~|| الديـــوان الــشــ ع ــري ||~

الموضوع في ',, البُريمِي لـ القَصائد المنقولة' بواسطة آل يذوه, بتاريخ ‏1 أكتوبر 2009.

حالة الموضوع:
مغلق
  1. آل يذوه

    آل يذوه ¬°•| ناقد شعري |•°¬

    السلام عليكم ورحمة الله وبركاته


    حرصاً منا على الارتقاء بقسم همس القوافي

    وعلى تواجد كل ما يحتاج له العضو من قصائد لشعراء لهم تاريخ في الساحة الشعرية الخليجيه

    نقدم لكم هذا الديوان الشعري

    الذي سنقوم بوضع جميع قصائد ابرز الشعراء في الخليج فيه


    ولكم مني اجمل التحيه

    خوي شما ​
     
  2. آل يذوه

    آل يذوه ¬°•| ناقد شعري |•°¬

    :: اسماء الشعراء ::

    - الامير عبدالرحمن بن مساعد

    - الشيخ حمدان بن محمد بن راشد آل مكتوم

    - الشاعر حامد زيد العازمي

    - الامير بدر بن عبدالمحسن

    - الشيخ زايد بن سلطان آل نهيان(رحمه الله)

     
    آخر تعديل: ‏20 أكتوبر 2009
  3. آل يذوه

    آل يذوه ¬°•| ناقد شعري |•°¬

    [​IMG]

    الامير عبدالرحمن بن مساعد

    :: القصائد ::

    الحر القطام

    احمـد الله مالـك الملـك السـلام
    الكريـم الـحـي رزاق الانــام
    احمـد الله نعمـتـه ماتنحـصـي
    عزنـي بالديـن والقـوم الكـرام
    عزنـي بـأنـي سعـودي رايتـه
    كلمـة التوحيـد فيهـا والحسـام
    عزنـي بـاطهـر تـراب يفتـدى
    مسجد احمد فيه والبيـت الحـرام
    عزني بجدي ابو تركـي العظيـم
    عزنـي بمساعـد الحـر القطـام
    الـذي يعـرف سجـوده خالـقـه
    الـذي ليلـة تـراويـح وقـيـام
    الـذي بالديـن حصّـن اسـرتـه
    عن رماح الوقت عن طيش السهام
    سيد كـل الزهـد فكـاك الكـرب
    غايث الملهوف عنده مـن يضـام
    كم يتامى قـد لقـوا فيـه الابـو
    كم ضعوف ٍ قد لقوا فيـه المـرام
    واضح ٍ جـوده عجـز لايختفـي
    مثل حـال الليـل والبـدر التمـام
    والله ان المـدح منّـه يستـحـي
    كيف يوفـي المقدريـة والمقـام
    فوق كـل المـدح قـدره معتلـي
    فوق كل الوصف من شعر وكـلام
    واثــق بالله ثـابـت مهـتـدي
    فعلـه القـرآن امـن واستـقـام
    مهما جل الخطب او شان الخبـر
    مايلـقـي للمصـايـب اهتـمـام
    صامدٍ مثـل الصحابـة فـي بـدر
    مبتسـم رغـم المقاديـر العظـام
    مبصر ٍ يابوي لـو كـف البصـر
    بك بصيرة يرتجف منهـا الظـلام
    قدوتـك عبدالعـزيـز المتـقـي
    يالامام ابـن الامـام ابـن الامـام
    خادمـك يابـوي رهـن اشارتـك
    امـر ومـا يلحقـه فيـك المـلام
    افتـدي تـرابٍ تدوسـه خطوتـك
    دامني حـي ٍ وتحملنـي العظـام
    بك يابو خالـد افاخـر وارتجـي
    مـن الـه الكـون رزّاق الانــام
    يجعل الفـردوس اجـر لطيبتـك
    كثـر مـا علمتنـا نحيـا كــرام
    أحمـد الله نعمـتـه ماتنحـصـي
    هامتي فـوق السحايـب والغمـام
    احمـد الله مالـك الملـك القـوي
    ان ابوي مساعـد الحـر القطـام
     
