•{ شموخـي هز آلصقـر ,, لين آفقده كبريآءه «..

[ღ أ”أ£أ¦أژ ღ]

 

[ღ أ”أ£أ¦أژ ღ]

​

خآڑچ آلٺغطية حآليآً
~> بآچڑ علي آمٺحآن فيزيآء
دعوآٺگم ​

:artist:​

 

[ღ أ”أ£أ¦أژ ღ]

.
.​

اتمنى انها تنترس ف الأيام اليايه :artist:​

 

[ღ أ”أ£أ¦أژ ღ]

اليوم / السبت


التاريخ / 29 – 2 -1431 هـ ​

اليوم أول ما وصلت المدرسة ركض على الصف لأن عندي سؤال مب فاهمتنه :huh-:


دخلت الصف و لا اشوفلكم كل البنااات ماسكات كتب الفنية ويذاكرن !! ~> شو السالفة ؟؟

ظهر امتحان الفيزياء باجر و اليوم سؤال في الفنية و انا ما مذاكرة ما شاء الله علي ~> صدق مخرفة

هع


و فوق هذا ما يايبه الكتاب .. كيف بذاكر ؟؟

سرت شحتت كتاب من عند وحدة من البنات ويلست اجلب الصفحات و ألقط معلومات من هنا وهناك و من نحاستي اليوم ما شيء صفرية

بس الحمدلله حليت زيين ^^


الحصة الثانية كان علينا أحياء بصراحة ضحكتني خخخ .. نهاية الحصة كانت تصحح الدفاتر يوم و صلت عندي قالت : انا خاطري اشوفج بعد ما تتخرجين من الجامعة ؟

شموخ : ليش ؟ :huh-:


....: دفترج مال يهال و شكلج و تصرفاتج بعد

~> شموخ هنا ميته من الضحك لان نفس كلام اخوي ( انتي شكلج مال صف سادس مب ثالث ثانوي )

كملت ... : شرايج تشتغلين ف رياض الأطفال و تلعبين وياهم

ههههههههه


شموخ : لاااااااااااااا حشى

​

الموهيييييييم ^^


الحصة اللي بعدها كان علينا انجلش و شموخ حضرتها مغيبة واحد من كتبها " مال الفصل الثاني "


خبرتها يوم الأربعاء و هزبتني ~> كنت شوي و بصيح

~> قبل كم يوم كانت تمدحني " الله يسامحج يا مس =( "


بس الحمدلله انها كانت غايبة و نجيت .. عاد لازم ادبرلي كتاب​

//​

امتحان الفيزياء تأجل ليوم الأثنين و بعد علينا ف نفس اليوم امتحان رياضيات

الحمدلله الفيزياء مخلصتنه يعني بيكون بس مراجعة


و الرياضيات الامور طيبة وياه لاني آخذ دروس خصوصية و قبل شوي كنت يالسة آذاكره


يعني باجر ما بتعب عمري وايد ~> اهم شيء عندها راحتها خخخ

​

و بث​

​

 

[ღ أ”أ£أ¦أژ ღ]

اللهم أجعلنا من أهل القرآن

جميع الحقوق محفوظة ​

 

[ღ أ”أ£أ¦أژ ღ]

اليوم / الأحد



التاريخ / 1 – 3 – 1431 هـ ~> طبعاً عمان متأخرة ( 29 )

​

//​

لا جديد في المتعسة ​

يغير كاااان وناسة لان فضينا 3 حصص ^^ و الاستهبال طاح فيهن هع


بس للأسف اللي خرب وناستنا الملف الأصفر اللي يحوط ف المدرسة و يسجل أسماء البنات اللي ظاهرات



كنا بداية الحصص نصطف ف الممر و نسوي ممشى حق الأبلوات اللي يخطفن صوبنا " الكل يسكت ذيج الساعة ... تقول واحد من الشيوخ خاطف " خخخ و أحياناً نسلم عليهن و نحن حتى ما نعرفهن !! ~> مسويلهن سالفة .../ يحمدن ربهن هع
​

