الافتتاح قريبا

الموضوع في ',, البُريمِي للِحِوار و النقَاشْ ,,' بواسطة العا(هدوء)صفه, بتاريخ ‏4 نوفمبر 2009.

  1. العا(هدوء)صفه

    العا(هدوء)صفه ¬°•|عضًوٍ شرفُ|•°¬

    اهلا وسهلا بالجميع
    شحالكم وشو اخباركم
    خلوني ابدأ واقول
    لا يغركم العنوان
    انتوا ما فاهمين السالفه الى الحين
    بوضح اكثر

    ما أعتقد فيه حد ما يحب يظهر للسوق او انه يروح يشتري
    أغراض حق نفسه00000الخ
    وطبعا
    احنا في البريمي متميزيين بالموقع
    فأول مكان نفكر نشتري منه اغراضنا طبعا بلادنا اولى
    ويله بدأت السالفه تحلو
    عاد نيلس نفكر وين نروح؟؟؟؟؟؟
    يله بنروح هدايا العين ((طبعا اللي في البريمي))) وبنيلس ندور
    الحاجه لي اريدها((ما حصلتها))
    ما بيأس
    بروح دار الخليج اكيد عندهم ما يخلوا((عاد خسرت وقت بس ما عليه))
    اول ما توصل بتحصل الباركنات شاغره ((من كثر الزحمه))
    يله بدخل ادور الحاجه بس أتفاجأ انها ما موجوده:61:
    عاد اهني يدور راسي وين اروح
    يله ما عليه عندنا كم سوبر ماركت وبلف عليهم اكيد بحصل 000
    وبعد هذيك المشاوير والروحات ما حصلت اللي اريده:61:
    شو اسوي استسلم:giving-up:
    شوي جاتني فكره
    تذكرت البريمي مول (( الحلم يصبح حقيقه))
    بس للاسف بعده ما خلص من البناء يباله وقت ((يله بنصبر))
    وشوي الا اتذكر اللولو
    يا جماعه اللولو ((صح ما عندنا لولو))
    بس عندنا لوحه حطوها من سنتين اظن بالغلط مكتوب عليها
    ((اللولو هايبر ماركت))
    وتحتها الافتتاح قريبا
    ها
    حاجه غريبه كيف افتتاح وماشي بناء
    اظن في الحلم هذا
    وعاد يله
    انا محتاج ومالي الا اتخطى صوب جيرانا
    وبضرب هذاك المشوار الطويل ع شان حاجتي
    سؤال؟؟؟
    الى متى بنظل على هذي الحال؟؟
    بحكم انه موقعنا مميز ليش ما تتوفر عندنا الحاجات والمستلزمات؟؟؟
    ليش ما نفيد بلادنا بدل ما نصرف بيزاتنا في دوله ثانيه؟؟؟

    والسموحه من الجميع
    ولا حد يزعل ترى الحق ينقال
     
  2. مس كلوزر

    مس كلوزر ¬°•| عضو مثالي |•°¬

    جنك يبت ع الوتر الحساااااااس
    مررره ع العوق
    والله صدق حاله من نقول السوق ودونا السفير ويليت نحصل فيه
    وان هذا هدايا العين ماطبيته غير مرتين ولاعت جبدي منه
    خرا ومكيفاتهم حاره ولاعندهم شي
    ودار الخليج الا شراته

    لو بغينا شي عادي نضرب خط العين ونوقف فذيج الزحمه ع الحدود عسبت شي تافه
    بس لنه نحن ماعندنا
    والبريمي مول اظني لو باي قصر مواحي مخلص هب البريمي مول
    ولاتفرحون انا سمعت انه فوق شقق هع هع يعني مب كله محلات
    والولو انا بسير اصور عدال اللوحه شكلهم نسوها وغبرت

    والله حاله واحينه زحمة العيد ويخسي نشتري شي

    تسلم عا لموضوع الي يا فوقته
     
  3. مشاكس ما له منافس

    مشاكس ما له منافس ¬°•| عضو مميز |•°¬

    صج والله احوي ما شي محلات راقيه في البريمي تلبي كل احتياجاتنا يعني حق اتفه الاسباب لازم نضرب خط العين و البريمي موقعها استراتيجي ويبالهامحلات متطوره.


    تسلم اخوي ع الموضوع الرائع
     
  4. راعي صوغة

    راعي صوغة :: إداري سابق ::

    وهل تتوقع ان فتحوا البريمي مول انك تحصل الأغراض الي تباها,

    بعدك بسير العين تشتري,,

    خلاص من ستوينا نحن جي حاجة بسيطه ما نحصلها’’

    لازم انسير العين ’’

    وجهت نظر
     
  5. عۈد بطرآنيـے

    عۈد بطرآنيـے ¬°•| فخر المنتدى |•°¬

    مشكر عالطرح ... البريمي ما فيها محلات راقية مووووووووووول ... يوم يتسأل الواحد من وين شاري هذي الحاية بيقولك من دار الخليج ولا هدايا العين لا وألحين زادوها بهدايا البريمي حتى أسماء رااااقية ما يعرفون يسمون ... وين ما تسير في البريمي بتحصل خياييط ماشي غيره !!!
     
