أول مشاركه

الموضوع في ',, البُريمِي لِـ/ للشٌعرٍوالْقصِيْد,,' بواسطة عذب القوافي, بتاريخ ‏21 مارس 2010.

  1. عذب القوافي

    عذب القوافي ¬°•| مجموعة تفاعل لأجل البريمي|•°¬

    الغيره
    يا كثر الناس لي قالوا ورمسوا عني بالإجماع
    وياما قالوا يا حظي تحاول تكسب الشهره
    وياما حاولوا طعني وجرحي بس بالأوجاع
    وانا من قولهم أضحك ولا يحرك بي الشعرة
    وأرد أقول قم عيد السوالف يا قوي يا شجاع
    وحاول تنشر الأخبار خلها توصل الزهره
    وأزيد آعيد يا حاسد أيا نمام يا قطاع
    أنا ماهمني لو قالوا عني الناس أي فكره
    لأن الغيره تذبحهم وهم في القاع تحت القاع
    عشان يحاولوا صيدي ويرموني بهالحفره
    أنا شعري على قدي وبدا في داخلي يلتاع
    ويدي قال لي جمله : تراه الشعر بالفطره
    أرى الغيرة طبع مب زين خلو عندكم إخضاع
    وكل إنسان مهما كان ... يبني نفسه وقدره
    دروب الفتنه الشينه خطيرة ولا لها أي داع
    تكرّه أهلي وخلي وتسويلي كما ضره
    انا من رأيي يا خلّي قوم غيّر هالأطباع
    ترا والله ما أهتم بس تزيدني بطره
    ترا من قبلنا قد قالها المحياس مع فزاع
    اللي يصدق الرمسه ماتسواله هالعشره
    فخاف الرب يا غيران يا كذاب يا خداع
    وحاول تعرف دروبك وتكسب منها الخبرة
    ولاتحاول ترا السمعه ماكل من شراها باع
    وأنا بغيرتك يا انسان أكون اليوم مفتخره
    وأي واحد ترا منكم على عيني نجم لماع
    إذا الحساد تتزايد عليه وأصبحوا كثره
    ولو تبحر سفينة مجد خلوني أنا الشراع
    ونبحر في بحر طيبة وللأشرار ألف حره
    اذا تبغي الزمان يطيع خلك صاحبي مطواع
    وافرح لي كثر ذكرك وذكرك شاع من ذكره
    ترانا في زمن أصبح شرا الغابة قتل وصراع
    ولازم انت تتحمل وتتقبل بعد عذره
    ويا غيران يا حاسد ويا لباس أردى قناع
    فلا تحسب بتغلبني ولو مره ولو بنظره
    وأختم هالقصيد اليوم وقلبي واسعن ملتاع
    وأطلب منكم هالعذر والغيران يكف شرّه
     
  2. من شرااااتي

    من شرااااتي ¬°•| عضو مميز جدا |•°¬

    لأن الغيره تذبحهم وهم في القاع تحت القاع
    عشان يحاولوا صيدي ويرموني بهالحفره


    صح لسانك الشيخ

    ابداع
    اســــــتمر



    تسلم
     
  3. نسايم ريف

    نسايم ريف ¬°•| شاعرة |•°¬

    صــح لسانج الشيخه وربي يعطيج العافيه على هالإبداع

    ماشالله عليج اذا هذي البدايه فكيف بعد فتره ؟!

    تستحقيين التقييم والــ5 سـتارز
     
  4. انيس الروح

    انيس الروح ¬°•| عضو مبتدى |•°¬

    روح السجايا

    مشاركة طيبة ومحاولة جيدة وبداية موفقة ...
    القصيدة بها بعض الملاحظات مثل الاوزان والقافية وكلماتها كالكلام العادي أو ربما يشبه ما يسمى بالشعر الحر وليس النبطي ولكنك تمتلكين حس الشاعرية اتمنى أن تحسني من قدراتك وإلى الامام ...
     