//​

الموهييييييييم .. اليوم اونه عيد الحب

ما عرفت بسالفته إلا يوم شفت وحدة من أبلواتنا لابسة أحمر × أحمر ~> وهي ف العادة ما تلبس هاللون


و ما شاء الله البنات مب مقصرات


اليوم المدرسة صايرة حديقة من الورود لووووول


بس الحمدلله ما سون شرات ذيج السنة اللي كانن صدق محتفلات " استغفر الله "​

//​

في شيء قهرناااااااا اليوم

اهئ


تخيلوا الكل ودوهم رحلات ما عدا صفنا مع أن صفنا دوووووووم يمدحنه المعلمات


صف شاااااااااااااااطر


و البنات اللي فيه مب مال سوالف ....... وووووووو ~> فاهمين علي ^^


و الفعاليات اللي تسويها المدرسة أكثر شيء صفنا يساهم فيها


و ف النهاية ما ظهرونا نشم هوا .. و ازفت صف ف المدرسة و اللي معروف بحركاته و ... و ... باجر بيودونهن رحلة ><


و اللي قهرني اكثر ان ربيعاتي ~> الكعبية و بنت خالي و الشلة الكريمة باجر بيروحن اهئ اهئ

يعني ف البريك منو بجابل !!


كلهن ف صف واحد و انا بروحي



I Will miss U my friends =(​

عاد اليوم راده البيت معصبه لقيت أمي و عيال عمومتي يتغايضون ... على شووووووو ؟؟



~> مب لازم تعرفون

المهم غيرولي مودي و الحمدلله

~> خاطري اخبركم عن ايام الطفولة و مدرسة المجد ههههه :29: " اشتقتلها

" ​

 

[ღ أ”أ£أ¦أژ ღ]

.
.​

.
.

​

حراااااااااااااااااااااااااااااام​

ابا اسيييييييييييييييييييييييييييييييييييييييييييير​

​

~> حسوا فيني اهئ​

 

[ღ أ”أ£أ¦أژ ღ]

{ اللهم أجعل القرآن الكريم ربيع قلوبنا ..~*

http://www.youtube.com/watch?v=nLjzfSw_u5s​

مــا شاء الله ​

//​

جميع الحقوق محفوظة​

 

[ღ أ”أ£أ¦أژ ღ]

وين اختفن الصور

!!

~> اونه احسن برنامج للتحميل هع

و قصصصصصصصصم بصفعه ><

إذا ما ظهرن لين فالليل بغير الموقع ..


لا تشردون

خلكم متابعين

​

 

[ღ أ”أ£أ¦أژ ღ]

اليوم / الأثنين
التاريخ / 2 - 3 - 1431 هـ​

طبعاً اليوم امتحان الفيزياء و الرياضيات .. الحمدلله مذاكرة زين ما زين و الأمور طيبة وياي
الصبح قلت ما براجع ما اريد ألخبط معلوماتي

​

المووووووووووهيم ​

الأخت شموخ ناسية حسابتها ~> اهمااااااااااااااال

​

و قومي يا شاطرة لفي على كل الصفوف و شوفي منو هاي الطيبة اللي بتسلفج حسابتها لمدة حصتين " للفيزياء و الرياضيات " هع​

" اللي عليهن امتحان ف صفوفهن و ما يستغنن عن حساباتهن و الباقيات صافات طاااابور " ~> شو الحل يا شموخ !!

​

ما شيء حل غير اني آخذ حسابه من عند وحدة من ربعاتي و بعدين بستأذن منها ~> الناس يستأذنون و بعدين يشلون
( شموخ عكس الناس .../
شو اسوي !! ما شيء حل غير جيه

)​

شليت عمري و سرت صوب صفهم
لقيت بنت مريضة متيلسة هناك و شحتت من عندها :19:و مشت الأمور تمام التمام​

,،​

وبدأأأأأأأأأأأأأأ الأمتحااااااان​

كان سهل واااااااااااااايد بس ~> لازم هاي البس

​

غلطت ف سؤال سخييييييييييييييييييييييف

~> خسارة وقصصصصصصصم

​

يعني بييب 9 من 10 ​

:giving-up:​

الموهييييييييم ^^​

خلص الامتحان على خير​

الحصة الأولى كان علينا ( ثقافة اسلامية ) و طبعاً ابلتنا محد " خلاااااااص راحت عنا يحليلها