  4. آل يذوه

    آل يذوه ¬°•| ناقد شعري |•°¬

    تعبت

    تعبت أنزف جراحي حبر و أدور للألم أسبـاب
    لجل أكتب شعر يحكي بعض أصغـر معاناتـي
    قفلت من الأسى بابي وسجنت الكون خلف الباب
    وعصتني دمعٍـة فيهـا سـؤال لكـل اجاباتـي
    ملل أخبار حسّادي أحد صـادق واحـد كـذاب
    و أحد ما طال تجريحي و أحد عايش لزلاتـي
    أنا شاعررغم أنف الحسد والحقـد و الأحبـاب
    و انا يا حاسدي المسكين بعيد العيب عن ذاتـي
    أنا مـا زادنـي شعـري ولا زادتنـي الألقـاب
    تجي دنياي أو تدبـر عزيـز فـكـل حالاتـي
    أنا فرحي لمِن حولي وأيامـي فـدا الأصحـاب
    قصيدي بلسم المجروح ونبض النـاس أبياتـي
    كسرني قلبي المكسور نـادت دمعـي الأهـداب
    تعبت أركض ولا أوصل ولاتوصلنـي غاياتـي
    أي ذلٍ يغطي الأرض لـك يـا رب يـا وهـاب
    وابي أحيا جبيني فوق مـا تملكنـي رغباتـي
    من الدنيا أنا مابي سوى عفو العلـي التـواب
    ويحسن خاتمة فعلـي ويغفـر لـي ضلالاتـي
    أبملاالعمر"بالتوبـة"و "نوح"و"هود"و"الأحـزاب
    متى كانت سنيني عمراناعمري فـي ركعاتـي
     
  5. آل يذوه

    آل يذوه ¬°•| ناقد شعري |•°¬

    يا كاعب

    يا كاعب الطبع الفريـد
    ياللي في صدقك تكذبـي
    يا أقدم الكيـد الجديـد
    كيد انسجن منـه نبـي
    يا جاريه تملـك عبيـد
    يا مقيده تسبـي سبـي
    القوه في ضعفـك تبيـد
    وسلاحك الدمع اسكبـي
    ما يعجزك قاسي عنيـد
    الكهل يصبك بك صبـي
    ينصاد ويظن انه يصيـد
    ويصدقـك هـذا الغبـي
    ويظن انه الفذ الوحيـد
    ما يـدري انـك تلعبـي
    مسكين هالجاهـل بليـد
    ظنك بوصلـه ترغبـي
    ان جاك اقفينـي بعيـد
    وان صد عنـك تقربـي
    وان شفتي اخلاصه يزيد
    فـي حيرتـك تتقلـبـي
    وان بان لك فجأه سعيد
    من هالسعـاده تغضبـي
    وان قلتي عني لا تحيـد
    وطاوعـك تستغـربـي
    وان قلتي فراقك أريـد
    وغـاب عنـك تندبـي
    ياطالب الـراي السديـد
    يا حاير بطبـع الظبـي
    أقرب من حبال الوريـد
    وابعد من المجد الأبـي
    وأوضح من أنوار تقيـد
    واخفى من النمله دبـي
    الشـك فيهـا الأكـيـد
    وغموضها بـه تختبـي
    شف فعلها يحكي ويعيد
    الغـدر شيمـة مذهبـي
    زادي النكد به استزيـد
    والمكر صافي مشربـي
    البعض ينصاني مجيـد
    والبعض يحبيلي حبـي
    ضعفي قوي وذلي عتيد
    يا ليت اعـرف مأربـي
    شف فعلها برجل شديـد
    تلقـى طلبـك ومطلبـي
    تعطيه بعض اللي يريـد
    وتاخذ جميع اللي تبـي
    أستثني من هذا القصيد
    كـل النسـاء بكوكبـي​
     
