صفات زوج المستقبل

الموضوع في ',, البُريمِي لِـ/ للشٌعرٍوالْقصِيْد,,' بواسطة مجروحة المشاعر, بتاريخ ‏17 نوفمبر 2009.

  1. مجروحة المشاعر

    مجروحة المشاعر ¬°•| عضــو مــهــم|•°¬


    (صفات زوج المستقبل)
    من كتاباتي عسى تعجبكم

    اسمي بالله وعليك ربي اتوكل
    وراح ابدي اوصف زوج المستقبل
    مابيه سمين كل همه يبي يأكل
    دب والا مثل درام والا كما الفيل
    ومابيه ضعيف الجسم هزيل
    كما العود يقول رشاقه وهو نحيل
    ماريده يكدس الفلوس ويصير بخيل
    ومابيه من طلباتي يصد وعني يميل
    اريده يموت بحبي ويدللني تدليل
    صح مابيه فقير كأنه شريف مكة والا خليل
    وبعد مابيه اسمر البشره كما الليل
    ولا ابيض يغتر بجماله ويقول انه جميل
    ولا ابيه مطوع لكل شي يعطيني تعليل
    ولا صايع يضيعني واصير مثله خبيل
    ولا اريد واحد شعره لظهره طويل
    ولا اقرع يركب كشة ويعدلها تعديل
    ولا ابي شيبه ضروسه يسويلها تبديل
    ولا اصغر مني طفل وبعلوم الحياة جاهل
    ولا حيري من اهل راعي الجبل
    ولا متطور وبالتكنولوجيا متخبل
    ولا بدوي راعي بوش وجمل
    ومابيه مزارع كل يوم يوديني النخل
    ماريده على نياته يقس عليه خبل
    ولا ابيه حرامي تدوره الشرطة بلا ملل
    مابيه يدوخ ولقرب السجارة سعل
    طلباتي ما تخلص وشكلي بطول
    علوه ادري ما راح القى لطلبي مثل
    بس من الله ما في شي مستحيل
    السموحة والعذر مني لكم وصل...
     
  2. آل يذوه

    آل يذوه ¬°•| ناقد شعري |•°¬

    صح لسانج

    وربي يعطيج العافيه

    القصيده كان طاغي عليها السرد وخلت من الشاعريه

    كان ممكن انج تخلين الاسلوب فكاهي عشان نقدر نقول انها تميزت بشي

    وبعد في تناقض غريب في طلباتج .. في اشياء مستحيل تحصلينهن

    وايضا عندج خلل كبير في القافيه والوزن

    وبالتالي هي اقرب للنثر من الشعر


    تعليق بسيط :


    جيه شو فيهم البدو ؟؟ ^^

    مشكوره على الطرح

    لاهنتي
     
  3. نار الشوق

    نار الشوق ¬°•| عضو مميز جدا |•°¬

    سلمتي صح لسانج يالغلا
    عيبتني بس تعليق بسيط
    لو تحاولين تركبين الكلمات اكثر على بعض بتصير تحفه
    مثال (ولا اصغر مني طفل وبعلوم الحياة جاهل)

    نتريا زووود منج يالغلا
     
  4. نسايم ريف

    نسايم ريف ¬°•| شاعرة |•°¬

    تسلميين الشيخه ع الطرح الجرييئ

    هههههههه وبكل صراااحه ماراح تحصلييين مطلووبج

    ومثل ماقال اخوي آل يذوه >>> شـــو فيهم البــدو <<<

    لاخلا ولاعدم الشيخه ونتريا التطور والجديد
     
  5. جعلاني ولي الفخر

    جعلاني ولي الفخر ✗ ┋ جًعًلٌأَنٌيِ وَلِيَ أُلّفّخِرَ أُلٌمًسًرًۇۈۉرً

    شكرا على هذا الموضوع !!


    وتقبل مروري !!
     
  6. بنت المقابيل

    بنت المقابيل ¬°•| مشرفة سابقة |•°¬

    عيل شكلك انتي تبغي تعنسين


    صح لسااااااانج
     
  7. مجروحة المشاعر

    مجروحة المشاعر ¬°•| عضــو مــهــم|•°¬

    لا مابي اعنس ولا شيات ابي اتزوج

    شكرا ع المرور لا هان قدركم

    ترى اني بدوية يعني بس مجرد كلمات بسيطة للمرح لا غير
     
  8. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    ههههههههه ماشاء الله قصيده روعه

    بس طلباتج امره محد يروملها ماظنتي بتحصلين المطلوب هههه


    يعطيج العافيه عزيزتي
     
  9. مجروحة المشاعر

    مجروحة المشاعر ¬°•| عضــو مــهــم|•°¬

    فراولة شكرا فد ع المرور
     

مشاركة هذه الصفحة