بنات السكنات في البريمي.... وين يبن؟؟؟؟؟؟؟؟؟؟؟؟؟؟!

الموضوع في ',, البُريمِي للِحِوار و النقَاشْ ,,' بواسطة |[ اليآزيهـ ]|, بتاريخ ‏2 أكتوبر 2009.

حالة الموضوع:
مغلق
  1. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري



    السلام عليكم ورحمة الله وبركاته


    شحالكم اخواني الاعضاء؟

    اليوم حبيت اعرض لكم شي بدينا نلاحظه بقوة في محافظة البريمي.

    طبعا الكل يعرف انه البريمي تحتوي على طلاب من ولايات اخرى يدرسون سواءا بكلية البريمي او بكليات في دولة الامارات

    اليوم ابغي احدد كلامي.



    بظاهرة بنات السكن..!!!


    اللي الاااحظه اني اذا سرت اي بقعه وكان بنات السكن موجودات

    حدث ولا حرج..,,,~


    مع احترامي لبنات السكنات انا ما اعمم الكلام

    ولكني اخصه..~


    في بنات مايقدرون النعمه لي هم فيها

    ومامقدرين الثقه لي اهلهن عاطينهم اياها..!!

    وانهم متغربين من بلاد لبلاد بس عسب يدرسن ويرفعن راس اهلهم.!

    بس لي نشوفه غير...~

    مره سايره هدايا العين وشافيت بنات سكن.!!

    وعوذ بالله كل شي عيني عينك.!

    لهدرجه يعني؟

    الوحده تقول" دخيلك رقمني" بحركاتها.!!

    طيب ليش هالحركات.

    شو هالانحطاط.............؟!!!!!!!!!!!!!!!!!!!!

    اسفه بس ترا بجد منقهره بالموضوع..~


    واخر شي راح طبعا يرد ع بنات البريمي.

    صح ولا مش غلط؟

    هالشي وايد ملاحظ .!

    طيب ليش هالتصرفات من بنات السكن

    هل لانهم يكونن بعاد عن اهلهن وولا رقيب ولا حسيب.

    طيب وين الضمير؟ وين العقل؟

    ما اقدر اوصف لكم الامر لاي درججه واصل بس

    اكتفي بهالكلمات
    اترك المجال لكم للتعلييق..~​
     
  2. ~آللهم آغفر لي ولوآلدي~

    ~آللهم آغفر لي ولوآلدي~ ¬°•| شيبت أنا قبل المشيب |•°¬

    وعليكم السلام ورحمه الله وبركاته

    الحمد الله بخير عساج بخير غناتي

    /

    موضوع واقعي وأختيار موفق للقضيه :)

    وسمحيلي راح ارد على كل نقطه ذكرتيها بقتباس ..



    يمكن ما يقدروا النعمه لانهم عمرهم ما شافوا حد محتاج !! ولا صاروا في هالموقف !

    الثقه اساسها الاهل وسمحيلي لو أهلهم معطينهم الثقه يوم كانوا من بينهم عمر تصرفاتهم ما تتغير لم بيطلعوا عنهم

    يعني لو عمت الثقه بين الاخوان شيء طبيعي راح تكون كل التصرفات ظاهره وعليها محاسبه بعقل وحكمه مب بضرب والحرمان

    بس الي اشوفه من واقع الحياه أن الاخوان دوم مشددين على خواتهم لدرجه صارت الاخت تخاف انها تقول حق أخوه اي شيء

    وجدامهم هي البنت المحترمه الي ربوها ومن وراهم تسوي الي ما تقدر تسويه جدام اهلها من خوفها منهم

    فيصير عندها تضارب في الشخصيه لعدم وجود الاخ الناصح !!

    //


    خلينا نكون صريحين أكثر في هالنقطه ..

    عمر الي تسوي جيه ما كان غرضها الدراسه غرضها الاول والاخير الخروج من السجن الي حاطينها فيه اهلها

    ويختاروا ابعد كليه او جامعه ..؟ وفعلا هذا الي لاحظته في اخر سنه في الثانويه

    أسالي اي بنت ليش رحتي هنااااك التخصص موجود هنيه .؟؟!!

    ترد : عشان ارتاح من أهلي !!!!

    ما اجذب عليج أن اختياري كان للبعثات في استراليا وبعدها الدراسه في بوظبي واكون بين اهلي

    بس يوم اخترت استراليا حشى علي ما اريد اشرد عن اهلي

    بالعكس أحب اهلي وايد ومالي غناء عنهم بس كان لتحسن المستوى التعليمي والاعتماد على الذات لا غير

    < تراه كله من الاهل ومن تربيتهم وقسوتهم مع بناتهم ^^"

    //



    في نظري لا مب صح !

