تبي الصراحه انا مجنون زعلاتكـ

الموضوع في ',, البُريمِي لـ القَصائد المنقولة' بواسطة ريمـــــان, بتاريخ ‏16 نوفمبر 2009.

  1. ريمـــــان

    ريمـــــان ¬°•| عضو مميز جدا |•°¬

    تزعل واراضيك واتلذذ بتزعيلك

    تبي الصراحه انا مجنون زعلاتك

    لا قمت تبعد وانا اقرب وادنيلك

    وامسك طرف غترتي وامش دمعاتك

    وتبدي تعاتب وانا كلي انتباهيلك

    ماسمعك شتقول انا عيني علي شفاتك

    وتعيد حجيك وتفرك حيل منديلك

    وتخالطت صادق حروفك بوناتك

    واحاول ارضيك مدري منين انا ابديلك

    واحتار واذكرك بعض زلاتك

    واسمعك ماكتبته بك واغنيلك

    طاروقك الي تحبه واكسر سكاتك

    واستسمحك واعذرك واسمعك واشكيلك

    واتلهف لبسمتك وارد ضحكاتك

    يسرقني الوقت ولا يمديني احكيلك

    كلامي الي تحفظته لشوفاتك

    وقت الوعد فات وعيوني تراعيلك

    واقفيت واشغلت قلبي بلتفاتاتك

    عيني علي خطوتك والقلب يدعيلك

    الله يحفظك من الحاسد وشماتك

    تزعل واراضيك واتلذذ بتزعيلك

    تبي الصراااااااااااحه انا اعشق كل حالاتك !!


    مما راق لي
    :belokan:تحيـــاتي :belokan:
    ريمـــــــــان
     
  2. آل يذوه

    آل يذوه ¬°•| ناقد شعري |•°¬

    ريمان

    اختيار راقي وصائب

    اعجبني هذا البيت

    تزعل واراضيك واتلذذ بتزعيلك

    تبي الصراحه انا مجنون زعلاتك


    صح لسان قايلها وناقلها

    مشكوره اختيه على الطرح الغاوي

    تقبلي مروري الله لا هانج

    دمتي بهذا العطاء
     
  3. أم عقوص

    أم عقوص ¬°•| عضو مميز |•°¬

    يؤ يؤ يؤ عاااااد هب قصيده هههه



    غاويه فديتج

    تسلمين على النقل المميز ^^


    تقبلي مروري الله لا هانج
     
  4. نسايم ريف

    نسايم ريف ¬°•| شاعرة |•°¬

    وامسك طرف غترتي وامش دمعاتك


    وتبدي تعاتب وانا كلي انتباهيلك


    ماسمعك شتقول انا عيني علي شفاتك



    دووومج ذووق واختياراتج حلللوه

    كلمات رقيقه من الشاعر صح لسانه وتسلم ايدين نقلت هالقصيده
    ربي يعطيج العافيه اختيه
     
  5. المـــــهآ

    المـــــهآ ¬°•| عضو مميز جدا |•°¬

    تزعل واراضيك واتلذذ بتزعيلك

    تبي الصراحه انا اعشق كل حالاتك


    ابيات رائعه للشاعر حمد السعيد

    واحد روائعه


    تسلميين غلايه
     
    آخر تعديل: ‏17 نوفمبر 2009
  6. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    روووووووووووووووووووعة يآريمآن
     
  7. ريمـــــان

    ريمـــــان ¬°•| عضو مميز جدا |•°¬

    يسلموو ع المرور

    وربي يعطيكم الف عافيهـ
     

مشاركة هذه الصفحة