العباة بين الأصالة والموضة

الموضوع في ',, البُريمِي لـ القَصائد المنقولة' بواسطة الراهي, بتاريخ ‏14 نوفمبر 2009.

  1. الراهي

    الراهي ¬°•| عضو مبتدى |•°¬



    العبايه عولموها وانفثو فيها السموم
    من ملاهي الرقص جابو فكر تخصير العباة
    ظيقوا صدر العباة ووسعوا طرف الكموم
    ونزلوها لين وصلت آخر أكتاف الفــــــــتاة
    بانت نحور الصبايا وانكشف شكل الهدوم
    والغبيه تحسبنها زايده زين وحــــــــــــلاة
    والبراقع دلعوها لين عام الخد عوم
    لازم القرضه توسع والكحل يلقى الحــــياة
    طوروا شكل النقاب وصارت الدعوه علوم
    صار شفاف(ن)يوضح خدها ويا الشـــــــفاة
    وآخر الصرعه لثام(ن)يفتن الرجل العزوم
    والفتن قالوا ضلاله للقلوب المؤمنـــــــــات
    وش علامك بنت حوى تستبيحين السلوم
    أو مع خيلك ياشقراء بعضكم جنس البنـــات
    قاهرتهم هالعبايه مايبون الستر دوم
    جدهم علمان يعني لاصيام ولاصــــــــــــلاة
    حطوا إن البنت سلعه وغلفوها بالهموم
    وارفعوا شعار(ن) ينادي للحقوق الضايعــات
    من ظلمها والبدو لاصاحت الحرمه تقوم
    قايمه تحت المعادي لجل عين الشامخــــــات
    من ظلمها يوم قام المعتصم من عز نوم
    قال وين الكافر اللي يستبيح المسلمـــــات
    ثم ذبح لجل شعرتها من العدو كثر النجوم
    قال هذا حق منهو يستذل الطـــــــــــاهرات
    نكسوا ذاك الشعار ولملموا باقي السهوم
    يكسر الخاطر سهمكم لاضرب في مدرعـــــــات
    بيتكم لاصار مبني داخل البيت مهدوم
    وبيتنا صوم وصلاة وحج وأشهد والزكــــــــــاة
    إتركيهم يا.......... وخلي اللايم يلوم
    وسعي خصر العبايه واكرمي بالمكرمــــــات
    وإن رفعتيها لراسك أصبح الراس محشوم
    العبايه فوق راسك حشمه وطيب وثبـــــــات
    وماعليك من اللئيمه تحاول تقلدك يوم
    لبست البرقع ولكن حن عرق الماجـــــــدات
    بحنكها ألفين دقه مدري ألف من الوشوم
    أو تراه ألفين هكري يكتبون الذكريــــــــــات
    ولابغت تكتب قصيده قافها هو قاف يوم
    (يوم يابا)(يوم يابا)جاك عرق الراقصــــــــات
    جت تقول إني حضريه قلت أنتي وجه بوم
    إعقبي منتي حضريه أنتي جزء من الحـــــصاة
    يابدويه لايغرك بعض غربان(ن) تحوم
    أنتي فوق الكل أنتي فوق روس النايـــــــــفات
    أنتي يوم الحرب دارت والمعارك (قوم)(قوم)
    عانقت عزوات أخوك صوت ضرب المرهفـــــــات
    إن حدوا من بيننا أو طولوا حد العقوم
    يابدويه طبعي أرقى فوق كل الطايــــــــــــــلات
    إحذري يابنت منهم طبعهم نفث السموم
    عولمتهم لو أعرفها طلع معنى الشـــــــــــتات
    ظيقوا صدر العباة ووسعوا طرف الكموم
    وبيجي يوم(ن) نشوف شقوق في وسط العبــــاة
     
  2. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    يسلمووو على النقله الحلوه

    احتراماتي

    سويره
     
  3. جرووح دفينه

    جرووح دفينه ¬°•|مُشْرٍٍفة سابقة |•°¬

    تسلم اخوي ع النقل الرائع
     
  4. آل يذوه

    آل يذوه ¬°•| ناقد شعري |•°¬

    مشكور اخويه على النقل الجميل

    قصيده مميزه

    تقبل مروري الله لا هانك

    دمت بود
     

مشاركة هذه الصفحة