  6. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    انت الحين مصدق عمرك !!!!!!!!!!!!!!!!!!!
    من قالك انه بيفتحوه واذا فتحوه كله خيايط

    مثل الستي سنتر البريمي

    روح العين وخلا المصخره
     
  7. الغــريب

    الغــريب ¬°•| نعم نعم |•°¬

    مشكلة البريمي انه عدد سكانها قليل

    لهالشي ما يتحصل محلات متنوعه كثيره

    وخاصه الاشياء اللي ما عليها طلب وايد


    لكن الحمدلله الأشياء الأساسيه موجوده

    وبالنسبه للمشاريع الجديده

    ما اعرف شوو سبب تاخيرها

    ان شاء الله نشوف اهتمام اكثر لتخليصها باسرع وقت




    مشكوور اخوي ع الموضوع
     
  8. دانة غزر

    دانة غزر رئيسة المشرفين إداري

    البريمي انترست من هالخيايط
     
  9. علي بن سيف الساعدي

    علي بن سيف الساعدي ¬°•| عضو مميز |•°¬

    انزين شو اللي محتاجين له بالبريمي

    كل واحد يقول شو اللي محتاجين له

    مثلا سوبرماركت كبير مثل كارفور

    ومحلات ملابس كبيره مثل الثلج الابيض وغيره من المحلات اللي بالعين
     
  10. نار الشوق

    نار الشوق ¬°•| عضو مميز جدا |•°¬

    مشكوور عالموضوع
    وبصراحة البريمي ما فيها أي محل راقي كله دكاكين وخياييط من وين ما تلف ...واحسن محلات البريمي السفير والمهـــا...ولا بغينا حايه نظرب خط صوب العين..والله حاله .
     
  11. امير الحب

    امير الحب ¬°•| حلم وانتهى |•°¬

    والله لو اتكلم يباالي سنتين



    لازم يسون محلات راقيه وجي

    يعني تبا نعال مندوس او طواش

    مستحيل تحصل واذا حلصت قميتهاا فووق
    يوم تروح العين تستغرب


    احتراماتي..
     
  12. مس كلوزر

    مس كلوزر ¬°•| عضو مثالي |•°¬

    كح كح
    رديت مره ثانيه
    الساعدي اونه تبون شرا كارفووور
    يرموووون يسون نصه؟؟ اقصد ربع كارفور؟؟
    نحن ماطمعنا وقلنا كارفور ولا محل كبر العين مول
    ع الاقل محل فيه ملابس واغراض راقيه وماركات
    وبنحمد ربنا ونشكره
     
  13. العا(هدوء)صفه

    العا(هدوء)صفه ¬°•|عضًوٍ شرفُ|•°¬

    مشكوريين على الردود الحلوه
    بس الكلام ما يخلص
    البريمي في حاجه للتطوير
    صدقه لي قال بس فالحين ياخذوا الاسم المستعار وفتحوا
    محلاتهم يقصوا ع الناس بس
    البريمي صارت كلها محلات خياطه
    عيل وين الرقي والازدهار
    احنا ما نريد بس يفتحوا محلات احنا في حاجه لتوفير الحاجات لي نحتاجها
    ولو بعد وفروا الحاجات ((بتبقى مشكلة الاسعار))
    تقبلوا احترامي
     
  14. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    يبيله فرع لمحلات ماركات عالمية في البريمي وشو رايك بفتح باسكن روبنز في البريمي؟؟
     
  15. غيثة السحايب

    غيثة السحايب ¬°•| مُشرفَة سابقة |•°¬


    والله حاله شو نسوي من يوم نحن يهال لازم نسير العين ناخذ حايتنا

    ومافيها شئ كله خرا ومال بتان ومافيه شئ يشدك

    وع قولتكم اللوحه مالت اللولو يوم يا الاعصار الصغير مال البريمي

    شلها وياه

    وماادري متى بيطورون

    اقولكم شئ يمعو بيزات وعطوني اياهن وانا بتفحلكم <<<
     
  16. ذبحهم غروري

    ذبحهم غروري ¬°•| فخر المنتدى |•°¬

    هههههه مصدقين انتو بيفتحون الموول و الولو اونه الافتتحاح قريباحتى طابوق ماحاطيين واللوحه مغبره
     
  17. روح هدايا العين في العين وشوف الي في البريمي
    شوف الفرق اخويه
    يااااااااااااااعمي ماشي غير العين بس الله يعينا من هالزحمه
     
  18. عنادي الحلوه

    عنادي الحلوه ¬°•| عضو مبتدى |•°¬

    انا ابي يسون ف البريمي موووووول كبير

    وفيه كل الماركات العالميه

    وابي يسوالنه حديقه شرات الناس عسيب نعرف وين بليل نروح نتعشاء

    وابي محل مال البتزاء

    وابي نادي بعد خاص حق البنات يكون فيه كل شي

    وبعد بس مابكثر عليكم


    ههههههه
     
  19. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    كل شئ محتاج للوقت


    ما انكر ان وايد ناس من اهلي فكروا في مشاريع كبيره وكل الي كانوا يبونه موافقه لكن خلوها ع الله وخلوني ساكته
     

مشاركة هذه الصفحة