  5. بنت المقابيل

    بنت المقابيل ¬°•| مشرفة سابقة |•°¬

    روح السجايا ما عليك زوووووووووود

    صح لسانك


    نتريا الزودمن الأبداع
     
  6. ريف المحبة

    ريف المحبة ¬°•| عضو فعّال |•°¬

    بداية حلوة

    اتمنالج الرقي والتوفيق
     
  7. a picky girl

    a picky girl ¬°•| مُشرِِفَة سابقة |•°¬

    مشكووووووووووووووووووووره روح السجايا واختيار موفق
     
  8. عذب القوافي

    عذب القوافي ¬°•| مجموعة تفاعل لأجل البريمي|•°¬

    مشكورييييييييين ع المرور الطيب
    أناأحب النقد وعادي بالعكس أتحمس
    عيل دام الكل وياي ويشجعني بكمل مشواري
    وياريت إذا في من بينكم شعراء مختصين يفهموني بالتفصيل وين الكسور أو الخطأ بالضبط
    شجعتوني بصراحه ع المشاركه
    عيل بشد حيلي وبكمل مشواري
    وثانكسااااااات
     
  9. stay away

    stay away ¬°•| عضو مميز |•°¬

    مشكوووووووووووورة خيتو

    و إلى الامااام داااائما

    يسلموووووووووو

    تقبلي مروري
     
  10. الظاوي

    الظاوي ¬°•| عضو مبتدى |•°¬

    صح السانج وما عليج زود
    قصييده حلوه وبدايه موفجه
    ما شاء الله عليج
    (خمسه وخميسه ف عيون العذال)
    ويعطيج العافيه
    ننتظر يديدج
     
  11. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    ااااااااااااالله علييييج

    بأمانه ابدااااااااع يالغلا


    كلمات جميلة وقوية


    لاخلا ولا عدم من هالمشاركات الطيبة

    وبأنتظار جديدج

    ^^
     
  12. حمدان الغافري

    حمدان الغافري ¬°•| عضــو شرف |•°¬

    صح السانج

    عجبني في شعرج روح التحدي والثقة بالنفس + توجيه الخل أو الحبيب لتغيير أطباعه

    إنتي شجاعة:belokan:
     
  13. عذب القوافي

    عذب القوافي ¬°•| مجموعة تفاعل لأجل البريمي|•°¬

    مشكوووووووووورين وايد وايد وايد على مروركم الطيب وانتقادكم المتواضع
    ربي يحفظكم وشدوا حيلكم
     
  14. سبونج بوب

    سبونج بوب ¬°•|عضو موقوف |•°¬

    ههههههههههههههههههههههههه

    حلو بس يضحك هههه ~
     
  15. مرهم كل عوق

    مرهم كل عوق ¬°•| عضو فعّال |•°¬

    روعه الكلما ياروح السجايا

    إبداع الصراحه


    يزاكم الله كل خير
     
  16. غامضة المشاعر

    غامضة المشاعر ¬°•| عضو مميز |•°¬

    بدااااااااااااااية أكثر من روعة
    صح لسانج
    عادة عنوان قصيدج عن الغيرة
    وانا غرت من كتاباتج الحلللللوة
    فنتك
    دوم احاول اكتب شعر بس ما وصلت لمستواج الراقي
    قصيدة حركت مشاعري الغامضة
    نترياااااا الزود منج
    تسلمين خويتي ع هالابداع يا صاحبة الروح السجية
     
  17. يوسف الكعبي

    يوسف الكعبي ¬°•| شـــاعر|•°¬

    لأن الغيره تذبحهم وهم في القاع تحت القاع
    عشان يحاولوا صيدي ويرموني بهالحفره


    صح الله لساااانج

    ابيات جدا جميله شكلا ومضمونا

    وبداية فعلا قوية
     
  18. طبعي الوفا

    طبعي الوفا ¬°•| عضو مميز |•°¬



    ماشاء الله عليج

    الله يعطيج العافيه ع ابيات الشعر

    تقبلي مروري
     
  19. وافي وطبعي سنافي

    وافي وطبعي سنافي ¬°•| عضــو شرف |•°¬

    صح لسانك ويعطيك العافية وربي لاهانك
    قصيدة حلوة
     
  20. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    احم

    قصيده طيبه وحس شاعري طيب


    لو بس تركزي على القوافي والاوزاان


    حاولي تقطعي القصيده مالج


    وشووفيهم كلهم على نفس الوزن او في اختلاف


    ربي يعطيج العافيه


    احتراماتي

    سويرة
     

مشاركة هذه الصفحة