اقرا وانت ســـااااكــتـ][

الموضوع في ',, البُريمِي لـ/ يوميات الأعضاء' بواسطة المـــــهآ, بتاريخ ‏5 يناير 2010.

حالة الموضوع:
مغلق
  1. المـــــهآ

    المـــــهآ ¬°•| عضو مميز جدا |•°¬

    بسم الله الرحمن الرحيم


    سلااااام عليييهم أعضاءنا وزوارنا


    شحالكم؟؟؟


    تعرفون أول مره امر على هالقسم !! بصراحه؟؟؟

    عجبني قوانينه

    لان بصراحه من زماااان وانا اتمنى هالصفحات


    عاااااد اقولكم هب شرط نعرف شخصية العضو كاتب الموضوع >>> لي هي انا


    بس


    تعرفون الحلو؟؟؟


    انه تعبر عن كل اللي في نفسك،،


    تعرفون شي؟؟


    أحيانآ اقول اعضاء هالمنتدى بيكرهوني،،، لان احيانآ احس صراحتي

    قاسيه شوي


    المهم ما علينا

    اللي يبي يرد












    ممنـــــــــــــــــــــوووووع



    اقرا وانت سااااااااااااااكت


    جانك تبا

    ماتبى برايك ومسموووووووح>>>>هــــــــــــــــــــــع


    تعرفون



    دوامي يوميآ من إلي


    من البيت للكليه >> تقريبآ 45 دقيقه ليما نوصل


    فـ الطريج أشياء واااااايده


    تعرفون منظر الصمر مع الضباب والله انه روووووعه


    كأنك في خيااااااال

    وشمس الشتا رهيييبه الصبح


    تدروون كأنها ذهب خاااالص


    تعطيك شعور بالأمل ،،، بالهداوه وبالوله!!!


    هيه الوله ليش يعني مستغربين؟؟


    أحساس غريب


    يمكن . . . . .


    اخبركم


    بكمل عقب


    واللي يبي يعلق


    يسامحني



    يقرا وهو ساكت
     
  2. المـــــهآ

    المـــــهآ ¬°•| عضو مميز جدا |•°¬

    خلد فعل وادعس هامة الياس

    صبـــــــــــااااحكم جوري


    صباحكم فل وياسمين ورياحين


    صباح العود ودهن العود



    ((( خــــلد فعل وادعــــس هــــامة اليـــاااس)))


    تعــالوا

    انا ما كملت


    يـــمكن يكون شيء داخل كل شخص عنده انتمــــاااء لداره


    أحس ان هالمنظر الخيالي احلى من كل بلدان العالم


    أما اليوم


    صحيت وأنا اقول عباره ومستغربه ليش


    وما اذكر الحلم!!!!!


    بس العباره

    لي قمت وانا اقولها


    (((( فـــماااان الله خــــــااااوتك السلامه)))) !!!!!


    ابي اذكر الحلم بس مب قادره


    أحيانآ تصير اشياء فـ حياتك تخليك تآخذ نفس

    طووووووووووووووووويل

    وتفكر وسبحان الله مع التفكير يخالجك شعور ثاني


    شعور يحسسك بحلاوة الدنيا مهما كانت قاسيه ومره

    اليوم مثلآ


    مع التأخير المستمر فـ الأستعداد للدوام

    حسيت انه في شي حلووو بيصير


    وأتمنى فعلآ هالشي


    وعسى خير


    الجميل


    ان تملك قلبآ انت صاحبه

    ولكن


    الأجمل



    ان تملك صاحبآ أنت قلبه
     
  3. المـــــهآ

    المـــــهآ ¬°•| عضو مميز جدا |•°¬

    اليووووووووم وتوني

    داخله على يوميات
    اخوي

    راعي صوغه

    واسميييني ضحكة من الخاااااااطر


    أفااااااااا جان تخليهم يرشونك

    لكن بعد هاردلك>>>>خخخخخ



    اقرا وانت سااااااااااااكت

    تدرووون


    حلووو الواحد يكون متكل على ربه في كل اموره

    وحلووو ان الواحد يعترف بأخطاءه


    كم واحد من بينا يقدر يعترف بخطأه ويقول



    انا غلطان ((( آآآآآآآآآســــــــف)))


