بيت شعر والشاعر يكمل * ( نرجو الالتزامـ بالوزن )

[وافي وطبعي سنافي]

لي متى واحنا نعيش بهالظلام

نرتضي لكن وتحكمنا الضرووف

ولي متى ياناس نرضى بالخصام

ولا يوجد بيننا شخص ن عطوف

نقول ليت وليت ماتنفع ملام

دنيا عديمة مابها حق ونصوف

ــــــــــــــــــــــــــــــــــــ
نسكن فلل من عقب عرشان
هذا ترى حكم الحضارات

 

[نسايم ريف]

نسكن فلل من عقب عرشان

هذا ترى حكم الحضارات

ياليت ترجع ذيك لـزمان

ويعود سلم الجيل لي مات

فدوة ذكرهم شوف لعيان

ناس ن لهم فالقلب رسمات


&&&&&&&&&&&&&&&&&&&&&&&&&&&&&&&&



ياصباح الخير ع الناس الفهيمه

ياعسى ربي يصبحكم بخير

 

[وافي وطبعي سنافي]

ياصباح الخير ع الناس الفهيمه
ياعسى ربي يصبحكم بخير
صباح ن طايب الورد ونسيمه
ريحة خزامى ونرجس عبير
‏*‏**{
صباح الورد وازهاره
صباح الفل والنرجس

 

[طلال الشامسي]

صباح الورد وازهاره

صباح الفل والنرجس

صباح بوسط سيارة

ورجله توقف وتدعس


ـــــــــــــــــــــــــــــــــ

ذيب ن مخاليبي على العز تنخاف

مانيب بمن ربعي محني كفوفـــه

 

[وافي وطبعي سنافي]

ذيب ن مخاليبي على العز تنخاف

مانيب بمن ربعي محني كفوفـــه

لي مركز ن فالعلا دوم يـنـشـاف

قدري عزيز ويرتقي فالسما نوفه
ــــــــــــــــــــــــــــــــــ

بدوي ولي فالبر مولام
وحب الطبيعة يحتاج شيمة​

 

[نسايم ريف]

بدوي ولي فالبر مولام

وحب الطبيعة فيّ شيمه

شرواة حر ن فالسما حام

ونفسي من الشايه سليمه

****************************

لاهي وساهي ودووم مشطوط

وعندك على النكهات شطه

 

[طلال الشامسي]

لاهي وساهي ودووم مشطوط

وعندك على النكهات شطة


ودايم مزاجي دووم مضبوط

اضحك وامشي بدون خطة

ـــــــــــــــــــــــــ

انسان تحصلي مقادير وظروف

لكن عموما ماني باي انسان

 

[المـــــهآ]

انسان تحصلي مقادير وظروف

لكن عموما ماني باي انسان

اذا مديت الكف ردت كفوف

وان رحت مايطويني الزمان

شامـخ عالي الـراس هـنوف

ماينحني عند المصايب والأمحان


ــــــــــــــــــــــــــــــــــــــــــــــــــــــــــــــــــــ

مرت على بالي قصيده

أبياتها مثل السراب

 

[طلال الشامسي]

مرت على بالي قصيدة

وابياتها مثل السراب

للي احبه وكم اريده

من بين هالعالم والاقراب

الصاحب اللي مثل جيده

مثل الفنر في وسط سرداب

ــــــــــــــــــــــــــ

تعبنا من سهد بعض الليالي والعتب واللوم

في منهو ضيع حقوقي وانا اللي حافظ حقوقه

 

[نسايم ريف]

تعبنا من سهد بعض الليالي والعتب واللوم

فـ منهو ضيع حقوقي وانا اللي حافظ حقوقه

ترك قلبي على ناره وراح ولا تركلي علوم

وانا اللي باسط كفوفي واشوفه غيث ببروقه

أثاري ماحفظ معنى ولا راعى عهد وسلوم

ذبح قلبي وهـو يضحك وبييده قطع عروقه




&&&&&&&&&&&&&&&&&&&&&


أنا ماجيت لجل ارضي غرورك واطلبك إحسان

أنا مثل الجبل راسي ولااحد ن يقدر يهزه

 

[المـــــهآ]

