أغلى من حياتي

الموضوع في ',, البُريمِي لِـ/ للشٌعرٍوالْقصِيْد,,' بواسطة نسايم ريف, بتاريخ ‏3 فبراير 2010.

  1. نسايم ريف

    نسايم ريف ¬°•| شاعرة |•°¬

    السلام عليكم ورحمة الله وبركاته
    .
    .
    .

    جـــديدي


    ياللي جمال الروح من فيض ذاتك
    قلي أمانه كيف بــ اقدر أخليك ؟؟


    لو جيت أعدد في حلاك وصفاتك
    ماني موفي والمدح مايوفيك


    عجزت أدور فيك عن سيئاتك
    مابك مذمه ياعسى الرب يبقيك


    يالله عسى طاري الهنا في حياتك
    تبقى سعادة قلب حبك ويرجيك


    تدري وش اغلى من حياتي ؟؟ غلاتك
    وتدري وش اللي يردلي الروح ؟؟ طاريك


    حتى الكلام اللي يفارق شفاتك
    ودي ألمه واجمعه كثر مــ اغليك


    أحب بوحك .. واعشقك في سكاتك
    وآحب ارض ن تحتوي رسم أثاريك


    والسموووحه ع لقصووور
     
    آخر تعديل: ‏8 فبراير 2010
  2. عابرسبيل

    عابرسبيل ¬°•| عضو مبتدى |•°¬

    الله يجازي من يسوي سواتك

    صح لسانج ابدعتي الله يحفظ غواليج
     
  3. بو جسيمـ

    بو جسيمـ ¬°•| شاعر |•°¬

    محلى حليـّـك فـ القوافي وحلاتك

    محلو ّ شعر الغزل حلو ٍ ومحليك

    واللي يسوي السوء ما من سواتك

    سوّك سواة الحر ّ ربي مسويك




    صح الله لسانج يالوافيهـ ~ قصيده غاويه ^^

    اسمحيلي ع البيتين عاد ~ فـ داعة الله
     
  4. رماد الشوق

    رماد الشوق ¬°•| فخر المنتدى |•°¬

    صح لسانــــــــــــــــــــــــــــــــــــــــــــــــــــــــــــــــــــــــــك
    ابدعت ,,,,
    بصرااااحة في قمة الروعة ,,
    تســـــــــــــــــــلم ع الطرح ,,,
    مشكوووووووووووووور ,,,
     
  5. نار الشوق

    نار الشوق ¬°•| عضو مميز جدا |•°¬

    كلمااات حلوووووه
    سلمتي يالشيخه..
    [​IMG]
     
  6. نسايم ريف

    نسايم ريف ¬°•| شاعرة |•°¬



    صح بدنك الشيخ وربي يحفظك ويسلم

    وتسلم ع الرد الطيب
     
  7. نسايم ريف

    نسايم ريف ¬°•| شاعرة |•°¬


    ربي يخليك ويكثّر شراتك
    من طيب أصلك يالشهم ذي مباديك

    تسلم على ردك وتسلم حياتك
    وياعل يسلملي نباك ومعانيك



    صح بدنك ياخوي ومااعليييك زود

    فالحل وتسلم ع البيتين وربي يحفظك
     
  8. نسايم ريف

    نسايم ريف ¬°•| شاعرة |•°¬



    صح بدنج الغلا والرووعه مرورج وردج الشيخه

    ربي يسلم غاليج ومغليج خيتوو
     
  9. نسايم ريف

    نسايم ريف ¬°•| شاعرة |•°¬



    والأحلى هالطله الحلللوه

    ربي يسلمج الغلا
     
  10. بيـاض السحـب

    بيـاض السحـب ¬°•| مُشْرِفَة سابقة |•°¬

    همس القصيد


    أبدعتي غاليتي بكل ما تحمل الكلمة من معنى


    ما شاء الله بكل حرف جمال وبكل كلمة معنى وبكل شطر مغزى


    أبدعتي وأكثر حتى أن حروفك حلقت عالياً بسماء التألق والابداع


    صح لسانك وعلا وارتفع شانك


    ولك أصفق وبكل حرارة على ما قرأته هنا من ابداع لقلمك الذهبي


    وهنا وبكل تواضع اسجل اعجابي الشديد بحرفك المبدع


    فلك غاليتي اجمل وأرق التحايا وأعذبها


    ودمت متألقة ومتميزة


    تستحق النجوم الخمس مع التقييم بكل جدارة
     
  11. نسايم ريف

    نسايم ريف ¬°•| شاعرة |•°¬


    صح بدنج الشيخه ويسلم غاليج ومغليج يارب

    وجــودج بحد ذاته وسام يالغلا

    ربي يعطيج العافيه على هالذوق والتواصل المستمر
     
  12. !الـغ ـروب!