    لاني أنا ما اعرف شيء عن البريمي وحياه البريمي وكل الي قلته عن بيئتي وهي بوظبي

    هذا الشيء راح تلقينه في كل مكان واستحاله أن تصرف بنت في مكان معين يخرب سمعت بنات هالمنطقه كلها

    اذا الاهل الي هم الاهل فيهم الزين والشين ويمكن في البيت الواحد تلقين الاخوان مختلفين مب كلهم نفس الشيء

    من نظري من الغباء الحكمه على بنات او على منطقه من موقف شفته !!

    //



    لانهن تاسسن غلط للاسف

    مستحيل وحده تسويها لو اهلها عطوها الثقه وترمس بحريتها جدامهم

    لانها لو ما لقت هذا الشيء عمر العلاقه بينها وبين اهلها ما يسموها (( ثقه ))

    لو كانت تربيتها صح والاهل فعلا غرسوا الثقه في بنتهم وكان بينهم رحمه وموده

    مستحيل يكون ثمار غرسهم وحده في مول وتقول رقمني مستحييييييييييييييييييييييييييييل لو شو ما كان

    في نظري اساسا الغلط من الاهل والتربيه وثانيا من البنت وقلت الدين والايمان

    //

    بس بسألج سؤال ؟!

    في نظرج ونظر كل الي بيردوا من بعدي شو يعني (( الثقه )) عندكم ؟!
    السموحه طولت ^^"

    لا تحرمينا من يديدج المميز عزيزتي

    عساج على القوة

    دمتي بود

    :):)
     
    آخر تعديل: ‏2 أكتوبر 2009
  3. مشاغب

    مشاغب ¬°•| <font color="#040000"> زçـــيم </font><font

    لا تعليق
     
  4. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    مقعد ولي عوده


    ^_
    ^

    وراا بااجر او باجر باذنه تعالى


    احتراماتي
     
  5. على هونك

    على هونك ¬°•| ألحَزُنِ دَوِلِه وأنآ حآكمهآآ |•°¬

    ماشي تعليق .
     
  6. مس كلوزر

    مس كلوزر ¬°•| عضو مثالي |•°¬

    يزوي
    مب كلهن واحد
    والفئه الي ترمسين عنهن هذيلا ماشايفات خييييييييييير << يايات متروعات
    يعني المفرووووض يحشمن هن وييين وين مغتربات ويين يايات وليش يايات هنيه واهلهم وييين
    مادري شو اقول عنهن وانا شراااتج وايد سمعت رمسه مب بس عن بنات سكن البريمي جتى فجامعة الامارات وفكل مكان فالسكنات جي
    بس يمكن هذيلا كابتات واااايد ويوم ين هنيه تحررن لاحسيب ولارقيب عسب جي ..
    الله يستر علينا ^^
     
  7. الغضب

    الغضب ¬°•| عضو مبتدى |•°¬

    موضوعج سااخن وواقعي

    ما بليد حيله شو نسوي

    هذول طالعين من بيت اهلهن يدرسون واغلأبيتهم

    ماشاء الله عليهن طالبات علم اما البعض الأخر يايات ( يغاازلن )

    مايايات يدرسن

    واحترامي للجميع

    في حفظ الله....
     
  8. دندونة البريمي

    دندونة البريمي ¬°•| مُشرفَة سابقة|•°¬

    هالشي مب فالبريمي وبس حتى عندنا بسكاناتنا والمشرفات مايزيد عمرهن عن 25 بروحهن ماشايفات خير
     
  9. لمسة إحتراف

    لمسة إحتراف ¬°•| عٌضوٍ شَرًفِ|•°¬

    السلام عليكم جميعا
    موضوع في غاية الاهمية
    ولكن السؤال الذي يطرح نفسه بوحشيه
    هل اولياء الامور لحظه ارسال بناتهم للدراسه هل قاموا بغرس المباديء والمثل العليا في نفوس بناتهم منذ الصغر
    وهل الواحد فيهم ينام غرير العين بكل سلام وابنته في الغربه؟
    وهل واثق تمام الثقه في تربيته لها؟
    وهل زرع فيها الارضيه الصلبه من الايمان والوازع الديني القوي الذي يحميها في غربتها دون ان يخاف ان يقل ايمانها ويضعف دينها؟
    وهل وهل وهل
    كلها اسئله اذا صارت اجابتها مثلما انا اريد وانت تريد وكل مصلح وشريف ومؤمن يريد فلحظتها لانرسلهم فقط الى الغربه لا بل الى غابات المجهول دون ان يهتز لنا رمش ودون ان نخاف ودون ان يصير ليلنا عذاب من الشك والتفكير والترقب
    وجزاك الله الف خير على الموضوع الساخن المفيد
     
