بيت شعر والشاعر يكمل * ( نرجو الالتزامـ بالوزن )

[محمد الخروصي]

شو أكمل ؟؟؟

أنا بخليكم أنتو تكملوا ...

تخطط كيف تقتلني لجل ما كون لك عاله
ولجل غرو نفخ ريشك تخطط كيف تقتلني​

 

[نسايم ريف]

تخطط كيف تقتلني لجل ما كون لك عاله

ولجل غرو ن نفخ ريشك تخطط كيف تقتلني

وانا اللي من كثر حبك جرعت السم بـ اشكاله

مشيت فـ جمركم حافي وألـم قلبي يجاملني

لجل منهو ذبح قلبي أعـوم البحر بـ اهواله

وهــو ياللأسـف خاين وكان القصـد يشـغلني



للي بعدي : ...

ياحلاة الجو لي يكسيه غيم

مع نسم بارد على شوية رهام

 

[وافي وطبعي سنافي]

ياحلات الجو لي يكسيه غيم
مع نسم بارد وشوية رهام
ينعش الخاطر بنفحه والنسيم
خص لا خالطه نف الرثام
للي بعدي
عيني من الشوق محذاف
تنظر جدى المحبوب وتوده

 

[نسايم ريف]

عيني من الشوق محذاف

تنظر جدى المحبوب وتوده

والشوق هيض طاري القاف

من زود مابي قمت اعده

ميهود ومتلّف تتلاف

هذا كلف عوق الموده



للي بعدي : ...


داخل عليك بكل شي ن تعزه

ترحم عنا قلبي وترحم شعوري

 

[وافي وطبعي سنافي]

داخل عليك بكل شي ن تعزه

ترحم عنا قلبي وترحم شعوري

أناجيـك وأطالبك في كل حزه

عن لا تخليني وحيد بلجة بحوري

فز لي من دافع الاشواق فـزه

يالضنا ياسيد الخفرات والحوري
...........................
...........................
هذا الحسن لي فيك لزام
يلزم بطوعه راهب العلم

 

[نسايم ريف]

هذا الحسن لي فيك لزّام

يلزم بطوعه راهب العلم

ماظن من يعشقك ينلام

يحلم بوصلك سيدي حلم

لو إن حكمك حكم ظلاّم

راضي بحكمك وارتجي سلم


للي بعدي : ..

يافهيم القاف دورلي سبيل

وانتظر من صوبكم صيت الحلول

 

[وافي وطبعي سنافي]

يافهيم القاف دورلي سبيل
انتظر من صوبكم صيت الحلول
ثيبني من صافي الطرس الجزيل
وانت جيلك يدعي العالم ذهول
خطلي من شعرك الصوغ الجميل
طالبنك حق فالراي العدول
...
بعيونك شقى حالات واحزان
وبهن مثل هيبه وزعامه

 

[نسايم ريف]

بعيونك شقى حالات واحزان

وبهن مثل هيبه وزعامه

طبع ن حشيم ومثقل أوزان

وفي عينكم قلبي هيامه

هيمان فيكم حيل هيمان

ولكم فـوادي واحترامه


للي بعدي : ...

يامن على قلبي تحكمت

واصبح فوادي عندكم طوع

 

[وافي وطبعي سنافي]

يامن على قلبي تحكمت

واصبح فوادي عندكم طوع

لـك وداد الـقـلب سلمت

وف الهوى لك معلن خضوع

لا تخلي العهد مـا دمـت

بحشاية تمـلـك ربـــوع

راعـنـي مادمت تمـمـت

ولا تخلي الوصل ممنـوع​

.............................................................
أحب البداوة وأعتني فيها
وهي غذى روحي وشــرياني

 

[AL W$WAS]

انا شاعر ومافيني حيله

 

[نسايم ريف]

أحب البداوة وأعتني فيها

وهي غذى روحي وشــرياني

سنة يدودي م اخليها

ولجل أصلي فدوه اعياني

لي يرد الروح طاريها

سمت لـ اول وين لي كاني


للي بعدي : ....


يانور عيني ليه كله تهاوش

وانته عيونك ترسل سهوم تطريش

 

[وافي وطبعي سنافي]

يانور عيني ليه كله تهاوش

وانته عيونك ترسل سهوم تطريش

ما بين قلبي وعينك دايم تناوش

واهل الهوى مابينهم تتش وتناويش

وعودك ياحبــيبي كلها مـراوش

ماقلتلي يامعذبي هالـجـفـا ليـش
..................................................................................................................................
صاغ القوافي واتقن الصوغ
صوغ وصوغه صوغ صـــــواغ

 

[إنســآنه]

صاغ القوافي واتقن الصوغ
صوغ وصوغه صوغ صـــــواغ
صــآغ كلمة(ن) ما صـآغها صآغ
وابـدع في صوغ كل حرف(ن) من المصاغ
يصوغها كل ذا حكمه بالمصاغ


..



ماكان قصدي اتركك واجافيك
بس الضرؤوف منعت طآريك

 

[نسايم ريف]

ماكان قصدي اتركك واجافيك

بس الضرؤوف اللي نوت منع طرياك

يازين وقت ن مر وايدي في يديك

وياشين وقتي اليوم وآنا بلياك



للي بعدي : ...


غريبه صرت تتحاشا وجودي

وانا اللي كنت كل شي وجودك

 

[وافي وطبعي سنافي]

غريبه صرت تتحاشا وجودي

وانا اللي كنت كل شي وجودك

غريبة كيف تنسالي وعودي

وانا اللي حافظ وعـودك

غريبة كيف تتسمع حسودي

وانا اللي رافـض حسودك
ـــــــــــــــــــــــــــ
راعني يا مثني العود
وضمني في مبرده نودك​

 

[نسايم ريف]

راعني يا مثني العود

وضمني في مبرده نودك

فيض حبك برق ورعود

ضمني ثم اروني بجودك



@@@@@@@@@@@@@@@@@@@@@


لا جيت يمك يرتعش خافقي رعش

وان جيت ابى ابعد ردني صوبك الشوق

 

[وافي وطبعي سنافي]

لا جيت يمك يرتعش خافقي رعش

وان جيت ابى ابعد ردني صوبك الشوق

ياللي بقلبي حبــك معتلي عـرش

ماخذ ومعطي لك ف الهــوى حقوق

لا تجي في يـــوم وتسـالـني وش

اعشـقـك وانـت لـي اغلى معشوق
ـــــــــــــــــــــــــــــــــــــ
نورك نزع غسق الظلامي
والخد ورده فايع الشمي​

 

[نسايم ريف]

نورك نزع غسق الظلامي

والخد ورده فايع الشمي

حـلو المحيا والوشامي

كل مانظرتك ينجلي همي


&&&&&&&&&&&&&&&&&&&&&&


لبيه ياحـلو المعاني ولبى

بسمة شفايا رسمها كرز ن وتوت

 

[وافي وطبعي سنافي]

لبيه ياحـلو المعاني ولبى

بسمة شفايا رسمها كرز ن وتوت

لك عظيم الشوق فالخافي تخبى

يامن شتني ف درب الهوى شوت
ـــــــــــــــــــــــــــــــ
حاسوب حبك بالفكر بث
متصل باسلاك وارسال بلوتوث

 

[نسايم ريف]

حاسوب حبك بالفكر بث

متصل باسلاك وارسال بلوتوث


وان مـر طيفك طحت مرتث

كن فعظامي سلك ويحوث


@@@@@@@@@@@@@@@@@@@@@@@@@

لي متى واحنا نعيش بهالظلام

نرتضي لكن وتحكمنا الضرووف