يوم حزين في الكليه

الموضوع في ',, البُريمِي لـ/ يوميات الأعضاء' بواسطة جرووح دفينه, بتاريخ ‏1 ديسمبر 2009.

حالة الموضوع:
مغلق
  1. جرووح دفينه

    جرووح دفينه ¬°•|مُشْرٍٍفة سابقة |•°¬

    السلام عليكم و رحمة الله وبركاته


    هاي اول مره اكتب فيها عن يومياتي في المنتدى ........


    وفي البدايه بعطيكم نبذه بسيطه عني

    اسمي :اميرة الكون


    تخصصي :ادب انجليزي


    مكان الدراسه :كلية البريمي


    راح ابد اتكلم عن يوم ما انساه في حياتي مع انه ها اليوم مر عليه تسعة شهور ونص بتقولي شو ذكرج فيه اليوم بقولكم اني شفت شي اليوم ذكرني فيه.......


    ما بطول عليكم فيوم السبت و تحديدا في تاريخ 14-2-2009 فقدنا واحد من احسن الدكاتره فكلية البريمي والي كان الله يرحمه شال كل شغل الكليه ع راسه.

    الدكتور محمد كلخ الله يرحمه و يغفر له فهاذاك اليوم كان يوم تسجيل للفصل الثاني وكان الدكتور الله يرحمه عليه ضغط بحكم انه رئيس قسم اللغه الانجليزيه وهذا القسم فيه اكبر عدد من الطلاب من بين كل الاقسام الي في الكليه فاصيب بسكته قلبيه توفي ع اثرها......

    انا بصراحه كنت ناويه اروح اسجل بس عقب غيرت رايي فروحن ربعاتي يسجلن وشافنه وكان عليه ضغط وايد و كان مبين عليه انه مريض

    عقب ما سجلن ربيعاتي سألتهم عن مرشدنا الاكاديمي وقالولي انه المرحوم هو مرشدنا الاكاديمي فقلت بسير باجر و بسجل عنده و بشوفه بس الله ما كان كاتب ها الشي........


    عقب ع الساعه خمس مسكت تليفوني و شفت فيه مسج فجيته والا استغربت انه وحده من ربيعاتي مطرشتلي مسج تخبرني ان دكتورنا توفى ما صدقت و ع بالي تمزح بس عقبها بفتره بسيطه طرشتلي ربيعتي الثانيه و اكدت لي الخبر بصراحه انصدمت وايد و حزنت عليه وايد وكنت حاسه ان الكليه بتتغير بعد وفاته لانه كان شال كل شغل الكليه ع راسه.......عقب وفاته ما قدرت ارقد لمدة يومين و يلست وايد افكر فيه و اذكره لما كان يدرسنا.......

    والحين بعطيكم نبذه عن المرحوم

    كان جاد وايد فتدريسه يعني مب من النوع الي يضيع محاضراته ابدا و تدريسه وايد ممتاز لدرجة انه يثبت المعلومه في عقولنا هو صج كان عصبي شوي في الكلاس بس لما نروح عنده في المكتب يكلمنا بطييب ولا يرد لنا طلب والاهم من جذا كانت عنده القدره انه يحل مشاكل الطلاب بطريقه سلسه.........

    و اليوم فجيت كتاب introduction to linguistic . وذكرته لانه هو الي درسني ها الماده حزنت وايد وانا اذكر تدريسه الاكثر من رائع و انه كان دايما يشجعنا ويقول اتمنى اشوف كل مره مستواكم يتحسن و انا اعتبركم مثل بناتي .........



    و اخيرا كل الي اقدر اسويه اني اعيله في صلاتي و اتتمنى من رب العالمين يدخله فسيح جناته .........


    ملاحظه

    اتمنى كل الي يدخل ها الصفحه يدعي لدكتورنا الفقيد بالرحمه و المغفره

    يتبع...........
     
    آخر تعديل: ‏1 ديسمبر 2009
  2. جرووح دفينه

    جرووح دفينه ¬°•|مُشْرٍٍفة سابقة |•°¬

    وعقب ما سرت اسجل في اليوم الثاني لاني ما كنت قادره اشوف مكتب الدكتور كلخ الله يرحمه وحسيت الاجواء بتكون حزينه في الكليه


    ربيعاتي حاولن يقنعني اني اداوم بس انا رفضت لاني حسيت ان الاجواء بتكون حزينه في الكليه..........


    ع العموم روحت اسجل عقب وفاة الدكتور بيومين .........


    كانت الاجواء مب حزينه قد ما توقعتها باستثناء اني شفت ورقه فيها تعزيه للفقيد الله يرحمه.........و مكتب الفقيد الي كان كل شي فيه مبعثر...


