كســــــــــير جناح

هنية عيشــتك عقبي هنية
وأنا ما لذلي قوتي وشـــرابي
ســــهرت الليل والناس هجعية
تولعت بهوى ترف الشــــــبابي
بعدهم ديرتي قفـــــراء خلية
ينادم قفـرها نعق الغـــرابي
وتذريها الرياح الموســــــمية
عقب ماكانت السـبع العجابي
أنا يــــــا ناس حــــلتبي قضية
صويب الحال من عالـي الجنابي
بلية حلـــــت بحالــــــي بلية
بلية والشـــعر في الرأس شابي
كســــــير جناح وأصفق يدية
ودف الهم يعــــزف بالمصـــابي
مصــــــابي بية العين الغضية
بلا ذمة تمــــادت في عــــذابي
تجهمــني عنـــاها بـــلا خطية
فروضة خــــافقي عاثت خرابي
يصمتي وش يفيد اللــــوم بية
عقب ما شـــبت في عز الشبابي

 

يـــــــــآآآسلامي عليك

صح لسانك واعتلى شانك واقولك

تصبر ياابو راشد والهوى بليه

ماياك ألا كنه سطور شعر العذابي

تغني والشوق بايت بالقلب ليليه

يرد ويورد من خافق(ن)له طابي

وتسلــــــــــم يالشاعر

والسموحه ع الأبيات البسيطه

 

تسلم شاعرنا

صح لسانك يا بو راشد

 

أبو راشد

صح لسانك وعلا شانك يا الغالي

دائما مميز وراقي في قصيدك

كســــــير جناح وأصفق يدية
ودف الهم يعــــزف بالمصـــابي

رآآآآئع هذا البيت

الصوره الشعريه جميله ومبتكره وتدل على امكانيات شاعر كبير

ربي يعطيك العافيه

دمت بود​

 

:imuae83:كلمات روعة
صح لسانك الشاعر
ننتظر المزيد من إبداعك

 

صح اللسانك كلماات جميله يسلم هالمنطوووق ويدوووم...

 

شكرا على مروركم الجميل

 

صح لسانك ملاين ياخوي وتسلم ع الإبداع

ربي يعطيك العافيه ونتريا اليديد

 

تسلم أخي العزيز

 

صح لسانك وعلا شانك وسلم بنانك

ع هالابيات الجميلة

نابعه من قلب حساس


يعطيك العافيه ياخوي

وبأنتظار جديدك

 

العسائي
صباح الامل
رائع بماقرأته هنا
مساحات ورد لقلبك
مودتي
محمد​

 

شكراً على المتابعة المستمرة

 

تسلم يالعيسائي ابددددداع