رحله غريبه ...

[L E A Đ E R]

بسمـ اللهـ الرحمنـ الرحيمـ..

السلام علي شباب شحالكم شخباركم ؟؟

انا عضو يديد وحبيت اطرح موضوعيـ.. ^^

:a054:

ندخل فالموضوع من غير مقدماتـ..

بعد جولاتي التفقديه في المنتدى قريت مجموعه من المواضيعـ..

اغلب المواضيع تتكلم عن علاقت الشباب بالبنتـ.. :imuae16:

وكلام وايد وجدل وكذا ..

انا سمعت أراء ناس وايدين فهذا الموضوع ( اللي يقول انا يوم اريد البنت بدق باب بيتهم .. واللي يقول انا اريد اعرف البنت قبل لا اخذها .. واللي يقول انا اعرف البنات عشان اتسلى ...)

وكلام كثير ..

اما انا صارلي موقف قعدت افكر كثييييييييييير

انا ولد اشتغلت وعمري 18 سنه في مجال البترول .. واللي يسمونها الصحرا

طلعت من البريمي لمنطقه صحراويه اسمها مرمول قريبه من صلاله ..

صادف انه العيد بكون على ايام الدوام ..

طبعا هذا الشي خلاني ازعل واتكدر وقلبت فوق تحت .. على المكده والتعب والحر في الصحرا اعيد هناك ..

قالولي الشباب احنا بنطلعك لا تخاف ..

صار العيد وكشخنا احلى كشخه وطلعنا بالسياره على منطقه صغيره

اسمها شليم ..

هنيه صارت المفاجئه .. دخلنا واحد من مجالس البيوت وكانو اللي يستقبلونا مجموعة بنات ..

كانو بنات البدو فعلا جميلات .. بشكل ما اتصوره ..

وقهوونا وكل شي .. وانا اللي كنت افكر فيه وين شباب البيتـ..

وينهم الرجال .. مو عيب نشوف بناتهم .. مو حرام ؟؟؟

طلعنا ودخلنا بيت ثاني ونفس الحاله ما تغيرت ...

بعد ما طلعنا سألت ربيعي .. قلتله ليش البنات اللي ضيفونا

ليش مب الرجال ؟؟؟؟

قالي عادي احنا كذا ...

هنيه ما تقدر تغازل اذا تريد البنت تروح بيت اهلها ..

تكلمها تشوفها تعرفها وتعرفك .. بعدين تتزوجو ..

..................

انا قعدت افكر ..

الله ورسوله يرضون هذي العاده ؟؟

هل هذا شي صح ؟؟

ومنو منا بيرضا غريب يدخل بيته ويشوف اهله ؟؟

..........................

ملاحظه:

اذا الموضوع مو في مكانه لا تمسحونه

لاني يديد وما اعرف وين احطي مواضيعي

وسوالم :belokan:

 

[ذبحهم غروري]

والله هذي العاده مب حلووووووه ومدري كيف يرضون ع بناتهم
مشكووووووور ع طرح

 

[غٌَ ـلآ بُنٍيً گـ عُ ــبُ]

تم نقل الموضوع للقسم المناسب




في ما يخص رائي الدين فالدين ضد الاختلاء مع ان الشائع عند البعض من الناس هذه العاده

اما ما اره من وجهه نظري لا يختلف عن ما سن في الشريعه وهو وجوب عدم اختلاء المراه بالرجل




بالمختصر


مهما كان غريزه البشر صعب التحكم بها ويا بخت من جاهد نفسه وجاهد هواها يعني مب معقوله ان يدخل احد من غير محارم البنت ويتكشف على اهل البيت

معقوله ما يغارون على اعراضهم؟

 

[المنصوووري]

مشكلة والله المهم الله يوفق وتتزوج منهم

 

[مروض الكهان]

عاادة غريبه

أول مرة أسمع فيها

ما أظن أنه في ناس ترضى على أهلها

بس غريبه منهم هذي العاده

بس تعرف شو الناس متعوده هناك على هذي العاده فمستحيل اتشوف احد يغازل لانه تعودوا على هذا الشيء


بس الاكيد انه العاده مب حلوه

ولا الاسلام بيرضى فيها

 

[Silent heart]

something diffrent

بصراااحه هالشي غرييب معقوووله يعني جي؟؟!!

اصلن مايستوي الواحد ايشوووف وحده ويقعد وياها اذا كان هب من محارمها

واكيد انه هالشي هب صح وغلط لانه النفس البشريه تتبع الاهواء ف المفرووض انه هالشي مايستوي

وبعدين اهل البيت كيف يرضون انه بناتهم يقعدن ويى غريب وماتعرفه ؟؟مايخافون ع بناتهم ومايغاارون عليهم؟؟

at the end

اتمنى هالشي يتغير لانه هب زين حق البنت والولد

والسموووووووووحه

 

[جرووح دفينه]

الله يهديهم بس هاي عادات غريبه وضد الدين .......

 

[اثير]

اووب اووب بنااااااااات يضيفوونكم قووويه
هاايلا حيااتنا فاالتووووه

مب حلووه اصلا بنت اتقهووي واحد عيل الريااال ووينه وليش مسينه ريااال
سبحان الله الحمد الله ع العادات اللي عندناا