا يفعلون


    حتى انا اللي قلت اعشقك وما اطيق البعاد
    يمكن اطلع ماعشقتك
    ـــــــــــــــــــــــــــ
     
  6. نسيم الشوق

    نسيم الشوق ¬°•| مجموعة تفاعل لأجل البريمي |•°¬

    اقوى قصائد العتاب ...اتمنى تعجبكم

    --------------------------------------------------------------------------------

    اقوى قصائد العتاب . اقوى قصايد العتاب (اقوى قصائد العتاب ...اتمنى تعجبكم)

    انا زعلان منك حيل وشايل لك بقلبي عتاب
    واتمنى تحملني مثل ما اتحمل عتابك


    ترى بعض الصراحة جرح وثقل ونرفزه واعصاب
    ابي تسمع كلامي زين وتمسك زين اعصابك


    تعاهدنا انا وانته على إنا نكون احباب
    واحبابك هم احبابي واحبابي هم احبابك


    وش الي غيرك فجأه تكلم واذكر الأسباب
    انا بسمع كلامك زين وبسمع زين اسبابك


    رغم كل الخطاء منك فوجهك ما قفلت الباب
    ويوم اخطيت في حقك قفلت فوجهي ابوابك


    رخصت الغالي لعيونك حنيت لخاطرك ارقاب
    رضيت احنيها ارقابي ولا تحنيها ارقابك


    كفايه تمتحني هم وخل من ذم فيني وعاب
    ترى من عاب في غيرك ولو طال الزمن عابك


    ولا تفكر في يوم انساك او يشغلني عنك غياب
    انا اتنفسك اهواك وفيك اموت واحيابك


    انا ما شوف احد غيرك جميل بفتنته جذاب
    انا إعجابي فيك اعمى يفوق اعجاب اعجابك


    انا مهما قسى قلبي بكلمه منك احسه ذاب
    انا من زود عشقي لك عشقت العطر في ثيابك


    انا ياليت مغرم فيك انا كلي فغرامك شاب
    احسك جزء من روحي ولا اتحمل غيابك


    ولا قد طاب لي جرحك ولو جرحي لذاتك طاب
    عجزت اقدر اشوف الدمع بل اطراف اهدابك


    ولكن كل شي إلا جزاة الصد بالترحاب
    إذا صديت ترحابي ترى باصد ترحابك


    ولاني مرتضي ذلي ولو كان الهواء غلاب
    إذا ماكان ترضا بي حشاء لا يمكن ارضا بك


    ولاني قادر اتحمل عشانك غرست الأنياب
    انا كلي غدى مجروح من غرسات انيابك


    تجافيني ولا همك ولا تحسب لي أي حساب
    وانا من زود عشقي لك اصونك واحسب حسابك


    ألآ يا قسوة الصدمه تجيني منك الأصواب
    وانا الي كنت اقول الجرح إذا ما صابني صابك


    أمانه قول وش بقيّت للعذال والأغراب
    اذا هذا معي طبعك اجل وش حال اغرابك


    تمرد كان يحلى لك تعيب فطيبتي وتغتاب
    ولكني تراي اكبر من اني يوم اغتابك


    حقيقه اكتشفت انك سخيف بطبعك الكذاب
    واني كنت لك لعبة سخيفه تشبه العابك


    انا عيبي غبي طيب وضني فيك والله خاب
    ولا قد كنت اتوقع تجافي يوم اصحابك


    انا جيتك بطيب الطيب وفيك الطيب ابد ما جاب
    ابي تعذرني ها القسوة لأن الطيب ما جابك
     
  7. القلب الدافئ

    القلب الدافئ ¬°•| كتلوني للأبد|•°¬

    روووووووووووعه ويسلموووو
     

مشاركة هذه الصفحة