@*~[يْرتاح بَاڵيْ بَـشۈفُة؛اڵنـۈق]يْطفُن ڵهْيْبَ اڵشوق ونآرهه..~*@

الموضوع في ',, البُريمِي للتُراثِ والحَضارات ,,' بواسطة شووق قطر, بتاريخ ‏10 فبراير 2010.

  1. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    [​IMG]





    [​IMG]




    [​IMG]




    [​IMG]





    [​IMG]



    مرآحل عمر الابل


    اول ما تنولد يسمونها
    ..........................{ السليل } سواء كانت ذكر ولا انثى


    ومن عقب الولادة ولين ما يصير عمرة سته اشهور يسمونه
    ..........................{ الحوار }


    وعقب ما يكمل السنه ينفصل عن امة ويعتمد ع روحة يسمونه
    ..........................{ فطيم }


    وعقب ما يكمل حول السنتين يصير قوي البنية يسمونه
    .......................... { الحجّ }؛{الحق}



    وفي عمر الثلاث اسنين يسمونة{ اللقي }؛ { اللجي}
    ويسمونه بعد بـ /{ ابن لبون } لانه يصادف هالعمر إن امه اتيب غيره



    وعقب ما يتم الاربع سنين بعدها اسنان اللبنيه ما طاحن يسمونه
    ..........................{ الجذع } ؛{ اليدع }



    وعقب ما يتم الخامسة يطحين شي من ثناياه واتي محلهن ثنايا يديده فيسمونه
    .......................... .......................... { بالثني }


    وبعد ما يتم الست سنوات ويطحن شي من اسنانه يسمونه
    ..........................{ بالرباع } *
    و يوم يكمل سبع سنين وعدد اسنان إلي طاحن ست اسنان يسمونه
    ..........................{ بالسديس } *


    * الاسم يقولونه للذكر و الانثى




    الناقة عقب ما اتيب حول{ الخمس } مرات او اكثر وخلاص بتوقف
    عن اللقاح وجسمها بدا يضعف يسمونها{ بالفاطر }


    شي علامات تظهر تدل ع الشيخوخة لا ظهرت في الجمال
    ها يعني إنها بلغة نص عمرها ويسمونها{ بالهرش }



    ملاحظة/

    وفي حال ما نبي علامات الشيخوخة تظهر ع الجمل بالعناية يتأخر ظهور هالشي
    والشي المعروف إن { النوق } و{ الجمال } يعيشن حول الاربعين سنه
    بس الحياة العملية المفيدة تكون من عمر {6}؛{25}سنه وعقب الخمسة وعشرين
    يطيحن سنونها وتبدا تضعف




    [​IMG]


    مصطلحات لازم نتبه لها للي ماله دراية بالنوق
    مصطلح{ الابل }/{ البعير} للذكر والانثى
    اما { الناقة } فهو مصطلح بس للانثى
    و { المطية } هي الانثى إلي يمتطى ع ظهرها
    و { البكرة } هي الانثى الشابة
    { الخلفة } هي الناقة إلي تولد الحوار
    و{ الجمل } للذكر
    وشي { الفحل } هو الذكر إلي يلقح الناقة
    { القعود } هو الذكر إلي من عمر السنه حتى سن الاربع سنوات
    { العكي } وهو الابل إلي يستعمل فقط للتحميل و الركوب " وحليله"
    وشي اسامي كثيرة وشي اسم ماهوب غريب علينا وهو{ الهجن }
    وهي الرجاب ويسمن بالهجن لانهن رشيقات




    وشي مصطلحات لمعرفة عدد { النوق } و { الجمال }


    إلي يملك حول الثلاث لين العشر يقولون { الذود }
    وإلي يملك ما بين العشرين لثلاثين يقولون { الصرمة }
    و إذا العدد كان ما بين الخمسين لتسعين يقولن { الهجمة }
    وإذا العدد وصل لحول الامية يقولون{ الهنيدة }
    و لي يوصل حول الخمسمية للالف يقولون { العرج }
    و لي يوصل عددهن أكثر عن الالف يقولون { الجرجور }




    شي اتلاحظونه في الفحول وهو شي ابيض يظهر في ثمهم
    ها الله يسلمكم لاشف ناقة وعيبته ظهره هالابيض ويسمونه بالزبد
    و بعض النوق اتظهرها لا تعبت في الركض ولا شياته



    وفي شي ينحط ع ثم الابل نحن انسميها فدامة
    اذكر ابوي قالي مرة إنهم حطون الفدامة لناقة عسب لا تشرب من حلبيها
    و ينحط للبعض عسب لا يعضون حد وبس ها ع حد علمي
    والسموحة إذا غلط بمعلومة ولا شياته ترا معلوماتي ع قدي




    [​IMG]


    [​IMG]



    [​IMG]



    [​IMG]


    [​IMG]


    [​IMG]








     
  2. الحياه مصخره

    الحياه مصخره ¬°•| عضو مبتدى |•°¬

    مشكووووووووره على الموضوع لو انه مالي خص فالبدو
     
  3. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    مشكور اخوي ع المروور
     
  4. لعيونكـ أشتاقـ

    لعيونكـ أشتاقـ ¬°•| عضو مثالي |•°¬





    تسلمين خيتو ع معلومات الرجــــاب!!



    [​IMG]


    بصراحه اسامي اول مره اعرفها


    تسلميييين يـــا ام الذووووق خيتو قطريه!!


    تقبلي مروري
     
  5. رحآيل

    رحآيل ¬°•| مُشْرِفة سابقة |•°¬

    والله معلومات يديدة علي بصراحة ..
    ياربيييييييي أحب النوووق والبدو ..
    تسلمين أختي قطرية ..
    وقويتي ..>>>> أتفلسف بالبدوي ..ههه
     
  6. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    الله يسلمكم

    مشكووووورين ع المروور
     
  7. راعي صوغة

    راعي صوغة :: إداري سابق ::

    موضوع رائع أختي قطرية

    ومعلومات جيده عن الأبل,,

    دائما مميزه أختاااه

    ونترقب الزود
     
  8. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    مشكوووووووووور اخوي ع المروور الحلو الله لآيحرمني من توآجدك
     
  9. بنت ابوي

    بنت ابوي ¬°•| مٌشرِفَةْ سابقة |•°¬

    تسلمين الغلا ع الطرح الغاوي مافيج حيلة
     
  10. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    لا هنتي غلاي ع الموضوع والله يعطيج الف عافيه
     

مشاركة هذه الصفحة