مووووضوع هام جدا

الموضوع في ',, البُريمِي للِحِوار و النقَاشْ ,,' بواسطة العا(هدوء)صفه, بتاريخ ‏30 أكتوبر 2009.

  1. العا(هدوء)صفه

    العا(هدوء)صفه ¬°•|عضًوٍ شرفُ|•°¬

    السلام عليكم
    انا عندي موضوع وموضوع وموضوع وموضوع واعيد انه موضوع جدا هام
    لاني بصراحه اشوف هالموضوع زاد عن حده
    في الاونه الاخيره


    عندي سؤال هام جدا جدا؟؟؟؟؟؟؟؟؟؟؟؟؟؟
    بس قبل السؤال بخبركم شو هالموضوع
    ما اعتقد ما طاف او مر على احد منكم


    يا جماعه


    شو اللي حصل في البريمي في الفتره الاخيره
    زادت عندنا نسبة ((((الشحاتين))))
    ما شاء الله موفر لهم العمل عندناوبدون ما يتعبوا نفسهم بعد
    اما انت ياللي متخرج من الجامعه او درست في الخارج وتعبت
    ايلس واستريح لحد ما اييك الفرج

    يا جماعه

    هل صحيح انه هذيلا في حاجه ع شان يطلبو؟؟؟؟
    ولا بعد اذا تعطى حد منهم مائة بيسه طالعك بنص عين((من البطره)))

    الى متى

    الى متى بنظل نعاني من هذي الظاهره؟؟؟؟؟
    هل هذا منظر حاضري؟؟؟؟؟؟؟؟
    شو بيقول عنا لي يزورنا اول مره ويشوف هالشي بعينه؟؟؟؟؟؟


    اللي مب مصدقني
    اريده يظهر يوم الجمعه الصباح ويروح سوق السمك!!!!!
    او روح اي محطة بترول بتحصل هذاك لي يبيع احلا العطور((بنص ريال))
    انت عاد اشتري العطر وهذا الشحات اقرب منك لانه شافك ظهرت بيزاتك


    سؤأأأأأأأأأأأأأأأأأأأألي؟؟؟؟؟
    من المسؤول ؟؟؟
    من اللي بيحد من هذي الظاهره؟؟؟؟؟؟
     
  2. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    والله صدجك وحنا مرات ينا 2 ورا بعض (دبل)
     
  3. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    آنا يييت اقص الشريط ههههههههه



    والله هآلظآهرة موب بس عندكم هم عندنآ


    والمشكلة اتجوفهم كآشخييين ويطروون شسآلفة مآدري

    بس الحمد لله احين مآقولك مآفيه فيه لان لو احد بلغ عنهم تيودهم الشرطة لانة ممنوع

    امآ آنا عن نفسي ابصرآحة مآقوى ابلغ اخآف يكونون صج محتآجيين

    مع انة محذر بآنهم نصآبين خصوصآ من الجنسيآت لغير خلييجية


    وتقبل وجهت نظري
     
  4. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    الشعب تعبان..~

    من المسؤول؟؟

    انتوا ادرى....

    وبعد يقولون ما مقصرين ومريحين العشب..

    هع

    الله كريم

    تشكر خيوو

    متابعه..........!
     
  5. جرووح دفينه

    جرووح دفينه ¬°•|مُشْرٍٍفة سابقة |•°¬

    صج اخوي ها الظاهره وايد منتشره دايما يون عندنا شحاتين وما يرضون بالي نعطيهم و دايما يحكولنا نفس المشكله ان الكهرباء مقطوعه ومب قادرين يرجعوها .بس تبي الصج اخوي ان المشكله الاساسيه انه ما عندنا جمعيات خيريه عشان تساعدهم فيضطرو انهم يشحتون من البيوت
     
  6. مس كلوزر

    مس كلوزر ¬°•| عضو مثالي |•°¬

    هييييييييييه والله حشرررره
    ويوم اليمعه اظني يولفونهم بباص ويعقوهم فحارتنا
    ويتشرطووووون بعد

    الحل انه يوم يون يشحتون ولهم بخبر عليكم الشرطه هع
     
  7. مستر أكس

    مستر أكس عُضوٍ شًرٍفٌ

    بصراحه موضوع خطير
    ذكرتني بمواقف صار معي
    مرة كنت واقف عند المطعم النيادي اللي عند هدايا العين
    جات بنت صغير تطلب مساعدة اعتقد كانت فلسطينية
    عطيتها نص ريال ما رضت تاخذ نص ريال
    قالت اقل شي عطني ريال
    قلتلها ما عندي غيرها تبي خذي ولا روحي عني
    طفرتبي لين قلت بس عطيتها ريال
    بعدني توني معطنها ريال توصل اختها تطلب مني مساعدة
    طلعولي قرووون لين ماخذاو عني ريال غيره
     