أنا ماجيت لجل ارضي غرورك واطلبك إحسان

أنا مثل الجبل راسي ولاحد ن يقدر يهزه

ان ييت غالي وان رحت بحفظ الرحمن

لا تفكر ببعدك قلبي تقدر تستفزه

ماعاش شخص[ن] يهزني بهالزمان

بنت قبايل واسمها للقبايل يعزه

ــــــــــــــــــــــــــــــــــــــــــــــــــــ

ليت لكل انسان بهالدنيا حقوق

وليت كل انسان يعرف خطاياه

 

[وافي وطبعي سنافي]

ليت لكل انسان بهالدنيا حقوق

وليت كل انسان يعرف خطاياه

وشمس الامل بينت نور الشروق

وتختفي الحساد دايم والوشاه
ــــــــــــــــــــــــــ
قلبك من الحب معدم
واحساسك من الشوق معدوم​

 

[نسايم ريف]

قلبك من الحب معدم

واحساسك من الشوق معدوم

م الموق عيني دمعت دم

لا صار قلبي منك محروم

&&&&&&&&&&&&&&&&&&&&&&&&&&&&&


قالوا تحب وتعرف الشوق يافلان ؟؟

قلت العفو .. فيني من الحب جمره

قالو علامك دايم تصيح ضميان

قلت الضمى لابد للقلب طمره

 

[طلال الشامسي]

قالوا تحب وتعرف الشوق يافلان ؟؟

قلت العفو .. فيني من الحب جمره

قالو علامك دايم تصيح ضميان

قلت الضمى لابد للقلب طمره

الحب مثل النوم للعين سلطان

يبين خفاك ويفضح القلب امره

والبعد ذابحني على ساحل عمان

وبيني وبين الموت يا ناس شعره


ـــــــــــــــــــــــــــــــــ


تدري وش اجمل شي شفته بحياتي

بانك تحب انسان ما تعرفه وين

 

[وافي وطبعي سنافي]

تدري وش اجمل شي شفته بحياتي

بانك تحب انسان ما تعرفه وين

وتدري حبيبي بانك انته غلاتي

مغليك من زد البشــر والمزايين
ــــــــــــــــــــــــــــــــــ

سلام ياراعي الوفى والطيب
سلام يازاكي الاصل والساس​

 

[المـــــهآ]

سلام ياراعي الوفى والطيب
سلام يازاكي الاصل والساس
جينا ع الوعد وبالوعد يالبيب
نخط السلام بالذهب والألماس
ظننا بكم وافي ودايم يصيب
ماهو كلام بلامشاعر واحساس

ــــــــــــــــــــــــــــــــــــــــــــــ

خلني ياخلي ...معتلي...لاهوب يطوي حشاه
دمعتي تستهلي ..وتشلي..بايت بجمر الغضاه

 

[وافي وطبعي سنافي]

خلني ياخلي ...معتلي...لاهوب يطوي حشاه

دمعتي تستهلي ..وتشلي..بايت بجمر الغضاه

جسمي غدى منهلي..ينسلي..والليل ما يهناه

الود تلني تلي..بالكلي..ودرب الرفق ما ياه
ــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ
حي بنسيم ن هب في نوده
واستانس القلب بـهـواه

 

[إنســآنه]

حي بنسيم ن هب في نوده
واستانس القلب بـهـواه
حي لو ياه بموده
وشق وجهه ببسمة لقاه
لو راح عنه شلّه وودّه
بس ما تلقى له حد شرواه
رد روحه بشوفه لخلّه
ومات كلما راح وخلاه


......................



لي معنى ولك معنى
لا تقوؤلي انك نسيت

 

[العا(هدوء)صفه]

لي معنى ولك معنى
لا تقوؤلي انك نسيت
اخذت ولا قلنا عطنى
وانت بالهجر تباديت
لا تقول كنى وكنى
وانا الماضي تناسيت


--------------------

لا تجي تمثل علي ندمان
وان عينك تذرف دمعها

 

[وافي وطبعي سنافي]

لا تجي تمثل علي ندمان

وان عينك تذرف دمعها

ما عاد لك ف القلب تحنان

عنك روحي عيت سمعها

ـــــــــــــــــــــــــــــــ
ـــــــــــــــــــــــــــــــــ
لا تخليني على لاضي
ياحبيبي ياضياعيني​