نصيحة هامه

الموضوع في ',, البُريمِي للِحِوار و النقَاشْ ,,' بواسطة كحل العيون, بتاريخ ‏24 أكتوبر 2009.

  1. كحل العيون

    كحل العيون ¬°•| عضو مميز |•°¬

    بسم الله الرحمن الرحيم
    السلام عليكم ورحمة الله وباركاته


    شحالكن بنات؟؟؟؟؟
    شحالكم شباب؟؟؟؟؟؟؟؟


    من فترة هب قصيرة وصلني مسج
    الا وهو

    ينص المسج:ـ

    (...نصيحة للنساء ...
    1. اللي تبي بيزات والنغنغة تاخذ قطري في الصداره
    2. اللي تبي كلام بس تاخذ مصري
    3. اللي تبي الكشخه والذوق والأناقه تاخذ لبناني
    4. اللي تبي السفر وسعة الصدر تاخذ كويتي
    5. اللي تبي الأجر في الأخره تاخذ عماني انتي عاد شو بتاخاذي؟؟ ....)
    وهذا المسج يا جماعة الخــــــير
    والمسج وشفتوه


    لقد اثار إهتمامي هذا المسج التي انتشر واااااايد هالفترة عن اللي تبي الدلع والكلام الحلو وين تلاقيه. مقصد المسج؛ إن اللي تبي الدلع تاخذ لبناني واللي تبي الكلام الحلو تاخذ مصري واللي تبي..... واللي تبي..... واللي تبي الأجر تاخذ عماني. عاد الأخيره هي الشاهد.


    معلومه أفتتح فيها :ـ

    أنا بنت عمانية
    وتعلمت أن من يزرع الشوك يحصد شوك ومن يزرع الورد يحصد ورد
    وتعلمت أن الأرض الطيبة تعطيها تعطيج، وكثر ما تهتم فيها يكون الثمر أطيب


    إلى كل بنت عمانية تعتقد أنها مأجوره لأنها ماخذه ريل عماني...
    إلى كل بنت عمانية تعتقد أنها فاقدة الدلع مع ريل عماني.....
    إلى كل بنت عمانية تعتقد أنها فاقدة الرومنسية مع ريل عماني...
    إلى كل بنت عمانية تعتقد أنها فاقدة الكلام الحلو مع ريل عماني..

    إلى كل بنت عمانية تعتقد أنها مظلومه عاطفيا لأنها مع ريل عماني...
    إلى كل بنت عمانية تبحث عن ريل حج دلع ولا كلام حلو.....

    أختي الفاضله:
    إيلسي مع نفسج صباح يوم من الأيام بعد أن يغادر ريلج العماني إلى العمل. راجعي يوم الأمس الذي مضى لحظة بلحظة، وأجيبي عن الأسئلة التاليه:

    صباح الأمس الباكر؛ من أيقظ ريلج للدوام؟ أنت أم الساعة المنبهه؟
    إذا كانت الساعة؛ أين كنتي؟
    إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟
    بعد أن استيقظ، ودخل الحمام للدش؛ هل وجد حمامه جاهز؟
    لما خرج والأمل يحذوه في وجبة إفطار؛ هل كنتي جهزتي له إفطاره؟
    (ولا فنجان قهوه وقرص عسل )
    قبل أن يخرج للدوام؛ من أين أخذ ملابسه؟ (من بين يديج ولا من الكبت)
    هل ساعدتيه في لبسه؟ (وكشختيه وعطرتيه)
    بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي:
    1- خرج وأنا نايمه.
    2- صحيت من حركته في البيت، فتحت وحده من عيوني وقلت: وين رايح، الدوام؟ بالسلامه.
    3- كنت يالسه بالصاله، وهو خارج قلت له لاتنسى الأغراض اللي وصيتك عليها.
    4- رافقته للباب، وكان وداع حار.

    ( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!)

    لما وصل الدوام (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تتطمنين إنه وصل بالسلامه؟
    تالي النهار وهو راجع البيت من الدوام، دج الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟
    بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير)
    يبي يدخل الحمام وياخذ دش؛ (كرري السؤال حق دش الصباح).
    بعد الدش يبي أسترخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك)
    الآن يبي غفوه قبل الغدا، هل ساعدتي على توفير الجو الهادئ؟
    لما نش من النوم؛ هل وجد الغدا جاهز ولا هو اللي يابه معه من المطعم؟
    بعد الغدا أكيد يبي شاي قهوة، هل جدمتي له الشاي، ويلستي معه سواليف، وكيف كان يومك؟
    الآن فتره مستقطعه إلى الليل، وشلون قضيتوها؟
    بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتج؟ وشلون صورتج وهيئتج أمامه؟
    خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟
    وقت النوم، وأنتي رايحه السرير؛ وش كنت لابسه؟ كيف وضعية النوم مع ريلج؟ (وضعية حنان ولا كأنكم أثنين ربع أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه)

    بإختصار لكل الأسئله السابقه:
    هل كنتي أنثى مع ريلج العماني وعيشتيه جو زوج وزوجه؟

    طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها.

    إلى كل بنت عمانية تبحث عن زوج حج دلع ولا كلام حلو:
    ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها.
    كم مجوع الدرجات اللتي حصلتي عليها؟
    0% ولا 10% ولا 50% ؟

    طبقي النتيجه على المعلومه الزراعيه التي أعطيتها أول الموضوع عن الأرض. إعتبري النتيجه هي نسبة إهتمامج بالأرض. والأرض ريلج كيف بتكون الثمره اللي تحصدينها؟ (الثمره أكيد الدلع والكلام الحلو و... و....) اسألي مزارع من مزارع طريج البريمي صحار

    أو محضة إذا احتجتي مساعدة.

