ورفجه تدشوا ؟بـــــــــــــدون تعليق!!!!وأبغي رايكم

الموضوع في ',, البُريمِي للِحِوار و النقَاشْ ,,' بواسطة ريمـــــان, بتاريخ ‏10 نوفمبر 2009.

  1. ريمـــــان

    ريمـــــان ¬°•| عضو مميز جدا |•°¬

    عندي موضوع رابشني من زمان أدورله حل بس للأسف ما لقيت ألا كان أسوق الشيول والشاحنه وأعابل بروحي كاد كم سنه يبالي :huh-:صح أن صعب علي بس بحاول ...:belokan: :belokan:

    أكيد الكل يبي يعرف وش هو ؟

    السالفه وما فيها في منطقه فوادي الجزي فيها حفره كبيره عقولتهم مناجم للنحاس أي نحاس وخرابيطه أشتغلت الشركه وخذوا اللي يبونه من النحاس والمعادن مهم أشتغلوا فهاي الحفره كمن سنه وعقب ودروها لأنهم ما قدروا يكملو بسبت الرمل والحصا اللي كان يطيح عليهم في المنجم وترا لا تشوفوها حفره بس , هاي فيها شارع لحد تحت وفيها 4 مناجم تقريبا تحت الارض الواحد طوله تقريبا 2أو 3كم تحت الارض وبسبت الضغط ونقص الأكسجين تعبوا من الحفر وكانو يفجرو تفجيرات يوصلن لتحت البيوت حتا البيوت ترتج والتراب كان يطيح فوقهم وفي وايد من العمال ماتوا الله يرحمهم مهم هاي الحفره مع مرور الزمن قامت تكبر وتزيد وأعتقد بتوصل للبيوت والناس ما حاسه والأرض تتصدع تقول ياينها زلزال وتتتابع وترا أول ما فيه ماي بس مع مرور الزمن تجمع الماي فيها وطبعا يبسن المزارع وماتن بسبت هاي الحفره بس شاطرين ألحين يستغلو الماي الي فيها ويبردوبه المكاين اللي في المصانع لا وبعد في مصنع للنحاس بنفس المنطقه دخان وبقايا الزيوت تنصب فحفره صغيره موجوده بجنب الحفره الكبيره أونه حاطيلها شرات القرطاس تحت كي هاي مواد سامه تتسرب للماي وماتن المزارع وصار الماي مالح وما تقدر تسقابه ألا النخل اللي زارع أمبى وليمون وموز كله مات ما بقا غير النخل وطبعا هاي الحفره ما عليها شبك أو حاجز بس من صوب الشارع في والباقي ماشي وطاحن وااايد غنم فيها طبعا بدون تعويض قضاء الله وقدره لو أشتكوا تعرفوا شو سووو لما الغنم تسممن من الماي يابولهن الشيول ودفنوهن بصراحه وايد عليهم بدال ما يعوضوهم حسبي الله ونعم الوكيل .
    اللي يبي يشوف بعينه يروح صارت منطقه سياحيه للأجانب ما يدرو أنهم هم سبب المشكله بس ها لا تشلون يهال ولا تدخلون ولو فكرتوا تدخلو في الشارع المؤدي لتحت لا تدشو المنجم لأن بيطيح عروسكم وترا في حارس أونه يحرس بس راقد لأن أنا سرت قريب وصورت وهو يا غافلين لكم الله وبصراحه ما أذكر متا بدو يحفروها بس خذوا وقت وايد لان السالفه صارلها سنين بس أثارها وبقاياها ستضل للمستقبل ولا أعرف متا بتنتهي بصراحه ما أعرف أعبر عن المشكله اللي صايره ولا أعتقد في حد تكلم ولا بيتكلم أنتو شوفوا وحكموا بنفسكم بخليكم مع الصور بس لا يدور راسكم تراني أصور من بعيد قصدي من قريب لأن أحب المغامرات زين ما طحت .
    [​IMG]

    [​IMG]

    [​IMG]

    [​IMG]

    [​IMG]
     

    الملفات المرفقة:

  2. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    وووووواو لو طحت بموت
     
  3. ميحد حمد

    ميحد حمد ¬°•| عضو فعّال |•°¬

    الله يعينكم
     
  4. ريمـــــان

    ريمـــــان ¬°•| عضو مميز جدا |•°¬

    بــــــــــاقي الصور

    [​IMG]

    [​IMG]

    [​IMG]

    [​IMG]
     

    الملفات المرفقة:

  5. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    ينقل لقسم عدسات المبدعين ....................




