1. محمد الخروصي

    محمد الخروصي ¬°•| شـــاعر |•°¬

    عادات مجلسها ف عيني ودمي
    فضت بكارا القاف ببيوت جزله

    وعادات ما تحلى لجدي وعمي
    صارت مع الأيام أحلام طفله

    الانسان بخلاقه ولو كان أُمي
    يقرا ويكتب من شهادات أهله

    لا جاتك افعاله بخيره تسمي
    ياقف بدال سهيل ويشب شعله

    وانسان من حاجات عظمي ولحمي
    يجسب موازين المراجل بجهله

    ما داحم الضيفان والوقت وسمي
    الله عليها جات لعلوم سهله

    أوقات يحلالي خطابه الرسمي
    وارفع غطى جوهره ويبين غله

    يعني أشوف فلان تمثال وهمي
    توحم فواده وجوفه وعقله

    ما هي على شارب ولحيه ونشمي
    ولا هي على قانون وحكام مِله

    الفكره ما هي دمع والحل كمي
    بعض الدموع تصير بالعين حفله

    سيف المراجل لانتخيته يسمي
    يسد بسلومه ويحكي بعدله

    طبع السنافي لفزع صار يمي
    وطبعي أشق اليم وارجع أشله

    تدري من أحقر شخص فعيون أُمِّي؟
    إللي يشوف الناس بعين فعله




    ريان القصيد
     
  2. سفير الحب

    سفير الحب موقوف

    شكرا على هذا الإبداع
     
  3. نسايم ريف

    نسايم ريف ¬°•| شاعرة |•°¬

    صـح لسانك الشاعر وتسلم على هالأبيات الرائعه

    ونتريا الجديد ياخوي وتستاهل التقييم
     
  4. مرهم كل عوق

    مرهم كل عوق ¬°•| عضو فعّال |•°¬

    كلمات رائعه أخوي ريان القصيد

    ماعليك زود

    يزاك الله كل خير
     
  5. بو جسيمـ

    بو جسيمـ ¬°•| شاعر |•°¬

    صح الله لسانك الشيخ ~ كلمات جزلهـ

    نتريـآآ الزود ,, فـ داعة الله
     
  6. محمد الخروصي

    محمد الخروصي ¬°•| شـــاعر |•°¬

    من ذوقك يا سفير ولا هنت !!!
     

مشاركة هذه الصفحة