  6. آل يذوه

    آل يذوه ¬°•| ناقد شعري |•°¬

    نبض الشوارع

    ما غـدا للوقـت معنـى مابقـى للشعـر دافـع
    ملّت الآمي حروفي ومل صـدري مـن الضلـوع
    غصت في أعماق روحي خذت نبض من الشوارع
    يمكـن ألقـى أي معنـى يوقدلشعـري الشمـوع
    صرت اراقب كل ومضة وارخي للهمس المسامع
    واحتري قلـوبٍ تسافـر مـن قساهـا للخشـوع
    ألتقيت الظلم لـذة فـي البشـر والعـدل ضايـع
    وألتقيت من المشاعـر كـل صنـف وكـل نـوع
    به قلوبٍ ياهي تشقـى لـو يبـات الحقـد جايـع
    وبه قلوبٍ لوهي تقوى مابقى فـي الدنيـا جـوع
    وبه عيـون فـي هدبهـا تسكـن الآم ومواجـع
    ومن سواد اليأس فيها ماقـوت تـذرف دمـوع
    به فقر مُدقع يبكـي وبـه غنـا فاحـش ورائـع
    به بخل ظاهر وشامـل بـه كـرم لكـن قنـوع
    به بشر ينسى صلفها ان كـل مـن راح راجـع
    وبه بشر تنطـر اجلهـا ترتجـي ذاك الرجـوع
    به مسلـي طـول ليلـة كـل مـا مـولاه مانـع
    وبه مصلي ذاب ليلـه فـي سجـوده والركـوع
    به كساد و به فساد و به طمـوح وبـه مطامـع
    به بطالـة بـه سفالـة بـه مخـادع ومخـدوع
    به اسى غطّى الحناجر به كدر قضّـى المضاجـع
    بـه هـروبٍ للتطـرف والا لغيـاب وهـجـوع
    به دجل يملا الحواري به كذوب ٍ فـي الجوامـع
    طوّل اللحيـة لسلطـة ماهـو سنـة والا طـوع
    به نفاق وفـاق حـده مالقـى فـي لنـاس رادع
    به صدق موجـود لكـن مهمـل ومالـه شيـوع
    به شعوبٍ ضاع املهـا تكـره الفعـل المضـارع
    تلقى في الماضي عزاهـا امـا حاضرهـا يلـوع
    بـه تعاسـة وانتكاسـة بـه ظـلام ٍ مايمـانـع
    يقتل اخر ضيّ فينـا وشمسنـا تنسـى الطلـوع
    بـه كاءابـة بـه سحابـة غيثهـا دم ومدامـع
    به مهانـة واستكانـة بـه مذلـة بـه خضـوع
    بـه ليـال ٍ مـا تبالـي لـو تجينـا بالفـواجـع
    الحـزن فيهـا مثالـي واصـل ٍ ماهـو قطـوع
    وش بقى في العمرمعنى وش بقى للشعـر دافـع
    وكل ماسالت حروفي ضاقت بصـدري الضلـوع​
     