    الحفرة لازم يردمونها باسمنت
     
  6. ريمـــــان

    ريمـــــان ¬°•| عضو مميز جدا |•°¬

    للأسف عاد من بيطالب بهالشيء ألحين الكل لاهي بدنياه
     
  7. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    نتريا معجزة شو بنسوي عيل هممممممم انا يعجبني شجاعتج لما يبتي الصور وبعد ما كنت اعرف بوجود هاذي الحفرة الحين هالموضوع بيوسع مدارك الجميع


    شكرا ريمان
     
  8. حاميها حراميها

    حاميها حراميها ¬°•| عضو مبتدى |•°¬

    الله كريم ولاتتريون شي من الشركه لأنها"" لاحياة بها حين تناديها""
     
  9. ريمـــــان

    ريمـــــان ¬°•| عضو مميز جدا |•°¬

    والله تبون الصدق دام ماتو شيابنا خلاص محد بيرمس فالسالفه لان الشباب ما فيهم ع المراكض بس ياليتني لو كنت ولد ؟؟؟؟؟؟؟؟؟؟ للأسف
     
  10. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    بأمانه منظر مخيف مادري اشقايل صورتي شجاعه ماشاء الله عليج

    لو انا ماتحمل يمكن اطيح لاني ماتحمل الاماكن المرتفعه



    المفروض يسون ع الاقل حاجز او شبك لسد هذي المنطقه لانها خطر ع الجميع

    حرام ناس تفقد عرق جبينها والسبب هذي المصيبه



    الله يهديهم ان شاء الله ويحسون ويسكرون الحفرة




    احترامي لج عزيزتي ^^
     
  11. ريمـــــان

    ريمـــــان ¬°•| عضو مميز جدا |•°¬

    ربي يعافيج فراوله شقيه

    تشجعت وصورت ونزلت بعد لأن شفت بعيني وشفت الضرر
    لي يبي يزور هالمنطقه أو ينزل تحت فاله طيب
     
    آخر تعديل: ‏10 نوفمبر 2009
  12. جرووح دفينه

    جرووح دفينه ¬°•|مُشْرٍٍفة سابقة |•°¬

    حرام كذا اذا حد طاح داخلها بيموت

    ليش ما يغطونها
     
  13. ريمـــــان

    ريمـــــان ¬°•| عضو مميز جدا |•°¬

    ترا خلاص مالهم حايه خذو اللي يبونه وساروا
     
  14. المغرم الهاوي

    المغرم الهاوي ¬°•| فخر المنتدى |•°¬

    امممممممممممم

    الله يعين صراحه وين المسولين

    مكان مخيف ووين الشبك اوكي علاقل حديده تنبيه

    يالله تسلم بس
     
  15. غيثة السحايب

    غيثة السحايب ¬°•| مُشرفَة سابقة |•°¬


    ياربي شو هذا ؟؟

    صدق زين ماتخرطفتي الله ستر

    وشو بيسون يعني ولا شئ بتم مثل ماهي
     
  16. ريمـــــان

    ريمـــــان ¬°•| عضو مميز جدا |•°¬

    لا ما بتم مثل ما هي بتزيد وبتتوسع واااااااااايد
     
  17. ♥βŗïηćę ¤ƒ ĤĕάŗŦś♥

    ♥βŗïηćę ¤ƒ ĤĕάŗŦś♥ ¬°•| عضو مبتدى |•°¬

    الله المستعان
    لو بتتكم منو بيسمعك
    بعدين خلي اللي في السيوح
    هم لو فيهم خير يعدلون شوارع البريمي بعد مادمروها بسبة المجاري
    مساكين توهم اكتشفوا المجاري
    والريحه شاله البلاد منها
    لو تصيح او تموت محد بيسمعك وخاصه ان الموضوع موجود بين الجبال
    جماعة الشورى اللي هم المفروظ المسؤولين فالحين يتكلمون عن القمح والصفارد
    انا اقوول خلها على الله ،،،
     
  18. ريمـــــان

    ريمـــــان ¬°•| عضو مميز جدا |•°¬

    :artist:يسلموا ع المرور الحلو
     
  19. عۈد بطرآنيـے

    عۈد بطرآنيـے ¬°•| فخر المنتدى |•°¬

    الصراااحة أول مره أشوف هالحفره وأول مره أسمع عنها معنا نحن نسير أحيانا هناك ... يمكن وادي الجزي اللي من صوب صحار لأنه اللي هنيه من صوب البريمي ما ظني شي هالحفره ... بس عموما الله يهديهم ويتصرفون لأنه مثل هالأشياء خطيرررره على الناااس وبعدين اذا ستوالهم شي منو المسؤول؟؟؟
     
  20. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    معقوله هالمكان موجود في وادي الجزي بصراحه وايد مستغربه والصور صدق خلتني اسطل
     

مشاركة هذه الصفحة