    في النهايه: أتمني من بنت عمانية ه اللي تبي الدلع ما تاخذ لبناني، واللي تبي الكلام الحلو ما تاخذ مصري واللي تبي...واللي تبي....واللي تبي....

    كفايه يكون في العالم العربي كله بس العمانيين محرومين من أنثى.

    معلومة أختتم فيها الموضوع:
    تعرفون ليه الريل العماني يفغر لما يشوف امرأه كاشخة وتطيح اعيونه

    تعرفون ليه الريل العماني لما ييلس وزوجته يتابعون التلفزيون وتطل المذيعه عيونه لاصقه بالشاشه.
    تعرفون ليه الريل لما يتزوج من سوريه ولا مغربيه ولا...ولا...يحس ان فعلاًَ فيه جنس آخر بالكون غير الذكور.


    لأنه في الأصل عايش مع واحد من ربعه.


    منقول من الواقع

    و ان حسب ويهة نظري انه لو فيه زوجة تسوي ما ذكر اعلاه ما راح زوجها يفكر مجرد تفيكر بالزواج عليها الا اذا كان مجنووون او مريض نفسي


    عاد السموحة
    طولت عليكم




     
  2. شبيك لبيك

    شبيك لبيك ¬°•| عضو مثالي |•°¬

    ههههههههههههههههههههه عاااش الوطنية...


    يسلمووا ع الموووضوع
     
  3. كحل العيون

    كحل العيون ¬°•| عضو مميز |•°¬

    هيه بعد انا عمانية وافتخــــــــــر
    وليش ما افتخـــــــر بعمري؟؟؟؟
     
  4. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    ياااااااااااااااا خطييييييييييييييره

    لي بااااااك قسسسسسسسسسم
     
  5. ونتي ونه خفيه

    ونتي ونه خفيه ¬°•| عضو مميز |•°¬

    وايد متلخبط موضوعج
    خاصه بمقارنتج في المسجات
    السموحه منج موضوع يحتاج إلى تعديلات وايد
    عشان يطلع بصوره حلووه


     
  6. ميحد حمد

    ميحد حمد ¬°•| عضو فعّال |•°¬

    لوجهة نظرك لها كل الاحترام والتقدير.. الافكار تشتت من منتصف الموضوع بس الفكرة واضحة...وانتي تكلمتي عن صفة موجودة في مجتمع معين وارجو عدم العمومية في قول (العمانيين) ... واختصر قولي ( يكفيني إنني أنتمي لأعظم بلاد...عمان...) وخلى كلام المسجات تذوب وتتبخر
     
  7. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    اللي تبي بيزات والنغنغة تاخذ قطري في الصداره
    اللي تبي كلام بس تاخذ مصري
    اللي تبي الكشخه والذوق والأناقه تاخذ لبناني
    اللي تبي السفر وسعة الصدر تاخذ كويتي
    اللي تبي الأجر في الأخره تاخذ عماني انتي عاد شو بتاخاذي؟؟ ....)


    وليش كل هآي عآد آنا بقولج شغلة وحدةاحين يعني القطري مآيملك غير البيزآت؟؟؟؟!!!!!!!!

    القطري = بيزات والنغنغة =كلام=الكشخه والذوق والأناقه =السفر وسعة الصدر =عآد الاجر في اآخرة هآي مآدري اشمعنآتهآ اذ المقصود فيهآ الدين فآلحمد لله ع دين وخلق طبعآ هآلكلآم كلة موب بس موجود بآلقطري لا هآلكلآم ينطبق على العمآني والبحريني والخ (((ولنآس مآيصدقون يحصلون مسج يتسلون فيه حبيبت قلبي هآي وجهة نظري آنا يمكن مآيكون ويآي خبرة بس مقتنعة فيهآ وتقبلينهآ بصدر رحب

    احترآآآمآتي لــــج
     
  8. جرووح دفينه

    جرووح دفينه ¬°•|مُشْرٍٍفة سابقة |•°¬

    تبي الصج احس ان اكثر العمانيين يحترمو زوجاتهم ويدلعونهم ويعاملوهم معامله زينه مب شرط الوحده تتزوج واحد عنده فلوس اهم شي المعامله الحسنه والاحترام واهم شي يكون الريال صاحب خلق ودين.
     
  9. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    بالعكس بصراحه انا اعرف وايد بنات متزوجات عمانيين وعايشات عيشه ما يحلمن بها ما اقصد الوضع المادي يعني يكون الحمدلله وضعهم بس السعاده والتوافق بينهم ولو حتى يابوا عيال لكن بعد الالفه والمحبه مثل ما هي ما تنقص


    ع الاقل اخذ واحد من بلادي يخاف علي ولا اخذ واحد من بلاد غير بلادي يعايرني ولا يسمعني كلمه انا في غنى عنها
     
  10. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    كلام قوي






    المهم الاحترام والاخلاص المتبادل وتحقيق رغبات الطرف الاخر اساس قوة الحياة الزوجية



    الي يبا يحافظ على زوجته يهتم فيها اكثر والعكس صحيح









    وشكرا
     
  11. CR7

    CR7 ¬°•| βu βşɱą |•°¬

    كل واحد ادرى بمصلحته

    يسلموووووو ع الطرح
     
  12. شبيك لبيك

    شبيك لبيك ¬°•| عضو مثالي |•°¬

    أعقب ع رمسة خوواتي..اصابع ايدج مب سوى عسب جي في الزين وفي الشين في كل بلاد ف العالم..

    وهذا المسج يعتبر للفرفشة والضحكـ والمجتمع تعود عهالمسجــات...
     

مشاركة هذه الصفحة