    طبعآ في بعض الناس او الأشخاص يشوفون الأعتذار ذل>>>> هيه شفيكم يشوفوه ذل


    ليش تحسبون غلطانه؟؟؟


    المهم ما علينا

    بدت الويييك إند

    يااااا كرهييي لهاااا


    ما اطيق شي اسمه اجازه


    خاطري دوووم دوام


    اممممم

    يمكن عشان ماشي طلعات محبوسين

    فـ ذااك البيت والله مــــــــــــــــــــــــــــــــــــــلللل من الخااااااطر


    يالله تبون تعرفون


    شسوي فـ هاليومين اللي احسهن جنهن سنتين؟؟؟









    خلكم وياي

    وراجعه لكم
     
  4. المـــــهآ

    المـــــهآ ¬°•| عضو مميز جدا |•°¬

    الصاحب اللي ما كسبت محبته لا تخسره

    تدروووون


    والله ماشفت انحس من حظي يحطم الصخر :61:


    قلت لكم يوم الأربعا فرحانه وحاسه بشي حلو بيصير

    حشى ما خلصني هالأحساس طلع من عيني

    المهم


    بخبركم يوم الخميس والجمعه>>>> روتين اللي ما احبه


    انززززززززين

    قمت الصبح الساعه 8 إلا ثلث وبعد متأخره ما متعودين نقوم هالحزه

    وعشان مقسمين الشغل وعشان انا اداوم علي كليه طبعآ الأسبوع كامل ما اسوي شي غير

    هاليومين

    الحلووو فيه شغاله تقوم بالتنضيف والأكل حنا نسويه

    قمت الله يسلمكم ورحت اسوي ريوووق خبركم متأخره>>>هـــــــــــــع بحصل نزاعه

    شو الريوق عاد ؟؟؟؟


    الريوق الله يسلم الجميع وهالويه الطيبه


    خبز رقاق

    وبلاليط


    وبيض مقلي


    خخخخخ


    خلصت وحطيته وتريقنا اما عمي نحطيله خبز ولبن اذا بغى

    ولا خبزة رقاق يابسه يحب الخبز يابس

    وعااااا يلسنا نهذرب انا وامي وحرمة اخوي

    ليما تسع وقمنا انا رحت الغرفه حصلت اللاب خربان

    والمودوم مال النت هم خربان

    قلت لاحوووله برايه


    مسكت دفتري ويلست اكتب قصيده


    المهم كتبتها


    وما بخبركم بها

    ولا بنزلها بعد>>>> كيييييييييفي


    اقراااااا وانت ساااااااااااكت


    على الساعه عشر ونص رحت اسوي الغدا

    امممم شووو كان

    نسيت>>>> هيه تذكرت

    كان لحم وعيش برياني سويته

    فديييييييت خشمي شااااااااطره انا

    مسميه عمري


    ((( الأنامل الذهبيه))))


    خخخخخخخخخخخخخ

    اقرا وانت ساااااكت بدووون تعليق


    المهم

    بعد ما خلصت ونحط الغدا عقب صلاة الظهر امرررررره

    رحت اريييح شوي

    عاااااد صدعت اليهال الظهر ووووين تخلي حد يرتاح

    يلست ويا خواتي

    وهذربنا ليما الساعه 4

    ورحت اسوي عشا

    هيه تذكرت كانت عندنا عزومه يعني

    العشا اشيا وايده


    المهم اليمعه


    نفس الروتين بس

    الظهر يبنا مسرحية طارق العلي

    خاربه خاربه

    ويلسنا نشووووف

    واليوووووم عندكم

    بس اعتقد بقولكم

    مع السلامه


    لان يمكن ما ادخل


    لان داخله المنتدى كـ ضيفه

    هيييييييه كـ ضيفه ليش مستغربين

    اختي همس القصيد هي عازمتني ،،،، وانا كانت عندي ازمه

    نفسيه بسيطه قالت دخلي تسلي واذا ما عجبج طلعي


    عــــــاااد اقولكم بصررررااااحه وبدون زعل


    انتوووا عقدتوا امي هب زدتوا الأزمه وبس

    المهم عدت على خييير


    والحين يمكن اقولكم إلى اللقاااء

    مب وداع يمكن ادخل واسييير عليكم



    هــــــــــــــــــــــــــــــــــاااااه


    اقــــــــــــــرااا وانت ســـــــــــــــااااكت

    لا تحطووون تعليقات:hehe2:
     