  8. بنت المقابيل

    بنت المقابيل ¬°•| مشرفة سابقة |•°¬

    الظاهرة موجودة في كل المجتمعات الخليجية خاصة من قبل الشخصيات غير الخليجية
    وتكثر أيام الجمعة جدام المساجد وفي الأسواق
    بس أنا صراحة مرة حصلت وياي في البريمي في شهر رمضان الي طاف
    كنت ظاهرة من الخياط
    وادخل بيزاتي في المحفظة
    وما احصل إلا ثنتين على رأسي
    وطبعا مب قدرت ما اعطيهم
    اولا لأنه كان رمضان وإن شاء الله يتضاعف الأجر وعقب مب حلوة اردهم لأني كنت واقفة جدام الخياط والناس اطوف واطالعني​
     
  9. بو جسيمـ

    بو جسيمـ ¬°•| شاعر |•°¬

    سلامن عليهم _ والله ما شي دآر تفضى من هالشي

    الشحاتين تكرمون فـ كل مكان والكل مستخبر ..

    بس شنسوي ..؟؟ كل ٍ عليه بنفسه ..

    انت هب مغصوب تعطـآه فلوس انت حر بكيفك ..

    يعني بالله عليك اذا حرمه يايه تطلبك شو تقولهــآ ..؟؟

    بتقولهــآ وخري ما بعطيج ..؟؟ ما يستوي بتكون قويه ..

    لذلك ما باليد حيله كل يوم تزيد اعدادهم ..

    والسبب شو ..؟؟ الفقر , الجهل , القصور من كل النواحي ..

    مشكور على الطرح الوافي يالوافي .. فـ داعة الله
     
  10. L E A Đ E R

    L E A Đ E R ¬°•| عضو مبتدى |•°¬

    انا بكلمك بصراحه اخويـ..

    بعيد عن الظاهره وجيه

    انا بصراحه لما بعطي احد ما بعطيه وانا همي هذا محتاي ولا لا ؟؟

    و ليش هذا يطلب ؟؟

    انا يوم بعطي اريد الاجر من الله

    انا فاهم قصدك انهم يشوهون وكذا ...

    بس الله يعلم بحالهم احنا ما نقدر نتهمهم

    الاحسن ندعي الله يهديهم وخلاص..

    وتقبل مروري ..
     
  11. غصون البريمي

    غصون البريمي ¬°•| عضو مميز |•°¬

    بصـــــــــــراحه موضوع رائع المشكله الي حاصل يدشون البيت وكانهم يعرفونك نفس الموقف والقصه مره دشت حرمه الله يستر عليها جان تقول وين أمج قلنا ظاهر السوق جان تقول انا ربيعتها وخبرتني لما تحتاين تعالي البيت إذا مب موجوده بتحصلين البنات بيعطونج ونحن صدقنا جان تعطينا اوراق وتشكي الحال وعطيناها ومن وين ما نسير نحصل هذه الفئه منتشره بشكل حفظناهم خخخخخ بصراحه لزم يتصرفون المسؤلين ......
     
  12. الغــريب

    الغــريب ¬°•| نعم نعم |•°¬

    فعلا هالظاهره كثره

    واعتقد من الاسباب العماله السائبه

    البعض يجي البلاد ويشتغل اي شغله

    واكيد الشحاته عند البعض عمل مربح

    وخاصه يخلي الحريم يشحتن


    لو قضينا على العماله السائبه

    ووفرنا فرص عمل

    بنقضي على هالظاهره



    مشكوور اخوي ع الموضوع

    الله يعطيك العافيه
     
  13. دانة غزر

    دانة غزر رئيسة المشرفين إداري

    يااي امر من مكتب الوالي

    ايي واحد تشوفونه يشحت

    فيه ارقام تتصلوون عليهم

    بس نحن نرحمهم ونعطيهم

    نقول يمكن صدق محتاجين

    ومرررات يسوون حركات مب حلوووه

    لو شافوا ولد صغير يمسكونه

    ويفتشون مخبااه يمكن يحصلوون

    شي عنده
     
  14. والله صدق كلام يزوي الشعب تعبااااااااااااااااااااااااااان
     
  15. آهات قلب

    آهات قلب ¬°•| عضو فعّال |•°¬

    شو حد يسوي ناس فاضيه وناس صج متحايه والكل عارف منوه المسؤول وكيف يقدر يحط حد لهشي بس الله يعافينا ومثل ما قال اخوي الواحد يبغي اجر الله فالاول والاخير

    والسموحه
     
  16. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    الله يسلمك لان في ا لعين ما مخلينهم في حالهم ويزخونهم قالوا ماشئ غير البريمي
     

مشاركة هذه الصفحة