  7. آل يذوه

    آل يذوه ¬°•| ناقد شعري |•°¬

    لجل اوصلك

    بافـارق فراقـك وبأخنـق عبرتـي
    واجرح اضمادي وأسافر لـك معـك
    بشـد للماضـي وأقــدم ساعـتـي
    وأعاند اعنـادي وأقـودك واتبعـك
    باجامل أحزانـي وأجافـي فرحتـي
    وأعادي خلانـي واحبـك وأخدعـك
    بصير أنـا طبعـك وأنتـي طيبتـي
    وبيحزنك ضحكي..وأهلـي بمدمعـك
    بسامر دموعـي واعـزي ضحكتـي
    وبهدي أنا ضلالي..ضـلال ياسعـك
    بلبس أنـا ِذلـك.. وقيسـي عزتـي
    وبتصيري ذنوبي وخيـري بيطبعـك
    باحارب في ضعفي وافر فـي قوتـي
    والى رضختي لـي لموتـي بدفعـك
    ولجل القاء بارحل وتمضي رحلتـي
    والى حصل شوفـك بكـون مودعـك
    أببعـد وأوصلـك وبسبـق خطوتـي
    وبنثـرك فينـي وأنسـى أجمـعـك
    بضم أنا هجرك في قربـك وحدتـي
    وتدلـك عيونـي وقلبـي مضيـعـك
    وإذا اضلمت دنياي بطفـي شمعتـي
    وإذا كثـر زادي بجـوع وبشبـعـك
    شردتي رقـادي وسمعتـي نظرتـي
    وغمضت أنا عيوني لجل ما أسمعـك
    صرخت في سكوتي ولمستي صرختي
    وقربتي وجهك لي لجل مـا أصفعـك
    عند الحزن تثقـل خطاكـي دنيتـي
    وعند الفرح قالت خطاكي مسرعـك
    قصيدتـي يكفي..غبـيـة كذبـتـي
    حبيبتي آسف بخونك ..بـس معـك​
     
  8. آل يذوه

    آل يذوه ¬°•| ناقد شعري |•°¬

    النظرة الخجولة

    ما سألتوا صاحب النظرة الخجولة
    كيف يسهرني وله وجـهٍ صبـوح
    كيف يظلمني وله طهر الطفولـة
    كيف يفتنّـي وهـو دايـم يـروح
    وكيف أنا ألقى ربيعه في فصولـه
    دام كذبه صادق وصدقـه مـزوح
    له صفاتٍ تورد العاشـق ذهولـه
    مستكين صامـت وكلّـه جمـوح
    أصعب الأشياء و أكثرها سهولـه
    أغمض الأشياء و أكثرها وضوح
    سهل تغرم به وصعب إنك تنولـه
    غامضٍ طبعه وواضح في الجروح
    أسعد بشوفه ولكـن مـا أطولـه
    كنّي الوادي وهو أعلى السفـوح
    يبتسم لا منهم عنّـي حكـوا لـه
    ولا حكوا لي عنه أعماقي تنـوح
    لي بقلبه شـيٍ لكـن مـا يقولـه
    وله بقلبـي كـلّ و لكنّـي أبـوح
    كنّه الغيمه و انا أرجـي هطولـه
    ما نزل غيثـه ولا برقـه يلـوح
    ما عرفتوا ليش تسهرني فعولـه
    وليه يسكنّي وهـو دايـم يـروح
    هو يبيني بسّ أطباعـه خجولـه
    وما يبيني أغفا وهو وجهه صبوح​
     
  9. آل يذوه

    آل يذوه ¬°•| ناقد شعري |•°¬

    عيونك

    عيونك اخـر آمالـي وليلـي اطـول مـن اليـم
    كيف القى كلام عذب يوصـف داخـل احساسـي
    عشقتك قبل ما اشوفك وشفتك صرت كلـي حلـم
    ابي رمشك يغطيني وابيك اقـرب مـن انفاسـي
    يهمك تعرفـي انـك قتلتـي فـي سنينـي الهـم
    قتلنـي ضحكـك وجـدك قتلنـي لينـك القاسـي
    رميت اقداري في دربك وصرتي في عروقي الدم
    احبك كثر ماسالت دموعـي ومـا نسـى ناسـي
    يجول الحزن في ضلوعي بردت وذاب فيني العظم
    كثير من الحطب حولي وعنـدك انكسـر فاسـي
    سألتك بالذي زانـك تحبـي فينـي حتـى الظلـم
    تحبي عيوبي وغدري تحبي المـر فـي كاسـي
    انا من كثر ما احبـك ابيكـي كثـر رمـل اليـم
    وابيكي فـوق النـاس وابـي ماينحنـي راسـي​
     