" ~> ربي يوفقها وين ما كانت .. بصراحة اول مرة اشوف ابلة طيوبة لهاالدرجة و اسلوبها حلو ف الشرح حتى تعاملها ويا البنات مب شرات باقي المعلمات بس خلاص بتعرس

الله يسعدها و الله يعينا على اللي بيبونها حقنا ​

انزيييييييين ../// ف هالحصة سرت اشوف الشلة " بيودونهم رحلة " >< ​

بس صدق انقهرت ​

وحدة منهن انسرقن فلوسها و قالت خلاص ما بتسير
~> وربي البنات صايرات غير شكل ... معقولة بنت ف 11 أو 12 تسوي مثل هالحركة الزفتة
لو محتايه ترمس .. مب بالسرقة ​

بس قنعناها و بعد محاولات منا و مناك هع " وافقت " ^^​

و ساروااا و خلوني بروحي ف هالمدرسة الكأيبة

​

//​

الحصة اللي بعدها كان علينا امتحان رياضيات عطتنا ثلاث اوراق كل وحدة فيها سؤال و كلهن حليتهن صح و الحمدلله

​

وشووووووووو صار بعد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟​

اممممممممممم ​

كحكح​

ما اتذكر !!

​

هيه صح ^^​

الحصة الرابعة قالولنا خلااااص باجر بنوديكم رحلة ~> استانسنااااااااااا ^^​

صح ان المكان اللي بنسيره مب من زينه و عايفينه من كثر ما نسيره ويا اهلنا​

بس السيرة و يا بنات الصف غير

​

كنا متفقين باجر نغيب بس دام السالفة فيها رحلة أكيد بنداوم ^^​

//​

اما حصة الفنية ههههههههه​

كنت بطيح على ويهي

​

بخبركم السالفة ع السريع​

كنا نازلين تحت نحط ورنيش ع لوحاتنا​

و شموخ متعودة يوم ما تشوف حد ف الدرب ما تنزل من على الدري شرات الناس ​

لااااااااا​

"تتزحلق " ​

عارفين هالخشبة مال الدري​

الموووووهيييييم​

ركبت فوقها​

وصيوووووووووووووووووووووووووووووووووووا

​

ف لمحة بصر شموخ تحت ​

بس هالمرة كنت بطيح على و يهي ~> حسيت ان نهايتي قربت هع​

لان تزحلقت من اعلى قمة ف الدري ​

هههههههههههههههههه

بس الله ستر​

 

[ღ أ”أ£أ¦أژ ღ]

و قصصصصصصصصصصصم عمان طل بيتصفعون ><​

المواقع السنعة ما يبونها

كيف احمل صور " تدوم و تدوم و تدوم اهئ اهئ " =(​

 

[ღ أ”أ£أ¦أژ ღ]

{ سبحان الله و بحمده ..~*

 

[ღ أ”أ£أ¦أژ ღ]

رحلة سخيفة مع بنات غبيات

اليوم / الثلاثاء​

التاريخ / 3 – 3- 1431 هـ​

اليوم مداومين بس عشان الرحلة​

~> بنسير نشوف اشكلنا ف الـ زوووووووو

​

بس بصراحة اخس رحلة سرتها ف حياتي لاني غبية يوم اني رضيت اسير مع ناس مرضى !!

​

بخبركم شو صار​

لا تغيرون الموجة ^^​

//​

طبعاً الكل كان مستعد و متزهب و الأمور تمام التمام

​

بنات صفنا مستانسات ~> وأخيراً تصدقوا علينا برحلة ​

​

" ما كانن يعرفن انها بتكون ازفت رحلة "

​

الموهيييييييييم ​

أول شيء ذلوناااااااااااااااااااا لين ما ظهرنا من المدرسة ~> هذا شيء عادي ... مب مشكلة ( نصبر ) ^^​

ثانياً .. ما شاء الله على بنات مدرستنا اول ما سرنا صوب الباصات عيونهن ما خازن عن رواعي الباصات " استغفر الله " وهم بعد مستانسين ( كل هالجيش من البنات وياهم كيف ما يستانسون ؟ ) ​