  10. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    هع انا ماشفت شي


    بس هذا كله من قلة تشديد الرقابة عليهم يعني لو بيسيرون يتشرون اغراض كان لازم يحطون معاهم مشرفة واذا المشرفة فالتوه يحطون وياهم حد ثاني بس لو تخبريني منو كان مشرفه سكنهم هع يمكن اخبر الادارة تفنشه خخخخخخخخخخخخ

    بس هممممممممممممممممم يبالها هالبنت حد يزخها جدام ربيعاتها ويعطيها محاضرة في السنع والحشيمة هاذيلا شكلهن يايات يسون حق عمارهن دعايا عشان ينخطبن ويتزوجن يتحسبن عمارهن عايشات في دبي ولا باريس انا وبعدني يبالهن محقق خاص يلاحقهن ويبلغ عليهن المشرفات على السكنات


    انا ان زخيت وحدة والله بلا رحمة على طووووووووووووول المشرفة


    وبقول لها اتصلي على ولي امرها وخليه يجي
     
  11. مروض الكهان

    مروض الكهان ¬°•| مَشْرف سابق|•°¬

    فعلا الظاهرة موجوه والكل ملاحظنها مب بس في طلعاتهن لسوق بل في أشياء اخرى

    لكن الحمد لله في فئة كبيرة منهم محترمه جدا حتى في طلعاتها

    يعني مرااعين رقابه ربهم حقهم والثقه الي مولينهم اياها
     
  12. شبيك لبيك

    شبيك لبيك ¬°•| عضو مثالي |•°¬

    خلاص الدنيــــــــا فوضى وهالشي فكل مكان.....

    والله يهدي اليميــــــــــــــــع
     
  13. بنت البريمي

    بنت البريمي ¬°•| استغفر الله |•°¬

    تسلمين يزوي ع الطرح المميز ..

    وهذا ان دل فهو يدل على غيرتج على بنات بلادج ...

    ابصراحة هالشيء ف كل مكان والبنت أهم شيء تخاف على سمعتها وهن أهلهن لما خلوهن يدرسن عسب يرفعن الراس مب عشان سواد الويه ((يعني ما يستحن على ويوهن أهلهن يصرفون عليهن وواثقين فيهن جي يسون ))

    والمشرفات شو دورهن عيل !!!!

    وين الرقابة !!!!

    المفروض محد يسير السوق الا اللي ما ترد البيت اسبوعيا جيج يبالهن والا اللي تظهر ومب محتاجة شيء بس حق المغازل ليش يخلونها تظهر !!!!!!!

    والسموحة ...
     


  14. أنا رايي من راي أختي نبض الأمل

    فكلامها بالفعل صحيح ..وهذي هي المشكله الحاصه..


    شكرا على الموضوع اختي يزووي يعطيج العافيه
     
  15. المغرم الهاوي

    المغرم الهاوي ¬°•| فخر المنتدى |•°¬

    هيه هيه كم بنتكلم وكم بنقول بس لاسف م راح يغير شي

    وايد هالظاهره مب بس بكلية البريمي بايي كليات وجامعات في هالشي بس انا اقول السبب الاول ولا خير رفيق السوء

    لان البنت تطلع من البيت بعدها فيها شويه اخلاق طبعا البعض (تربيه الاهل اهم)

    لكن لمن تنادي البنات اليوم م ودهن ما يلسن بالبيت كله سوق وحواطه .....الخ

    بس الله يهديهن انشالله م نقدر نسوي شي غير الدعاء والله يعين بهالزمن

    يسلمو عالموضوع الحلو
     
  16. الغافري

    الغافري ¬°•|عُضوٍ شًرٍفٌ |•°¬

    طرح يستحق المناقشة وظاهرة فعلاً موجودة ولا ننكر

    أختي أنا من وجهة نظري بنت الحلال تصون بيت أهلها حتى في غربتها ولو وقف جنبها ألف ريال

    وعلينا بحسن الظن

    بصراحة كلن ينعرف بأصله

    وراعية البيت معروف أصلها
     
  17. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري


    اختي نبض الامل كلامج ع العين والراس وصدقتي في نقطة" ان الاخوان دوم مشددين على خواتهم"

    بس صدقيني لو شددوا هالشي اولا واخيرا بيكون في مصلحتهم وخاصه في هالزمن

    الحمدالله انا اخواني من النوع لي عاطيني حريتي ولكن بحدود ومب مقصرين واثقين فيني تمام الثقه وبالفعل هالشي يخليني افكر قبل لا اسوي اي شي