  10. آل يذوه

    آل يذوه ¬°•| ناقد شعري |•°¬

    سيد جروحي

    سيد جروحي شمس عمري وظلي
    البعد طول والخطأ منـك واضـح
    اذا غـرورك يمنعـك تعتـذرلـي
    تعال جنبي وابتسم لـي واسامـح
    تدري احبـك لكـن المـوت ذلـي
    ادوس انا قلبي لو الشـوق جامـح
    الله عطاك الحظ واصبحـت خلـي
    والله عطاني اياك طاغـى ملامـح
    سألتنـي يـا ياسميـنـي وفـلـي
    ياكيف يشفى الورد..والشوك جارح
    مثل العيون اللـي لهـا كـل كلـي
    زايد حلاهـا لكـن الدمـع مالـح
    وش تنتظـر يكفـي دلال وتغلـي
    الوقت ماهو للوصـل دوم سانـح
    مادمت ترحالـك ومادمـت حلـي
    ان صرت انا خسران ماصرت رابح
    لا تعطي الفرصـة لعذالنـا اللـي
    لكل ماهـو يهـدم الحـب طامـح
    مالك صبر عنـي ومالـي تسلـي
    والوقت خيل صوب الاجال رامـح
    سيد جروحي شمس عمري وظلي
    الحب بعد وقرب ..مخطي وصافح
    اذا غـرورك يمنعـك تعتـذرلـي
    لاتعتذرلي قـول اسمـي واسامـح​
     
  11. آل يذوه

    آل يذوه ¬°•| ناقد شعري |•°¬

    ما اظن

    ماأظن الصبـح .. يـدري باليالـي
    وماأظـن الليـل يعنيـه الصـبـاح
    وماأظن في يوم قـد زارك خيالـي
    وماأظنك حاسباً عمـري الـى راح
    ياقديـم الظلـم مافـارقـت بـالـي
    ومافي بالك لي سوى هـم وجـراح
    لو همومـي تسعـدك.. زد لاتبالـي
    ولو معي اخطيت اطلبـك السمـاح
    تبعـد دروبـك اذا اقبـل وصالـي
    ولجلك دروبي يضيق بهـا البـراح
    رغم بعد البعد جرحك هـو ظلالـي
    كنـك الرامـي وفرقـاك الـرمـاح
    يالغرام السجـن والسجـان غالـي
    والسجين يخاف اطـلاق الصـراح
    لو هو في الأوراق قدر الغصن عالي
    بتاخـذ الاوراق اقــدار الـريـاح
    للكسر غصنك وانا يمضي بي حالي
    ولضمى اورقي خلـق ربـي قـراح
    بسبقـك لصبـح ملـيـت الليـالـي
    واتركك في لليـل ناسيـه الصبـاح​
     
  12. آل يذوه

    آل يذوه ¬°•| ناقد شعري |•°¬

    قالوا ترى

    قالوا ترى مالك امل في قربهـا لـو يـوم
    ابعد وجنب دربها ..هـذا هـو المقسـوم
    قلت اتركوني واسكتوا..خلو العتب واللوم
    قدني غرقت في بحرها..ولاعاد يفيد العوم
    قالوا ترى في حبها ويل ..واسى..واهموم
    قلت ان قتلني حبها ..حسبي تقول مرحوم
    قالوا انسـى ذكرها..منتـب بهـا ملـزوم
    قلت ابشروا ياعذلين..بنسى لذيـذ النـوم
    قالوا بتلقى غيرها..واترك هواهـا اليـوم
    قلت العفو ياحسدين ..ما ابدل القمر بنجوم
    قالوا لغيرك حبها..قلت الجـواب مفهـوم
    دام انها متهنيه..وشلون اصيـر محـروم
    بقضي الليالي انتظر..صابر على المقسوم
    متعلق بطرف الأمل .. يمكن يجيني نـوم
    قالوا ترى مالك امل ..في حبها لـو يـوم
    ابعد وجنب دربها..وهـذا هـو المقسـوم​
     
