اليكم القصيده وهبه خطره

الموضوع في ',, البُريمِي لـ القَصائد المنقولة' بواسطة مستر أكس, بتاريخ ‏2 نوفمبر 2009.

  1. مستر أكس

    مستر أكس عُضوٍ شًرٍفٌ

    أليكم القصيدة يا جماهيري وهيه خطره
    وخلوها الرقابة تسجن الشاعر وجمهوره
    هدوء أيها السادة حضور الحفل والسهرة
    مساء الخير ع الصاحي وأشوف الناس مخمورة
    أنا آسف على الإزعاج ولكن طارت السكرة
    ذكرت أني قبل ساعات أصيل وعزوتي نوره
    على فكره الكرفته عجزت أفكها عسره
    أبي واحد ينزلها أو وحده ومشكوووره
    وأبي ثوبي يقول وثوبي الاشهف مع الغتره
    قبل والله لطربقها على هالحفل وحضوره
    ولا واحد يتكلم قبل ما اخلص النشرة
    ومن يحكي قسم بالله لدوس برجلي حنجوره
    تراها قفلت يا سادة بلادي ويا ستره
    وهيه ما دامها خربت بقول الليلة الثورة
    أنا بحكي من أول يوم جيت لدنية قذرة
    وتكرم عن قذارتها بيوت الله ومعمورة
    انا مولود في ليلة شتاء مع بردها مطره
    في خيمة وسط صحراء ما بها سستر ودكتورة
    انا يا حضرة السادة غريب وضاع من صغره
    أنا عن جدي زماني بين مدهوره ومهجورة
    حملت من الشقا مالا يطاق وجايكم ذكره
    ولاني عاجز أتحمل وأموت بنفس مقهورة
    وأنا ادري يذبح الرجال كثر الصبر في قهره
    وعن قهر الرجال المصطفى حذر ومذكورة
    وهم قالو مفاتيح الفرج للحي في صبره
    وأنا أشوف الصبر مفتاح ضاع وزاد طابوره
    تعبت ألملم أيامي بيدين الهم والحسرة
    تعبت المع البرواز وأمسح غبرة الصورة
    تعبت أبوس كف الجوع وخشم الفقر طال عمره
    تعبت اكذب على الحاجة وأقول الحال ميسورة
    تعبت أحمس من القهوة وأحط السمن والتمرة
    تعبت ودلتي وحده وكل شوي منثورة
    أحسب العز بالدله وبيت النذل بها عشره
    دلاله أكثر الملعون ومليانه ومسطوره
    أنا بحكم البداوة أنزرع في داخلي بذره
    عن علوم المراجل ألف بذره فيني مبذوره
    تربينا على الدين ونطيع الله مع شكره
    تعلمنا نصلي ونحفظ القرآن وكل سوره
    تعلمنا نحب الضيف وفينا الكرم فطره
    تعلمنا نقول الصدق لا لفه ولا دوره
    تعلمنا نحلب النوق ونعرف وش اهيه البكره
    تعلمنا الضما وحنا بيدينا ألبير محفوره
    تعلمنا وكثير اللي تعلمناه وش كثره
    أخذنا درس بالدنيا بلا دفتر وسبورة
    وانتم يا سكارى الحفل عفو أيها الزمرة
    منو فيكم قهر الزمان وظلمه وجوره
    منو فيكم وطاه الجوع وذله واصفقه فقره
    منو فيكم عرف يحتاج للقمه ونشف زوره
    منو فيكم من الضيقة حفر بأصابعه قبره
    منو فيكم رقد ليله وسط أجساد مقبورة
    منو فيكم مشا حافي برمضا كأنها الجمرة
    منو فيكم سهر ليل الظلام بدون اباجوره
    منو فيكم ما طاح ألفين مره وسلمت الجره
    وأنا من قبل اطيح وجرتي بأيديني مكسوره
    لكم الماء والوجه الحسن والمال والخضره
    ولنا حنا الضما والجوع وفقر وشيقة عوره
    ولا مره حظي ضحك بوجهي واشكره
    وغيري مبتسم حظه وكل ايامه مسروره
    كتبت الشعر من صغري وبيوتي ما بها كسره
    وانتم تبرزون اللي كتب بيتين مكسوره
    انا يا حضرة الساده فقير ما اغتنى بشعره
    ما دام المومس اللي تشري الاشعار مشهوره
    انا يا حضرة الساده هنا الليله وعلى فكره
    تراه هالبدله مسروقه ورجلي بجزمه محشوره
    ولكن قلت ابأحضر هالحفل والعمر بختصره
    وابي ابدع معاكم وسط ليلة انس ومحضوره
    واذا كانت رجولتكم بكاس الثلج والخمره
    انا بشرب بدون الكاس وثلجه ألف قاروره
    ابويه قاللي مره دسم شاربك بالغبره
    ما يدري بالشنب محلوق وجابر فاقد شعوره
    انا بمشي ما دام الليل ودع وابتدى فجره
    بروح ارد هالبدله على هالمعلاق مزروره
    وانا ادري يا كلاب الحفل اني بنسجن بكره
    ما دام الليله جبت العيد بهذا الحفل وحضوره
     
  2. نسايم ريف

    نسايم ريف ¬°•| شاعرة |•°¬

    تسلم ياخوي ع الطرح الجميل

    وصح لسان قايلها وتسلم يد ناقلها
     
  3. آل يذوه

    آل يذوه ¬°•| ناقد شعري |•°¬

    مشكور اخويه مستراكس على الطرح الرائع والجميل

    صح لسانك ولسان قايلها

    قصيده مميزه وراقت لي

    تقبل مروري الله لا هانك


    وتنقل للمكان المناسب

    دمت بود
     
  4. جرووح دفينه

    جرووح دفينه ¬°•|مُشْرٍٍفة سابقة |•°¬

    صح الله لسانك اخوي
     
  5. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    صح لسآنك ويعطيك العآفية ع القصيدة الروعة
     

مشاركة هذه الصفحة