قلت الــــوداع

الموضوع في ',, البُريمِي لـ القَصائد المنقولة' بواسطة نسايم ريف, بتاريخ ‏19 يناير 2010.

  1. نسايم ريف

    نسايم ريف ¬°•| شاعرة |•°¬

    بسم الله الرحمن الرحيم

    السلام عليكم ورحمة الله وبركاته

    حبيت أنقل لكم هذه القصيدة الرائعة ... أتمنى تعجبكم مثل ما أعجبتني




    قلت الوداع و جاوبت دمعة العين
    تجرح بساتين الخدود النديه؟؟؟
    و اغضت و شفت بعينها الحزن حزنين
    وصاحت على الفرقا ... انا مو قويه
    و جاوبتها ارجوكِ تكفين تكفين
    والله دمعك يشعل النار فيّه
    وقالت تعاهدني عهاد المحبين
    الله يخون اللي يخون بخويه
    قلت ابشري واللي خلقك لاتظنين
    حرام ما غيرك عشقت ادميه
    وقصت شعرها قلت انا وش تسوين
    قالت ابي من غرتي لك هديه
    ونادتني الغربه على الهم و البين
    واحسب ان الايام روحه وجيه
    غربة سنه في ذمتي غربة سنين
    متى على الله يلتقي الحي حيه
    و رجّعت شوقي في خفوقي براكين
    ورجعت انا كلي لها جاذبيه
    وسألت ماردوا و انا اصيح هي وين
    وكل نثر داخل العين ميّه
    وفي معمعة حزني تلقيت رمحين
    قالوا ماتت ... غافلتها المنيه
    وفي غرغرتها ماذكرت غير حرفين
    تشهدت باسمك شفاة البنيه
    صدمه وجابتني على الارض نصفين
    شلون راحت دون ذنب و خطيه
    تكفون دلوني على القبر هالحين
    ما عاد فيني للصبر مقدريه
    ووقفت اطالع قبرها بين نصبين
    وجلست اضم اغلى النصايب عليّه
    واصيح وش بك يا غلا ماتردين
    اشتقت همس اشفاك النرجسيه
    وش فيك جيت من السفر ماتهلين
    ماهي بلك عاده ولا انتي رديه
    و حاولت في لحظة جنون اجرح الدين
    و ازيح تربة قبرها في يديه
    و بالغصب شالوني حشا تقول مسكين
    و اصرخ بهم ... والله والله حيّه
    اقفت وتاهت بي جميع العناوين
    و الحزن يلعب في داخلي سامريه
    و رجعت لدروب الشقا قبل عامين
    مدري من اللي فينا صار الضحيه


    منقول
     
  2. ريمـــــان

    ريمـــــان ¬°•| عضو مميز جدا |•°¬

    راق لي طرحك همس القصيد
    وعزف حروفك
    التي تتلاعب بنا الى ابعد حدود المعقول
    لك نذهب ولا نقول
    ‘‘
    ‘‘
    شكرا ً لك ولـ قلبك
    دمت بهذا النقاء واكثر
    لروحك العطره

    :imuae55:ريمــــــاني:imuae55:
     
  3. عۈد بطرآنيـے

    عۈد بطرآنيـے ¬°•| فخر المنتدى |•°¬

    أبيات شعرية غاية فالرووووعة

    تسلم ايد من كتبها ومن يابها
     
  4. نسايم ريف

    نسايم ريف ¬°•| شاعرة |•°¬




    تسلميييييين ريماني ع الرد الذوووق

    ربي لاهانج ع التواجد الندي والعطر عزيزتي

    نووورتي الغلا
     
  5. نسايم ريف

    نسايم ريف ¬°•| شاعرة |•°¬



    الأروع مروورج يالغلا

    تسلمين وربي لاهانج الشيخه
     
  6. عذب السجايا

    عذب السجايا ¬°•| عضو فعّال |•°¬

    سلمت يمينج دوم احساسج مرهف ربي يخليج
     
  7. بيـاض السحـب

    بيـاض السحـب ¬°•| مُشْرِفَة سابقة |•°¬

    همس القصيد


    أبيات رائعة جميلة عذبة


    جمعت بين جمال الاحساس وروعة المشاعر


    سلمت يمناك على النقل وسلمت ذائقتك على الاختيار


    ولك مني أعذب وأرق التحايا


    ودمت بخير ومحبة
     

مشاركة هذه الصفحة