  5. المـــــهآ

    المـــــهآ ¬°•| عضو مميز جدا |•°¬





    اليوم ضايقه مدري ليش


    احس بحزن

    والله اضحك من ورى خاطري


    برجع لكم عقب


    يمكن


    وليت


    ولعل


    تتحسن حالتي

     
    آخر تعديل: ‏28 فبراير 2010
  6. المـــــهآ

    المـــــهآ ¬°•| عضو مميز جدا |•°¬

    حزن فـ القلب


    وسبحان الله تعبت من هالحزن

    همن فـ الصدر ياصاحبي ضال

    عييت وانا اضحك ولا يزول

    شكثر كدر الأيام والأمل زال

    طويت من ذكرياتي آلامٍ تغول


    ما بكمل


    المهم حسيت بحزن حبيت امر


    اشخبط



    وحياكم
     
  7. المـــــهآ

    المـــــهآ ¬°•| عضو مميز جدا |•°¬

    عمر الأيام ماترجع لي راح

    ألووووووووووووووووووووووو



    ][...][:- نعم منوووو معي؟؟



    !!!!:- نعم نعم نعم تتفلسف حضرتك؟؟؟


    ][...][:- ليش انا دكتور علم نفس؟؟


    !!!!:- هه هه هه بايخ


    ][...][ :- مب مشكله اقري نكته وبتصير حلوه:19:

    !!!!:- اشوف حلتلك السالفه يالله يالله


    رووح ويا هالراس>>>>> خخخخ مستقويه



    ][...][:- هههههههههههههههههه عن ينطلج عرج انزين

    !!!!:- ينط ولا ينقز هه هه هه هه هه>>>> استخفت الأخت



    ][...][:- لاوالله حسبالي يركض >>>>>>>>>>>وااااااااااااااهههه



















    تشك ......توت توت توت توت














    خخخخخخخخخخخخخخ


    حبيت اسويلكم خربشه



    قصه من عندي





    كيييييييفي من يومياتي شي ماااااانع؟؟؟:81:
     
  8. المـــــهآ

    المـــــهآ ¬°•| عضو مميز جدا |•°¬

    موية ن من بحر مزررقه

    سلاآآآآآم علييهم

    شحالهم العرب


    اما اليوووم شي خيــــــــــــــــــــــىآآآآآآآآآآآآآآآآآآل


    لو تشوفون الجوووو ولا احلى منه


    ليبال والغيم مغطي لقمه والله ولا مناظر الدنيا كلها تسواها عندي



    ولااااا بعد ازيدكم من الشعر بيت


    وحنا رايحين فـ الطريج


    حطيت أغاني ميحد حمد جديييييييييييمه


    لان واحنا ماشين سألت ختيه همس

    قلت لها تعرفين هموس لو شي سي دي لـ ميحد حمد جديم

    يكون المنظر احلى جووووووو شي شي


    المهم حطينا ميحد ورحنا بطريجنا


    ورشات السيل تروح وترد


    يعني بشو اوصف او بشووو اعبر لكم


    اكيد الأغلبيه اليوم عايشين هالجو اللي بأذن الله يدوم علينا بالرحمه يارب




    حبيت عاد امر اليوم لي


    عوده ثانيه اذا راد الله
     
  9. المـــــهآ

    المـــــهآ ¬°•| عضو مميز جدا |•°¬

    اخذيني إليا عجبتج بس رديني:::: وان ما عجبتج؟؟ خلاص اخذيني مابيني

    والله ما ادري هالروتين صح ولا لأ؟؟؟



    انام من الساعه تسع بالليل ::: واصحى ثلاث او اربع الفير تقول ساحره


    ايلس الوووب ومن الملل ادش النت عاد الف منتدى المحافظه اشوفه واطل عليه


    وبصراحه تحبطون الواحد لو يبي يحط مواضيع ويتشجع يتم وياكم


    انتوا تكسرون مياديفه


    يالله ترا نحاول نسوي شي ،،،،، تعرفون اول ما ادش شسوي؟؟



    على طووووووووول المتواجدين

    ومن اشوفهم احب اشوف كل واحد شيسوي :hehe2:

