غيرة الحرمه تذبح

الموضوع في ',, البُريمِي لِلقِصَص والرِوَايات ,,' بواسطة ملكة الاحساس, بتاريخ ‏21 نوفمبر 2009.

  1. ملكة الاحساس

    ملكة الاحساس ¬°•| عضو مبتدى |•°¬

    ياجماعة الخير هذي قصة حقيقيه




    في وحده راحت للعمره واهي تصلي بالحرم اللي بذيج المرة اللي تصلي وتبجي
    تصلي وتبجي وتدعي وتبجي
    المراة استغربت منها وقالت اكيد لها سالفه وكان كل مابين فتره اييها ولد شاب يكلمها ويروح ويشوف شنو تبي
    المراه اخذها الفضول واجلست بجانبها واسالتها ليش تبجين عسا ماشر
    فردت وقالت لها والله من العذاب اللي فيني
    وليش؟ شنو سالفتج؟؟!!
    قالتلها اقولج قصتي وبعدين احكمي
    كنت متزوجه من زوج ونعم الازواج يحبني ويحترمني ويعزني
    بس كان فيني عيب اني ما اييب اعيال وانا حاولت بس الله مارزقني فشرت عليه انه يتزوج ثانيه اهو مارضى بس انا ظليت احن واحن الين وافق
    فدورتله على المرة وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها وماتمينا فتره الا والمراه حامل زادت غيرتي المهم جابت له ولد الزوج استانس وفرح وظليت انا افكر بروحي اشلون انا اللي شرت عليه
    في يوم ياني زوجي وقالي بسافر مع مرتي الثانيه وبنخلي الولد عندج
    ووافقت طبعا لانه ماكو احد يمسك الولد غيري
    سافروا وخلو الولد عندي وكان الوقت شتا وكنت شابه الدوه(فحم)
    والولد عمره تقريبا بين السنه وجم شهر واهو يلعب ويطامر جدامي
    وانا بقلبي نار تشتعل مثل جمر الدوه اشلون ياخذها ويسافر ولا !!ويخلي الولد عندي الخ من هالكلام وفجاه الا الولد يمد ايده بيلعب بالفحم اللي بالدوة ومن ناري وغيرتي مسكت ايديه وحطيتها اكثر بالفحم اللين ذابت ايده واهني شلتها بعدها مايحتاج اقولج اشلون صارت ايد الولد
    واهني حسيت ان ناري طفت اشوي نمنا ذيك الليله الا ويينا خبر وفاة زوجي مع زوجته وهم في طريق العوده بحادث
    وظليت ابروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
    واهو اللي يشوف طلباتي وطلبات البيت ومو مقصر معاي بشي
    بس انا كل ماشفته ايده يتقطع قلبي على اللي سويته فيه واهو ينادي بيمه بس لحد الان ماقلتله اني انا اللي شوهت ايده
    ولازلت اعاني من العذاب وتانيب الضمير وادعي ربي يغفرلي ذنبي
    سبحان الله اشلون حكمة ربج انه صار هالولد خير لي لولا هالولد جان انا حالتي حاله
    ويرد اييها الولد واهو خاش ايده ويحب راسها ويسالها ها يمة نروح الحين؟؟؟

    وعسى ان تكرهوا شيئا وهو خير لكم





    !
     
  2. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    سبحاان الله شوي واصيييح

    ^_____^


    قصه في قمه الروعه


    بس مكانها غلط كاان لازم تكوون في قسم الرواياات


    احتراماتي


    سويره
     
  3. ملكة الاحساس

    ملكة الاحساس ¬°•| عضو مبتدى |•°¬

    سوري انا جديده ف المنتدى وماعرف اقسامها وايد
     
  4. بنت ابوي

    بنت ابوي ¬°•| مٌشرِفَةْ سابقة |•°¬

    القصــــــــــــة واايـــــــــــد
    حلــــوة تسلميـــــ:imuae83:ـــن اختي
     
  5. جرووح دفينه

    جرووح دفينه ¬°•|مُشْرٍٍفة سابقة |•°¬

    قصه حزينه


    تسلمي اختي ع النقل الرائع
     
  6. ذبحهم غروري

    ذبحهم غروري ¬°•| فخر المنتدى |•°¬

    تسلمين خيتوووووووو
     
  7. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    مشكوووووووووووره ع القصه
     
  8. alshibli

    alshibli ¬°•| مراقب عام |•°¬ إداري

    نتمنى لكم التوفيق والسداد فالدنيا والآخرة...
     
  9. çـنودَ آلـםـِهايآ

    çـنودَ آلـםـِهايآ ¬°•| عضو فعّال |•°¬

    ماشاء الله .. بصراحه اثرت فيني ..

    الله يهدي الحريم الغيره فعلن تسوي بلاوي .. تقبلي مروري ..
    ..>>امبااعـ,, <<..
    عنود المهـ,,ـايا
     
  10. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    يالله عن جد قصه تقطع القلب

    ماعرف شو اقول الصراحه القصه مؤثره

    الف شكر لج اختي ع الطرح

    ينقل للقسم المناسب

    وبأنتظار جديدج بكل ود
     
  11. الكعبية

    الكعبية ¬°•| مراقبة سابقة |•°¬

    وربي اتقطع قلبي

    يسلمو ع القصه
     

مشاركة هذه الصفحة