لـيه مستغـرب كـلامي وليــه أعطـيـك الأمــان

الموضوع في ',, البُريمِي لـ القَصائد المنقولة' بواسطة دلع الزهــور, بتاريخ ‏7 فبراير 2010.

  1. دلع الزهــور

    دلع الزهــور ¬°•| عضو مميز |•°¬




    كـان لك قلبـي مديـنـه ولاحـظ إنـي قلـت :


    ((كـــان))


    يعنـي إنـتَ الحيـن واحـد



    ((خـارج حــدود المـدينـه ))

    لـيه مستغـرب كـلامي وليــه أعطـيـك الأمــان
    وليه تَكْـذِب في كلامـك العـذر وينـك ووينـه


    ما ألـومك كان قلبـك ثـارت أمواجـه وخـان
    الخطــا منَّي لأني صرت فـي بحـرك سفينـه


    والسؤال اللَّي كتمته وما نِطَـق فيـه اللسـان
    كيف إيدك إطعنتني وآنا أحْسِبْهَـا أمينـه ..؟


    جرحي ما يرضيه قلبك لو يجـي كلِّـه حنـان
    لو تبــوس الجرح فيني ولـو تقبلهـا إيدينـه


    يُوم أحبك قلت كلمه :

    ( يكرَم المرء أو يُهان )

    وإنتَ قلبي ما كرمته وما قدرت إنِّـك تهينـه

    عزِّتـي )..

    ما هي جديده آنا شامخ من زمان
    إغسل إيدك من رجوعي وروح يا إبن اللذينه


    طاب خاطر قلبي منِّك وهذي الفرقـى رهـان
    وحتَّى لو قلبي يحبـك ربِّـي بفراقـك يعينـه


    تدري لما قلت أحبك قلت وما عنـدي ضمـان
    وإختياري كان خاطىء تجربه بالحيـل شينـه


    كنت تخطي وكنت أسامح مرَّه مرتين وثمـان
    أدمح الزله عشانك وأكتـم أنفـاس الغبينـه


    كنت أحبك وكنت أعزك والغلا فينـي جبـان
    اخاف تزعل لو ألومك ضعت ما بينـك وبينـه


    في عيون الناس عادي بس في عيني جنـان
    وكان قلبي من يشوفك تفضحه نظـرة حنينـه


    ماني أوَّل من يحب ومنتَ آخر شخص خـان
    المحبه في زمانك بحـــرها من غيـر مينـه


    الفشل .. كان النتيجه وأعتقـد آن الأوان
    .أبني مستقبل حياتي وأنسى قصتنـا الحزينـه




    وخطوتي الأولى غيابك وراح أطبقها عشـان
    يبكي قلبك لا فقدني والندم .. يملـي سنينـه


    جاي تسأل عن مكانك !! هو بقى فيني مكان ؟؟
    الله يرحمها المشاعر اللي كانت لـك رهينـه


    قلت لك قلبي ( مدينـه ) فيها لك حشمه وشان
    لكن إنتَ الحين أغرب شخص في هذي المدينه




     
  2. سفير الحب

    سفير الحب موقوف

    كلمات رائعة

    يعطيك العافية
     
  3. رحآيل

    رحآيل ¬°•| مُشْرِفة سابقة |•°¬

    (كان ) ( خارج حدود المدينة ) ..
    القصيدة روووعة وأبياته أكشن..
    وتسلمين أختي الأمورة عالطرح النايس ..
     
  4. دلع الزهــور

    دلع الزهــور ¬°•| عضو مميز |•°¬

    سفير المحبة ...
    سر المحبة ...
    شآكرة لكم هذا الحضور العطر ..
    والتواجد بين احرفي هنا ..
    كونوا بالقرب دوما ..
    لكم ودية ...
     
  5. نار الشوق

    نار الشوق ¬°•| عضو مميز جدا |•°¬

    جميل ماسطرته تلك الحروف..
    يسلموووو........#_#

    تقبلي مروري المتواضع......
     
    آخر تعديل: ‏9 فبراير 2010
  6. دلع الزهــور

    دلع الزهــور ¬°•| عضو مميز |•°¬

    يا هلا بيج نار الشوق ...
    نورتي بطلتج يالغلا ...
    لا عدمتج ان شاء الله ...
     
  7. نبض~الوريد

    نبض~الوريد ¬°•| عضو مبتدى |•°¬

    ربي يعآفيج كلمات رآئعة

    وانتقاء ولا ارووع

    لاعدمنا طرحج ^^
     
  8. دلع الزهــور

    دلع الزهــور ¬°•| عضو مميز |•°¬

    أهلا بالنبض ووريدة ...
    شاكرة لكي هذه الطلة ..
    دمتي بسعادة عزيزتي ...
     

مشاركة هذه الصفحة