دكتور العيون

الموضوع في ',, البُريمِي لـ القَصائد المنقولة' بواسطة ذيب الشمال, بتاريخ ‏4 أكتوبر 2009.

حالة الموضوع:
مغلق
  1. ذيب الشمال

    ذيب الشمال ¬°•| عضو مبتدى |•°¬

    [هلا مخاوين شما السموحه ع الجصور والغيبه الطويله
    اليوم حبيت اشاركم بجصيد بن فطيس انشاالله يعيبكم




    دكـــــتور العـــيون ..،؛،

    (يامؤمن الريفي )انا جيتك زبون..
    .. جيتك على مدح اكثر الناس وعنيت

    جيت وتعالى الله عمّا يشركون..
    .. لولاه (يامؤمن) لطبك ما اهتديت

    راضي بحكم الله علي مهما يكون..
    .. عالج عيوني لو بعد طبك عميت

    ودي اخاشر فالبصر من يبصرون..
    .. واشوف دربي لا سرحت ولا ضويت

    والى قنصت اثبت مع اللي يثبتون..
    .. واشوف طيري كل ما اوميت ودعيت

    ياااكثر ما يضرب خويي (الطابلون)..
    .. من كثر ما اكلّته مطباات وكليت

    وودي اشوف اللي علي يعرضون..
    .. وبعض الليالي ودي اسري دون ليت

    وااشوف ناس ٍ فالقفا ما يرحمون..
    .. اما وقفت لصاحبي والا مشيت

    من دون نظاره ولا هم يحزنون..
    .. يااا كثر ما كسّرت كشمات وشريت

    لكنٌ يا دكتور جعلك ما تهون..
    .. ابغيك كلمت راس دامك ما بديت

    اسمع......ولا ابغي اللي وزانك يسمعون..
    .. ربي كتب يكشف لك اسراري وجيت

    صورة عديل الروح عندك فالعيون..
    .. واخاف تقطعها بموسك ما وعيت

    ولا عليك امر..اطوها تحت الجفون..
    .. وعقبه لو تقطع عيوني ما شكيت

    هي راس مالي والعرب ما يدركون..
    .. اني على باب الممات و ما حكيت

    ياقو قلبي يوم قفن الضعون..
    .. اللي على ذاك الموادع ما بكيت

    ويا صبر صبري والعواذل يحسبون..
    .. اني دلهت من الهوى والا سليت

    اسكت عساهم من سكاتي يسكتون..
    .. وانا عن اللي في ضميري ما انتهيت

    وادور الفرحه مع اللي يسهرون..
    .. وان ذكروني خذت فنجال وسريت

    اخذت من وقتك يا دكتور العيون..
    .. عالج عيوني لو بعد طبك عميت

    واستر علي واللي معك لا يفطنون..
    .. انت الوحيد اللي بعد ربي دريت
     
  2. آل يذوه

    آل يذوه ¬°•| ناقد شعري |•°¬

    ذيب الشمال

    مرحبا فيك

    قصيده مميزه لشاعر كبير

    صح لسان قايلها وناقلها

    اعجبني هذا البيت

    ياقو قلبي يوم قفن الضعون..
    .. اللي على ذاك الموادع ما بكيت


    مشكور اخويه على الطرح الغاوي

    تقبلي مروري الله لا هانك

    دمت بود
     
  3. مس كلوزر

    مس كلوزر ¬°•| عضو مثالي |•°¬

    اسمع......ولا ابغي اللي وزانك يسمعون..
    .. ربي كتب يكشف لك اسراري وجيت

    صورة عديل الروح عندك فالعيون..
    .. واخاف تقطعها بموسك ما وعيت



    قصيييده عجيييبه للشاعر الكبير
    تسللم الذيب ع نقلها
    يعيطك العافيه
     
  4. خافق احساس

    خافق احساس الفرَيق الإدِاري إداري

    السلام عليكم

    صح لسان كاتبها

    و شكرا على النقل الراقي

    و بانتظار المزيد
     
  5. .." صموود "..

    .." صموود ".. ¬°•|مشرفة سابقة|•°¬

    صورة عديل الروح عندك فالعيون..
    .. واخاف تقطعها بموسك ما وعيت

    ولا عليك امر..اطوها تحت الجفون..
    .. وعقبه لو تقطع عيوني ما شكيت


    تسلم عالنقل المميز..
    وانا من المعجبين ف كتاباتة
     
  6. أبو سلطااان

    أبو سلطااان مؤسس و رئيس الفريق التطويري إداري

    مرحبابك من جديد ...
    قصيده مميزه لشاعر مميز أحبه الكثيرين لأبداعه و أخلاقه ...

    ألف شكر و بنتظار المزيد ..
     
  7. ذيب الشمال

    ذيب الشمال ¬°•| عضو مبتدى |•°¬

    مشكوريين يالنشامى ع المرور واتمنى اني اكون عند حسن الظن
     
حالة الموضوع:
مغلق

مشاركة هذه الصفحة