..! قصيدتي فـ دآري !..

الموضوع في ',, البُريمِي لِـ/ للشٌعرٍوالْقصِيْد,,' بواسطة بو جسيمـ, بتاريخ ‏20 يناير 2010.

حالة الموضوع:
مغلق
  1. بو جسيمـ

    بو جسيمـ ¬°•| شاعر |•°¬

    سلام ٍ على العربـآن في مرتع العربـآن
    سلام ٍ ينومس كــــل ّ بنت ٍ ورجـــــــآلي


    شحوالهمـ عربـ الله ؟ ..{ عساهم الا بخير ويسور "(

    * قصيدتي فـ دآري { ع ـبري } ..!

    ~ كتبتهــآ وتراهـآ ما توفي ,, بس أسأل الله أن يجملني ~

    قلتـ :



    صفــاري عصير لا هبـّـت تهيـّـج خافقي بــبـراد
    نـــخت هوجاسي الـشعري تـــذكـّـرني بملافيهـا


    توافيني وأنا في حال متشـّـوق وهمـّــــي زآد
    على حــــالة بني أعســـر ولـــكني مواسيهـــــآ


    مـ دام الله عطاني صـــبر ساحاته تضم ّ بــــلاد
    صغير الـهم ّ ما ضيـّـق على نفسي مسآعيهـــآ


    كــــذا طبعي مع الأيــــــآم شفق ٍِ دايم ٍ فـ عناد
    وبنت الـــيوم لي خفـّـت تـــرآ مآني بناويهـــا


    يتوق الحر ّ للمعنى ولا يرجي سوى الــــوداد
    ومن هانت عليه النفس كل ّ الناس توطيهــآ


    خذيت العلم من جـّـدي يقول الــحآل هو معتآد
    تــراه العــايل بيسلم فـ أولـّـهــــــآ وتاليهــــــآ


    ولا منـي تذكـّـرتـه رحم ربي جميع أجـــــداد
    ذكـرت الـــديره اللي تيـّـمـــت قلبي بواديهـــا


    ســلام الطيب يآ منبع يضم الحر ّ والـمسناد
    سـلام ينومس لـ عبري بكل أبقاع يلفيهــــا


    نعوم الــدار والمرجع ديار ٍ مـا تبآ مــنشآد
    بعلم الخير طاريهآ وصلب العرب تنصيهــآ


    ربآ منهم على العرفان والنخوه لهم مقصـــاد
    يولـّـون الصدور فـ ساعة الشدات تحميهـــآ


    رجآل ٍ تجهل الزلـّـه ولا عاشت رخى وركــآد
    مـ بين الغاير المزبون والفرعات راعيهـــــآ


    عوايد أهلهــآ والسلم من نهج الجزل منقــــآد
    سلوم الجود فـ الدلــّــه وبيدقهـــــآ قهآويهـــآ


    رعـــاج الله يا دار ٍ حــوت مــن كل خير ٍ ذاد
    معاني نايف العليآ من الأمجــــآد عآليهــــــآ


    ترابج من نثاير ذهب وألمآس ٍ ولولو عقـــآد
    حدودج كنـّـهآ طابور من مرجـــآن محليهـــآ


    قفاري البر ّ وطعوسج جنان ٍ خضر لذ ّ أكبآد
    نقاوه صـآغهـآ ربي على مـ الكيف يبغيهـــآ


    ولا من هبـّـة النسمه مريفيـّـه على الــــمراد
    يهب العود والريحـــــآن مخلوط ٍ ويحويهـــآ


    تبرّد صدر من جاهم مع الضيقه على مسهآد
    وتفتح نفس معتلـّـه وممــحوق ٍ مداويهـــــآ


    يـ عبري دامني ساكن وسط قلبج على مرغآد
    كفايه منج يالدنيــــآ ترس عيني معآليهـــــــآ


    ربيت صغير فـ ربوعج ولا فـكـّرت حزم شداد
    وصرت كبير وأتعهـّـد ربـآ الـجدآن مقفيهــــا


    كذا بوقف عن وصوفج بعبـّـر حــالي ومجهآد
    قوافي الشاعر تقصــّـر ولآ تنقـــع دواديهــــآ


    لأنج جنـّـة الدنيـــآ ولــو وصـفـّـت مآ قــد فـآد
    ليــــاقة شعـــري تخوّن ولا وفـّـت معآنيهــــآ


    واذا كانت دبـــي ّ اليوم مديونه على الأحــداد
    مساحة متر من أرضج تسد ّ ديون تغزيهــــآ



    انطباعكم يالوافيين ,, خوكم مخ ــــآويـ ,,|
     
    آخر تعديل: ‏20 يناير 2010
  2. نسايم ريف

    نسايم ريف ¬°•| شاعرة |•°¬

    الله الله الله يالشااااعر


    كلمااات في قمة الروعه والجمال وتستاهل دآرك ياخوي

    وتستاهل التقيييم والــ 5 ستااارس





    يتوق الحر ّ للمعنى ولا يرجي سوى الــــوداد
    ومن هانت عليه النفس كل ّ الناس توطيهــآ
     
  3. alshibli

    alshibli ¬°•| مراقب عام |•°¬ إداري

    صح لسانك أخوي....
     
