بوسه ع الجبين

الموضوع في ',, البُريمِي لِـ/ للشٌعرٍوالْقصِيْد,,' بواسطة نسايم ريف, بتاريخ ‏28 يناير 2010.

  1. نسايم ريف

    نسايم ريف ¬°•| شاعرة |•°¬

    السلام عليكم ورحمة الله وبركاته



    ..... جديدي.....




    آآآآه يادنيا من اللي تحملين
    فرحــةٍ ضاعت فوسط المعمعه


    مثل دمع العين في محجر سجين
    لا نزفه ولاقدر يسترجعه


    ادري ان اللي مقدّر با يبين
    وادري ان الحظ أصلاً زوبعه


    لاعزف يبدأ بألحانه حزين
    وان تهادى حرك أشجاني معه


    والغريبه كيف حنّا صامتين
    إن وقف !! نوقف وان ارخى نتبعه


    ليه نرضى دام حنّا رافضين ؟؟!!
    لي متى واحنا نعيش بــ أقنعه ؟؟!!


    ليه مانصرخ فــ وجه الظالمين ؟؟!!
    ليه نرضى الظلم ؟ نتعايش معه ؟؟!!


    يازمن تكفى .. وبوسه ع الجبين
    خف ع الــ أبهم قلــوب مشرّعه



    طيبي النيّه وناسٍ صافيين
    مايعرفون الوجوه مضيعّه


    طبعهم طيبه ومعدنهم ثمين
    والمعادن فالبشر متنوعه


    بعضهم يبرق مظاهر خادعين
    خنجر سمومه فظهرك يزرعه


    والذهب يبقى ذهب طول السنين
    كل مامر الزمن يغلى معه
     
    آخر تعديل: ‏30 يناير 2010
    أعجب بهذه المشاركة أƒأˆأ¦ أ“أ،أکأ‡أ‡أ‡أ¤
  2. سِـنٍـَفٍــوٍرٍهُـ ღ

    سِـنٍـَفٍــوٍرٍهُـ ღ ¬°•| عضو مثالي |•°¬



    والذهب يبقى ذهب طول السنين
    كل مامر الزمن يغلى معه


    ما شاء الله عليج اختي

    بصراحه كلمات روعه

    يعطيج العافيه

    ^^
     
  3. نسايم ريف

    نسايم ريف ¬°•| شاعرة |•°¬

    تسلمين الشيخه

    الأروع هــو ردج الطيب

    ربي يعافيج اختي ع المرور الكريم
     
  4. rooh alkindi

    rooh alkindi ¬°•| عضو جديد |•°¬

    واوووووووووووووووو
    كلمات فنتك من الخاطر
    ورهيبة حيل
     
  5. الجرناس

    الجرناس ¬°•| شـــاعر|•°¬

    نص جميل يحمل معاني قيمة

    وما هي غريبة عليك كونك مشرفة الشعر والقصيد


    الجرناس
     
  6. مجروحة المشاعر

    مجروحة المشاعر ¬°•| عضــو مــهــم|•°¬

    والذهب يبقى ذهب طول السنين
    كل مامر الزمن يغلى معه

    تسلمين خيتي ربي لا هان مقامج
     
  7. مروض الكهان

    مروض الكهان ¬°•| مَشْرف سابق|•°¬

    مــــا شاء الله عليجــ

    ابدعتي

    وما فيييييييييييج حيله
     
  8. محمد الهنائي

    محمد الهنائي ¬°•| شــاعر |•°¬

    همس القصيد
    رائعه راقيه نص شامخ
    تسلسل جميل بأحساس جميل

    راق لي بوحج


    مودتي

    محمد
     
  9. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<



    اجمل بيتين الصراحه واللي انذكر صحيح

    صح لسانج غلاي واعتلا شانج وسلم بنانج ع القصيدة الراقية

    وبأنتظار جديدج حبيبتي

    بكل شووق

    وتستحقين التقييم
     
  10. بو جسيمـ

    بو جسيمـ ¬°•| شاعر |•°¬

    ادري ان اللي مقدّر با يبين
    وادري ان الـــحظ أصلاً زوبعه


    عجبني الشطر الثاني بقوهـ )"

    لا هانج الله يالشاعره الوافيهـ ..{ صح الله لسانج

    كلمات جزله ومضمون متوسع ,, تستاهلين التقييم

    قصيده غـآويهـ ~ بس لا تستعجلين فـ الكتابه

    عندج مخزون لغوي يالوافيه وجملي قصيدتج

    قلت جيه بسبب تكرار كلمة معه 3 مرآت ^^

    منج السموحه عـ النقد , فـ داعة الله
     
    آخر تعديل: ‏29 يناير 2010


  11. اعجز ان اضع رد مناسب لأبياتج الرائعه والجميله
    ابداع لا اجد له حروف كي اصفه..
    صح لسانج همس القصيد وربي لا هانج...
    استمتعت كثيرا في قرائت احاسيسج الذهبيه
    ولم أمل من التكرار..



    الله يسعدج ويطولي بعمرج يا رب...


    وإلى الأمام دوما يا مشرفتنا..
     
  12. أبو سلطااان

    أبو سلطااان مؤسس و رئيس الفريق التطويري إداري

    .ما شاء الله ع القصيد الجميل ...
    أبدعتي أختي الكريمه ...
    تستحقي التقيم ...
     
  13. نسايم ريف

    نسايم ريف ¬°•| شاعرة |•°¬



    تسلميين الغلا ع الرد الطيب
     
  14. نسايم ريف

    نسايم ريف ¬°•| شاعرة |•°¬


    تسلم الشاعر وماعليك زوود
    ربي يعطيك العافيه ع الرد الطيب
     
  15. نسايم ريف

    نسايم ريف ¬°•| شاعرة |•°¬



    الله يسلمج وربي لاهانج عالمرور الطيب
     
  16. نسايم ريف

    نسايم ريف ¬°•| شاعرة |•°¬



    تسلم ياخوي ربي لاهانك ع الرد الذوق
     
  17. نسايم ريف

    نسايم ريف ¬°•| شاعرة |•°¬



    تسلم وربي لاهانك ع الرد الطيب
     
  18. نسايم ريف

    نسايم ريف ¬°•| شاعرة |•°¬


    صح بدنج غلاي ويسلم غاليج ومغليج الشيخه
    نورتي القصيده بطلتج الحلللوه فــراوله
     
  19. نسايم ريف

    نسايم ريف ¬°•| شاعرة |•°¬


    ـــــههههههههههــ

    أولاً صح لسانك ياخوي وربي يعطيك العافيه ع الرد الطيب والتدقيق اللي عيبني بكل أمانه

    وفعلاً مانتبهت لهالكلمه اني رددتها ثلاث مرات ^ ^

    تسلم الشاعر ونقدك مقبول ومطلوب داايم
    وربي يسمح ذنوبك الشيخ
     
  20. نسايم ريف

    نسايم ريف ¬°•| شاعرة |•°¬

    صــح بدنك ملايين ياخوي وتسلم ع الرد الذوق

    وردك ع القصيده هذا بحد ذاته وسام أتشرف فيه

    ويسعد أيامك ولياليك الشيخ
     

مشاركة هذه الصفحة