ترى اقسى من قسى الصخره عيون الناس نبكيها

الموضوع في ',, البُريمِي لـ القَصائد المنقولة' بواسطة مس كلوزر, بتاريخ ‏18 نوفمبر 2009.

  1. مس كلوزر

    مس كلوزر ¬°•| عضو مثالي |•°¬

    يمر الوقت ومانحسب حسابـه والعمـر يجـري
    ولا ندري متـى نرحـل مـن الدنيـا ومافيهـا


    عجب شفت من الدنيا هموماً ضيقـت صـدري
    وشفت البعض يتسلى على جروحـي ويحييهـا



    اذا بعض البشر يهنى علـى غيـرهـ ولا يـدري
    ترى اقسى من قسى الصخرهـ عيون الناس نبكيها


    ابي افهم متى العالـم تحـس وترفـق بعمـري
    عجزت افهم مشاعرهم وبعض النـاس يخفيهـا


    ضحكت بوجههم دايم وسقيت الحلو مـن مـري
    واشوف وجيههم تعبس بشوفـي وانـا اداريهـا



    قريت الظلم بعيون البشر من هـول مايجـري
    وشفت البعض يستانس على نفسـي وشقاويهـا



    ابروز داخل عيوني بقايا مـن صـور قهـري
    واكسرها على اهدابـي بقايـا دمـوع اهليهـا


    اواسي الناس بالضيقه واتحمل حمـل ظهـري
    ونفسي بساعـة الضيقـه ادور مـن يواسيهـا


    وحيد بصحبة اوراقي ومرسم كم نزف شعـري
    وبقايا من قصايد حب عجزت اوصـل معانيهـا


    خطاي اني وفيت بقلب سرى صدقه مثل يسري
    بعرقي دمي واتعايـش مـع نفسـي واحاكيهـا


    اسولف معا نجوم الليل وذاك الساهـر القمـري
    واسترجع سوالف حب ذبحنـي ذكـر ماضيهـا


    افتش عن حضورالحزن واشوفه حاضراً بدري
    وافراحي نسـت خالـد مثـل ماكنـت ناسيهـا


    كثيرهـ احزان هالدنيا كثر هـذا الرمـل وادري
    ابـد مايـوم انـا تهنيـت بايامـي ولياليـهـا


    اعشم نفسي في بكرهـ ولكـن هالبخـت عثـري
    تعبت منـي اقدامـي علـى بكـره بخطاويهـا


    تعبت احلم واتوهم وضاع العمر مـن عمـري
    كفايـهـ ماتـت احلامـي وانـا لليـوم أرثيهـا


    دفنت بداخلي حلماً بنيته مـن عـرق صبـري
    تخيل كم صبرت سنين وكـم طاحـت مبانيهـا


    خلاص الوقت مايرجـع هـذاحظـي وقـدري
    مـدام ان العمـر ساعـهـ وتحكمهـا ثوانيـهـا[/COLOR][/B]
     
  2. آل يذوه

    آل يذوه ¬°•| ناقد شعري |•°¬

    مس كلوزر

    طرح راقي وجميل

    اعجبني هذا البيت


    قريت الظلم بعيون البشر من هـول مايجـري
    وشفت البعض يستانس على نفسـي وشقاويهـا

    صح لسان قايلها وناقلها

    تقبلي مروري البسيط

    دمتي بهذا العطاء
     
  3. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    مآلج حل يآ مس من يوووووووووووووووووومج
     

مشاركة هذه الصفحة