طلاب الجامعة

الموضوع في ',, البُريمِي للِحِوار و النقَاشْ ,,' بواسطة غريم الشوق 181, بتاريخ ‏10 مارس 2008.

  1. غريم الشوق 181

    غريم الشوق 181 ¬°•| عضو مبتدى |•°¬

    السلام عليكم ورحمة الله وبركاته
    يمكن انا اليوم تكون هاي اول مشاركة حقي في المنتدى
    بس انا اليوم حبيت احط موضوع حق النقاش
    وهو طلبة الجامعات والكليات من سكان البريمي
    واللي يدرسون في مناطق بعيدة يعني مثل مسقط
    في شباب يدرسون في جامعة السلطان قابوس وانا منهم
    وفي شباب في الكليات الثانية
    حتى الشباب ((بنات واولاد)) اللي يدرسون في التقنية في عبري
    انا حبيت اناقشكم في حالتهم المعيشية من حيث وسائل المواصلات
    وغيرها
    بس حبيت اعرف رايكم في الخدمات المقدمة اليوم وهل ترقى الى المستوى المطلوب اللي من الممكن انه يخدم هذي الفئة من شباب الوطن؟؟؟؟!!
     
  2. 【شخص متحدي】

    【شخص متحدي】 ¬°•| عضو فعّال |•°¬

    والله يااخوي غريم فرضت على بعض الناس الجغرافيا والتضاريس
    فالبلد اللي يعيشها اشياء اقسى من هالشئ
    تصور ان العاصمه لعمان مثلا صلاله وفيها الجامعه شو بيكون الموقف هب اصعب
    ولكن الواحد اللي وصل لهذي المرحله اعتقد انه شخص بكامل عقله
    وينشد به الظهر ويقدر يعتمد على نفسه ويتحمل
    صدقني فجميع الدول هب فعمان بس الامور تسوء من اسوأ الى اسوأ
    وهالشئ موجود
    وماعلى الانسان غير التوكل على الله والصبر
    اما عن الخدمات الحاصله ماعنددي خلفيه عنها
    واتمنى لو كملت معروفك وقمت بطرحها....
    ويعطيك الف عافيه ياخوي غريم
    المشاغبين
     
  3. بنت العرب

    بنت العرب ¬°•| مشرفة سابقة|•°¬

    امممممممممم ماعرف شو اقول
    ورايي من راي الاعضاء

    وتسلم ياخوي ع الموضوع
     
  4. غريم الشوق 181

    غريم الشوق 181 ¬°•| عضو مبتدى |•°¬

    الشكر موصول للكل
    وما قصرتوا في الردود
    بس اللي كنت اقصد شو السبيل الى تسهيل حياة هؤلاء الطلاب
    وعلى العموم ما قصرتوا ومشكورين
     
  5. الغــريب

    الغــريب ¬°•| نعم نعم |•°¬

    اعتقد اللي مجرب هوو اكثر يقدر يساعدك في مناقشة الموضوع

    بصراحه ناس يمكن حالتهم المعيشيه صعبه
    وخاصه يوم يكون بعيد عن اهله
    مصاريف السكن المواصلات و الاكل

    الله يعينهم


    لكن اعتقد الحل انه تكون هنااااااك كليه حكوميه في البريمي

    وخااصه بعد ما اصبحت محافظه


    مشكووور اخوي ع الموضوع
     
  6. غريم الشوق 181

    غريم الشوق 181 ¬°•| عضو مبتدى |•°¬

    هذا بصراحة حل من الحلول الممتازة ومشكور اخوي على التواصل
     
  7. غريب الدار

    غريب الدار ¬°•| مشرف سابق|•°¬

    مرحبـــا الساع اخوي غريم الشوق...وتسلم عالماركه الاولى لك...

    بالنسبه للموضوع يمكن انته تسأل عن اشياء محدده فبالك ومثل ماقال اخوي الغريب اللي مجرب وعايش هالتجربه يمكن يفيدك فالجامعات اللي ذكرتهن...
    وانا عن نفسي بعد تغربت بس مب فالجامعات اللي ذكرتهن ...بس القاسم المشترك هو كيف الواحد ينظم حياته ويأقلم نفسه على الغربه والعيشه وخاص بالنسبه للمصاريف...حتى لو كان الصروف مب ذاك الزود بس فالنهايه الواحد يقدر يصرررف عمره...

    تحياتي لك اخوي..

    :)
     
  8. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    غريم الشوق ما الومك اذا كنت احد طلاب جامعة السلطان ويمكن نحن نعرف حالتكم اكثر لان انا من نفس الجامعه واللى سمعته انه في طلاب اضطروا يرقدوا في المساجد و السبب انهم ما حصلوا سكن ، سابقا كان طلاب الجامعه عندهم سكن خاص ولكن مع تزايد عدد الطالبات تم اخراجهم من السكن ،،،

    بالنسبه للخدمات حقيقه غير كافيه من المفروض ان يكون لكم سكنات خاصه بدل ما تتبهدلون في البحث عن شقه خاصه ان الحين الاسعار نار وما اتوقع انه فيه مراعاه لطلبه !!!!!!!!!!


    ومثل ما نشوف معظم الطلاب يسكنون تقريبا 6 في غرفه واحده !!!!!

    والبعض ما محصل سكن !!!!!!!!!!!


    والله يعينكم حقيقه ، اما نحن مرتاحين ولله الحمد ،،
     
  9. آرينا

    آرينا ¬°•| عضو مبتدى |•°¬

    هلا .... أشاطركم الرأي

    فبالفعل الحال يرثى له وكل ما أتمناه ان يوفر سكن خاص لجميع الطلبة البيعيدين عن موقع الصرح التعليمي الذي يدرسون فيه سواء مسقط او غيرها
    وما هذه الا مجرد أمنيه كوننا عايشنا الوضع و بخاصة في ظل ارتفاع الايجارات و العقارات و الحالة التي يرثى عليها .... و للعلم فقط لا غير الحالة التي يعيشها طلبة الكليات او الجامعة و الحكومية منها أفضل حالا من طلبة الكليات الخاصة كون الطالب الحكومي يوفر له ما يسمى بالراتب الشهر و هذا يختلف على حسب دراسة الطالب اما طلبة الكليات الخاصة فهم يعتمدون على مصروف الاهل او المصروف الشخصي!!! و هذا أشد الأاسف


    بالفعل في الدول الاخرى و بخاصة المتقدمة منها يتحمل الطالب كل المصروفات ومنها يتعلم الاعتماد على النفس و ضبط أموره ومصروفه و يكون على قد المسؤولية في التحمل وهذا ما أتمناه من أخواننا الطلاب في بلادي الحبيبة

    و سلمتم بكل ود
     

مشاركة هذه الصفحة