ليش الغدر يحطم طيبة الأنسان؟؟؟

الموضوع في ',, البُريمِي لِـ/ للشٌعرٍوالْقصِيْد,,' بواسطة المـــــهآ, بتاريخ ‏9 ديسمبر 2009.

  1. المـــــهآ

    المـــــهآ ¬°•| عضو مميز جدا |•°¬

    بسم الله الرحمن الرحيم

    هذي قصيده من كتاباتي حبيت ايضآ اشارككم فيها

    والسمووووحه منكم :-



    أسابق الوقت ولا أدري هو سابقني
    أكتشفت نفسي بين طيات الزمان

    أطير بين العقارب والثواني تاخذني
    وأحلم بأماني وآمال تظهر وتبان

    وانسى نفسي فـ أحلام ن تمتلكني
    وأسهى عن الوقت ويسرق الأمان

    فجأه اصحى وآلاقي اللحظه تعدمني
    تنفذ أمر الوقت والوقت طعّان

    يازمان ن مضى ارجوك للوفا ردني
    إمسح الغدر وطهّر النفس والمكان

    ياشينك يازمن وقت الدمع يحرقني
    وياكبرك ياحزن وقت الهم ألوان

    ودي ارجع للورا ياوقت ودني
    ودي اعيش الماضي وأنسى الأحزان

    مابقالي من العمر للعمر يشدني
    ومابقالي وقت اكمل ساس البنيان

    سؤال ن فـ العقل يحيرني ويشتتني
    سؤال ن يوديني البحر ويرجعني ظميآن

    أسألك يا قاري الأبيات بردك تمدني
    ليش الغدر يحطم طيبة الأنسان؟؟؟؟


    وسوااالم

    ملاحظه:-

    ( باب النقد مفتوح لمن يجيد النقد )

    :imuae83:
     
    آخر تعديل: ‏9 ديسمبر 2009
  2. المـــــهآ

    المـــــهآ ¬°•| عضو مميز جدا |•°¬

    العـــــــــــــــفووووووووو


    :imuae71:يالطيب تسلم ع الطله الغاويه:imuae71:
     
  3. !الـغ ـروب!

    !الـغ ـروب! ¬°•| مُراقِبة سَابقَه |•°¬

    .
    .
    .
    يسلمج ربي ياالمها
    الكلمات ماعليهن رمسة والاحاسيس الصادقة توسطت الطرح
    صح لسانج ملايين ولاهنتِ
    والنقد نتركه للمتمكنين
    ونتريا اليديد من جداج
    ربي يحفظج
     
  4. Samt Sohar

    Samt Sohar ¬°•| عضــو مــهــم|•°¬

    مشاء الله وايد حلوا ربي يعطيج العافيه اختي ...


    نرقب يديدج ان شاء الله

    وعساج ع القوه
     
  5. أبو سلطااان

    أبو سلطااان مؤسس و رئيس الفريق التطويري إداري

    ..صح لسانج أختي الكريمه ...
    أبيات جميله و تعبير عن أحاسيس صعبه ...
    ألف شكر ننتظر القادم و الأروع ...
     
  6. المـــــهآ

    المـــــهآ ¬°•| عضو مميز جدا |•°¬

    ربي لا هانكم على المرور الحلو

    ويصح بدنكم ،،،، وان شاء الله


    ما تشوفون الحلو والمميز
     
  7. لحن غجري

    لحن غجري ¬°•| مَـآلـكَم حـلَ |•°¬

    صح لسانج ..~

    الكمات ماعليهن رمسهـ ..~

    نترقب يديدج..~
     
  8. المـــــهآ

    المـــــهآ ¬°•| عضو مميز جدا |•°¬

    تسلميييييييييين فديتج

    وجودج الأروع والمميز


    ربي لاهانج
     
  9. العا(هدوء)صفه

    العا(هدوء)صفه ¬°•|عضًوٍ شرفُ|•°¬

    يعطيج الف عافيه اختي المها
    ما شاء الله عليج شو هالشاعريه
    بس عندي ملاحظتين


    وانسى نفسي فـ أحلام ن تمتلكني
    وأسهى عن الوقت ويسرق الأمان
    واسهى عن الوقت ويسرق (( اهني كسرتي البيت ولو قلتي ((يسرقه)) او ((يسرقني)) كان حلو))


