الكرامه أول والحب ثاني

الموضوع في ',, البُريمِي لِلقِصَص والرِوَايات ,,' بواسطة آسمحڷې اخۈْڼڪ, بتاريخ ‏16 أبريل 2009.

  1. آسمحڷې اخۈْڼڪ

    آسمحڷې اخۈْڼڪ ¬°•| عضو فعّال |•°¬



    مرحبا يا عضاء المنتدى شحاالكم اليووم حبيت انزل قصه من نقلي وبليييييييييييز ابى ردودكم وانشاء الله تعيبكم

    الكرامه أول والحب ثاني
    للكاتبه: شماا^_^اانيaj


    البارت الاول
    {اتصلت وقال لي لحظه ثواني بت ليلي أنتظر حتى النهار كل مادقيت له خط ثاني لي متى بظل انا عـ الأنتظار}..

    نبذه _عاشه وعلياء وشما بنات عم وما من بينهن اسرار كل وحده تفظفظ لثانيه
    وعواشه عندها أربع اخوان (محمد وحمد وحميد واحمد)واختين(عنود وعهود)
    (اخوها محمد معرس وعنده بنت وولدين عفراء وسالم وغانم وحرمته خقاقه يعني سوولها طاااااف المهم ),( حمدمعرس ويحب حرمته واايد وهي اصلا وايد طيبه ) .وحميد(هب معرس , ويشتغل فـ الشرطه) .واحمد (ماشاالله عليه مغازلجي رقم(1) وخلص الجامعه وبعده ماشتغل هو قدم عـ وظيفه بس بعده بس هو مستانس لأن مايشتغل ) وخواتها معرسات وبعدهن مايابن صغاريه.

    علايه عندها (5 اخوان وكلهم صيّع اللهم لاحسد واخت وحده صغيره
    هزاع, وهادف, وراشد, وسالم, وعبد الله , واختها روضه(اخوانها كلهم يشتغلون ولا واحد فيهم معرس بس هزااع معرس وخلووووه بعيد والباقي يرمسون بناات خخخخخخخ وراشد واااايد مع أحمد اخو عوشه

    أما شما عندها اخو واحد بس وعلى فكرى توم اخوها (شامس وشما)
    ويحبها ويموت فيها ويموت اذا زعلت ويذبح الي يزعلها ,ويدرس فــ بوظبي وشما تدرس فـ العين خته عند يدهاو يدتها فـ العين وامها وابوها برع البلاد لان بوشما شغله نصه فـ البلاد والباقي برع البلاد وحرمته معاه) بنخليكن اللحين مع القصه....................
    ملاحظه ^ بعظ القصايد منقوله وبعضها هب منقوله ^
    *الهير*

    _________السبت ___الساعه 1الظهر_________
    شما حادره الصاله وهب لابسه شيله وهي تغني (جيت كلي شوق واحساس ووله احمل اشواق الأمارات بيدي جيتكم أحمل مشاعر مرسله بسم دار الزين وبسمي يابعدي)اغنية حربي العامري (شما تموت اذا
    يوم من الايام ماشافت اوسمعت اغنيه من اغانيه لأنها تحبه)
    كانت تغني وهي هب حاسه بعمرها ومره وحده سمعت صوت حد يحنحن
    ....:احم احم
    شما (اتصنمت مكانها وخنت مره وحده حجرتها ولبست الشيله وتمت تشوف منو؟ من الدريشه تريد تعرف منو بس ماعرفت راحت عند البشكاره:فلورا من اللي يالس فـ الصاله
    فلورا : مدام سنو فيج انتي مافي معلوم منو هزا منصور ولد مال بابا ناصر
    شما :منصور ابن عمي ناصر ياويل حالي ليش ياي الحين؟؟ امي فاطمه هب موجوده مسرحه العزبه ولا ردت ممم انزين وديتيله شي
    فلورا :نئم مدام
    شما : بظهر له وامري لله (شما ماتحب تظر له لأن منصور كبرها وو شويه يغار عليها يعني ممم يحبها توه بادي بحبه لشما بس شما ماتدري انه يحبها صح ان منقود تظهرله لأن ماشي رياييل فـ البيت بس يلا )
    (ظهرت شما وهي ميته من المستحى لأن اكيد سمعا يوم كانت تغني المهم)
    شما : السلام عليكم
    منصور .( وقف قلبه):مرحبا الساع
    شما : المرحب لاهااااان ..شحالك وشحال هلك؟؟
    منصور:يسرج الحال ولا يضرج وهليه بخير الحمد الله
    شما:الحمد الله..مم تفضل استريح
    منصور : زاد فضلج.. الا يدتيه وين؟؟
    شما : والله فـ العزبه
    منصور :من مودنها؟؟؟
    شما : يديه .....
    منصور : شموووووووووووومه
    شما ( كن حد صب عليها ماي بااااااارد اول مره ينهمها بلأسم هذا):عونك
    منصور (فقلبه .فديت المنطوق انا.):ممممم الا شامس شحاله غريبه المفروض يكون اهنا

