طـــــــــــاري العشرة

الموضوع في ',, البُريمِي لِـ/ للشٌعرٍوالْقصِيْد,,' بواسطة طلال الشامسي, بتاريخ ‏16 أبريل 2010.

  1. طلال الشامسي

    طلال الشامسي ¬°•| مُشْرِفْ سابق |•°¬

    دقيقه ضمني بصدرك واجمع للزمن لحظات

    يجي باكر وتتركني ويبقى طاري العشره

    او اني اتركك ساعه وتبكي عقرب الساعات

    تعال وضمني باكر... اموت وتنتهي بكره

    اريد آخرها أيامي اعيش باسعد الاوقات

    واريد الشمس في كفي تنام من الخجل حمره

    واريد الليل يغشيني مثل ما يغشي الواحات

    سكون وزمهرة بردن ونجمن يــــحرس القمره

    تعال وتمتم باذني واشرح عن هوى النظرات

    وانا كلي بتمتملك عن العشق وجزى النظره

    تريد الصدق _ _ من عيني تعال واحسب العبرات

    بعدها بتعرف الانسان كم يفرق عن الصخره

    انا ما قلتلك باني بشر في كلها الحالات

    اكيد اخطي ولا اخطي واكيد ازعل ولو مره

    اموت وانجرح واضحك واعيش الفرح والاهات

    من اللي قاللك عفوا اعيش الحب بالعثره

    يجي او ما يجي باكر نهاية عشرتك قد جات

    احاول ارسم ايامك ولا ألقى لــــها فكره

    احاول والعمر يرفض حتى بعالـــم الاموات

    اشوفك تمشي بيمي وكفك حاملن زهـــــــره

    تعال وبدل المره يا بعد المره والمرات

    تعال واحرق اعصاب الزمان واكسر الجره

    ثواني ضمني بصدرك وخلي للزمن للحظات

    نغيضه كلما قلنا هلا يا طـــاري العشره


    طلال الشامسي
     
    آخر تعديل: ‏16 أبريل 2010
  2. نسايم ريف

    نسايم ريف ¬°•| شاعرة |•°¬

    على طاري الفراق وحرته ومهامل العبرات

    ترى حتى الصخر يبكي وتخنق روحه العبره

    نشوف ان الصخر يحدر من العالي فتات فتات

    صحيح انه جبل جامد _ طبيعي دمعته صخره

    ولكنه يحـس ويهمل دمـوعه على مافات

    ويذكر كل ضحكات البشر فـ دروبه الوعره

    اذا كان الجبل واهو الجبل يضعف فـ هاللحضات

    أجل كيف البشر تقدر تخون وتنسي العشره ؟!




    صح لسانك يالشاعر

    قصيده في قمة الروعه

    جميله بكل معانيها والأحلى الإحساس اللي فيها

    واسمحلي ع البيتين

    كان ودي أكمل بس بتستوي مجاراة للقصيده ^^


    وأكيد تستاهل التقييم
     
  3. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

    هــلآبك آخووويه ..~

    يـــآويلي شو هالآبيـــآت الغ ـــآوية

    صح لسســـآن قــآيلهــآ

    ""

    تعال وتمتم باذني واشرح عن هوى النظرات

    وانا كلي بتمتملك عن العشق وجزى النظره

    تريد الصدق _ _ من عيني تعال واحسب العبرات

    بعدها بتعرف الانسان كم يفرق عن الصخره


    ""

    لآ هنت يخوووي ع الطررح ننتظر الزووود ..~
     
  4. سنافي

    سنافي ¬°•| عضو مبتدى |•°¬

    قصيده حلوه يعطيك العافيه وتسلم الشيخ
     
  5. بنت المقابيل

    بنت المقابيل ¬°•| مشرفة سابقة |•°¬

    طلال الشامسي صح لسانك

    ربي لا هان منطوقك

    تعودنا ع إبداعك الدايم

    تقبل مروري المتواضع
     
  6. خـجـل

    خـجـل ¬°•| عضو مميز |•°¬

    صح لسانك يالشاعر
     
  7. بنت المقابيل

    بنت المقابيل ¬°•| مشرفة سابقة |•°¬

    نسايم ريف

    صح لسانج

    لو كملتين ما شاء الله أبدعتي ف المجاراه

    كل الود
     
  8. مس كلوزر

    مس كلوزر ¬°•| عضو مثالي |•°¬

    صح لسااانك
    ماعرف ع منووو اعلق عليك ولا همس ^^
    ماشاء الله ابداع
    وربي لاهانك
     