    المهم


    وعقب ثاني محطه يوميات اخوي راعي صوغه

    بس شكله هالمره مطول الغيبه وعسى انه يكون بصحه وخير يارب

    وعقب امر على يومياتي اللي تطفس بالواحد :61:



    وخلااااااااااف اشوف قسم القصيد


    اما الأقسام الثانيه مليت امر وينكسر خاطري لما اشوف اغلب مواضيعي


    لــــــــــــــــــــم يتـــــــم الرد عليهن


    لكن انا قررت اني ما احط مواضيع اذا حبيت اشوف المواضيع الثانيه وارد عليهن بس

    صراحه اكتفيت

    وعسى الله يوفج الباجيين ويكافحون


    والحين يالله مع السلامه









    :imuae83:
     
    آخر تعديل: ‏7 مارس 2010
  10. المـــــهآ

    المـــــهآ ¬°•| عضو مميز جدا |•°¬

    اليوووم شكلي ما بنام




    والله في قطوه صغيرونه مطفرابي


    كل ما اخوزها رجعت تتمسح فيني

    ياربي حلي عن سماي

    ماحب لقطاوه :::: لاه وبعد تبي تنام على فراشي

    وانا ماااالي خلق عليها اشوفني بزخها بذيلها وبعفط بها على هاليدار>>>خخخخخ
     
  11. المـــــهآ

    المـــــهآ ¬°•| عضو مميز جدا |•°¬

    كيك وعسل

    باجر بكمل:a054:
     
  12. المـــــهآ

    المـــــهآ ¬°•| عضو مميز جدا |•°¬

    كيــكـ وعسل لـــكن !! ماهووو في صحوون

    سلااااااامي على مخاوووين شما شحالكم


    عااااااد اليووووم قلت الا امر اسلم هلا والله :::::::::::::

    امس كنت في عرس عيال بنت عمي فـ هيلي عاد شوووو كل معرس وعروسته روووعه

    وبروووحه حركه خخخخخخخ


    شقول كان ضجه والمغنيه على روسناا اسميني دعيت عليها يزوو

    حشا مب صوت ضيعت كل الأغاني لا وبعد الأغاني لي احبهن


    تحسبت عليها اسميني تعالووو شوي اخبركم شصااااااار فـ العرس


    قبل لا انروح


    ياتني حرمة ولد عمي تقولي المها يايتنج عشااان تعدليني قلتلها ماااااارووووم ياخي

    قالت غصب عنج مب ع كيفج المهم

    قلت لها شبتلبسين

    قااالت>>>> عبااااه مسكره بس حركة الأيد طويله وفيها ذهبي


    قلت لها ارتزي اشوف ويلستها ودمجت لها

    الذهبي مع الأسود وحركة الكحل الفرعوني وقلوووس وردي شفاف

    المهم عيبها بس قلت لها يبي شوية تعديل بروحج سويه منا ومنا

    المهم راحت عااااد انا مرتبشه ليما رحت اجهز لنها يايتني بنت عمي

    المهــــــــــــــــــــآآآآآ



    هااااه نعم شووو صار قالت الغاليه حطيلي آي شدووو>>> :giving-up:


    جان اقولها عزيزه وغاليه يالغاليه تعالي لانها غييييييير عندي

    المهم


    جانت لابسه وردي ع خوخي طبعه عربي والعباه مفتوحه عاد حطيت لها

    آي شدوو خوخي لااااامع طالع عليها كشششششششششخه

    ولنه أخوها متصل

    هاااه الوووو حد بيروح وياي ؟؟

    قلت لها متى هم بيطلعوون ؟؟

    قال انا الحين فـ السياره وحرمته وياه جاهزه


    قلت لهم جانهم بينتظروني مررررررررحبابهم

    مابينتظروني ((( فماااان الله خاااوتهم السلااااامه))