    !الـغ ـروب! ¬°•| مُراقِبة سَابقَه |•°¬

    همس القصيد
    صح لسانج واعتلى شانج
    ماشاء الله عليج قصيده في منتهى الروعه
    وهالشيء مب غريب عليج
    ونتريا الزود من جداج
    ربي يحفظج
     
  13. بنت المقابيل

    بنت المقابيل ¬°•| مشرفة سابقة |•°¬

    تدري وش اغلى من حياتي ؟؟ غلاتك
    وتدري وش اللي يردلي الروح ؟؟ طاريك


    صح لسانج همس

    قصيدة رووووعة
     
  14. نسايم ريف

    نسايم ريف ¬°•| شاعرة |•°¬


    صح بدنج الغلا وربي لاهانج ع الرد الطيب

    وتسلمييين ع التواصل الدايم عزيزتي ومنووووره القصيده بطلتج الحللوه
     
  15. نسايم ريف

    نسايم ريف ¬°•| شاعرة |•°¬



    صح بدنج الشيخه

    الأروع مرورج الطيب الغلا
     
  16. آل يذوه

    آل يذوه ¬°•| ناقد شعري |•°¬

    صح لسانج

    تدري وش اغلى من حياتي ؟؟ غلاتك
    وتدري وش اللي يردلي الروح ؟؟ طاريك


    حتى الكلام اللي يفارق شفاتك
    ودي ألمه واجمعه كثر مــ اغليك


    أحب بوحك .. واعشقك في سكاتك
    وآحب ارض ن تحتوي رسم أثاريك


    هالثلاث ابيات سجليهن في قائمة اجمل ابيات لج

    ابدعتي في هالقصيده

    ارتوينا شعرا من هذه الابيات

    دمتي بهذه الشاعريه​
     
  17. محمد الخروصي

    محمد الخروصي ¬°•| شـــاعر |•°¬

    حس أنثوي غريب عجيب ...

    فكرة القصيدة غير جديدة ولا الأسلوب إلى أن الحس غمر الفكرة والأسلوب برهافت الحس الأنثوي حتى أخرجت لنا غادة تتبخطر في مشيتها خجلا ...

    ذكرني اختيارك للقافية بقصيدة الشاعر محمد بن فطيس إللي مطلعها :

    الله يجازي من يسوي سواتك *** وبسلوب من سوى سواتك يجازيك ...

    وكذلك الاستفهام هو يقول :

    تدري وش أبيض من خفوقك عباتك *** تدري وش إللي غرني نظرتي فيك ...

    موسيقى النص راقية ...

    لا أقول إلا لهنتي ولا هان منطوقك ...

    نتريا اليديد ..
     
    آخر تعديل: ‏7 فبراير 2010
  18. نسايم ريف

    نسايم ريف ¬°•| شاعرة |•°¬


    صح بدنك الشيخ وربي لاهانك ع الرد الطيب

    وجودك وردك أضفى رونق الإرتقاء على القصيده
     
  19. نسايم ريف

    نسايم ريف ¬°•| شاعرة |•°¬


    ربي لاهانك يالشاعر

    وتسلم ع الرد الطيب

    وفعلاً القصيده كتبتها لإعجابي الشديد في قصيدة الشاعر محمد بن فطيس بس على عكس الفكره

    ^ _ ^

    تسلم الشيخ وجودك شرف لي في قصايدي
     
  20. & ظبية أبوها &

    & ظبية أبوها & ¬°•| عضو مميز جدا |•°¬

    ... صح لسانج ...
     

مشاركة هذه الصفحة