يكلمنـي عن جروؤحـه وانـآ بسبتـه مجـروح .. !

الموضوع في ',, البُريمِي لـ القَصائد المنقولة' بواسطة ريمـــــان, بتاريخ ‏12 فبراير 2010.

  1. ريمـــــان

    ريمـــــان ¬°•| عضو مميز جدا |•°¬

    لمن يعيشون بــــحب من طرف واحد ،، و لا يستطيعون البوح بما في قلوبهم ..


    هذه القصيدة هي لسان الحال ..
    فإليكم ،، علـّها تتحدث و تصف ماعجز اللسان عن وصفه .. !!
    أهديها لكـل من يحـب من طـرف وآحـد . .
    مع كل الحب ..








    يكلمني عن جروحه ،، و أنا من سـبّـته مجروح
    يسولف لي عن ( أحبابه ) !! ،، و أسولف عنه لحاله

    أحس في دمعة عيونه ، و تطلع من بكاه الروح
    و إذا يفرح مع غيري ،، ( بكى قلبي .. و هنـّى له ) !!

    ياليت آنا معاه اللي ركبنا في سفينة نوح
    محد يقدر يفرّقنا .. لا عمـّي ،، و لا خاله

    رسمته في قلم ناشف على قطعة خشب من لوح
    و تهيـّأ لي يحاكيني ، و يبيني أرسم ظلاله

    تحرّك طيفه الدايم ، و لَـعـَب في حسبتي بـجموح
    ( يحب الخيل ) ، و أشعاري عشانه صاروا خيـّاله

    و صار بعيني الأجمل ، مع إنه شويّ هو مملوح
    و لا غيره ملا عيني ، و قلبي بس يصفى له

    ذبحني قلبي الساكت ،، متى قلبي عليه يبوح ؟؟
    أحبه .. و مادرى إني أحبه , و أعشق وصاله

    كتمت / و هذا من طبعي ، و تمنيت الغلا مفضوح
    بأبيّن له ، و لا أقدر !! مع إني جالس قباله

    أخاف إنه بعد مده يطير ،، و من إيديني يروح !!
    هو نعمة من فضل ربي ، و يقولوا : النعمه زوّاله !

    لي قلبٍ من كثر حبه ،، على فراش التعب ( مطروح )
    لا هو ميت و لا عايش .. و والله إن مات أشوى له !!

    و حبي ( من طرف واحد ) ، غلا صادق ، بدون مزوح
    و إذا هو طاح قدامي : نزل له قلبي و شاله

    شكى لي ، و كنت له ( أسمع ) / و قلبي دووووم له مفتوح
    يطمّني عن ( أخباره ) ، و شنهي آخر أعماله

    و إذا شفته خطا بحقي . . بدون أعذار هو مسموح
    في نيـّاته .. و لا يدري .. و طيبة قلبه همّاله !

    في جياته يروح الهم .. و يبدّل دمعتي بـ فروح
    تمنيت البشر مثله ،، و كل من حولي أمثاله

    من الله حبّه بقلبي ،، حشى مالي ترى مصلوح
    عسى يكبر و يذكرني .. و يسمّي بـ ( اسمي ) عياله



    ممـــــــــــا راق لي :hehe2:
     
  2. ريمـــــان

    ريمـــــان ¬°•| عضو مميز جدا |•°¬

    يسلموا ع المشاهده
     
  3. رحآيل

    رحآيل ¬°•| مُشْرِفة سابقة |•°¬

    فعلاً الحب من طرف واحد عواااار راس ..
    اشلهم بالحب واهمومه ..

    تسلمين أختي ريمان وهالمرة رد مب مشاهدة بس ..ههههه
    والشعر وااااايد حلوووو ..
    بصراحة ما قدرت أوقف لما قريته ..
     

مشاركة هذه الصفحة