قصه تخوف فجبل حفييت

الموضوع في ',, البُريمِي لِلقِصَص والرِوَايات ,,' بواسطة حضرة القايد, بتاريخ ‏6 يناير 2010.

  1. حضرة القايد

    حضرة القايد ¬°•| عضو مبتدى |•°¬

    يقول راعي السالفه:

    كانت اخر ايام امتحانات الجامعه و كان عندي ريال كانت الساعه 2 فاليل و كنت مخلص دراسه و طفران تميت العب
    على الدواوير و اشل عقب قالي تعال بنسير جبل حفيت نشل فوق قتله اوكي


    سيرنا فوق و حاولت اشل بس ما رمت لنه باسكو و تعرفون الباسكو ما تروم تشل عليه فيلست ادور و انا مطول على المسجل عقب وقفت عدال ها الارصاد يلسنا و كل واحد منزل شوي من دريشته و كنا متقابلين و يلسنا نسولف شوي الا يقولي طالع وراك و يوم طالعت لقيت شي مادري شو هو

    سحابه او غبار او دخان بس منور و ياي صوب الموتر بسرعه يوم شفته قرب صوب الموتر نزلت راسي الا ذاك الشي الي صقع في الموتر و تم يهتز انا تروعت قتله شو ها قالي مادري

    قتله فلان الشرده تم صاخ و لا حرف بندت المسجل و حركت قبل لا انزل سمعت صوت صياح اطالع عدالي الا خويي يالس يصيح قتله بلاك قالي مادري قلته انزين اقرا اية الكرسي قرا اولها و سكت قتله كمل قالي نسيت و انا متعود منه انه يوم نسير نبات في البر انه يقراها قبل لا نرقد قتله انزين اقرا المعوذتين قالي ما اذكر شي اقول في خاطري بقرا اية الكرسي و يوم قريتها الا زاد الصياح و تم يضربني و يقول اسكــــــــــــــــــــــــــــــت انا جسمي اكبر عن جسمه لوان بنفس حجمه او اصغر كان كسرني من الضرب زخيته و ضربته بالباب وسكت و قتله خلاص انا بسكت

    يوم نزلنه شويه اشوفه يتلفت ورا وايد.. قتله بلاك اطالع ورا... قالي اسرع يلحقونا يبون يذبحوني و صوته غير كان طالعت ورايه ما في حد... قتله ما في حد.... قالي شي 3 يلحقونا... و اطالع الا محد قام يصارخ و يصيح بيذبحوني بيذبحوني شوي قالي قربوا علينا ادعس بيذبحوني في يدهم سكين . انا كان عندي سكين بس خفت اراويه السكين و يشلها عني و يذبحني بها قتله لا تخاف دام انا عندك محد يروم يسويبك شي و انا يالس اقص عليه و اقص على عمري لني تأكدت انه مستلبس

    شوي الا اسمع صوت صفعه يوم تلفت على خويي لقيته طايح و يصيح و يقول ضربوني ضربوني اسرع و تم يترجا اني ادعس و انا بغيت اموت قريت اية الكرسي مره ثانيه و تم يصيح و يضرب (بس تصدقون ضربه كان وايد قوي و الريال انا اعرفه ضعيف )قتله خلاص بسكت و تقبضت في الستيرنج قو من خوفي انه يلف بالموتر و يطرحنا من فوق الجبل

    مشينا شويه و هو على الشله هاي صياح و صراخ عاد انتم تعرفون لين تنزل من يبل حفيت يبالك سنه

    يوم وصلنا عند اقوى لفه يا في ثباني و تم يطالع فوق الجبل... قتله بلاك... قالي و صوته يخرع ان في واحد فوق يتريانا... طالعت فوق ما لقيت حد يوم انتبهت قدامي الا بغيت اصقع في الحاجز و ينقز الموتر بس ربك ستر اني كسرت مره وحده و لو كانت توايري مياجر كنا رحنا فيها بس توايري كانت 900 (و الي ما يعرفها هاي تواير الرمل)
    المهم الله ستر علينا و قلت في خاطري لو شو يقولي ما بطالع و يوم وصلنا تحت اخر شي قالي سير صوب الشجر (اول ما تنزل من حفيت شي شجر ) قتله لا و انا اقول في خاطري عند الشير هذا كله ينون تم يضربني و انا كنت واصل حدي و ميت رعب صطرته طراق و سكت عني و يوم وصلنا صوب الدوار قالي سير مصنع السماد و المنطقه هاي مشالله عليها مشهوره وايد بالسوالف هاي قتله لا قالي سير انزين عين الفايضه قتله لا و يوم وصلنا الدوار الي فيه طير تم يضربني ضرب قو

