1. نسيم الشوق

    نسيم الشوق ¬°•| مجموعة تفاعل لأجل البريمي |•°¬

    بسم الله الرحمن الرحيم

    السلام عليكم ورحمة الله وبركاته

    بصراحه انا وغيري ملاحظين في الفتره الاخيره ظاهرة التسول منتشره بشكل فظييييع منهم شامين كنت اشوفهم وااايد من بدايه دوار الشرطه لين دوار المزاحمي(الغزلان) يعني من حارة عبد العزيز لين الشريعه (شارع الخياييط)...
    المصيبه والطامه الكبرى كنت سايره البنك وسحبت اللي كنت اباه وفجاة يتني حرمه متنقبه تناديني وسرتلها جان تقولي ممكن تساعديني الله يجزيج خير نحن نريد نروح السعوديه وماعدنا عشان نعبي بترول وعطيتها 5 ريال وجاااااااان تقول بسسسسسسس خمسه ؟؟؟؟؟؟ فرديت عليها هيه بس هذيلا اللي اقدر عليهن وسمحيلي
    شوي وشوفها تلف ع السيايير تطلب الكل
    لا اله الا الله؟
    حتى الخليجيات ؟؟؟

    شو رايكم في هذي الظاهره اللي والله مايمر يوم الا واشوف حد منهم لااااااازم من صغير وكبير بنت وولد وحريم وبالاخص شااميين

    شكلها الجهه المختصه ماتدري ولا شو السالفه ؟؟

    تمنى الردود والتعليقات
     
  2. لحن الخلود

    لحن الخلود ¬°•| عضــو مــهــم|•°¬

    موضوع يستحق التثبيت انا مستغربة ليش فبريمي منتشرة هالظاهرة والله يوم اشوف الناس يطلبون فوادي يتقطع اقول ليش يسوون بعمارهم جي في ناس محتايين بس احسن يشتغلون ولا يذلون عمارهم الحرمة بالذات عيب تسوي جي وتستغل عيالها وتمشيهم فالشوارع شو ذنب هالياهل حرام ..اذكر قبل سنه حرمة يت بيتنا ومحتاية فلوس امي نصحتها قالتلها بدل ما تعذبين هاليهال بعطيج هالمبلغ سيري واشتريلج ملابس وعطور وبيعيهم المهم سمعت الكلام وفيوم الثاني شفناها يايبة عطورات وملابس جاملناهاواحترمناها واشترينا من عندها انا من رايي الناس ينصحونهم وصارت سالفة صدجية قبل شهر حرمة فالشارع فحضنها ياهل ما مكمل 7 شهور يت سيارةجان الياهل يطير من ييد امه ونقلوهم المستشفى الام تعورت وطبعاخسرت الياهل هب حرام جي يسوون..؟؟؟
     
  3. جعلاني ولي الفخر

    جعلاني ولي الفخر ✗ ┋ جًعًلٌأَنٌيِ وَلِيَ أُلّفّخِرَ أُلٌمًسًرًۇۈۉرً

    شكرا على هذا الطرح !!!

    الحمدلله ماعدني شي من هذه الظاهرة !!
     
  4. انيس الروح

    انيس الروح ¬°•| عضو مبتدى |•°¬

    نسيم الشوق
    جزاك الله خير على الموضوع المميز وبارك الله فيك

    ظاهرة التسول حقا انها ظاهرة منتشرة وقد لاحظت هالشي بالبريمي

    وبكثرة وخاصة بفترة المسائية

    وأعتقد من أهم أسبابه الفقر المصاحب للكسل

    فيبحث هذا الفقير عن أسهل الطرق لقاء لقمة العيش

    ولا يفكر في عواقب هذا الإختيار


    وأعتقد أن الغالبية إتخذوها كمهنة

    فقد يكون مقتدر ولكن يعتبرها هواية أو مهنة يمارسها

    لماذا ؟

    لا ادري

    والمصيبة الأكبر هو جلب الأطفال الصغار معهم في هذا العمل

    وفي ظروف سيئة ولا يفكرون بماذا سيحدث لهم

    ولكن الأهم بالنسبة لهم هو تحريك مشاعر الناس والحصول منهم على صدقة

    وهي في الآونة الأخيرة قد إنتشرت وبكثرة وخاصة بمحافظة البريمي

    ولكن التبرع للمتسول بهذا الشكل العشوائي يعتبر مساعدة لنشر هذه الظاهره

    اتمني من الجهات الحكومية المختصة بهذا الشأن أن تتخذ كافة الاجراءت الصارمة للحد من هذه الظاهرة

    والسموحة ع الاطالة
     
  5. رماد الشوق

    رماد الشوق ¬°•| فخر المنتدى |•°¬

    بصراحة مو من كل يطلب فقير
    نصهم عياره فيهم مب محتاجيين
    تسلمين ع الطرح
     
  6. خُــرَآفـهَ

    خُــرَآفـهَ ¬°•| عضو مميز |•°¬

    صحيح انا بعد لاحظت انتشار هذي الظاهره
     
  7. سنيوريتا

    سنيوريتا ¬°•| مُشرِفة سابقة |•°¬

    انا شفت تسول بس بطريقه شوي غير

    ولد لابس كندوره وسخه ويبيع مسابيح عندالمركز >>>عرفناه فقير بس ليش وسخ>>اعتقد انه باكستاني

    كنت بعطيه بكس بس كان الشارع مزدحم
     

مشاركة هذه الصفحة