ماهو بكفو الوقت حبك يمحيه

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإقامة
عابر سبيل ولو انا فبلادي
يقول الشااعــر : بن فطـيس

ماهوبـ كفو الوقت حبك يمحّيه
ياللي تخاف صروف الايام تمحاه

ارتاح دام ان المواصل يقويه
انت . انت وانا . انا وقلبي هو وإياه

حتى ولو بتغيب ذكراك تكفيه
يا واحدٍ تكفي عن الناس ذكراه

حُبك على رملة خفوقي مواطيه
ورياح عذلي عَنك ماتمسح خطاه

واللي يعذل القلب عن درب غاليه
الله بما يبلا المواليف يبلاه

اخفيه يابلفيت والحال يبديه
ادناة واحد ينظر الحال يقراه

مخفيه فيه ومعتنيٍ به وحاميه
عن كل عينٍ ودها تنزل حماه

قلبٍ يحبك والهوى الذرب ماليِه
كانك مكذبني بعينك تحلاه

شرط . ان تشوفك فيه منت بحواليه
ويمكن تشوف ديار واماكن رعاه

وتشوف به تمثال والوقت هاريه
وبتشوف زرعٍ ميتٍ واقفٍ ماه

وبتشوف جرحٍ فيه سكين راعيه
راح ونسى السكين والجرح ينخاه

وبتشوف حصنٍ عجّ الاقدار سافيّه
وبتشوف باقي بيت . راعيه خلاه

لاتنزعج . هذا خفوقي وباقيه
ولاتضايق من تصّدع زواياه

قَد زلزله فرقا وهزت عراويه
والله ستر والحظ عانه وعافاه

وكانه صلح لك واعجبك . زيد تبينه
ابنه وجهزّ للمقابيل مبناه

ابغيك بس من المفارق تداريه
واذهل من يداري شعورك ويدراه

وحلل وحرّم فيه . يا أبرك بلاويه
وحله وراع رضاي ورضاك وارضاه

جعلك بعد بعض الوجيه . امحق وجيه
ناسٍ مراتعها الرفيق بتقفاه

انواع . واخطر نوع ماني بـ ناسيه
نوعٍ على تفريق الاثنين مسعاه

تلقاه دوم . وكل يومٍ تلاقيه
ولـ بغيت الصدق ماعاد تلاقه

وإلا انت . ردك كُل مادعيك لبيه
انا اشهدٍ منتوا بفي عيني اشباه

منت بمع العالم . ولا تقولي ليه
انت ادرى مني وش جوابي وفـحواه

كذيه ومن الله يازين وإليه
واغلى طروش القلب ودواه من داه

الحلم ياتيني بزولك واراعيه
وفي كل حلم اقوم قبل اتحفاه

واعشق سميك في البزارين وادعيه
واقبل خطاه الا اخطى واتلقاه

واسمك يروعني لـ مرّ طاريه
واحب ملقوفٍ يسولف وطراه

ما امرّ بيتك من بعيدٍ ولا اجيه
وانا لو انه في يدي ما اتعداه

حتى تواير موتري تلتفت فيه
تبغي تلفّ ويستحي العقل والجاه

وصلك يخيط الصدر والبعد يفريه
ويبري حالي كان صديت برياه

ويلي على ادري حبنا ويش تاليه
وويلي على ادري وش ورى الغيب ويلاه

عشان اشوف اذا محبتك ترفيه
والله لاقفي عنك . استغفر الله

وسواالــم ..
 

آل يذوه

¬°•| ناقد شعري |•°¬
إنضم
29 سبتمبر 2009
المشاركات
2,425
الإقامة
دَارْ القْوَافِيْ لِيْ عْيَتْ عَ ايْ شَاعِرْ
مس كلوزر

صح لسان قايلها وناقلها

مشكوره على الطرح الغاوي

اعجبني هذا البيت


الحلم ياتيني بزولك واراعيه
وفي كل حلم اقوم قبل اتحفاه

واعشق سميك في البزارين وادعيه
واقبل خطاه الا اخطى واتلقاه



تقبلي مروري الله لا هانج

دمتي بود
 

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإقامة
عابر سبيل ولو انا فبلادي
خوي يسلمو ع مرورك
قروووب ... شو جنك سبيتني ههههه اونه تطورتي هع هع
يسلمووو ع المرور <<وانت تطورت تقرا حق بن فطس هع
 

CR7

¬°•| βu βşɱą |•°¬
إنضم
26 ديسمبر 2007
المشاركات
15,618
العمر
32
الإقامة
☠ في أرض الله الواسعة ☠
اووووه يابن فطيس
هالقصيدة حااطنها نغمة الفووون


بصررااحة هالبيت طرر

وبتشوف جرحٍ فيه سكين راعيه
راح ونسى السكين والجرح ينخاه

يسلمووو ع النقل الحلووووووووووووو
 
أعلى