    ياشينك يازمن وقت الدمع يحرقني
    وياكبرك ياحزن وقت الهم ألوان

    وقت الهم الوان((الهم ماله لون))
    يعطيج العافيه
    بس القصيده حلوه
     
  10. المـــــهآ

    المـــــهآ ¬°•| عضو مميز جدا |•°¬


    تسلم زووورو

    بس الهم له ألوان

    والوانه كثيره

    بس لي يمربه يعرفه


    اما عن يسرق الأمان

    ماينفع يسرقه الأمان يصير خلل فـ المعنى

    كيف الأمان يسرق؟؟؟


    وربي لاهانك يارب على المرور

    وربي تشرفت بوجودك



    ربي يخليكم لي
     
  11. ملاك الورد

    ملاك الورد ¬°•| عضو مميز جدا |•°¬

    الله الله

    والله القصيده واااااااااااايد روعه

    صح لسانج

    وبنتظار اليديد منج
     
  12. آل يذوه

    آل يذوه ¬°•| ناقد شعري |•°¬

    صح لسانج يا المها

    قصيده مميزه

    وراقيه بكل ما فيها سواء معنى او كلمات او حتى الوزن والقافيه





    فعلا .. الهم له الوان او بالاحرى انواع


    والشاعر هب مجبور يخلي كل كلمه بنفس معناها الاصلي في القصيده بالعكس اذا غير في المعاني وخلى الكلمات بمعاني مختلفه تظهر شاعريته بشكل اكبر واوضح من انه يصفح الكلام الي معناه واحد بدون اي تعب ومن غير اي حس شاعري في النص


    وانتي اجدتي في هالشي بشكل ملفت يا المها

    استمري في هذا التألق والابداع


    دمتي بهذا العطاء
     
  13. المـــــهآ

    المـــــهآ ¬°•| عضو مميز جدا |•°¬

    تسلم وربي يخليك

    وشكرآ لك دام وجودك بينا فهذا بروحه يعطيني الحافز

    فـ الآستمرار

    وربي لاهانك على هالمرور الرائع
     
  14. صمت العيون"

    صمت العيون" ¬°•| عضو فعّال |•°¬

    صح لــــــــسانك خيتووو
    كلمـــــات رااائعه وأحسااااس أرووع
    ونااابعه من فلب صاااادق
    مااااا شاااء الله علـــــيك
    دمتي بوود
    تحياااتي لكي يالمهااااا
     
  15. المـــــهآ

    المـــــهآ ¬°•| عضو مميز جدا |•°¬

    تسلميين غلالاي ربي لاهانج

    ويصح بدنج ولا تحرميينا من مرورج

    الرائع:imuae83:
     
  16. تنتــــووون

    تنتــــووون ¬°•| عضو مميز |•°¬

    ،،،،،،،،،،،،،،،،،،،،،،،،،،،،،،،،
    ،،،،،،،،،،،،،،،،،،،،
    ،،،،،،،،،،،

    صــح السانج الغالـــيه

    احسااسج واايد حلوه وعرفتي تستخدمينه صح في القصيده

    ويسلمن صوابيعج

    ونتـــــــــــــــريا الزود منج

    لاخــلا ولا عـــــــــــدم

    ،،،،،،،،،،،،،،،،،،،،،،،،،،،،
    ،،،،،،،،،،،،،،،،،،،،،
    ،،،،،،،،،،،،،
     
  17. بنت المقابيل

    بنت المقابيل ¬°•| مشرفة سابقة |•°¬

    يسلمووووووووو المها

    صح لسانك
    قصيدة رائعة بأحاسيسها المعبرة
    تقبلي تخميسي
     
  18. ملاك الورد

    ملاك الورد ¬°•| عضو مميز جدا |•°¬

    الله ع هالكلام الحلو

    ما شاء الله عليج ربي يحفظج.....
     
  19. محمد الهنائي

    محمد الهنائي ¬°•| شــاعر |•°¬

    محاوله جميله اخيه
    القادم بكل تأكيد اجمال
    اشوف فيج ابداع قادم
    مودتي
     

مشاركة هذه الصفحة