مواقف مضحكة للمتزوجين حديثا

الموضوع في ',, البُريمِي لِـ الصُــور و الطّرائف ,,' بواسطة بنت ابوي, بتاريخ ‏2 مارس 2010.

حالة الموضوع:
مغلق
  1. بنت ابوي

    بنت ابوي ¬°•| مٌشرِفَةْ سابقة |•°¬

    السلام عليكم أخواني أخواتي ..

    حبيت الموضوع هذا يكون فيه نوع من الوناسة والضحك وأرجوا أن لا أحد يتضايق :) ..

    1) وحدة تقول زياراتها للمطاعم مع أهلها قليلة
    المهم بأول أيام زواجها دخلت مطعم مع زوجها
    زوجها قال للجرسون : عطني المنيو .
    وسألها : أنتي وش تبغين ؟
    قالت له : أبغي منيو مثلك ..





    2) وحدة كان الخجل ذابحها تقول كان زوجها كل يوم يجيب لها الأكل لما كانو في الفندق وهي مسوية روحها ماتشتهي وماتحب هالأكل وغيرها من أعذار الخجل
    وتظل تناظر الزوج ياكل وهي ميتة جوع
    وفي يوم من الأيام صار وقت الغداء
    ونفس الحالة الزوج يعزمها : يالله ياحياتي نتغدى .
    ترد عليه تقول : ما اشتهي كل انت عليك بالف بالعافية ... وهي ميتة جوع
    وشبع الرجال من الأكل بنفس الوقت دق الباب وطلع الزوج العريس يشوف من عند الباب
    قالت العروس في نفسها : أكيد بيتأخر
    ونزلت على الأكل وقعدت من فرط جوعها امسكت الدجاجة بيدينها وفتحت الفم ع الآآآآآآآآآآخر
    وفي هذه الأثناء
    شاهد الزوج المشهد وقال :أشوفك منتي مشتهية تاكلي
    وهي خلاص دوروها مسكينة ماتلقونها
    وخلص دور تمثيل الخجل




    3) في وحدة شعرها دايم يحتاج ستشوار مو ناعم
    المهم ستشوارها تعطل ولاتعرف شصار فيه
    عاد هي وذكاءها تذكرت المكواة الخاصة بالملابس
    خذتها وراحت على طاولة الكوي وهات ياكوي بالشعر
    وصار لها نفس الموقف وحضر الزوج
    صادوه شافها الزوج منسجمة تكوي الشعر الرجال انهبل على باله تزوج وحدة مو صاحية




    4) وهذا موقف وحدة بشهر العسل تقول كانوا مسافرين خارج السعودية واشتهت تاكل بمطعم عربي المهم لقت مع زوجها مطعم لبناني ومن ضمن قائمة الطعام مع المقبلات زيتون ومخلل والجرسون واقف ياخذ الطلبات من الزوج ولمسكينة كانت تحاول تمسك الزيتونة بالشوكة الا تطير الزيتونة وتصفع وجه الجرسون قال الجرسون : عندنا بلبنان ناكل الزيتون بايدنا !
    عاد صاحبتنا ماسكتت ردت عليه وقالت : عدنا بالسعودية نصيده بالشوكة
    وزوجها للحين ماخذها عليها كلما شاف زيتون يقول لها : تاكلينها بالشوكة والا بايدك




    5) وحدة تقول : أنا متزوجة ولد عمي وأول ماتزوجنا رحنا بريطانيا منها شهر عسل ومنها عنده دورة تقول مرة دخلنا مطعم وقعدنا واخذت المنيو وقعدت اناظر الكلام فيه كله بالانجلينزي وماعرف ولا كلمة منه تقول زوجها اختار والجرسون ضل واقف يحتريها تختار قال الزوج : أساعدك بالاختيار؟
    قالت : طايحة من عينك أنا اعرف اختار
    المهم اختارت طلب لفت نظرها طريقة عرضه وتصميمه فكرته شي حلو
    وقالت : أبي هذا
    قال زوجها : متأكدة ؟
    قالت :ايه اصلا من زمان أطلبه لما كنت أطلع مع أهلي
    تقول قال لها : أبشري وهو يضحك
    ولما وصل الطلب ... و معكرونة وهي وجبة أطفال .




    6) يقولون في وحدة تستحي من زوجها بالمرة ..تضايق الزوج وكلم خواته وامها حتى يكلمونها
    المهم أزعجوها بالنصايح : أنتي لازم تمزحي مع زوجك سولفي العبي اضحكي معه
    قالت : ماقدر .... المهم طولوا عليها بالكلام
    وفي مرة من المرات سبقها زوجها ينزل الدرج
    قالت : فرصة أمزح معه شوي عشان مايشوفني
    المهم الذكية دفت الزوج من الدرج واستقر بآخر الدرج وهو يتشقلب وقعد يون ويصيح من الألم
    وقال لها : شفيك ؟
    جلست البنت تصيح وتقول له : كله من أهلك يقولون امزحي معه وهذي آخرتها .