  4. بو جسيمـ

    بو جسيمـ ¬°•| شاعر |•°¬


    الأروع مرورج يالوفـآ ..{ تستاهلين الجنه وكل خير

    ~ مشكوره على هالمرور المشرف خيتي ,, لا هنتي

    فـ داعة الرحمــــــــــــــن ..
     
  5. بو جسيمـ

    بو جسيمـ ¬°•| شاعر |•°¬


    صح بدنك الشيخ ^^ ~ لا هنت

    مرورك سمح مثل طلتك ..

    فـ داعة الله
     
  6. بيـاض السحـب

    بيـاض السحـب ¬°•| مُشْرِفَة سابقة |•°¬

    مخاوي


    صح لسانك وعلا وارتفع شانك


    الله على روعت ما نسجته هنا من عظيم وجميل الكلمات


    حلقت عالياً بحروفك الرائعة الجميلة


    اخترق السحاب لحد الجنون ووصلت النجم لحد التألق


    فدمت للتميز والتألق عنوان
     
  7. بو جسيمـ

    بو جسيمـ ¬°•| شاعر |•°¬


    صح بدنج يالوفـآ وشانج رفيع "(

    ~ مشكوره على تعليقج الوافي والسمح ..

    لا هانج الله ..{ تبقين سد وذخر ان شاء الله

    ربي حافظج ,, فـ داعة الله
     
  8. !الـغ ـروب!

    !الـغ ـروب! ¬°•| مُراقِبة سَابقَه |•°¬

    ماشاء الله عليك يالشاعر وبالفعل الحرف مايوفي وصفها
    بجد قصيده في قمة الروعه
    وهالشيء مب غريب عليك دومك تتحفنا باليديد البراق
    وفانتظارك بطرح قادم
     
  9. عذب السجايا

    عذب السجايا ¬°•| عضو فعّال |•°¬

    صح لسانك شيخي وانا اشهد انها تسد الدين
     
  10. بو جسيمـ

    بو جسيمـ ¬°•| شاعر |•°¬

    تسلمين يالغ ــروب ~ مرورج ثقيل

    لا هنتي ..{ اتريـآ طلتج على الدوام

    فــ داعة الرحمـــــــن ,,
     
  11. لحن الخلود

    لحن الخلود ¬°•| عضــو مــهــم|•°¬

    ماشاء الله شاعر بمعنى الكلمة نتريا منك اشعار يديدة..
     
  12. بو جسيمـ

    بو جسيمـ ¬°•| شاعر |•°¬

    صح بدنك يالشيخ ,,{ وأنــآ أشهد انك وافي

    تسلم حبيبي على مرورك .. فـ داعة الله
     
  13. بو جسيمـ

    بو جسيمـ ¬°•| شاعر |•°¬

    لا هانج الله يالوفـآ ..{ مرورج سمح مثل طلتج

    أتريـآآ طلتج على الدوم ,, فـ داعة الله
     
  14. ¤.مسايـــر الوقــــت.¤

    ¤.مسايـــر الوقــــت.¤ ¬°•| عضو مبتدى |•°¬

    ¤.مسايـــر الوقــــت.¤

    مخ ـاوي

    كلمـات تجبرٍنـــي لوضع ردٍ

    صحٍ اللـهـٍ لسـانـكـٍ

    يشـرفنـيٍ المـكوث هنـا عزيـزٍ

    تقديـريٍ

    ¤.مسايـــر الوقــــت.¤
     
  15. بو جسيمـ

    بو جسيمـ ¬°•| شاعر |•°¬

    الله حيـّـك خويه مسـآير ..{ والله يشرفني خطوفك

    مردودك وافي وانت وافي يالشيخ

    تسلم "( ولا هانك الله

    فـ داعة الله
     
  16. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    اااااااالله عليك يامخاوي


    ابدااااع وربي


    تستاهل دارك


    صح الله لسانك ورفع من قدرك وشانك
    لاهنت ولاهان منطووقك
    ونتريا يديدك ف عالم الشعر


    وتستاهل التقييم يالشاعر
     
  17. محمد الهنائي

    محمد الهنائي ¬°•| شــاعر |•°¬

    اذا قالوا عبري يفز قلبي ويرتاح
    اثر الغلا كله على ارض عبري

    مخاوي

    مااروع احساسك

    نص جميل جدا

    تسلم على هذا الطرح الراقي
    مودتي
    محمد
     
  18. بو جسيمـ

    بو جسيمـ ¬°•| شاعر |•°¬

    تستاهلين الخير والجنهـ ..{ الأروع مرورج الوآفي يالوافيه

    صح بدنج وشانج معتلي ,, لا فقدنـآج عسـآج ع العافيه

    اتريي الخير ~ تسلمين دومج مجملتني

    ربي حافظج اتريا طلاتج دوم

    فـ داعة الله
     
  19. بو جسيمـ

    بو جسيمـ ¬°•| شاعر |•°¬

    تسلم يالوافي على مرورك ~ صح لسانك

    مشكور ربي حافظك .. اتريا طلاتك دوم

    دمت بالعافيه ~ فـ داعة الله
     
  20. أبو سلطااان

    أبو سلطااان مؤسس و رئيس الفريق التطويري إداري

    .صح لسانك و عز الله دارك و مقدارك أخوي ...
    قصيده جميله تستحق التقيم ...
    دمت ع الأبداع ...
     
حالة الموضوع:
مغلق

مشاركة هذه الصفحة