بسنا مشاكل وحساسيات.....!!!

[موزة النعيمي]

السلام عليكم ورحمة الله وبركاته

شحالكم اخواني عساكم بخير؟؟

طبعا بدخل في الموضوع دايركت

نحن هني في المنتدى مب قاعدين نلعب..

ومب كل يوم تطلع لنا مشكله يديده وسالفه يديده ويلا عاد راضوا الاثنين وكل واحد مب رايم يتحمل اخوه او اخته في المنتدى..

بدون مقدمات

انا تراني مسوية مسابقة تحدي القمم وكنت اتمنى اني اشوف تعاون واضح وروح طيبه وتنافس شريف بين الاعضاء

وان شاء الله هالشي بيصيرر

ولكن لي صدمني ان للاسف امس طول ما انا فاتحه الموضوع مارمت اغيب عنه دقيقه لان الاعضاء ماشاء الله صح يسولفون

لكن يتعدون حدودهم

سمحووولي بس انا اول مره احدد..

ومنعا للاحراج ما ابذكر الاسماء بس اكتفي باللي قلته..

من يوم وساير

وبما ان الموضوع راح يكون مفتوح ويمكن يكون فيه وقت ماعليه رقابه

اي عضو يتشاحن مع اي عضو اخررر

الاثنين يطلعون من المسابقه وراح يلقون انذار من ادارة المنتدى..!

وصدقوني هالمره جاده وماراح اتفاهم..

اتمنى شوي تقدرون ان نحن هني في المنتدى نتعب ونشتغل ليل نهار بس عسب نعطيكم لي يونسكم وتلقون لي ريحكم..

واتمنى تقدرون الشغل لي الواحد يقعد يشتغله عشان بس تلقون لي يرضيكم في المنتدى...

انا قلت لكم..

واتمنى ما ارد واعيد كلامي.

واتمنى انه يكون كلامي واضح وما اضطر لمنع اي عضو..

ومابغي اي حد من الاخوووااان انه يتحسس من كلامي

كل هذا لصالح المنتدى...

ونحن اخوان وحبايب.. ومايحتاي تصير بينا مشاحنات..

وانا اذا شفت ان المسابقه راح تسوي بلاوي ومشاكل

ماراح اتردد اني الغيها

مشكووووووووووووورين حبايبي..


همسه: اتمنى احترام قوانين المنتدى..~


تحياتي: اليازيه..~​

 

[الكعبية]

ان شاء الله
ما بتشوفين أي مشاكل من قروبنا هع
نحن نسمع الرمسه امررره
وان شاء الله بعد الكل يلتزم بالقوانين

 

[راعي صوغة]

كلامج صح,,

والله يوفق ان شاء الله ,,

 

[واسع الصدر]

عااااااشت يزوي العصبيه عندج اياهم

كفخيهم خلج جي دوم عصبيه

 

[شووق قطر]

يحليلنآ احنآ هآدييين حدنآ والله مآلنآ حس

يعني الكل بآمآن من نآحيتنآ

والله يعينج ويعطيج العآفية

 

[شموخ انسانه]

لا ان شاء الله

ما بيكون الا كل خير

ونحن والله هادين من ويهنا مبين هشي هع

 

[مس كلوزر]

لو كنت انا حادره قبل بقول يمكن المقصوده انا هههه
ماعليج ختيه هدي اعصابج وكلنا خوان وخوات ومايصير خاطرج الا طيب

 

[امير الحب]

ما اعتقد انا وقروبي البسيط سوينى شي؟؟؟



احتراامي

 

[حشيمة القلب]

نتمنى الالتزام من الجميع

وتحدي القمم ليس فقط الاشتراك فالمسابقه

وانما يكون لديك ارداه قويه ع التحدي

والابتعاد عن المشاده فالكلام

وان يكون الاسلوب راقي والردود لبقه تليق بكل قروب مشترك

وتعاون وتحدي شريف بين الجميع


وان يكونوا ع نيه صافيه بعيده عن الحقد والكراهيه



ومن لا يحترم القوانين سنتخذ الاجراءات الازمه لكل مخالف

واستبعاده عن المسابقه


واتمنى من الجميع احترام القوانين

وبالتوفيق لكل القروبات

 

[الغافري]

كلنا ينضح بما لديه للرقي

أخي / أختي إن لم تكن لديك الرغبة في التحدي فلا تجبر الغير على الخروج

شارك وانت متفهم لواقع المنتدى صديق لكل من عبر هذا الصرح الشامخ

ودمتم سالمييييييييييييين

 

[םـوٍچـ\وْכֿ]

احــــم احـــــم

جان قصدج عن امــس تراا كل اللي كنا انسووويه مصخره ..

ونحن متفااهميين ..

لكن ف بعض الاعضااااء .. هم الحسااسين ازيد عن اللزوومة ..


وفااالج طيب ما بنحدر الموضوع خير شر عسب ما نسووي مشااكل ..

 

[ذات أثر]

هههههه حلوة هذه نكد ليل نهار

هههههه بس ان شاء الله ما تشووفين الا بياض الويه

احترامي

.
.

 

[على هونك]

زيين زيين
ها عاطن والظاهري وابو سلطان دومهم يسوون مشاكل

 

[غٌَ ـلآ بُنٍيً گـ عُ ــبُ]

خطوه طيبه منج واتمنى هالقرار يحد من االمشاحنات في المسابقه وبالتوفيق ان شاء الله

 

[معاااد يمديك]

الموضوووع يغلق ..............

والسمووحه

 

[موزة النعيمي]

الموضوووع يغلق ..............

والسمووحه

حلف بس؟؟

هههههههههههههههههه

 

[CR7]

عن نفسي انا بعيد عن المسابقة:a054:
ونتمنى من الاعضاء يبتعدووون عن المشاحنات
مثل ما قالت اختنا يزوووووي^_~

 

[دانة غزر]

كلامج صح

كلنا اخوووان في المنتدى

وقروبنا فديته ما سوا شي

ههههههههههههه

 

[أ“أ‡أ،أ£ أ‡أ،أˆأ‡أڈأ­]

التمزمووا بالقوانين


وللا ترى ياويييلكم


العيون حمره :belokan::belokan::belokan:




يعطيج العافيه يزوي وان شاء الله الكل متفاهم..



عاطن

 

[DarkFireSlash]

يزوي خبريني منو مسبب مشكلة على الخاص



حاسين انا نحن يمكن غلطنا ولا شي