اذا فكرت تتزوج في البريمي فكم تتوقع أنك تصرف؟؟؟

الموضوع في ',, البُريمِي للِحِوار و النقَاشْ ,,' بواسطة الكبيس, بتاريخ ‏20 نوفمبر 2009.

  1. الكبيس

    الكبيس ¬°•| عضو مبتدى |•°¬

    اذا فكرت تتزوج في البريمي فكم تتوقع أنك تدفع؟؟؟

    هدفي هو معرفة ارائكم حول تكاليف العرس بالبريمي
    هل هي تناسبكم؟ ما هو رأيكم؟
    كم مفروض يكون المهر,الذهب,الزهبه,الضيفه,كل واحد ابيه يجاوب
    وهل يفترض العرس بالفندق وتكاليفه
    وهل فيه تكاليف اخرى
    بالنهايه اريد من كل عضو ان يقسم تكاليف العرس من منظوره وتصوره ويخبرنا المبلغ المناسب برأيه وتقسيمه لهذا المبلغ؟؟؟اي بالمعنى الصحيح كم يفترض يكون اجمالي تكاليف العرس في البريمي؟؟؟
     
    آخر تعديل: ‏20 نوفمبر 2009
  2. جرووح دفينه

    جرووح دفينه ¬°•|مُشْرٍٍفة سابقة |•°¬

    هلا اخوي


    انا بصراحه من وجهة نظري ان المهر ما يتعدى عشرين الف درهم وباقي الاغراض ع حسب بس في ناس تطلب مبالغ خياليه ع بناتهم جنه الي يسمع انها بتسعد الريال طول حياته بالعكس بها الطريقه البنت الي بتضرر لان الريال بيضطر يتسلف من البنك وبيلس طول عمره يسدد المبلغ فهذا بياثر ع البنت بشكل سلبي.


    اما بالنسبه للزواج في الفنادق فهذا شي مهم اكيد لان العرس في الفندق اكثر مرتب من البيت او الخيمه وكل الخدمات متوفره فيه......


    مجرد وجهة نظر


    تسلم اخوي ع الموضوع الرائع
     


  3. موضوعك وايد مهم ورائع بصراحه
    وكل انسان وعلى حسب دخله تكون خسارته
    ومثل ما قالت اختي اميرة الكون البعض يبالغون في المهر.
    ولكن الانسان المتفهم ان يراعي غيره في المهر وان تكون الأمور على ما يرام.
    وفي الاخير على حسب تقديراتي الأمور هذه مكلفه ومحتاجه إلى تعاون الاسره.
    ويلي نيته خير في الزواج صدقني اخوي اموره بتتيسر..



    يعطيك العافيه والله يوفقك
     
  4. راعي صوغة

    راعي صوغة :: إداري سابق ::

    في وقتنا هذاا,, كل شي غالي ,, انا من وجهت نظري ,, اشوف

    انه الريال ما يتعبل بشي ’’ يعطي أهل العروس مبلغ,عن كل شي ’’

    والريال يكون عليه الضيف فقط ,,

    يعني يكون

    80 الف او 100 ألف ’’ عن كل شي ’’
     
  5. CR7

    CR7 ¬°•| βu βşɱą |•°¬

    100 الف

    واكثر
     
  6. ما بيكفي هالمبلغ اخوي راعي صوغه
    يباله شويه زياده..
    تعرف الغلاء والأمور المفاجئه ..
    لا تنسى تأثيث الغرفه إذا ما بتستاجر شقه..
    ولا تنسى شهر العسل على الاقل لو كانت طلعه قريبه..
     
  7. راعي صوغة

    راعي صوغة :: إداري سابق ::

    أخي عتيج ,, انا اقصد تكاليف العرس,

    المهر+ الروشن + الزهبه+ الذهب+ أغراض العروس الشخصيه , فقط 100 الف,,

    غير اتكاليف الثانيه ’’ الضيف’حسابه غير’’

    وغير السفر وغير المكان الي تعيش فيه ’’

    يعني لو بتحسب كل شي ’’ بيوصل فوق 200 الف درهم,,

    انا خصصة المهر وملتزمات العروس فقط,,
     
  8. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    متابعه لكم
    واعتذر عن عدم ابداء الرأي

    حابه اشوف تعليق اخواني وخواتي ^^

    واشكرك اخوي ع الموضوع

     
  9. نملة متحنية

    نملة متحنية ¬°•| مُشرِفَة سابقة |•°¬

    هلا الكبيس اخوي المهر100الف درهم واكثر لانه الحين كل شي غالي والبنت من النوع لي تحب التجديد والبطرة

    بس من وجهت نظري مب مهم الفلوس والا الثياب والا الذهب ام شي فدنيا سعادتي اذاكنت سعيدة بخذ باقي اغراضي انا وهو بس الحين اخذ الاشياء المهمه؟؟
    ومشكوور على الموضوع وبعدين لي ومايكون عند مصاريف وايد لايفكر يعرس الا اذا كان عندة واااايد ""

    اخويتكم نمولهـ متحنيهـ قصة حق العيد ههههههه
     
  10. ما بتصرف وايد فالعرس بس تقريبا من 9الاف ريال الى11 مع الفندق والذهب والمهر وكل شي
    وطبعا العرس فالفندق احسن وما يسويلك مشاكل ولا يتعبك ولا شي...
     