    عااااااد حرمته أختي العوووووووده مايروم يردني>>>>خخخخخ


    اوني وهو ناقص شوي ويشوتني من السياره

    المهم

    خلصتها وجان اخلص عمري وبماااا أني لابسه عبااااه ساااده ومسكره أحط


    على كيف كيفي من المييييك آب

    عجبني اللووووون الخوخي اللامع وحطيته مع الأسود طلع رووووعه

    عاد تكحلت ذييييج الكحله الحلووووه وعاااد اختكم بروووحها حلوه مايبيلها

    شي هــــــــــ:hehe2:ــــــــــــع


    خلصت وروحنا وكانت هموس بعد وياي ويالسه اتحرطم انا وياها

    وولد عمي ويا حرمته

    وكل شوي انزل لمرايه اشوف شكلي عقب حصلت هزبه من اختي وريلها

    جااان تضحك علي همووووس

    قالولي تبين كل الناس يشوفونج

    قلت لهم ما عليه بس اشوف شكلي
    قالووو


    لا


    المهم


    وصلنا ورحنا وسلمنا على المعازييم وجااااااااااااااان نيلس حذاااال الكوشه

    لكن السماعات على روووسنا

    ياهي بليه


    يلسنا وتقهوينا وطبعآ انا ما اشرب القهوه بس شربت عصاير

    وعقب ساعه لنهم مدخليين العروووس الأولى

    ودخل المعرس ويا عصاه ويلس وياها وصوروا
    بس كان حسه هادي ماله اي وقع سمينا عليهم بالرحمن عن كل عين

    وربع ساعه وشل عروسته وراح

    ودش المعرس الثاني منووووو

    اخو المعرس الأول بس عاد داش ويا عروسته

    لكن زاخنها من ايدها تقول زاخ هايشه ويترترها وهي تضحك من الخااااطر

    وحدروا على الكوشه واقفين يت المصوره تبي تصورهم جان يطيح ابها ينازعها

    وانا اضحكككك من الخااااااااااااااطر عليه

    وعقب قالها خوووووووووووزي اشوف

    ويرد ويشل عروسته ويزخها من ايدها ويخطفها معلمه ماتشوف الدرب
    وشو عاد الضحك جان اقول كعبي ما ينلام خخخخخخخخ

    وقبل لا يطلعون قامن الحريم يبن يسلمن عليها ودرها داخل وطلع عند الباب

    خخخخخخخخ


    اما المعرس الثالث

    عييييني عليه بااااااااااااارده

    قام ايووووول ويرزف مااااشاء الله ربي يبارك لهم كلهم

    لكن حركة المعرس الثاني ما تنسى صراااحه

    والله بشوفه بعدي وبلومبه خخخخخ





    لييي بااااك
     
  13. المـــــهآ

    المـــــهآ ¬°•| عضو مميز جدا |•°¬

    طلعت ابكي طلعت وخاطري مكسور

    ركضت اشكي ولا طريت حتى للغيوم

    نهضت اعطي من خافقي لشعر بحور

    عرفت أني مع الدنيا نغم خاطره يدوم

    ======================


    لو كانت الدموع رسمآ لملأت هذه الدنيا رسوم

    ولو كانت اللآهات أنغامآ لـ أنشدت لكل عاشق نغمآ


    من ؟؟


    ولما؟؟


    وهل؟؟



    لم يعد للوجود وجود


    ولو يعد لحضوري وجود

    تعديت بحور الكلمات وبحثت عن كل عاشق ولم اجد العشق الأبدي

    مررت وكأني غيمه ضاميه لريح عاتيه

    بحثت ولكن













    لم يعد الوجود وجود!!!!!!!!!!!
     
  14. المـــــهآ

    المـــــهآ ¬°•| عضو مميز جدا |•°¬

    شخصيتي من غرابتها وطيبتها ::: كن الزمن في تدي بينه وبيني

    تدرون احيانآ اكون فـ ضيق فضيع يمكن السبب فيه اني اذكر اشخاص

    عزيزين علي راحوا وما عاد يرجعون

    شي صعب انك تحس بالشوق لشخص مستحيييل يرجع

    وحيلتك هي تدعيله بالخير


    سبحان الله دنيا

    وتدور




    وحنا في غفله
     
  15. المـــــهآ

    المـــــهآ ¬°•| عضو مميز جدا |•°¬

    وتبغي تناظر وانت عايش مماتـك ... شف وحدتك والناس تجلس حواليك

    اي والله صدق بن فطيس ::: شاعر احب اسمع اشعاره وما شاء الله عليه
    كل شعره يحاكي الواقع ومعاني مفرداته قويه جان بغيت الغزل بتحصل اروع الكلمات
    وجان بغيت العتب بتحصل اقوى المفردات
    صح في غيره من الشعرا ::::::::::: امثال المبدع لي امووووووووووت فـ اشعاره

