تدري وش اللي يجرح القلب جرحين

من شرااااتي

¬°•| عضو مميز جدا |•°¬
إنضم
22 فبراير 2010
المشاركات
507
الإقامة
في بيتنا
السلام عليكم
هذي القصيده كتبتها قبل عاميين وثلاث شهور
واتمنى تعيبكم





تدري وش اللي يجرح القلب جرحين
..................ويمد حبـل الحـزن فيـك ويشـدة

انك تناظر طفل مـن غيـر ابويـن
.................يمشي ودمعـة سايـل فـوق خـدة

منظر صعيب ويقسم القلـب قسميـن
................لا قـام يمسـح دمعـة بكـف يـدة

يمش ولا يدري طريقة علـى ويـن
...............لين التعب من كثـر مـا تـاه هـدة

اثقل حـروف يشيلهـا فيـة حرفيـن
...............لا أب يـدريـبـة ولا أم تـــردة

في خطوته رحلـة ودمعـة وسكيـن
................وحـظ توسـد بالمراسـي مـخـدة

جيت اسألـة بالله قللـي ولـد ميـن
...............وبغي يجاوب وختنـق صـوت ردة

أنـا يتيـم ومـا لدربـي عنـاويـن
...............وجزر الحزن فينـي يسـاوي لمـدة

وطعم الطفولة ما عرفته لهـا لحيـن
.............وثوب السعادة صـرت مانيـب قـدة

ابكي إلى من شفت غيـري سعيديـن
................ليـن البكـا فينـي يوصـل لحـدة

واقفي ورحت امسح دموعي من العين
...............وعيني تناظـر دمعتـه فـوق خـدة

وهذا اللي يجـرح القلـب جرحيـن
..............ويمد حبل الحـزن غصـب ويشـدة


اتريا الردود
 

العا(هدوء)صفه

¬°•|عضًوٍ شرفُ|•°¬
إنضم
30 سبتمبر 2009
المشاركات
1,676
الإقامة
في قلب كل البشر
صح لسانك شاعرنا
قصيده فيها كل معني الاسى والالم
حاولت ان تلملم فيها من مشاعرك ومشاعر الطفل
يعطيك الف عافيه

جيت اسألـة بالله قللـي ولـد ميـن
...............وبغي يجاوب وختنـق صـوت ردة
عنك اهني ناقص حرف الالف
فيه قاعده في علم العروض
كل ما ينطق يجب ان يكتب
وما لا ينطق لا يكتب
 

نسايم ريف

¬°•| شاعرة |•°¬
إنضم
29 سبتمبر 2009
المشاركات
1,503
تسلم \ ين ع القصيده الأكثر من روعه

وربي يعطيك العافيه ع الإحساس الواضح فالكلمات
 

بنت الكعبي

¬°•| عضو مميز جدا |•°¬
إنضم
5 مايو 2008
المشاركات
528
الإقامة
داخل بيتنا
اممممممممم ماشاءالله ماشاءالله وربي كلمات فوق مستوى الابداع

صياغه البيت الشعري جميله ومتوازنه

لاشلت يمناك... اخوي + اختي
 

sho0osho0o

¬°•| عضو مبتدى |•°¬
إنضم
6 أكتوبر 2009
المشاركات
37
الإقامة
ديااااار بن كعب....... ف بيت اوبوي
صح لسسسسانج


نايس ابيات معبره الصراحه

ننتظر يديدج
 
أعلى