ودي اخطب ..~ موضوع حايز على جايزه نوبل للسلام

الحالة
مغلق و غير مفتوح للمزيد من الردود.

على هونك

¬°•| ألحَزُنِ دَوِلِه وأنآ حآكمهآآ |•°¬
إنضم
29 سبتمبر 2009
المشاركات
1,783
العمر
103
الإقامة
دآر الزـين
السلام عليكم والرحمه


شحالكم .
عساكم الا بخير وعافيه


ندش في الموضوع طوالي >>> ما عنده وقت :rolleyes:

--------------------------------------------------

بينما وانا اطالع مسلسل صومالي ع التلفزون
سمعت صوت جرس الجيران يرررن نطيت من مكاني وسرت البلكونه واشوف منو اللي ياينهم هالحزه >> مب ملقوف ابد :rolleyes:

واشوف ياينهم حرمه عوده ووياها بنتين اعمارهن بين 15- 18 >> مجرد احساس
وحده من هالبنات شافتني وقامت تطالع فيني وانا اللي اذبل عيوني عشان اسحرها :rolleyes:
وقام قلبي يقول طربق طربق طرمبق


عقب هالموقف الحلو سرت عند امي وكانت الوالده تشوفني واستقبلني بزنوبه على خشمي :rolleyes:
قالت : شعندك واقف ع البلكونه
قلت لها : اتريا واحد اييني واييب لي ملخص الكيمياء >> شاطر :biggrin:
قلت : صح اميي ترا في ناس يايين بيت الييران مادري منو
قالت: ايوا اليوم بتزورهم عمتهم وبتقعد في بيتهم اسبوع
قلت : عاد لازم تعزمينهم ما يصير اييون ضيوف في بيت الييران وحن ما نعزمهم
امي طالعت فيني وقالت : ما شالله شهالعقل اللي نازل عليك
قلت لها : اميي تراني اعيبج في الاوقات الصعبه
قالت : الصعبه ولا السهله .؟
قلت : الحمدلله والشكر :biggrin:

ما دريت الا وويهي مطبوع ع الطوفه :rolleyes:
سرت جدام المنظره اشوف ويهي عقب عمليه التجميل :biggrin:
حصلت ضايع مني ضرس وفي ميلان في خشمي جهه الجنوب الغربي


اليوم الثاني


بغت امي تروح عند الييران
قلت لها امي خلني اوصلج
قالت : كلها ثلاث خطوات شو توصلني بعد
قلت لها : لا امي انا حسبتها ثمان خطوات ونص :biggrin:
قات : اقووول اثقل لا احطك في باط البشكاره :rolleyes:

قلت : امي تراني اخاف عليج من الشايب بو حمد اللي كل ما شافج قال وش هالبنوته اللي ما تعدت السبعطعش سنه
قالت : هيه والله انك صادق يا وليدي
قلت : اقول عاد لا تصدقين :biggrin:
امي عاد حليلها حساسه وما اشوف الا والدموع في عيونها :biggrin:

يوم ردت امي البيت
قلت لها : ها بشري شو صار
قالت : وانته شدخلك
قلت: دخلني الباب بس يلا قولي شصار
قالت : باجر اذلف ويهك وسير عند ربعك تراني عازمه عمتهم وبناتها ع الغدا
قلت لها : شو اسير عند ربعي والله انهم مشاكل واصدقاء سوء وما منهم فايده صدقيني :biggrin:
قالت : هيه صدقتك


عقب يوم


ضبطت المنبه ع الساعه 5 الفير >> اخاف اييون وانا راقد :rolleyes:
نشيت ولبست اكشخ ما عندي :rolleyes:
واتريا الجرس يرررن

وفجاه
طررررن طرررن

اخوي الصغير سار يبا يفتح الباب وانا اللي ازخه من عصاقيله قلت له انثبر مكانك عاد ما بقى الا انته تفتح الباب
اخوي مستغرب لاني اول كنت اكفخه عشان يفتح الباب واليوم انا اللي بفتح بداله :rolleyes:

فتحت لهم الباب وشفت البنت يايه وياهم ... نط قلبي وضرب البنكرياس ورد مكانه
اول ما دخلو وانا كل اشوي رايح اشرب ماي لدرجه ان بطني قالي ارحمني يا تيس :biggrin:



عاد الوالده شكت في السالفه ويت عندي
قالت : مب قايل لك اليوم تسير عند ربعك
قلت : انتي تامرين امر يا احلى واغلى ام بالدنيا
عاد الوالده استانست وابتسمت
قلت : الله لا يحرمني منج ومن حبج ياللي من جمالج تقولين للقمر وخر بيلس مكانك :biggrin:
وانا اقول بيني وبين نفسي : لا تصدقين عاد :10:
قالت : سم يا ولدي امر شو بغيت تطلب عيوني انته
قلت : ممكن رقمج :biggrin:
قالت : شو
قلت : ابد بس طال عمرج ودي انج تخطبين لي
قالت : هاذي الساعه المباركه
بس منو هاذي سعيده الحظ اللي بتاخذها
قلت : تعرفين عمه الجيران .. ابا بنتها اللي حبيتها من يوم :rolleyes:

