(( شوفو الــخبث لين وين وصل ..,’ ))

نملة متحنية

¬°•| مُشرِفَة سابقة |•°¬
إنضم
3 نوفمبر 2009
المشاركات
2,102
الإقامة
في بيتنا ^.^
بسم الله الرحمن الرحيم
قصة البنت ..
بنت محترمه حشيمه عاقله بس طيبه وايد تحب تساعد الناس
مواضيعها قويه تدل على هيبتها ردوده تدل على ثقلها ورزانتها
ويوجد الكثير مثل هذي البنت في منتدانا بنات اصل وفصل ..
المهم
هذي البنت تحكي قصتها وتقول ..
كنت اخدم الكل واسوي تواقيع للكل سويت لي صداقات فالمنتدى
اخوان واخوات عمري ما غلطت في حق انسان بس اذا حد غلط علي ياويله
درات الايام والبنت صارت عضو مهم فالمنتدى
جاتها رساله خاصه من واحد معجب وقل ادبه حقرته وحرقته بكلامها
وقالت له تخيل اني وحد من اخواتك سكت ولانه مريض قال بنتقم
ليش هاي ترفضني وانا وانا وانا يعني مداح نفسه الريال
المهم والاهم
فكر الريال كيف يقهر هالبنت المسكينه اللي مارضت تخون اهلها وتبيع نفسها برخيص
وتعرفون شو سوى؟
اشترك فالمنتدى بس
بنك بنت ..!!
وغير عمره ونزل مواضيع ورد على مواضيع وكل ماتنزل البنت موضوع ردت عليها
برد يجذب البنت على اساس انه بنيه والبنت على نياتها
اللي صار بعد تقريبا شهرين (( له طولة بال مب طبيعيه))
طرش لها رساله خاصه ..!!
المرسل
السلام وعليكم
شحالج يا
انا بصراحه متلومه منج بس مالقيت حد غيرج وبطيبة قلبج
بصراحه اباج تسويلي توقيع لاني ماعرف اذا مافيها ازعاج
صوره ونشيد اسلامي (سبحان الله)
ردت عليه ع انه بنت ..!
وعليكم السلام
بخير دامج بخير
افا عليج ياختي بسويليج من عيوني بس طرشيلي الصوره والنشيد(شكلها البنت متدينه)
المرسل
امممممم للاسف انا ماعرف احمل الصور ولا الاناشيد
انزين ممكن تضيفيني عندج عالايميل واطرش لج الصوره والنشيد وعقب سويلي بلوك
ضافو بعض وطرش الصور وسوتله توقيع
وتم صديقات وسوالف
والريال يقول اليوم انا بسير العمره على اساس انه بنت..!!
والبنيه تقول ياحليها هاي وايد محترمه
وقام الولد يراويها صورة يهال على اساس انهم اخوانه والبنت مصدقه ..!!
وقال تبيني اراويج صورتي ..؟!
قالت البنت هيه فضووول
وطلع الها صورة بنت محجبه وراواها ( شوفو الخبث كيف )
وقامت البنت على نياتها مسوين حفله فالبيت وقالت بوريج ربيعتي الصور
ويارباه يالمصيبه ..!!!
راوت الريال صورها وصور الحفله واخواتها وكل شي (الطيبه تصير غباء فكل الاوقات)
قام الريال سرق الصور كلهن ..
والمفاجئه اللي صيح البنت
هددها وقالها انا فلان وانا وانا وماعرف شوووو
ماخلى شي ما قاله والبنت تصيح وتصيح
بس بعد شوووو ماتفيد الدموووع عورتها طلعت جدام ريال غريب والله مصيبه
قال بنشر الصور وخوفها وطلب فلوس ويبا اشياء ثانيه
حسبي الله ونعم الوكيل
الله يعينها ..
نصيحه لك اخواتي ..
لاتثقون فاي شخص ..ومب كل شخص مثل ما تتوقعون ..
ترى الاصابع ما تتشابه وعيال
 

بريمي دار عيني

¬°•| عضو مميز |•°¬
إنضم
9 فبراير 2010
المشاركات
429
الإقامة
فَ عزوتيَ إلبريميَ $:.
اي والله ...
خذ من اليوم عبره ومن باجر خبرة وعيش حياتك
والله يسهل عليكم باااارب ...
بريمي دار عيني
 

»̶»̶̥ м̽ɐ̲łќ 3̨̐τ̅н̲

¬°•| طالب مدرسة |•°¬
إنضم
8 أكتوبر 2009
المشاركات
5,671
العمر
28
الإقامة
في القمر
تسلم اخوي ع القصة
 

شووق قطر

¬°•| مراقبة عامة سابقة وصاحبة العطاء المميز |•°¬
إنضم
29 سبتمبر 2009
المشاركات
27,429
الإقامة
قـــلــبي""الـــدفــــنــــه""
الله يستر علينآ والثقه ابهآلزمن صعبة

والطيبة آكبر مشكلة

تسلمين نمووووووووووووولة ع القصه
 

نملة متحنية

¬°•| مُشرِفَة سابقة |•°¬
إنضم
3 نوفمبر 2009
المشاركات
2,102
الإقامة
في بيتنا ^.^
الله يعافيكم انشاءالله

وقرووب انا اخويتك مب اخووك ؟؟

يلا شكلك ناش من الرقاد هههههههههههههه
 

AL W$WAS

موقوف
إنضم
5 يناير 2010
المشاركات
2,756
الإقامة
♠ حــارة الـمجـرمـيـن وعـالـم خـاص فـيني ♠
يسلموووووووووووووووووووووو
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
لا تعليق


احتراماتي


سويرة
 

a picky girl

¬°•| مُشرِِفَة سابقة |•°¬
إنضم
31 يناير 2010
المشاركات
2,893
العمر
34
الإقامة
Among Stars
thanks u sis
 

تجرحني الذكرى

¬°•| عضو مثالي |•°¬
إنضم
30 أكتوبر 2009
المشاركات
1,037
الإقامة
البريمي
يحليلها بس المفروض ما تثق في حيالله حد فهالزمن حتى اللي تثق فيه احيانا يغدر بك .....
تسلمين نملة متحنية ...
 

كتكــوته

¬°•| عضو فعّال |•°¬
إنضم
11 مارس 2010
المشاركات
149
يقولوا البنات خبيثات وكيدهن عظيم أحين ما شاء الله الشباب أخس وأدمر مسوي فيها ريال أونه ينتقم إلي يسمع ماكله حلاله ولا شي عيل لو ماكله شو بيسوي ؟؟
والله شي عجيب .. الله يستر علينا وع جميع المسلمين
تقبلوا مروري
 

غيَّث

¬°•| ɢʜᴀɪᴛʜ |•°¬
إنضم
16 فبراير 2008
المشاركات
959
:a054:
سبحان الله ، هو يعني سرق صورتها ؟

وليش سوآا كذي .

صدق انه ما يستحي ع ويهه

.

صدق ان الناس كلها مو واحد .

.

بنات أنا أنصحكن ودرن المنتديات وهالخرابيط .

.

أحسنلكن عن المشاكل

:29:

ههه

.

تحياتي

.

عزآف
 
أعلى