    7) وحدة بأول زواجها واهي طالعة مع الزوج احتاجت الحمام واستحت تقول له وهو شكله ماعنده نية يروح لمكان فيه حمامات
    المهم قعدت تفكر تدور اسلوب حلو تقول له عشان ماتخرب بريستيجها عنده
    قالت خلاص بقول له : أبغي دورة مياه أحسن وأشيك من كلمة حمام .
    خلاص اجمعت شجاعتها وقالتها : أبغي أروح لدورة الحمام
    مالقت الا الزوج ميت ضحك يقول : ياعيني عـالاتكيت!




    8) وحدة تقول أول ماتزوجت كانت تدرس وزوجها يوديها وياخذها من الجامعة
    المهم مرة كانت واقفة تنتظره وتشوفه بعد كم سيارة المهم لما وصل لعندها مشت حتى تركب السيارة وهي عاد كانت تمشي بغنج مشية دلع ونعومة الا .....طررررررراخ .... وتطيح المسكينة طيحة جلست عـالأرض وتناظره وهو مايشوف الا راسها ولا تحركت والشارع مليان رجاجيل المهم المسكينة قامت دخلت السيارة وهي تصيح وهو يضحك قالت له : حتى ماتعرف تسلمي علي .



    9) وحده توها متزوجه وعزمها زوجها على مطعم المهم هو أخذ المنيو وطلب عصير .. وهي تطالع في المنيو وتقرا قالت في نفسها باختار أغرب اسم كاشخه قدامه ..

    قال يالله وش تبين قالت ..
    ارقيله ويطالع فيها ويضحك توقعها تستهبل قالت وش فيك ؟؟
    قال تعرفين وش هي الأرقيله قالت ايه انا اصلا اذا رحت مع اهلي للمطعم دايم اطلبها .. شين وقوة عين
    قال براحتك قال للجرسون جيب لي عصير برتقال وجيب للمدام طلبها .. شوي الا الطلب جاي اخذ الرجال العصير وحط قدامها الارقيله الحرمه انصدمت ..هيه وش هذا وش جبت لي .. قال زوجها هذي الارقيله اللي تطلبنها دايم مع اهلك ..
     
  2. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    والله هآلمضوع مآلة حــــــــــــل

    متت ضحك امحطمهم العبط
    هههههههههههههههههههههههه

    تسلمين يآقلبي ع الطرح الفرفوشي المتميز
     
  3. لعيونكـ أشتاقـ

    لعيونكـ أشتاقـ ¬°•| عضو مثالي |•°¬

    هع هع هع

    مـــا شالله دوومــ أهي تطلبه عند أهلهـــا

    خخخخخخخ

    تسلمين بنت ابويــ!!
     
  4. almamari

    almamari ¬°•| عضو مثالي |•°¬

    الله يعين حرمتي المستقبلية لا تظهر شرات هذولاء :giving-up:

    موضوع غاوي وحلو صراحه واعتقد معظمهن حقيقي
     
  5. رماد الشوق

    رماد الشوق ¬°•| فخر المنتدى |•°¬

    خخخخخخخخخخخخخخخخخخخخخخ

    الله يستر ..
     
  6. نملة متحنية

    نملة متحنية ¬°•| مُشرِفَة سابقة |•°¬

    ههههههههههههههههههههههههههههههههه

    وحليلها عاد بنت ابووها لاتسووين جذه ههههههههههه

    الله يوفقنا ولا نسوي جذه ععععععع ولا بيضحك علينا من الخاطرر
     
  7. ذبحهم غروري

    ذبحهم غروري ¬°•| فخر المنتدى |•°¬

    هههههههههههههههههههههههههه حلوووووووووووووه
    يسلمووووووووووووووووووووووووووووووووو
     
  8. رحآيل

    رحآيل ¬°•| مُشْرِفة سابقة |•°¬

    ههههههههههههههههههههههههههههههههههههههههههههههههههههههه
    والله يموتون من الضحك ..
    خاصة مالت المنيو والدري هاييك ..ههههههههههههههه
     
  9. a picky girl

    a picky girl ¬°•| مُشرِِفَة سابقة |•°¬

    هههههههههههههههههههههههههههههههههههههه
     
  10. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    زييييييييييييييين
     
  11. بنت ابوي

    بنت ابوي ¬°•| مٌشرِفَةْ سابقة |•°¬

    تسلمووووووووووو ع المرور الغاوي
     
  12. من شرااااتي

    من شرااااتي ¬°•| عضو مميز جدا |•°¬

    ههههههههههههههههههههههههههههههههه


    صراحه روعه


    تسلمين الشيخه
     
حالة الموضوع:
مغلق

مشاركة هذه الصفحة