  13. آل يذوه

    آل يذوه ¬°•| ناقد شعري |•°¬

    محاكي الصمّ

    يا محاكي الصم مجهودك سُـدى
    مُنصت ٍ للبكـم إنصـات ٍ شديـد
    يا مدور فـي الظـلالات الهُـدى
    منتظر ابليس عـن غيـه يحيـد
    منتظر تلقى رفيـق فـي العِـدى
    عاري ٍ تبغى الدفى وسط الجليد ؟
    باحث ٍ عن عز ابطى مـا بتـدى
    باحث ٍ في هالمتاحف عن جديـد
    منتظـر منقـذ يبـادر بالـنـدى
    يهـزم الأعـدا وحقـك يستعيـد
    منتظـر منهـو يعينـك بالفـدى
    انتظرت سنين .. ما جا ماتريـد
    عالي ٍ صوت العرب أحدث صدى
    شجب وإستنكار تنديـد و وعيـد
    حطموا هذا العدو اللـي اعتـدى
    بالقمم أو بالخطـب أو بالقصيـد
    يا مـدور عـن مثـال ٍ يقتـدى
    لا تدور مسك في وسط الصديـد
    انفظ غبار الأمانـي مـا غـدى
    للأماني حظ فـي سـوق العبيـد
    كل وقـت لـه نهايـات ومـدى
    ما يجي أبطال في الوقت البليـد
    ما ينول المجد من يخشى الردى
    في قريب الوقت والا في البعيـد
    كل سيف ٍ مـا يجـرد للصـدى
    كـل مجـد ٍ مـا يجـدد مايفيـد
    الخبر يصبـح خبـر بالمبتـدى
    والمعالـي دانيـه للـي يـريـد
    وكل يوم يحـاك ثـوب ويرتـدى
    وكل يـوم يكفّـن ويقبـر فقيـد
    وكل مافي الكون زايـل ماعـدى
    وجه ربك مالـك الملـك المجيـد
    يا محاكي الصم صرخاتك سُـدى
    لا تأذن وسـط أوثـان الحديـد
     
  14. آل يذوه

    آل يذوه ¬°•| ناقد شعري |•°¬

    المسمى


    حسبي اللـي انـزل التوبـة وعمّـا
    كيف نحمـل كلنـا نفـس المُسمّـى
    سيف قاطع في الوغى يغشى المنايـا
    مثل سيف ظـل فـي غمـده ولمّـا
    حل وقت الغنـم خـذ ممـا يريـده
    وسيفنا القاطع بقـا لـه مـا يرمّـى
    حسبي الله كيف كنّـا كيـف صرنـا
    الأعـادي تفوقنـا كـيـفٍ وكـمّـا
    وش يضر اللي كرهنـا لـو كرهنـا
    وش يفيد اللـي نحبـه حـب جمّـا
    هو بقابـه ضـيّ واهـي نهتديبـه
    هو بقابه خطـب داهـي مـا ألمّـا
    يـا مـدوّر خيـر والشـر متزاحـم
    عزتيلـك ابـرةٍ هـو وسـط يمّـى
    لا تنادي وش تنادي مـن تنـادي ؟
    كيف يوحي الصوت منهو كان اصمّى
    يرحم الله وقت كـان الخيـر شامـل
    ما ترك من ورث يؤكـل اكـل لمّـا
    مير من يرجي من الانـذال حاجـة
    يستحـق الخـزي ويسـام ويذمّـى
    ومن سعى بمعروف مع سقط الاراذل
    خاب في المسعى وزاد الغـم غمّـى
    ايـه ياوقـت الـرزايـا والبـلايـا
    وقت شح الجود والبخـل استعمّـى
    مـن يقيسـك بالدقايـق والثوانـي
    العقارب ؟! وافـق الاسـم المُسمّـى
     