غلطوااااا يوم يابولنا شباب كان المفروض ايبولنا شواب ابرك " بس اظن البنات عندهن كله واحد "

​

كحكح .. مب هنا سالفتنا ... ~> الطامة الكبرى بتيكم بعدين :giving-up:​

//​

وصلناااا الحديقة بسلام ^^​

قالولنا لا تسيرن بروحكن ​

كلنا بنكون مع بعض ~> حلوووووووو عسب ما تصير أشياء منا و مناك

.. ​

خطفنا و الابلوات ورانا ..​

و يمشنا على كيف كيفهن

... ف الحلقة الأخيرة كنا نسير ونرد ف نفس المكان ​

حتى ما شفنا كل شيء​

" في اثنين من الشباب كانوا يتبعونا و وياهم حرمة كبيرة " شكلها امهم

هع " و ولد صغير ​

المعلمات عصبن عليهم .. ​

واصلين الحديقة ويانا !!​

و ين ما نسير ورانا !!​

الأم تتبسم ... !!​

و هم يطالعون !!؟؟!!​

​

~> مب بس ذيلا اللي كانوا ورانا في اثنين غيرهم ​

شو السالفة ؟؟؟؟؟؟؟؟؟؟؟؟؟؟؟؟؟؟​

الموهيييييييييييييم​

دخلنا بيت الزواحف​

ولا نشوفلكم ذيلا هناااااك ~> سبحانك ربي .. معقولة كل هذي صدف ؟؟ ولا في شيء ثاني ؟؟

​

( العيون ما خازن عن البنات )​

~> عل عيونكم العمى ><​

المعلمات ما عيبهن الوضع و شكن ف السالفة​

ظهرنا من هناك ​

و انا طالعة ..في شلة من الحادي عشر كانت وراي طبعاً كانن يتفدن الاثنين اللي داخل ~> عايبينهم مب قادرت يكتمن مشاعرهن .. يخافن لا يموتن ويا ويوهكن ><​

انزييييييين​

في وحدة اشتكت لان في بنت صورتها ​

و قامت ابلتنا وجمعت الكيمرات بس ما خطفت صوبنا مع انها شايفه ان عندنا ~> بس شرات ما يقولون : ناس عن ناس تفرق ​

بدأ المهااااااااااااااااااااازب هع ^^​

و كله كان للحادي عشر ~> يستاهلن " طبعاً مب الكل "