    انا كنت خلاص منتهي ما رمت اقبض اعصابي اكثر و ازخه و اضربه ضرب والله والله في حياتي ما ضرب حد جيه لين غدى تقولون ميت

    والله اني من قبضت الستيرنج اني يوم بطلت صبوعي اني ما حس بهن من قو المسك

    المهم شليت الريال و وديته عند ابوه و قتله السالفه قالي خلاص سير البيت سرت البيت و انا متعود دوم ما ارقد الا و الليت امبند تميت اسبوع ارقد و الليت شغال و كل ما ارقد اتخيل عينه شكلها يزيغ

    المهم ثاني يوم اتصلت على ابوه و قالي : وديته عند مطوع و سأل السكني ليش دخلت فيه قال يونا و ازعجونا و هم يلعبون و لا خلونا نرقد و ظهر السكني عنه و الريال الحينه بخير

    والله يا شباب يوم شفت ويهي كان غادي اصفر و تقول اني ميت عوذ بالله الله لا يراويها لواحد منكم

    هاي سالفتي و الله لا يعودها من سالفه وقتها كنت اقول ليتني اموت و لا ايلس ارمس سكني

    و اسمحولي اذا طولت عليكم يالربع

    ملاحظة :

    ترا هالقصة نقلنها من احد المنتديات وانا ما يخصني فالسالفة بس هذا كلام راعي السالفة ويلا ابا ردودكم
     
  2. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    ها لا يكون مكتوم الكعبي
     
  3. βlậćҜ Ĉάt

    βlậćҜ Ĉάt ¬°•| عُضوٍ شًرٍفٌ |•°¬

    بسم الله
    لو ماقريتها أحسن هع
    تسلم اخوي
     
  4. سقوط المطر

    سقوط المطر ¬°•| مشٌرٍفةِ سابقة |•°¬

    بسم الله احس انه فلم هندي

    يسلمووووووووووووووووووووووووووووووووووو
     
  5. إنسآنـﮧ

    إنسآنـﮧ °• الفريق الأخباري التطويري للمحافظة •°



    الله المستعـــــــــــــان
     
  6. معاااد يمديك

    معاااد يمديك ¬°•| عضو مميز جدا |•°¬

    هيييييييييييييه سالفه قديييمه هاذي
     
  7. حبك ذبحني

    حبك ذبحني ¬°•| عضو فعّال |•°¬

    سالفة وايد حلوة
     
  8. سنيوريتا

    سنيوريتا ¬°•| مُشرِفة سابقة |•°¬

    مشكور ع القصه
     
  9. مجروحة المشاعر

    مجروحة المشاعر ¬°•| عضــو مــهــم|•°¬

    حضرة القايد شكرا ع الطرح

    القصه حلوه وايد

    والله يستر ويبعد الشر عن الناس
     
  10. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    الله يستر علينا دنياا واخره


    يسلمووزن على الطرح


    احتراماتي


    سويره
     
  11. بنت المقابيل

    بنت المقابيل ¬°•| مشرفة سابقة |•°¬

    قصة تخرع

    هع هع

    عاد اليوم ماشئ رقاد
     
  12. سبونج بوب

    سبونج بوب ¬°•|عضو موقوف |•°¬

    ههههههههههههههههههههههههههههههههههه


    تضحك .. ههههههههههههههههههههههه
     
  13. مـادرى

    مـادرى ¬°•| عضو فعّال |•°¬

    يـويلي عيـل
    مـابروح جـبل
    حفيت أخـاف
     
  14. الجررريح

    الجررريح ¬°•| عضو مميز جدا |•°¬

    يسلمووووو رووووعه
     
  15. غالي الأثمان

    غالي الأثمان ¬°•| مراقب سابق|•°¬

    ثااانكس.. روووعه..
     

مشاركة هذه الصفحة