  15. آل يذوه

    آل يذوه ¬°•| ناقد شعري |•°¬

    الشاعر الاول

    قـرّر التاجـر يكـون الشاعـر الأول
    افرحوا يا اهل القصيد وجهزّوا الساحه
    سهلّوا الأوزان لـاجل المبدع الأفضـل
    بعد إرهاق العمـل يحتـاج لـه راحـه
    فاضي هو يوزن ؟ .. كلامه كامل مكمّل
    يكفي انّه لـاجلنا يكتب عـن جراحـه
    الكسـر فاسماعكـم وادراككـم يجهـل
    عبقريه فرحتـه والفـن فـي نواحـه
    جدّدي له يا صحافـه عهـدك الأمثـل
    وارسمي الأشعار صحرا وشعره الواحه
    واكتبي عنه العظيم الشامـل الأشمـل
    كان يحتاج الشعـر جهـده واصلاحـه
    واسألي كيف ومتى وهل كان أو يعقـل
    عمرنا من غيره فكره تكمل افراحـه ؟
    وين "نوبل" عن قلم من أشرق واشعـل
    ظلمـةٍ كنّـا بهـا أفناهـا مصبـاحـه
    من يقول إن الشعر في وقتنـا مبهـذل
    سعرنا عقب الخسايـر زادت ارباحـه
    لحّنوا الشعر البديع الأصعـب الأسهـل
    واعرضوه بكل شاشه ليـل واصباحـه
    وادفعوا للـي شـدا للشاعـر الأجـزل
    مبلغ وقدره "كـذا" يستاهـل صياحـه
    ابشروا يا مطربيـن الدفتـر الأجمـل
    يكفي عن مُـرّ السـؤال وذل إلحاحـه
    دفترٍ فيه القصايـد تشتـري الأخطـل
    وعنتر يضحّي بعبله ويرمـي سلاحـه
    دفترٍ فيه المعاني فـي اليميـن اسفـل
    أقوى أبياته : فقط لا غيري في الساحه
     
  16. آل يذوه

    آل يذوه ¬°•| ناقد شعري |•°¬

    مايقول الشعر

    مايقول الشعر .. من باله خلي
    ومن نساه الهم لايطري القصيد
    ماكتبت الشعر قصدي تزعلـي
    وان فرحتي فيه ما اقصد اكيد
    حس يشعرني .. وضيقه تنجلي
    ودار تسكني وانا عنهـا بعيـد
    واوصف العله لعاشـق مبتلـي
    لاكساه الليـل يلقابـي عضيـد
    من هوى هذاك وفلان وعلـي
    الوكاد انه عن اشعـاري بعيـد
     
  17. آل يذوه

    آل يذوه ¬°•| ناقد شعري |•°¬

    تسلم عيوني

    ياطيب حظي كان انـا حلـم دنيـاك
    ياللي تقـول انـي أمانـك وخوفـك
    تحبنـي؟ ..أدري حكالـي محـيّـاك
    رعشـة يدينـك وارتباكـة حروفـك
    ياللي الوفا هو بعض أصغر مزايـاك
    حملـي ثقيـل ووافيـاتٍ كتـوفـك
    تشيـل همـي دوم كنّـي أنـا ايـاك
    صارت ظروفي مو ظروفي ..ظروفك
    إن جيت ابحكي عن بهاك وسجايـاك
    كيف اوفي أخلاقك وباهر وصوفـك
    وان جيت الاقي لك خطايا خطايـاك
    أطيب قلوب الخلق ساكـن بجوفـك
    وشلون ما احبك وهـذي سوايـاك؟!
    وشلون ما أهديك عمري فكفوفـك؟!
    ياقلب قلبـي وش حياتـي بليـاك؟!
    تسلم عيوني دامهـا هـي تشوفـك
     