​

في وحدة بغت تواشي علينا بس الابلوات سكتنها و خلنها تتفشل ~> بردن فوادي شوي خخ

​

هذا كله ولا شيء !!​

سرنا المطعم و طلبنا و كلنا و خلصنا ^^​

كانوا يهال اجانب متيلسين مجابل المطعم ​

و شموووووووخ موتها و اليهال

​

قلت حق اللي وياي قومن نصورهم ​

قمنا و سرنا صوبهم​

لكن لا صورناهم و لا شيء ​

تعرفون ليييييييييييييييييييييش ؟؟

​

احم .. الشلة الكريمة راعية السوالف واقفات صوب النافورة و كلهن يشوفن صوب واحد ​

شو يشوفن ؟؟؟؟؟؟؟؟؟؟؟؟؟​

كحكح .. ابو وردة :imuae83: " شرات ما سمته وحدة من البنات " كان خاطف صوبهن

​

طبعاً نحن ما قدرنا نسير عند اليهال عن ينشك فينا ​

ردينا من و ين ما ياين​

و نحن رادين الشلة الثانية تبا تلفت انتباه اللي خاطفين ^^​

و قومن يا هبلات " ترابعن ف ذاك المكان " ~> عاد شوفونا نحن هنااااااااا

" صدق غباء " ناقصات عقل ودين ​

و العباة ما ادري شو فايدتها دام نصها مرفوع !! ​

" استغفر الله "​

وحدة من بنات صفنا ما قصرت فيهن ( عطتهن ذاك الكلام الغاوي ^^ )​

اما نحن خبرنا عليهن الابلوات ​

ف الحلقة الأخيرة ظهرن مواعدات ~> يا سلام عليكن " مربايات عدل "​

ردينا المدرسة و نحن ندمانين انا سرنا وياهم ><​

//​

يوم تبون تسيرون حديقة الحيوانات​

لا تضربون خط لين العين​

في حديقة ف البريمي احلى ~> بعد فيها طابقين ​

اظن تندلونها ​

فيها اشكال و انواع ​

//​

وربي لين الحين مقهووووووورة من تصرفات هالشلتين​

عنبواااااااا ف حياتكن ما شايفات ريايل هالكثر مستقطعات

​

و المشكلة عاد يوم تيكم وحدة تتحسب عمرها ملكة جمال العالم و هي للأسف " بقرة " ><​

//​

نصيحة للشباب اللي عندهم خوات ف هالمدرسة اللي يسمونها آمنة >< .... " و حتى ف المدارس الثانية "​

الثقة الزااااااااااااايدة ما تيب إلا الدماااااااااااااااااااار​

و لا تقولون خواتنا بريئات

و مب راعيات سوالف و هاديات ما يخصهن ف حد " ياما تحت السواهي دواهي "​

و على فكرة في بنااات وايد اين المدرسة بشكل و يكونن ف المدرسة شكل ثاني و يظهرن منها بالشكل اللي يايت فيه ​

~> بمعنى ثاني جدام اهلهن يا زينهن و ف المدرسة " استغفر الله "​

و شو بيستوي لو سألتوا عنهن ف الشهر مرة ؟؟​

و بعدين عرفوا منو ربعاتهن اللي يمشن وياهن .. ياما بنات محتشمات و ما عليهن رمسة ​

صارت سمعتهن زفت ... كل هذا بسبت ربعاتهن اللي يمشن وياهن​

" الصاحب ساحب "​

اللي ما عايبتنه رمستي و ألفاظي يجلب ويهه مب لازم يطالع الموضوع ><​

و بعد .../​

اللي ينزل اخته للمدرسة و هو يشوف ان نص شعرها خاري ​

~> كيف يرضيك تخليها طماشة للي يسوى و اللي ما يسوى ؟؟؟؟؟؟؟؟؟؟؟؟​

و ين عايشييييين ؟؟؟؟؟؟؟؟؟؟؟​

ما شيء غيره ؟​

ما شيء دين يردك ؟​

إذا هي مب عارفة الطريج الصح " علمها "​

و لا تقولون انها بعدها صغيرة " 16 – 17 – 18 سنة " ​

ذيلا مب يهال​

و في شيء ثاني //​

يوم تشوفون بنتكم مع واحد ثاني لا تحطون كل اللوم عليها​

انتوا السبب​

الأخو شو فاديته دام ما مسوي سالفة حق اخته ؟​

و الابو نفس الشيء​

و الأهل بشكل عام​

إذا ما لقت كلمة حلوة من اهلها و محد مهتم فيها اكيد بدورهذا كله عند غيركم​

~> بس طبعاً مب كل البنات واحد​

اللي عارفة ربها مستحيييييييل تسوي مثل هالأشياء اللي نشوفها​

[ اللهم إنا نسألك حسن الخاتمة ]​

ترى باجر شيء دوام بس محد بيداوم عشان جيه الابلوات قاللنا لا تداومون تمورو​

~> ما شيء دواااااااااام اوك !! ( لا ينقص عليكم يا شاطرين) ​

ماله داعي اقول شو اقصد بكلامي " اللبيب بالإشارة يفهمُ "​

السموحة ​

 

[ღ أ”أ£أ¦أژ ღ]

هيه صح ما خبرتكم عن كيمرتي العزيزة هع :29:

انجب فوقها ماي واختربت

وداعاً يا رفيقت دربي

سأشتاق إليكِ كثيراً

​

 

[ღ أ”أ£أ¦أژ ღ]

» БRB||.......................................
s t u p i d exams XD :hehe2:
....................ωіƨh 2 мз Gσσd Łuck​

 

[ღ أ”أ£أ¦أژ ღ]

منهج البحث عذاااااااااااااب ><

ما يكفيهم اللعبة اللي مسوينها ذي السنة

~>

​

 

