قصيدة كتبها شاب صار له حادث

الموضوع في ',, البُريمِي لِـ/ للشٌعرٍوالْقصِيْد,,' بواسطة بنت العرب, بتاريخ ‏25 فبراير 2008.

  1. بنت العرب

    بنت العرب ¬°•| مشرفة سابقة|•°¬

    السلام عليكـم ورحمه الله وبركاته ..


    قصيدة كتبها شاب صار له حادث سيارة ووالدته كانت معه وكان مسرعا

    نتيجة هذا الحادث الوالدة توفيت نتيجة الإصابات الخطيرة وهو إصابته كانت خفيفة وهذي الأبيات قالها للذين يواسونه..



    يواسيني وانا الميت وحالي يجبر الدمعات

    تسيل من الذي فيني ويبكي وهو يواسيني

    وانا ابكي واتنهد وارسم بالحزن لوحات

    يجبروني عشان امشي ورجلي ما تمشيني

    قتلت رعايتي بيدي قتلت الحب والرحمات

    حرمت النفس من حقها وانا ابكيها وتبكيني

    وكنه حلم قدامي يقيدني من الصرخات

    ابي اصحى ولكني عجزت القى الي يصحيني

    فداك القلب يايمه ومهما قلت من كلمات

    صغيره في كبر حقك بس اتمنى تعذريني

    نهبت الفرح من بيتي صحيح اني خسيس الذات

    صحيح اني ولد طايش وكل ما أسمعه فيني

    تجول عيونهم فيني تفصل مني قياسات

    وتشيح وجوههم عني وكني غيرت ديني

    يظنوا حزنهم اكبر وهم اصحاب هالمأساة

    وانا اتحدى اذا فيهم ربع ما يحترق فيني

    نقص قدري بعد موتك وغابت نشوة اللذات

    وصار الهم عكازي اباكيه ويباكيني

    عطيتيني بدون حساب ولا سمعتك تقولي هات

    وانا اشرب حيل من دمك ودمك ما يكفيني

    يايمه ارجعي كافي ابجلس معك لو لحظات

    واقبل ايدك ورجلك وافرش لك رمش عيني

    يايمه ما تحملهم يقولوا فات ما قد مات

    تعالي غيري هالقول واطيعك باقي سنيني

    واترك عادة التدخين وانفذ ما تبي بسكات

    واصلي الفجر في المسجد قبل منتي تصحيني

    يايمه ارجعي تكفين وطفي شمعة الآهات

    ابيك انتي ولا غيرك على موتك تعزيني

    وضميني وداويني مثل ما كانت الهقوات

    ما ابي احدن يواسيني ابيك انتي تواسيني

    دخيلك بس لا تبكي اذا شفتي بي الدمعات

    انا مقوى ابكيك اذا انتي تبكيني



    مـــــــــــــــنــــــــقــــــــــولــــــه
     
  2. اليامي

    اليامي ¬°•| بـ ق ــايا ذكـريـات |•°¬

    مشكوره اختي
    عالمشاعر المنقوله
    والله يعطيك الف عافيه
    صدق مااااااااافيك حيله
     
  3. بنت العرب

    بنت العرب ¬°•| مشرفة سابقة|•°¬

    العفووو ياخوي

    وتسلم على مرورك
     
  4. السَعيدي

    السَعيدي <font color="#ff0000">¬°•| إداري سابق|•°¬</span></

    ياتني قشعريره
    مسكين الله يعينه

    صدج مأسااااااااااااه

    مشكوره اختي على الموضوع الحساس
     
  5. ● مسـگـيـטּ قلبـيـﮯ●

    ● مسـگـيـטּ قلبـيـﮯ● ¬°•| عضــو مــهــم|•°¬

    الله يصبررررررررررررررررررره
    ووتسلمينـ حبووبهـ
     
  6. بنت العرب

    بنت العرب ¬°•| مشرفة سابقة|•°¬

    الله يعينه ويصبره

    آمييييييييييييييييين


    والعفوو وتسلمون على مروركم
     
  7. غامضة المشاعر

    غامضة المشاعر ¬°•| عضو مميز |•°¬

    تسلمين خويتي
    الله يصبره ويصبر اهله
    ربي يحفظج
     

مشاركة هذه الصفحة