  18. آل يذوه

    آل يذوه ¬°•| ناقد شعري |•°¬

    مساء الخير

    مساء الخير..والاحسـاس والطيبـة..
    مسـاءٍ .. مايليـق الا ... باحبـابـي
    مساءٍ غير غصـن لطيـر يحكيبـه..
    عن اللـي مسكنـه جفنـي واهدابـي
    هـلا باللـي احبـه كثـر تعذيـبـه..
    وكثر ماهـو يغيـب وكثـر ترحابـي
    حبيبي هـو ولـو ماقصـر الغيبـة..
    ولو عن بسمتـي قـد طـول غيابـي
    اعرفـه.. زيـن وعيتنـي اساليبـه..
    عدوي يوم .. ويوم اقرب من اصحابي
    ملكنـي بيـن ترغيبـه وترهيـبـه..
    يفارقنـي وهـو واقـف علـى بابـي
    به الصادق بـه الغـارق باكاذيبـه..
    يبـي بعـدي.. ودمعـه بلـل ثيابـي
    به القسوة.. به الرقة.. بـه الهيبـه..
    به الضعف القوي به نشوة اغضابـي
    هلاباللـي يصيـب العطـر بالريبـه..
    يقول العطـر.. انـا زايـل ويبقابـي
    هلا باللي يقـول الـورد وش ليبـه..
    من المهدى ؟..انـا او هـو لاطيابـي
    هلا باللي عجـزت القـى عذاريبـه..
    هـلا باللـي تحبـه.. كـل اسبـابـي
    مساء فـاق كـل الشعـر ترحيبـه..
    بجيـة مـن سكـن جفنـي واهدابـي
    مساء فـاض بالاحسـاس والطيبـه..
    مساء..مايـلـيـق الا بـاحـبـابـي
     
  19. آل يذوه

    آل يذوه ¬°•| ناقد شعري |•°¬

    أنا أخطيت ما انكر

    أنا مدري وش أحساسـك ومـدري وش تظـن
    انا الصادق في عينك كنت صرت الكاذب الخوان
    انا اخطيت مـا انكـر ولافـي عـذر يكفينـي
    سوء اني احبـك حيـل وانـي دايمـاً انسـان
    انا ادري بمدى جرحك وادري الحـظ جافينـي
    يطول الوقت ما أخطي واذا اخطيت كل شي بان
    انـا شفـت الزهـر مايـل وظنيتـه ينادينـي
    قطفته يـوم ضميتـه لقيتـه للأسـف ذبـلان
    عرفت انك زهر عمري عرفت انـك بساتينـي
    وغيرك قيظ مايروى سراب يشقـي العطشـان
    انا لو ماحصـل ماكـان وشـو الـى يدرينـي
    بأنك ماسواك أنـت سكنـت القلـب والوجـدان
    انا اسف على اعذاري عجزت القي عذر فينـي
    يليق بغلطتي في حقك ويرجع كـل شـي كـان
    احبـك كثـر أخطائـي وادري انـك تحبـنـي
    وادري لـو تفارقنـا فلانقـدر علـى النسيـان
    اذا تقوي على فراقـي وبعـدي عنـك خلينـي
    انا مليت مـن دور الكـراره ولعبـت الغفـران
    قليل العمر يالـي انـت دموعـك ماتساوينـي
    حرام انه يضيع فراق هي من قلهـا الإحـزان
     
  20. آل يذوه

    آل يذوه ¬°•| ناقد شعري |•°¬

    ما يكبرك اللقب

    رد الأمير عبد الرحمن بن مساعد على قصيدة الأمير المرحوم طلال الرشيد ياصغير مايكبرنى لقب
    والقصيدة هى ثلاث أبيات ولكن معناها كبير جدا ومو غريب على الأمير عبد الرحمن بن مساعد


    يارفيقـي مـا يكبّـرك اللـقـب
    به ومن دونه ،، تظل انت الكبير
    لا يهمّك حكـي حمّـال الحطـب
    ما ينّقص قدرك الهـرج الكثيـر
    الرجال اخلاق ،، ماهم بالحسـب
    والمواقف درس ، والجاهل غرير
     
حالة الموضوع:
مغلق

مشاركة هذه الصفحة