بـلغووه آقـل شي <بخآلص الشكر الجزيل

الموضوع في ',, البُريمِي لـ القَصائد المنقولة' بواسطة شووق قطر, بتاريخ ‏18 أكتوبر 2009.

  1. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    [​IMG]




    لوخسرتك ماخسرت العمر والدنيا متاع ،،
    وادري اني لوخسرتك ماخسرت إلا القليل ..

    بس فكر زين تعرف من خسر فينا وضاع ،،
    وتعرف انك لوتلف الأرض وتدور بديل ..

    والله ان تبطي ولولفيت كل البقاع ،،
    ولوتسوي وش تسوي ماانت لاقي لي مثيل ..

    وين تلقى مثل شخصي شخص وطباعي طباع ،،
    ووين تلقى مثل قلبي قلب أومثلي خليل ..

    البشر واحد نعم لكن فرق الانطباع ،،
    يجعلك يمي تميل ويم غيري ماتميل ..

    يارفيقي انتبه واحسن لي "الاستماع ،،
    للمواقف دور في كشف المزيف والاصيل ..

    وانت ماقصرت فيني موقفك جدا شجاع ،،
    طعنتك في الظهر فعلا كانت اثبات ودليل ..

    بيض الله وجهك اللي ساتره تحت القناع ،،
    ورايتك بيضا معاي وياعسى عمرك طويل ..

    يعني أعطيك الثقه وتردها بلوي الذراع ،،
    ياخي ماشاالله عليك أبدعت في رد الجميل ..

    مدري كيف أشكرك مدري !كيف أرد الصاع صاع ،،
    كنت أحسب انك عزيز النفس تطلع لي ذليل ..

    كم واناعييت اصدق فييييك قدر المستطاع ،،
    من غبائي كنت أسكت وأعذرك واثرالحصيل..

    جرح قلب ميزته في كل يوم الاتساع ،،
    ودمع عين ينهمر من ضيقتي في كل ليل ..

    والله اني كنت 'أحبك حب واتبعك اتباع' ،،
    كنت لجل أرضي غرورك بس أسوي المستحيل ..

    كنت أعمى فيك لا ~~ لا كنت ميت للنخاع ،،
    كنت مدري كيف؟لكن كنت صادق معك حيل ..

    كنت أمارس في غرامي لك سياسة الانصياع ،،
    وكنت لاغي معك فكرة أعتزل أواستقيل ..

    اندفعت بكل مافيني وسوء الاندفاع ،،
    يجبر الانسان أحيانا يفكر بالرحيل ..

    صدمتي فيك انت خلتني افكرباقتناع ،،
    ان قتل النفس راحه لوانا كنت القتيل ..

    انفجر راسي من التفكير وازداد الصداع ،،
    كيف انا بافتك من جرحك ودوشة 'قال وقيل' ..

    صرت سيره في حلوق الناس وتالي هالضياع
    أنتحر؟! معقول .. يالله وش هذا الغليل ..

    رحمتك يارب لامن ضاقت امنحني وساع ،،
    انت حسبي في الزمان الجاير ونعم الوكيل ..

    لاغدى مستقبلي والماضي أطراف النزاع ،،
    وصفحة الماضي سواد وشيء من هذا القبيل ..

    لازم انسى لجل أنهي بداخلي هذا الصراع ،،
    ولازم أتقوى عشان أحقق النصر الجليل ..

    وطالما ان الهجوم افضل وسيله للدفاع ،،
    مستحيل أرضخ لو ان الحمل ياربعي ثقيل ..

    والبخيل اللي نساني واشترى فيني وباع ،،
    يذلف الله لايرده والله بجرحي كفيل ..

    وان سأل عني وجاكم بعد فترة انقطااع ،،
    علموه اني نسيته بس أنا ماني بخيل ..

    طالما كان السبب في قوتي قبل الوداع ،،
    بلغوه أقل شي بخاااالص~ الشكر الجزيل ~


    [​IMG]
     
  2. المغرم الهاوي

    المغرم الهاوي ¬°•| فخر المنتدى |•°¬

    كلمات في منتهي الرقه ولطافه

    يسلمووووووووووووووو...
     
  3. CR7

    CR7 ¬°•| βu βşɱą |•°¬

    يسلمووووووووو ع النقل المميز
     
  4. آل يذوه

    آل يذوه ¬°•| ناقد شعري |•°¬

    نقل رائع

    قطريه ذوق

    كل الشكر لج على الطرح الراقي والاختيار الصائب

    تقبلي مروري الله لا هانج

    دمتي بود
     
  5. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    تسلمووووووووووون ع مرووركم وردوووووووووووودكم

    اللي مثل العسل
     
  6. مس كلوزر

    مس كلوزر ¬°•| عضو مثالي |•°¬

    قصييييده طررر
    مافيج حيله ع النقل
     
  7. أبو سلطااان

    أبو سلطااان مؤسس و رئيس الفريق التطويري إداري

    ..قصيده جميله عجبني كبرياء الكاتب جداً ...

    ألف شكر ع الطرح الراقي ...
     
  8. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    مشكووووووووووورين ع المرووووووووو ر الله لا يحرمني منكم
     

مشاركة هذه الصفحة