    سعد علوش

    وهم حامد زيد واول القايمه الامير دايم السيف

    وطبعآ ما راح انسى شعرا بن كعب

    امثال علي بن سالم ومصبح المطروشي وغيرهم من شعرا الأمارات

    طبعآ من اقول شعرا بن كعب من يخطر فـ البال؟؟

    معضد بن ديين::: وكميدش بن نعمان

    يااااربي عيني عليهم بارده

    ع فكره اول حديثهم العادي بالشعر يعني بيكلمونك كلمتين لانهم ضربوا بيت شعر ويا الكلام

    بس اول غييييير تعالو شوفو احمد الكندي وراشد الخضر وبن طناف وحمد بن سوقات
    اييييييييييييي بيلس اعددهم

    مااااروم


    المهم


    تدرون اني كنت اسمع خالد الفيصل واعيييييييش في كلاماته

    وع بالي شاااب صغير ما كنت اتوقع انه كبييييرر
    القاءه للشعر مميز

    ليما شفته لكن هم بعد ماتغيرت نظرتي فيه

    ظل هو الأمير خالد الفيصل

    مادري قاعده اخربش وايد عن الشعر


    المهم



    لي باااااااك


    و





    وتبغي تناظر وانت عايش مماتـك ... شف وحدتك والناس تجلس حواليك
     
  16. المـــــهآ

    المـــــهآ ¬°•| عضو مميز جدا |•°¬

    تعبت اداوي جروحن تتعمق فـ قلبن صغير

    وتعبت اجاري الزمن وهو دوووووووم سابقني


    تعبت امسح دمعن كـ الجمر على الخد يسير

    واقول باجر يبتسم حضي وباجر جارحني

    ==============================






    ضيق+ هم+ حزن وش يساوي


    "

    "

    "


    "

    "

    "



    دمووووع
     
  17. المـــــهآ

    المـــــهآ ¬°•| عضو مميز جدا |•°¬

    [​IMG]

    (( علمتني ))

    علمتني وشلون احب
    علمني كيف انسى
    يا بحر ضايع فيه
    الشط والمرسى
    علمتني وشلون احن
    علمني كيف اقسى
    سير على
    بس امسح دموعي وروح
    سير على
    جبلي معك قلب وروح
    سير على
    اذا تذكرت الجروح
    ياطاغي النظره خطاء
    تجزى بها البخل العطاء
    وانا الي اعطيتك
    امن عين وجفن
    هذي فراش
    وذا غطاء
    يا جرح من وين ابتدي
    وانت معي من مولدي
    وعيت يدي على وداعك تهتدي
    بس انت علمني الجفاء
    دامي عجزت
    اعلمك كيف الوفاء
    علمتني كيف السهر
    ونسيتني الممسى
    علمتني كيف احب
    علمني كيف انسى
     