    و عرفت انهم خلو الدكتور احمد البكري بداله كمرشد اكاديمي فاول ما دشيت حسيت انه الموضوع عادي عنده صح شكله كان حزين بس كنت اتوقعه بيكون حزين وايد و بيبطل سوالف الضحك و التنكيت الي هو مدمن عليها


    بس شفت العكس اول ما دشيت يلس يسولف و ينكت ولا كانه صاير شي ........


    الله يهديه يا رب العالمين.........

    و يحليله كان طايح و منكسره ريله حتى مب قادر يمشي الا ع عصا......


    بعدين يلس يخبرنا عن الفقيد و كيف انه تفاجا بالخبر ومب قادر يصدق الي صار و كيف انه اغلب الدكاتره انصدمو و يلسو يصيحو بصوت عالي....​
    وانه اغمى عليه لفتره بسيطه
     
    آخر تعديل: ‏1 ديسمبر 2009
  3. جرووح دفينه

    جرووح دفينه ¬°•|مُشْرٍٍفة سابقة |•°¬



    مشكور اخوي ع مرورك

    و الله يرحم جميع موتى المسلمين
     
  4. جرووح دفينه

    جرووح دفينه ¬°•|مُشْرٍٍفة سابقة |•°¬

    عقب ما داومنا في الكليه حمدت ربي اني في اخر كورس لاني بصراحه اول مره اشوف الكليه ما فيها قوانين فتلخبط الجدول بعد وفاته لانه كان عاطينه مساقات يدرسهم فاضطرو انهم يبدلو الجداول ........


    من غير انه في كلاسات مزدحمه لانه في نقص في الدكاتره و الي لاحظته انه فهاذاك الكورس ما كان في دكاتره يداد فقسم الانجليزي..........

    بصراحه الي لاحظته ان الدكاتره الي درسوني في اخر كورس مب الين هناك تدريسهم بس كانو يمشو حالهم.....
    حتى واحد من الدكاتره خبرنا انه قسم الانجليزي استوى قسم يتيم بعد وفاة المرحوم و بيظل قسم يتيم......



    و الدكتور الي خلوه بداله كرئيس قسم ما قدر يشل مسؤليات القسم مثل المرحوم و الشي الثاني انه كبير في السن ........الله يعطيه العافيه.
     
  5. جرووح دفينه

    جرووح دفينه ¬°•|مُشْرٍٍفة سابقة |•°¬

    ان شاء الله بعد اسبوعين بيكون حفل تخرجي من الكليه صج انا مستانسه وااااااااايد..........


    بس قررت اني ما احضره لوايد اسباب و اهمها انه دكتورنا الفقيد ما راح يخرجنا و ثاني شي انه بيكون مختلط و انا استحي وااااااااااايد و ثالث شي انه البس ما عيبني يعني معقوله مسويلنا طاقيه و وشاح و ماخذين علينا ميتين درهم ........صج انهم حراميه دفعنالهم وااايد طول السنوات الي درسناهم في الكليه اخر شي ما يعطونا اللبس ببلاش و اخر شي و اهم شي انه مب كل ربيعاتي بيحضرن لان اغلبيتهن خذو تاهيل فجامعات ثانيه.......ونسيت شي ان الدكاتره الي درسوني اغلبيتهم روحو ......


    ادري اني طولت عليكم بس السموحه منكم............


    وفي النهايه بهدي قصيده لكل المعلمين الي درسوني .......





    ظَلـم المعلـم بعضهـم وأطالـوا **** وتـنـدّروا بنعوتـهـم أشـكـالا
    سخروا بـه لمـا تبسّـم دهرهـم **** وغـدت جيوبهـم تشـم الـمـالا
    ضاقت به الدنيـا علـى ترحابهـا **** حتـى تمنّـى لـو غـدا عـتـالا
    الله !! لو علموا بمـا فـي نفسـه **** كـم كـابـد الألام والاهــوالا
    الناس تحيـا فـي سبـاق همهـا **** تبني القصـور وتجمـع الأمـوالا
    وهو الذي يقضي الحيـاة مكافحـا **** يـذوي ببـطء ينشـئ الأجيـالا
    للبـذل والإيثـار أضحـى قـدوةٍ **** ولكـل مكرمـة يكـون مـثـالا
    لايبتغـي أجـرا علـى أعمـالـه **** الا مــن الله العـزيـز تعـالـى
    يكفيه من هـمّ الحيـاةِ وجورهـا **** أن علّـم الصبيـان والأطـفـالا
    يقضي النهار وليس يسكت لحظـةً **** يرغـي ويزبـد عقلـه قـد زالا
    والليـل يسهـره وينشـر كتـبـه **** ليعـدّ درسـاً أو يجيـب سـؤالا
    أو كي يصحّح ماجنى فـي يومـه **** فتـرى الدفاتـر عنـده أرتــالا
    هـذا المعّلـم قـد نقتصـم قـدره **** ورفعـتـم الـزمـار والطـبـالا
    هـذا يولـول : لاتعنّـف طفلنـا **** ان أظهـر التقصيـر والإهـمـالا
    والام تصرخ: كيف تغضب مهجتي **** ( دلوعـة المامـا ) يـريـد دلالا
    لهفي على التعليـم كيـف نريـده **** إن الميوعـة لاتـعـد رجــالا
    إن كان في التعليـم هـذا رأيكـم **** تعليم هذا الجيـل صـار محـالا
    وإذا أردتـم نهضـة وحـضـارة **** فعلـى المعلـم نعـقـدُ الأمــالا
    لك يامربي الجيـل ألـف تحيـةٍ **** فتقـبّـل التقـديـر والاجــلالا
    قسماً برب العالمين لـو أنصفـوا **** جعلـوا المعلـم للعطـاء مـثـالا