شفت امي نزلت راست وبدت تدمع
قلت لها : عادي امي كل الناس يعرسون ويطلعون من عند امهاتهم بس وعد مني اني ازورج كل يوم :rolleyes:
قالت : والله اني استانس اذا طلعت من البيت اليوم قبل باجر :biggrin:
قلت : الله يخليج لي
قالت : والله انك كسرت خاطري
قلت : افا شو السالفه .؟
قالت : بصراحه البنت العوده متزوجه
قلت : ومنو قال اني ابا البنت العوده انا قصدي اللي اصغر عنها
قالت : الصغيره .. والله مادري كيف اقولك
قلت : لا تقولين انها اختج بالرضاعه :biggrin:

قالت : بصراحه الصغيرره
قلت : انزين اشبلاها
قالت : الصغيره امس انخطبت ولد عمها

:7:

سرت غرفتي وان اللي ادمع وادمع وادمع لين طلعت الماي اللي شربته من عيوني :frown:
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
ههههههههههههههههه
ياا حراام
احتراماتي
سويره
 

ذبحهم غروري

¬°•| فخر المنتدى |•°¬
إنضم
30 أكتوبر 2009
المشاركات
2,780
هههههههههههههههههه ياحرااااااااااااااااااااااااااااااام
مشكور ع طرح
 

«● مـزآجيــہ كـــღـووولـ

¬°•| عضو مميز |•°¬
إنضم
9 يناير 2010
المشاركات
419
الإقامة
•°• In My WOoORlD •°•
يا حليلهـ ،،،

والله حـراآم تنتهي القصة جيه كسـر خاآطري من الفير قايم يكشـخ عشـانهـاآ وآخر شئ تطلـع مخطــووبه>>حدهـاآ تأأثرت بالقصـهــ :giving-up:

يعطيك العـاآفيه خيوو،،​
 

شووق قطر

¬°•| مراقبة عامة سابقة وصاحبة العطاء المميز |•°¬
إنضم
29 سبتمبر 2009
المشاركات
27,429
الإقامة
قـــلــبي""الـــدفــــنــــه""
ههههههههههههههههههه مسلسل صومآلي ههههههههههههه اكيد عيل نطله صومآليآت
خخخخخخخخخ

الآ اقول ... نط قلبي وضرب البنكرياس ورد مكانه
عسى بس المرآرة مآتعورت هههههههههههه


ويحليلة اشكثر تلعوزبآلآخر يتحطم قلبة

مشكوووووووووووووور كريزي ع الموضوع الجنوني ههههههههه
 

shadow

¬°•| اسْتًغْفِرُ الله |•°¬
إنضم
1 أكتوبر 2009
المشاركات
603
ههههه


ينرحم هع
 

special

¬°•| اسْتًغْفِرُ الله |•°¬
إنضم
18 نوفمبر 2008
المشاركات
1,904
الإقامة
خلف الكواليس.. ~
هههههههههههههههههههههههههههه...

خساره توقعت فلم هندي بيصير في الأخير..


عجيب عجيب.. تستحق الخمس نجووم.. ~
 

على هونك

¬°•| ألحَزُنِ دَوِلِه وأنآ حآكمهآآ |•°¬
إنضم
29 سبتمبر 2009
المشاركات
1,783
العمر
103
الإقامة
دآر الزـين
:e025fb6133:
 

مشاغب

¬°•| <font color="#040000"> زçـــيم </font><font
إنضم
24 فبراير 2009
المشاركات
2,474
زين


وشنو صار عقب
 

""فـوشـهـ""

¬°•| عضــو مــهــم|•°¬
إنضم
7 فبراير 2009
المشاركات
1,703
ههههههههههههههه


تـــأثــــــرت الصراحـــــــــهـ ,, ^_^
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
هههههههههههههه لالا ينرحم

والله كسر خاطري نااش 5 الفير ههههههه

تحححفه القصه واايد فنتك
 

صقر آلبريمي

¬°•|مـכـتـآر [آכـبـﮗ]ولآ [آטּـسآﮚ]ـ |•°¬
إنضم
20 سبتمبر 2010
المشاركات
5,025
الإقامة
البريمي وضواحيها

يـأ حليلكـ ..

مره ثـآنية إن شاء الله ..

تسلم على الطرح
 

فنتكـ

موقوف
إنضم
9 يوليو 2010
المشاركات
351
الإقامة
في الواقع للاسف
ههههههههههههههههههههههههههههههههههههههههه

يحليله كسر خاطر

فالنهايه طلعت مخطوبه
مسكييييين
خلاص ولا يزعل بنزوجه بشكارتنا
 

قيادة حرس الرئاسة

¬°•| ђάсқεя~4έṽέя |•°¬
إنضم
9 مايو 2010
المشاركات
9,144
الإقامة
AUSTRIA
ههههههههههههههههههـــــــــ

ناااااااايس يسلمووووو​
 
الحالة
مغلق و غير مفتوح للمزيد من الردود.
أعلى