  11. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    متابعه


    احتراماتي


    سويره
     
  12. سمسومه كاشخه

    سمسومه كاشخه ¬°•| عضو مبتدى |•°¬


    احم احم المفروض المهر يكون 100 الف لان ك شي غالي
    مثل الذهب وفستان العرس والملابس وغيره وهو من مستلزمات العرس
    والحنه وتعرفون حنه العرووس غير يكلف تقريبا 500
    الايدين 250 والريول 250ومن اغير الاشيااء الثانيه
    اما انا استحسن ان العرس يكون في فندق لانه ارتب وافضل من الخيمه
    والبيت

    تقبل مروووووري
     
  13. راعي صوغة

    راعي صوغة :: إداري سابق ::

    تعقيب على كلامك أخي الكريم ,,

    كيف 9 الاف ريال,,عن كل شي وعن الضيف ,, ما يستوي أخي الكريم ,,

    الضيف ع الأقل يباله 5 او 6 الاف ريال ,, والواحد طبعا على حسب المعازيم ’’

    كم يعني بتعطي عن المهر والروشن والزهبه والذهب واغراض العروس ’’

    3 الاف ريال ,,؟؟
     
  14. مشاغب

    مشاغب ¬°•| <font color="#040000"> زçـــيم </font><font

    يمدحوهن الهنديات
     
  15. مس كلوزر

    مس كلوزر ¬°•| عضو مثالي |•°¬

    وشو تبون تعرسون هع
    يعطي البنت 100 اف وفوق
    والباجي عليه عاد احسب كم بطلعلك

    مشاغب شو اونه الهنديات يمدحونهن <<يالله عساني احظر عرسك ونشوف منو بتاخذ هع
     
  16. غيثة السحايب

    غيثة السحايب ¬°•| مُشرفَة سابقة |•°¬


    والله كل شئ غالي هالايام الله يعين المعرس بس هههه

    وااايد نسمع انه انا ماتهمني الفلوس كثر مايهمني الريال << رمسه ف الفاضي

    اول شئ بيقولون جذا خلاف بتهل الطلبات من كل صوب <<< صح ولا انا غلطانه ؟؟

    انا من وجهة نظري انه المهر مايتعدى 20 الف درهم

    يعني تقريبا 100 الف درهم

    من غير ضيفة الريال

    وطبعا الفندق احسن مكان للعرس اريح للطرفين لانه خدماته مناسبه

    وتقبلوا مروري
     
    آخر تعديل: ‏22 نوفمبر 2009
  17. عطر الفيافي

    عطر الفيافي ¬°•| عضو مميز |•°¬

    العرس كاااااااااامل


    ما اعتقد انة اقل عن 250 الف


    وفالنهااية شرى ما يقوولون مد ريوولك على قد لحااافك

    دوور لك بنت على حسب فلووسك من بعد الاشيااء الاسااسية

    الوااحد كم مرة بيعرس
     
  18. آلـَـچـٌہــۆٍرْيِ

    آلـَـچـٌہــۆٍرْيِ ¬°•| عضو مميز جدا |•°¬

    انشالله ماشي كلافة بس انا بصراحة مامفكر اتزوج من البريمي
    افضل اتزوج بنت من البدو من الشرقة حتى لو ادفع دم قلبي اذا البنت تستاهل ولا يهمني المصاريف الي بتكلفني في العرس
    اهم شي عندي البنت الرزينة الحلوة الذكية المتعلمة
    والمادبة والجميلة"
    ومشكور اخوي على الطرح
    وجهة نضر
    :imuae83:
     
  19. غريم الشوق

    غريم الشوق ¬°•| عضو فعّال |•°¬


    تسلمي أختي ع هذي القناعه يعل امج يايبه 10 نفسج.

    تحياتي وأحترامي لج وكل المتابعين
     
  20. امير الحب

    امير الحب ¬°•| حلم وانتهى |•°¬

    عني ااناا



    مابا اتزووج..



    احتراماتي..
     

مشاركة هذه الصفحة