[ღ أ”أ£أ¦أژ ღ]

غايبة لمدة شهر

عشان الامتحانات ~> هذا إذا قدرت استحمل هع

دعواتكم لي بالتوفيق و النجاح

نظفوا يومياتي لا تخلونهن يغبرن

و هالله هالله بالمنتدى هههه

ربي يحفظكم



​

 

[ღ أ”أ£أ¦أژ ღ]

اشتقت لها المكان ​

واشتقت للمنتدى ​

واشتقتلكم​

وأكثر شيء آي مس شموخ :hehe2:​

~> هع​

اليوم الجو نااااااااايس ~> عساه دووم ​

أمس بالليل ما قدرت ارقد الجو برع رقيص ع قولتهم :banana:​

كنت ابا اصور بس للأسف كيمرتي رحمة الله عليها خخ​

عاد اليوم قايمة و احس عمري شبعانه رقاد ​

يوم شفت الساعة

​

~> 7:46​

اكيد الساعة مخرفة !!

​

كل يوم اقوم 6:45 ​

يمكن متجدمة ساعة هع​

قمت اشوف الفونات ​

كلهن سيم سيم​

عاد اكتشفت انهم ما قوموني عشان السكول لوول​

يعني اليوم آيم ابسنت ~> استانست اول شيء ​

بس تصدقون احم احم // المدرسة احلى ​

تصير فيها اكشنات وايد​

البيت ممل محد فيه ><​

الموهيييم​

بخبركم القصة المأساوية اللي صارتلي يوم الأحد 20 / 2​

ابطال القصة ^^​

شموخ ~> أنا​

" حلفي انتي بس !! "​

رشود ~> ولد عمي اخو السنافي " صف سابع " ​

( واحد نذل

)​

كان ياي بيتنا من صباح الله خير ومطيح صوب الهوش ههه لان محد عندنا كبره و اصلاً البيت كان فاضي محد فيه غيري انا و امايه​

سار يتونس وياهن ​

يلس عندنا لييييين المغرب و قبل لا يسير ياني فوق عاد انا ذيج الساعة كنت مخلصه منهج البحث و مفتكه ​

عطاني فلاشه قالي خزني كل اللي فيه عندج بسير اسوي فورمات حقه و بعدين بشلهن ​

شموخ : اوكييك

​

خذت الفلاش وفتحته وسويت كوبي بست لكل اللي عنده ^^​

قالي بتلقين فولدر مكتوب بالانجليزي حاولي تفتحينه انا ما طاع يفتح عندي ​

حاولت افتح الفولدر اللي يرمس عنه بس مب طايع ​

خبرته و قالي خلاص برايه // خليه يولي​

و شل فلاشه وظهر من البيت​

سكرت الكمبيوتر المكحتر و سرت اذاكرلي كم كلمة​

ف اليوم اللي بعده // الاثنين 21 / 2​

شموخ ناشه من وقت تبا تبدأ تصمم صفحات منهج البحث عسب تسلمه ^^ فتحت ذاك الكمبيوتر الكحيان ولا اشوفلكم الشاشة متروسة مربعات ​

Security Warning​

سكرتهن كلهن بقى واحد ما طاع يسكر كل ما اسكره يرجع ( شو هالحالة ؟ )​

الكمبيوتر مولع أحمر × أحمر​

~> ما سويت شيء عشان يستهبل جذا اهئ

​

فتحت الـ D اشيك على منهج البحث إذا موجود ولا لا ؟​

والحمدلله لقيته .. و لقيت وياه الفولدر اللي كان ففلاش رشود وقالي احاول افتحه ><​

كان اسمه ( Sysinfo ) ​

جربت امسحه بس ماشيء فايده​

2357578265786 مرة و انا امسح لكنه يرد ~> شو الحل =( ؟؟​

~> يمكن فايروس ..// مب يمكن إلا أكييييييييييد انه فايروس ​

سويتله رستور سستم ​

بس ماشيء فايدة .. جربت برامج الحماية اللي عندي و ما سون شيء​

ما واحاله شوي وسكر كااااااااااامل ​

اففففففففف كنت شوي وبنفجر هع ^^ ​

تخيلوا منهج البحث من بداية السنة وانا اشتغل عليه صح ان انمسح عني مرتين قبل​

بس كان عادي لان اللي مسوتنه ما يباله شيء بس هالمرة مخلصتنه كاااااااااااااااااامل​