  9. محمد الخروصي

    محمد الخروصي ¬°•| شـــاعر |•°¬

    اريد آخرها أيامي اعيش باسعد الاوقات

    واريد الشمس في كفي تنام من الخجل حمره

    واريد الليل يغشيني مثل ما يغشي الواحات

    سكون وزمهرة بردن ونجمن يــــحرس القمره



    لي قصيدة رسلتها للشاعر طلال وضفت فيها الكثير من أبيات وقصائد الشاعر ...

    وأقول في بيت يخص هذه القصيدة الأجمل من رائعة صور وموسيقى ألفاظ ما شاء الله أقول فيه :

    صدق وإن قالها قبلي ملك في حضرت السلطان
    نعم أمة حضارية تحاور طاري العشرة

    وإن شاء الله تصب لنا بريق قصيدتك التي احتواها البيت الشعري أمه حضارية ...


    تقبل مروري لك خالص ودي ...
     
  10. طلال الشامسي

    طلال الشامسي ¬°•| مُشْرِفْ سابق |•°¬



    يا مرحبا باختي الاستاذة نسايم

    تشريف مرورك الراقي والمجاراة اللي اكثر من رائعة

    قلت ارد على ابياتك لكن العين ما تعلى على الحاجب يا الشيخه

    يحفظج الرحمن بحفظه ويسهلج طريق الخير ... اللهم اميييين
     
  11. وافي وطبعي سنافي

    وافي وطبعي سنافي ¬°•| عضــو شرف |•°¬

    وصح لسانك وربي لا هانك ولا هان منطوقك
     
  12. سِكًـآرِيُبِ

    سِكًـآرِيُبِ ¬°•| طالب مدرسي |•°¬

    ثواني ضمني بصدرك وخلي للزمن للحظات

    نغيضه كلما قلنا هلا يا طـــاري العشره


    مااعليييك زوووووووووود....شاااعر بالحل..
     
  13. حلا بدويه

    حلا بدويه ¬°•| عضو فعّال |•°¬

    صح لسانك الشاعر..
    بصراحه كلمات قمه فالروعه..

    تقبل مروري
     
  14. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬


    روعه واكثر من روعه هالابيات
    سلمت يمناك ياخوي وصح لسانك
    ونرقب منك الزود
     
  15. طلال الشامسي

    طلال الشامسي ¬°•| مُشْرِفْ سابق |•°¬

    يسلم الجميع على المرور الراقي واللي وبكل صرااااحة ما عارف شو ارد واقول

    حفظكم الرحمن
     
  16. بطرانه

    بطرانه ¬°•| عضو فعّال |•°¬

    تسلم اخوي ع الابداع والتالق
    احاول ارسم ايامك ولا ألقى لــــها فكره

    احاول والعمر يرفض حتى بعالـــم الاموات
     
  17. طلال الشامسي

    طلال الشامسي ¬°•| مُشْرِفْ سابق |•°¬

    يسلمو على المرور الراقي
     
  18. مجروحة المشاعر

    مجروحة المشاعر ¬°•| عضــو مــهــم|•°¬

    ثواني ضمني بصدرك وخلي للزمن للحظات

    نغيضه كلما قلنا هلا يا طـــاري العشره




    صح لسانك ولا هان منطوقك

    وعلا شانك


    ابدعت اخوي كلمات قمة ف الابداع والذوق
     
  19. كراون

    كراون ¬°•| عضو مميز |•°¬

    تسلم على الجصيدة الحلوه
    يسلمواااااااااااااا
     
  20. طلال الشامسي

    طلال الشامسي ¬°•| مُشْرِفْ سابق |•°¬

    يسلموا الجميع وتشريف وعلى راسي
     

مشاركة هذه الصفحة