دقت الساعه وحان موعد السفر }...~

[حشيمة القلب]

بسم الله الرحمن الرحيم


السلام عليكم ورحمة الله وبركاته

حان موعد السفر وما بقى الا ساعات او بالاحرى يوم واحد

باجر ان شاء الله واذا اردا الله راح اسافر انا واهلي




فحبيت اودعكم واسلم عليكم قبل لا اروح

راح اشتاق للجميع وبشتاق للمنتدى ولمواضيعكم


لكن ان شاء الله راح احاول احدر من هناك واتابع اخباركم

واتطمن ع احوال المنتدى


فأتمنى من اللي انا مضايجتنهم او شايلين ع قلبهم علي انهم يحللوني


لاتتحرون تحللوني فالمختبر ههههههه


واتمنى انكم تدعولنا نروح ونرد بالسلامة

وطبعا غيابي راح يكون لمدة اسبوعين ماعني ادري

هالاسبوعين بالنسبه لأبوي شويه

ويخليهم شهر <<< متعوده ع هالحال

بس اتمنى ارد قبل و مانطول بالسفرة




المهم اشوفكم جميعا ع خير وديروا بالكم ع المنتدى

وكونوا ع يد وحده اخوان متحابين يساهمون ع بناء هذا الصرح للافضل

شوق قطر استقبلينا ههههه بننزل فمطاركم لساعات وعقب بنطير مره ثانيه جهزي الورد والمحاشي قبل لا انروح
<< بطينيه هع


اختكم في الله

حشيمة القلب

 

[♦L♦]

موفقه أختي فراوله وان شاء الله تروحين وترجعين بالسلامه

وبنكون في أنتظارج على أحر من الجمر

الله يعطيج العافيه

 

[*ڎڕبــۃ'ة ♛]

http://3.bp.blogspot.com/_qsgdMHHlPQA/SZ5TJ_Irp8I/AAAAAAAAA_A/LUgFj8FgBhI/s320/%D9%85%D8%B3%D8%A7%D9%81%D8%B1.jpg

 

[شووق قطر]

يحليلج والله رآح نفتقدج

ورآح تنزلوون ترآنزيت


عيآل مروونآ وتسآهلين نفرشلج وورد حمر وبعد بآسويلج خرووف محشي



ترووحين وترجعين بآلسلآآآمة يآآآرب

وتحملي برووحج عآد


وهآي اهدآء مني لج



ليت (السفر) بين المحبين ممــــنـوع
تحجز(جوازت) المـــــــــحبين بالذات

حتى لوأن ( السفر) حق مـــشروع
المشكلة..... لأهل الهوى حزن وآهات

لاغاب (خلّك) والرجاء فيه مقــطوع
لابه (رسايل) تاصلك واتصـــــــالات

الخط مغلق...كنّه (الكرت) مــنزوع
من ضيقتك تلعن جميـع الاشتراكـــــات

تضرب على الكفّين والقلب مفــجوع
تضيق بك عقبه جميــع المســـاحـــات

في ليل دامس ضايعٍ مابه شمــــوع
(الفكر) تايه فـي دروب المتاهــــات

(العين) تذرف بالدقايق له دمـــوع
و(القلب) عايش بين حسره وونـــــــات

لوّك تجر الصوت ماهوب مســـــموع
ياطول مـا بينـك وبينـه مسافــــــات

يمكن ظروفه متمشت له على طـــوع
ويمكن سلا فكره بروحـــه وجيّــــــات

سايح بدار(الغرب) والأجر مدفـــوع
يسرح ويمرح بيـن سجّـــه ولـــــــذات

الجو صافي بين خضره وينبـــــــوع
وأنت بسموم(القيض) مابه إجــــازات

الهم مدهالك من أسبـوع لسبــــوع
لاحل ذكرى (...) هلّيت عــــــــبرات

صار(السفر) كنّه مثل حبّة الكــوع
جمع الحبايب سابع المســـــتحيـــــلات

بس الأكيد أن (الغلا) فيك مـــزروع
(الحب) يبقى بالضمايـر ولا مـــــــات

الصدق قلته والزعل دوم مرفــــوع

وقت(السفر) تبدي كثيـر المعانـــــات

 

[Ąℓŋ3αỉмỉ]

ترروحين وتررجعين بالسلامه ختيه حشيمة القلب

ابد مااشفنا منج الا الخير

الله يحفظج ويرراعج ..

فدااعة الرحمن ختيه

 

[مشاغب]

وين


يالسين واقفين

 

[ShaDoW Ghost]

تروحين وترجعين بالسلامة ان شاء الله
و سفرة ممتعه ان شاء الله ....

 

[راعي صوغة]

ربي يوفقج أختي حشيمة ,
تروحيين وتردين بسلامة ان شاء الله

ونترقب عودتج ^^

 

[CR7]

تروحين واتردين بالسلامة

راح نفتقدج اختيه×_×

 

[حكاية روح]

حشيمة >< ..
الغالية تروحين وتردين بالسلامه ان شاء الله ..
بنشتاقلج وايد واولهم انا.. ><
واحنا فانتظارج .. ^^​

 

[موزة النعيمي]

حبيبة قلبي
اهئ
ترؤوحين وتردين بالسلامه
سلمي ع ابوج وقوليله اسبوعين بس يكفن..

وماعلينا سلمي ع الجماعه لي رايحه عندهم خخخخخخخ
اهم شي لاتنسين تيبين لنا شي وانتي راده..

لوول
راح نشتاق لج وربي.~

 

[سنيوريتا]

ان شا الله تسيري وتردي بالسلامه

ربي يوفقج

 

[جرووح دفينه]

الله يحفظج ويردج بالسلامه فوفو....ديري بالج ع نفسج...بجد المنتدى بيفتقدج...

 

[ذات أثر]

زين بتفكينا من ويهج ههههههههه

" امزح دبووه "

تروحي و ترجعين بالسلامة

و عاد نبا هدية من هناك

اذا ما يبتي لي شيء بعصى <----+ امحق

نتريااج يدووتي

 

[حشيمة القلب]

الله يسلمكم يارب

وتسلمولي يارب



خافق ادري انج ماتمزحين لان هذا الصج هههههههههه


يلا اشوفكم ع خير

وفداعة الله

 

[اثير]

اتروحين واتردين بالسلامه انشاالله

وربي يحفظج انشا الله
ونتريا عودتج

رح نشتااقلج

 

[حشيمة القلب]

وانا بعد والله بشتاقلكم


وتسلمين فديتج

 

[غيَّث]

تِيْك كِيْر ..
تْرُوْحِيْن وَتُرْدِين بِالْسَّلامَه مَس سَتُرُوَبَيْري ,
( أَنَا أَقُوْل لّيّش الْمُنْتَدَى يَنْقُص نُوْرِهـ)
شَكْلِه يُوَدَعج بِشَوْق أَن يُلْقاج ,
رَبِّي يَحْفَظْج ،​

 

[حشيمة القلب]

عزااااف اخجلتني صارن خدودي حمر وصفر وزرق هههههههه


تسلم ياخوي وربي يسلمك



وانتوا نور المنتدى والله وساسه

 

[إنسآنـﮧ]

درب السلامة أختي


والله يحفظكم وتردون بالسلامة أن شاء الله