و سؤال من الأسئلة تعبت وايد لين ما حصلت اجابته و ف الاخير بيروح تعبي اهئ اهئ ​

و المشكلة ما باقي عن تسليمه غير اسبوع

​

و عاد الامتحانات بروحهن من صوب ><​

اتصلت برشود اسئلة إذا سوا فورمات لفلاشه ولا لا ؟ عشان إذا ما سوا اخبره ان فلاشه فيه فايروس ~> عسب ما يفتحه و يبتلش شراتي​

شموخ لا سلام ولا غير مب قادرة تتصور اللي صار ههه : كمبيوتري اخترب اهئ​

رشود بكل برود : والله ! ,,, هيه ادري​

شموخ مبطلة عيونها و مستغربة كيف يدري .. اكيد متعمد ايبلي اياه : يعني تعرف ان فلاشك فيه فايروس ؟ ... متعمد ؟؟​

رشود لا جوااااااااااااااب بس يضحك ><​

شموخ شوي وبتصيح : يا الحمار يا السبال يا ..... يا ....... ( ما خلت سبه ما قالتها ) و الله انك نذل ><​

رشود : ادري​

~> يهال آخر زمن " بصفعه "​

شموخ معصبة : يا االخايس تعرف ان فيه منهج البحث وما باقي عن تسليمه غير اسبوع ؟ إذا انمسح برسب ​

رشود ببرود اعصاب : عيديه​

شموخ : مب متفيجه اعيده وراي امتحانات ​

رشود : قلتلج عيديه // تيكت ايزي​

شموخ بصوت عالي زين ما طريتله طبلة اذنه هع : يدتك بتعيده يا السبال

~> نسيت ان يداته بثنتيناهن هن نفسهن يداتي ههه​

رشود : المشكلة ما تعرف تستخدم الكمبيوتر مب مطورة​

شموخ تسب : ..................................................................................*​

إذا ما لقيته بتعيده غصبن عنك و بيساعدك اخوك السبال السنافي​

تووووووووووووووووووووووووووووووت ~> سكرت الفون ​

اول مرة اعصب هالكثر و اصارخ​

و سبيت السنافي من القهر وهو ماله خص ف السالفة :basketball:​

عند الغدى قالتلي امي: يقولج السنافي //// السبال بيحاول يعدله ~> " اكيد رشود خبره =( " طبعاً هي مب فاهمه السالفة خخ​

وبالفعل يابيتنا وحاول يعدله وما قدرله و وداه كذا محل قالوله لازم فورمات و بينمسح كل شيء ​

و آخر شيء سار اشترالي الكاسبر الاصلي و خاز ذاك الفايروس و الامور تمام التمام ^^​

حتى ما طاع ياخذ قيمته ​

وبعد ما خبرت امي عصبت علي هع ^^​

و بعد هي حاولت فيه بس ماطاع ​

~> ينرحم احياناً هههههههه ​

الموهيييييييم ​

سوري لاني قلت سبال ما كنت اقصد ​

و بـــــــــس​

 

[ღ أ”أ£أ¦أژ ღ]

تسليم منهج البحث اتأجل و الأمتحانات بعد تأجلت

الله يعينا هالسنة

اظن انه بنخلصها شهر 9 هع

//





الجو مغيييييم عندنا



و المهب شوي وبتشلنا

و المطر " طاح طاح "

​

 

[ღ أ”أ£أ¦أژ ღ]

لقيت شيء يخصني ف المنتدى بس بعض الناااااس سارقينه لووووول​

اخدم نفسك بنفسك بوالشباب ماحصلت حد يوثقلي ووثقت بروحي​

لاتضحكون ^_^​

وهذا سوسو المشاغب (قولوا ماشاء الله ) ^_^​

​

عن الحلال والحرام الصورة من تصوير شموخ​

زين انك اعترفت هع

~> قولوا ما شاء الله