    ولا تحرموني من ردودكم الحلوه.........​





    :19:
     
  6. CR7

    CR7 ¬°•| βu βşɱą |•°¬

    احم احم

    عدم حضوج لحفل التخرج شي مؤسف
    بس عندج اسباب وانتي مقتنعه فيهن واشجعج ف هذا الشي^^

    والله يغفر للمرحووم شكله اثر فيكم وااايد

    مبرووك ع التخرج
    وعقبااال الوظيفة ان شاااء الله

    تقبلي مروري البسيط

    CR9
     
  7. لحن غجري

    لحن غجري ¬°•| مَـآلـكَم حـلَ |•°¬

    الله يرحمه ويغمد روحه الينهـ ..ْْ~
     
  8. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    الله يرحمه ويرحم جميع المسلمين

    وخاصه **********
     
  9. Sμilε

    Sμilε ¬°•| » نقـآء يسڪْننيّ|•°¬

    الله يرحمه ويغفرله

    ويرحم جميع موتانا وموتى المسلمين ويغفر لهم ~

    بالفعل كنت أسمع عن هالدكتور من ربيعاتي اللي فكلية البريمي ..~

     
  10. ra8y_altho8

    ra8y_altho8 ¬°•| عُضوٍ شًرٍفٌ |•°¬

    الله يرحم دكتوركم ويدخله فسيح جناته

    وايد ناس راحو ولهم فضل كبير علينا

    وما نملك غير الدعاء لهم

    مبروك أختي ع التخرج

    و عقبال الوظيفة في أسرع وقت إن شاء الله

    تسلمين ع الطرح المميز

    عساج ع القوة
     
  11. جرووح دفينه

    جرووح دفينه ¬°•|مُشْرٍٍفة سابقة |•°¬


    والله مب بايدي ودي اتخرج بس في وايد اشياء تمنعني



    امين يا رب العالمين


    الله يبارك فيك اخوي و عقباللك ان شاء الله


    تسلم ع مرورك الرائع
     
  12. جرووح دفينه

    جرووح دفينه ¬°•|مُشْرٍٍفة سابقة |•°¬


    امين يا رب العالمين


    يشرفني مرورج اختي
     
  13. بنت النعيمي

    بنت النعيمي ¬°•| عضو جديد |•°¬

    الله يرحمه
     
  14. جرووح دفينه

    جرووح دفينه ¬°•|مُشْرٍٍفة سابقة |•°¬



    امين يا رب العالمين
     
  15. جرووح دفينه

    جرووح دفينه ¬°•|مُشْرٍٍفة سابقة |•°¬


    امين يا رب العالمين


    مشكوره اختي ع مرورج
     
  16. جرووح دفينه

    جرووح دفينه ¬°•|مُشْرٍٍفة سابقة |•°¬


    امين يا رب العالمين

    اكيد ما نقدر غير ندعيلهم



    الله يبارك فيك و عقباللك ان شاء الله

    مشكور ع مروك
     
  17. جرووح دفينه

    جرووح دفينه ¬°•|مُشْرٍٍفة سابقة |•°¬



    امين يا رب العالمين

    تسلمي ع مرورج اختي
     
  18. عطر الفيافي

    عطر الفيافي ¬°•| عضو مميز |•°¬



    ،


    ،


    الله يرحمة ويغمد روحة الجنة

    كان تدريسة اكثر من رائـــــــع مع انة ما درسني الا كمن كلاس

    تصدقين شكلي حتى انا ما بحظر التخريج >>>كارهة كل شي فالكلية


    يالله كلة خير انشـــــاءلله


    مودتي واحترامــــــــي ،،



    ،



    ،


     
  19. alshibli

    alshibli ¬°•| مراقب عام |•°¬ إداري

    الله يرحم جميع أموات المسلمين....


    تقبلوا مروري....
     
حالة الموضوع:
مغلق

مشاركة هذه الصفحة