انا مثلك يابحر

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإقامة
عابر سبيل ولو انا فبلادي
أنا مثلك يابحر لكن وسط نفسي أنا غرقان

أنا يا بحر ما جيتك فضى ولمشاهدك شفقان

أنا جيتك أبنسى اليأس وبعض همٍ يباريني

على بالك أنا جالس أسامر موجك الغضبان

أسولف له، عن أوجاعي وعناي وغربة سنيني

علامك يا بحر غاضب .؟ علامك تصرخ بكتمان

أنا جيتك أبشكي لك، وأبي منك، تواسيني

أنا مثلك يابحر لكن وسط نفسي أنا غرقان

تعبت أبحر مع نفسي وأسألها أنا ويني

أنا محتار في وضعي ومع نفسي أنا حيران

أنا لا قادر أفهمها وهي تجهل مضاميني

أنا مليت من حزني وتعبت أبحث عن السلوان

ولا ضنيت به شيء عن أحزاني يسليني

أحس أن الحزن عالم بحور وصحره، ووديان

وتخيل يا بحر حجمه إذا كله سكن فيني

وتصور لو شقا الدنيا تجّمع في كيان إنسان

وتصدق ما بقى بالكون أسى ما بات في عيني

ترى كل الحزن لو غاب وراح لآخر الأوطان

يغيب ويرتحل لحظات ويرجع يستقر فيني

أنا آخر فصول الحزن وأنا لدربه العنوان

وأنا آخر عزوفاته وأصواته تغنيني

أنا والليل والغربة تعانقنا مثل اخوان

لـ(ليلي) كل آهاتي ولـ(الغربة) عناويني

تعبت أسقي ثرى أحلامي وأزرع بالوهم بستان

تعبت ولا نبت زرعي تعبت جفت بساتيني

جحدني حظي العاثر رماني بسكة الحرمان

جحدني ولا قدر مره، على الفرحة يرسيني

ألا يا بحر جاوبني وش آخر هذي الأحزان

وش آخر رحلة أوجاعي وعناي وغربة سنيني
 

ريموه البطرانه

¬°•| عضو مميز جدا |•°¬
إنضم
24 يونيو 2011
المشاركات
628
الإقامة
هني والله حذالكم
يسلموووووو مس كلوزر :cupidarrow:
القصيده وااااااايد روووووووووووووعه:balloon:

تقبلي مروري : اختج الحبوبه ريموه البطرانه:a7m:
 

رحآيل

¬°•| مُشْرِفة سابقة |•°¬
إنضم
29 أكتوبر 2009
المشاركات
4,647
العمر
30
الإقامة
حيث عآش آلبشر ، وسيظلون حتى ينتهي آلقدر ~ْ
قصيدة حلوة وفنااانة ..
تسلمين يالأمووورة عالطرح النايس ..
^^
 

الـكـاسـر

¬°•| مَشْرِفْ سابق |•°¬
إنضم
26 أبريل 2010
المشاركات
2,291
الإقامة
هــنآك عـدآل بـيت جيـرآنـآ
يــسـلـمـو عـ الـنقـل الـموفق والــرآآآئــ’ــع..

قصــيـده جــلـميـه ورآآئــ’ــعه .. كلماتها مــؤثره وحزينه..

آلــف شــكـر عـ الـطرح الــراقـي..
 
أعلى