    لكن مع هذا اختي في بنات مايفكرون بهالطريقه في بنات همهم يتخلصون من هالشده دون مايفكرن ان هالشي لمصلحتهم
    وفيه اخوان عاطين خواتهم الحريه وواثقين فيهم ومع ذلك مب مقدرين هالشي ويسوون بلاوي من وراهم صح ولا لا؟

    يعني لو رحنا لو يينا اعتقد هذا مايعتبر سبب اساسي انه البنت تضيع من تتغرب وتكون بعيده عنهم بالعكس هالشي مفروض يخليها اكثر تحاسب..~



    صدقتي همهم انهمي كونون بعيد عن الاهل. عشان مايكونون تحت اي رقابه او تحت اي سلطه وهالشي واضح..!!

    وع فكرة اي بنت ممكن انها تفكر بهالطريقه ماتحب ان حد يقيدها بشي لكن وحده عن وحده تختلف

    ونية وحده عن الثانيه بعد تختلف.~ هذي طبيعة في الانسان انه مايحب يكون محكوم.~

    حبيبتي غير يوم الوحده يكون همها تدرس وغير يوم الوحده يكون همها تصيد لها صيده< وسحيلي ع هالتلفظ

    لان هاللي باين من الحركات لي نشوفها..~




    وحبيبيي دامج ماتعرفين عن حياة البريمي اكيد ماراح تحسين بالوضع او بالرمسه.~

    احين البريمي صارررت مثل لي يقولون" مكان سهل للترقيم"

    وما انكر الزين والشين موجود في كل مكان

    ونحن ماعلينا من غيرنا حبيبتي اقل شي سويه ان نقاش هالشي في بلادنا.
    ومانسكت..^


    مافي شي اسمه استحاله.!

    لان هالشي لي صاير حبيبتي ..~



    صدقتي اختي في كلامج وماعندي اي تعليق ع رمستج هذي بس بعد البنت العاقل مابترد كل شي ع الاهل هيه وصلت لمرحله انها تكون مسؤووله عن نفسها يعني لازم يكون فيه ولو ذرة عقل.~..~

    بس بسألج سؤال ؟!

    في نظرج ونظر كل الي بيردوا من بعدي شو يعني (( الثقه )) عندكم ؟!

    الثقه ما اعرف بشو اعرفها لكن برايي ان الثقه هيه الركن الاساسي والضروري في طريقة تعامل الاهل مع الابن والابنه. لان لو انعدمت الثقه بينهم راح تنعدم اشياء ثانيه وراها ومن ضمنها" الاحترام"..~

    السموحه طولت ^^"

    لا تحرمينا من يديدج المميز عزيزتي

    عساج على القوة

    دمتي بود

    :):)[/CENTER][/COLOR][/QUOTE]


    نورتي صفحتي حبيبيتي

    ورايج ع عيني وراسي من فوق

    لاهنتي ع الطلة المميزه..~
     
  18. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري


    ههههههههه حسستيني انج عيوز خخخ

    خخليها مستوره

    بعده السفير ياحيه انتي سيري الهدايا مول. اقصد. هدايا العين وشوفي العجب هناك

    استغفر الله..~

    اي مشرفات.؟.؟. المشروفات اروحهن يبالهن حد يشرف عليههن

    يعطيج العافيه اختي...~
     
  19. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    احسنت مشاغب هه

    بعده زين ما اقتبست رد حد يؤ

    تسلم..~


    في انتظارج دبووه.~

    ماشي؟

    مني مناك؟

    مره ماشي؟

    هههههه

    نورت..~
     
  20. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري


    اكيد مب كلهن واحد

    وان هني ما عممت بنات السكانت كلهم

    بالعكس فيه بنات والنعم فيهم والله ما اييهم من الشين طاري ابد..~

    متروعات.<< ههه

    حرام عليج مب زين عاد جذا

    سبحان الله الكل يعرف انه فيه مناطف بعمان ماكونون مخالطين العالم الخارجي

    يمكن بعد هذا سبب يخلي البنت انها تتهور من تطلع بيئة غير بيئتها..~

    وهذا اعتقد انه من احد الاسباب..!

    وارد واقول نحن ماعلينا من غيرنا

    نحن هني اناقش عن البريمي ولي فيها..^^

    نورتتتتتتتتي حياتي

    عساج ع القوة

    تعالي كل يوم.~
     
حالة الموضوع:
مغلق

مشاركة هذه الصفحة