  18. المـــــهآ

    المـــــهآ ¬°•| عضو مميز جدا |•°¬

    نسيتني في زحمة افراح دنياك

    حتى سلام الله تكاثر تقوله

    بين الجحود وبين ذولا وذولاك

    سرت بطريق البعد عرضه وطوله

    عندي بقى من ذيك الأيام ذكراك

    رواسب لك بالفوءاد محموله

    وشلون اسلي خاطري عنك وانساك

    خط الامل صوبك صعيب وصوله

    بعت الحبيب اللي على العهد وياك

    ورميت كل التضحيات بسهوله

    ما فيك لا رحمه ولا صنت مبداك

    نهج القلوب الوافيه ما انت حوله

    لك يوم تهزمك الليالي وابا القاك

    ودك تعود وغايتك ما تنوله

    تلقى فوءاد بعد ذلك تناساك

    وفيه المشاعر من هواك مغسوله

    لك يوم
     
    آخر تعديل: ‏6 أبريل 2010
  19. المـــــهآ

    المـــــهآ ¬°•| عضو مميز جدا |•°¬

    بعض العرب حبه يوردك الجنون
    ولا يوصف له غلاه حكاك له

    مايقنعه وصف الغلا لو وش يكون
    لو كل حرف بالحرير يحاك له


    الموت جاك وهو تقلبه الظنون
    ولا لك الا الصبر وش وداك له


    ان قلت ضايق قال هونها تهون
    يدري ان ضيقتك له وبكاك له


    تقعد تحبه وانت ساكت ومغبون
    كن بيوم يقال له مااوفاك له


    وكانك مشكك هو يمون او ما يمون
    تخيل ان عفت الصبر فرقاك له


    غلاه وهو فوق الغلا ماهوب دون
    وحكاه سمعك يجبرك بارخاك له


    ودك تحطه في العيون من العيون
    وتبسط على رمضا الثرى يمناك له


    وتظله من الشمس في ظل الجفون
    ولا يمر اذنه سوى لباك له


    وتسج من غيره لو انهم يذكرون
    ومنين ماسجت القدم ممشاك له


    غرو يميله الترف ميل الغصون
    غصن ليان ومكرمه باسقاك له


    جديله الى اقفى ستر منه المتون
    كني بريحه لاألتفت لأدعاك له


    كيك وعسل لكن ماهو في صحون
    ودعا ك من عين الحسود غطاك له


    الله لايعطيه ناس ينضلون
    ويستر علية من النحل لا ياكله


    الوصف والتعبير في وصفه يخون
    غير اطلب الله يستجيب دعاك له


    وعذال قلبك في محبته يهبون
    سكينهم عن قطع حبله حاكله


    ناس عن اعراض العرب مايعرضون
    ودايم على نفس الشكل والشاكله


    اللي من لحوم الاوادم ياكلون
    وحلوقهم دفع البلا متواكله


    في سلمهم اولى بالاكل الاقربون
    واطيبهم اللي صيدته شكواك له


    عازمهم الشيطان للذنب ويجون
    هذا يقطع له وذاك يواكله


    ياجعلهم فدوة ثرا الغض الفتون
    اللي على الدرب الطويل خطاك له


    طيفه الى نام البشر زارك بهون
    وطيفك الى نام البشر سراك له


    حبه دفان ومقبرة خضر الطعون
    بين العظام العوج كنك ناكله


    اللي كذا.. حبه لو تموت مغبون
    ولا لك الا الصبر وش وداك له
     
  20. المـــــهآ

    المـــــهآ ¬°•| عضو مميز جدا |•°¬

    من يحبك كثر ما أحبك انا؟؟؟؟؟؟؟؟

    امس كنا يالسين مع الأهل وكنا نطري يدي يااااااااااااااااااااالله كيف مشتاقتله

    يدي انسان طيب لدرجه محد يتصورها حنوووووووووون

    لكن الله اخذ امانته وربي يغمد روحه الجنه يارب

    بما ان ابوي متوفي من يوم عمري سنه

    فـ يدي هو لي رباني

    لكن سبحان الله الطيب فـ هالدنيا ما يبقى

    احس بشووووق كبير له

    واحس بحنانه وبصوته وهو يناديني

    اشتقت له بكل ما فيني

    يارب يجعل قبره روضه من رياض الجنه

    كان الله يرحمه مايخوز من النخل

    دومه فـ وسط مزرعته

    مسويله هناك شبريه

    وعليها عريش وحذاله الخرس لي يحط فيه الماي

    لكن دوام الحال من المحال

    تدرون ان هاللي سواه لنفسه هالحين ماله وجود

    اذكر الزيتونه لي كنت دووومي ارقا فيها

    ويقولي ابوي لا تطيحين

    واقوله يدي ما بطيح بس خاطري فـ شوب الزيتون ذاك

    طبعآ الزيتون لي هو الجوافه حنا نسميه زيتون

    الله على ذاك الزمان لي مضى وفات

    ليته يرجع واعطيه عمري كله















    لي باك
     
حالة الموضوع:
مغلق

مشاركة هذه الصفحة