حفلة وفاة((()))

الموضوع في ',, البُريمِي لِـ/ للشٌعرٍوالْقصِيْد,,' بواسطة اليامي, بتاريخ ‏1 مارس 2008.

حالة الموضوع:
مغلق
  1. اليامي

    اليامي ¬°•| بـ ق ــايا ذكـريـات |•°¬

    دخليك لا تخلين الفرح تلعب به الأقدار
    أنا مليت من عثرات حظي يومه وليله
    بغيتك في خفايا الليل لي رحلة وسهر وأسفار
    أبدد فيك من شوق العبث ويشدني حيله
    سرقتيني بظلم وضيم وحملتيني الأعذار
    وأنا من شين حظي ما عرفت أقرأ لتحليله
    تركتيني على غير الطريق وفي ظمايه نار
    وشدك صوت ذاك الفارس اللي صاح لك خيله
    ألا يا اللي تجملتي بقطرة وفي سماك أمطار
    وراك تسافرين بمزنتك وتحوّلي سيله
    تحريتك على درب الوفاء من قلة الأخبار
    لقيت إن الوفاء يعلن وفاته وفيك تعليله
    لعنت الخطوة اللي سيرت بي يمها مسيار
    ولعنت اللحظة اللي لو نوت في ليل تسري له
    تعالي ناظري وش عاد باقي من بقايا الدار
    تغطي بالنهار الشمس وفي ليلك تهاويله
    عرفتك ما بقى لي فيك دمعة حايرة واحتار
    وتجميل المعاني الزايفة يبان تجميله
    بدايتها نهاية عمرها في أول المشوار
    شقاك اللي زرعتي حان لك ضمه وتحصيله
    على كل العتب تنزف معاناتي بها الاوتار
    ويذرف دمعها موال حزينه في مواويله
     
  2. كـــاا( الأنفـــاااس)تــم

    كـــاا( الأنفـــاااس)تــم ¬°•| عضو مبتدى |•°¬

    صح لسانك أخـــوي اليامي
    لا أنشاء الله ما بتخليك
    منو هاي حبيبتك؟
     
  3. بنت العرب

    بنت العرب ¬°•| مشرفة سابقة|•°¬

    تسلم يمينك لي خطت الابداع فالاشعار
    وصح الله لسانك على هالقصيده الطويله

    العتب والحزن يخلي قاري القصيده محتار
    واخر كلامي ابصم ان القصيده مافيها حيله
     
  4. بريميه الين الموت

    بريميه الين الموت ¬°•| عضو فعّال |•°¬

    تسلم اخوووووي عالقصيده الطرررررررر...
     
  5. اليامي

    اليامي ¬°•| بـ ق ــايا ذكـريـات |•°¬

    الروح
    كاتم الانفاس
    بريميه

    موركم شرف لي
    ومواضيعي نصها ردودكم الطيبه
    تسلمون كلكم


    اليامي
     
  6. عذب السجايا

    عذب السجايا ¬°•| عضو فعّال |•°¬

    على كل العتب تنزف معاناتي بها الاوتار
    ويذرف دمعها موال حزينه في مواويله



    :giving-up:
     
  7. بنت المقابيل

    بنت المقابيل ¬°•| مشرفة سابقة |•°¬

    صــــــــح لسانك أخوي


    قصيدة خزينة واااايد


    تسلم
     
  8. نسايم ريف

    نسايم ريف ¬°•| شاعرة |•°¬

    عفــواً بــس أتمنى من الأعـضاء يـشـوفون تاريخ المواضيع قبل مايردون ..!!

    هـالقصيده من 2008 :a054:
     
حالة الموضوع:
مغلق

مشاركة هذه الصفحة