يموت ويوصي اخوه على حبيبته

الموضوع في ',, البُريمِي لـ القَصائد المنقولة' بواسطة ريمـــــان, بتاريخ ‏25 ديسمبر 2009.

  1. ريمـــــان

    ريمـــــان ¬°•| عضو مميز جدا |•°¬

    حبيت انقل لكم قصيده حلووه واااااايد وحزينه في نفس الوقت اتمنى تعجبكم...

    واحد اسمه خالد جاه مرض و قالوا له انه بيموت
    كتب الشعر لأخوة يقول له فيه
    ان يتزوج حبيبته و يبي من أخوة هذا انه يخليها تنساه

    اقرأ القصيده والله تستاهل ... وراح تعرف معنى الحب والعشق



    وصاتي لك من بعدي ........ تموت فيها علشاني
    ابيها تعيش و تحيا بك ........ واظل بالذاكره مفقود
    وصاتي لك تنسيها ........ ملامح وجهي و تنساني
    وتعزفها قصيدة حب ........ على عكس اللي عزفته بعود
    وصاتي لك تبعدها ........ عن اشعاري وقيفاني
    تراها مغرمة بالحيل ........ ويشهد لي عدد الردود
    وصاتي لك تسايرها ........ ترى فيها من احزاني
    طلبتك لايضيق بالك ........ طلبتك والطلب مردود
    وصاتي لك تناديها ........ حياتي..عمري..ازماني
    انا عودتها دايم ........ ادلعها وانا موجود
    وصاتي لك تعاملها ........ بطيبه قلب و احساني
    تراها تذرف الدمعه ........ ودمعتها بليٌا حدود
    وصاتي لك تحفظها ........ سور وآيات قرآني
    وتخبرها عن الميت ........ رحل لايمكنه بيعود
    وصاتي لك ترسمها ........ على قبري وأكفاني
    ابيها لوحة تبقى ........ على طول الزمن محدود
    وصاتي لك تمازحها ........ وتشوف الضحكة بأسناني
    سعيتك ياضحك هالكون ........ طلبتك لاتصير جلمود
    وصاتي لك تقهويها ........ من دلالي و فنجالي
    تراها تعشق السمرا ........ ويكفيها دخون العود
    وصاتي لك تركبها ........ على خيلي و على حصاني
    وربي فارسة من قلب ........ شهادة ماهي لشهود
    وصاتي لك تسفرها ........ بلاد الشام و لبناني
    ترى يحلالها تقطف ورده ........ وردة من بلد الورود
    وصاتي لك تراقصها ........ على الحان رحباني
    ترى فيها عرق خالة ........ وفيها من جنون السود
    وصاتي لك تحببها ........ فأبونورة بعد هاني
    وتنسيها ندم غلطة ........ انا فيها ترى المقصود
    وصاتي لك تكرهها ........ في تاريخي و عنواني
    أبيها تلعن اللحظة ........ وتلعن كل فرح موعود
    وصاتي لك تكلمها ........ عن المجني وعن الجاني
    وتخليني انا الظالم ........ وانا من حرق الاخدود
    وصاتي لك تشبهني ........ بدم أحمر قاني
    وانا هالقاتل السفاح ........ مجرم من عصر نمرود
    وصاتي لك تحلفها ........ تتوب تحبني ثاني
    ترى يكفيها ماعانت ........ ويكفي حيلها مهدود
    وصاتي لك تنسيها ........ وصية قالها لساني
    أنا اخبرك رجل موقف ........ وانت قدها وقدود
    صديقي مالقيت غيرك ........ يعرف وشلون تنساني
    أمانه ضمها بقلبك ........ ترى خالد....رحل مايعود

    [​IMG]

     

    الملفات المرفقة:

    • 1 (88).jpg
      1 (88).jpg
      حجم الملف:
      51.2 ك. ب
      المشاهدات:
      23
  2. آل يذوه

    آل يذوه ¬°•| ناقد شعري |•°¬

    ريمان

    نقل مميز اختيه

    مشكوره على الاختيار الموفق

    صح لسان قايلها وناقلها

    تقبلي مروري الله لا هانج

    دمتي بهذا العطاء​
     
  3. ريمـــــان

    ريمـــــان ¬°•| عضو مميز جدا |•°¬

    ..ربي يسلمك ويعافيك..
    ..ويسعدني تواجدك في صفحاتي المتواضعه..
    تحياتي..
    ريمـــــاني
     
  4. ريمـــــان

    ريمـــــان ¬°•| عضو مميز جدا |•°¬

    أشكر كل المشاهدين
     

مشاركة هذه الصفحة