    شما: بس هـــ المره ما يانا لان مشغول بدراسه حده
    منصور: اهاااااااااااااااااااا انزين شو مسويه مع الدراسه
    شما : الحمد الله زينه مع الدراسه كلهاا كم اسبوع وبنفتك
    منصور (لاارادي ):لاحبيبتي من قالج كم اسبوع الا اسبوع بس بـ(وسكت حس ان قال شي يحرج شما )
    شما( نزلت راسهاوفقلبها يالله حمدان ما قالي ذي الكلمه (على فكره حمدان حبيب شما )
    منصور :السموحه شما وربي انها زله وربي
    شما : لالالالامسموح
    منصور (يريد يغير السالفه بس بدل ما يكحلها عماها وقال) :مممممم على فكره صوتج عذاااااااااب (مد الكلمه )
    شما(شما خلاص بغت تمووت وحطت يديها عـ اليبين بالقومن المستحى)
    منصور: خيبه ليش كل هذا شوفي ويهج كيف حمر خلاص خلاص صوتج هب
    حلو........
    شما :............
    منصور: اوهووووووو انا ماداني حد يالس معاي وهو ساكت.. غني اقصد رمسي
    شما (ابتسمت)مم الا شحال خالتي مريم؟
    منصور :ويش مريم؟؟؟؟؟
    شما: شوفيك أمك
    منصور : قصدج العيوووز بخير بس ما يمر يوم الا وهي عاطتني هزبه مافي احلا عنها
    شما:هههههههههههههههههههه
    منصور ليش تضحكي هي تهزبني عشان اني ما ايبها اهنا عند يدتيه
    شما : تستاهل (وفـ اللحظه هاي رن تليفون شما وكان حمدان وشما . ماشاء الله عليها مره ما توهقت) ردت شما



     
    آخر تعديل: ‏16 أبريل 2009
  2. آسمحڷې اخۈْڼڪ

    آسمحڷې اخۈْڼڪ ¬°•| عضو فعّال |•°¬

    البارت الثاني

    البارت الثاني

    شما: مرحبا
    حمدان : المرحب باجي غناتي شحالج انتي
    شما : حصه انا بخير الحمد الله
    حمدان: شووووووووو ريال بطول وعرض تنهميني حصه؟؟؟؟
    شما: خلاص خلاف برمسج
    حمدان: اقول انتي شاربه شي ولا ماكله شي مأثر عليج
    شما :اوكي مع السلامه(سكرت التليفون)
    منصور : ليش سكرتي عنها اصلا انا بظهر
    شما : لالالاوين ساير تغدى عدنا
    منصور : لالالا اليوم مقدر مره ثانيه انشاءالله يلا اترخص
    شما: مرخوص سلم على هلك
    منصور: يبلغ ربي يسلمج ويسلم غاليج(ظهر منصور بس يوم وصل قرب باب الصاله تم واقف يشوف شما بس شما ما حست)

    ....*{والله اني يوم لاقيته كنه الفرحه تراوالي لي أحبه حيل واغليته لانه أغلى من ذهب غالي}....*


    نروح زاخر عند علايه

    (يالسه وتشوف تلفزيون ومره وحده حطوا آه من قلب وخبت عند تليفونها عشان تتصل لشما
    شما : آلو
    عليا: شما بسرعه حطي قناة×××××
    شما : لييييييييييييييش
    عليا: حاطين اغنيتج
    شما(شهقت شهقه ):آه من قلب اوكي بااااااي وسكرت فويها
    عليا: يويهج انا براويج (هي كانت ما سكه التليفون,ومره وحده دخل اخوها راشد)
    راشد: الحمد الله والشكر ختيه مغرووومه (مينونه)
    عليا: خيررررررررر شوتريد
    راشد : علايه وربي يوعااان هب ماكل شي سيري سويليه أي شي اذا قلت للوالده بتهزبنيه بتقول روح كل من المطاعم دومك تاكل من هناك شمعناة اليوم تراك متحب اكليه
    عليا : صدقها ........ لحظه لحظه شواسويلك عرس خلاف حرمتك تطبخلك ولا اقلك اغتبق لبن اخير لك
    راشد: اقولج شي مالت عليج وعـ حرمتي فوقج خلني اعرس خلاف رمسي ومااااريد لبن انتي اغتبقي لبن يدتيه ياااايبه لبن نوووووووووووق يمدحووونه
    عليا: مالت على ويهك وويه حرمتك بعد شوفيه لبن النووق تراك تشربه فـ العزبه
    راشد: ياهي سالفه شوفيج على حرمتي ليش الوالده حاطه وحده فبالها ؟؟؟؟
    عليا: شوف الوحده ولا العين انا ما يخصني واظهر من الحجره اخير لك
    راشد :هههههههههههه بايخه ضحكتيني وانا مضايق الوحده ولا العين اونه والله اني انا الغلطان يوم ييتج( وسوى مالت وشرد)
    عليا: وربي هب متبرظه ولا كان رويتك بس محسوبه عليك
    راشد(وهومن بعيد): بنشوف ياالحلوه (عليا حلوه ماشاء الله عليها عمرها 21سنه كبر عواش بس شما اصغر عنهم شوي المهم عليا عليها سماره حلوه بس هب واايد سمره والي محلنها اكثرشي حياتها مقرنه)
    عليا:غصبا عنك حلوه
    (وهناك شما يالسه تسمع الأغنيه وكل ماتسمعها تذكر اخوها لن وااايد تحبه ودومه يهديها الأغنيه هاي_آه من قلب_ وخلصت واتذكرت حمداان واتصلت فيه)
    حمدان:آلو
    شما: مرحبا حمدان
    حمدان(بدون نفس) : المرحب باجي
    شما: شو فيك تقولها بدون نفس
    حمدان : والله انتي ادرى
    شما: شوفيك حمداااااااااااااان
    حمدان:.............
    شما:......................
    حمدان:................................
    شما: لين متى بتم ساكت
    حمدان:شماني ليش سكرتي الخط مساعه
    شما: حمدان تريدني ارمسك قدام ابن عمي
    حمدان: ليش ما.. لحظه لحظه منو ابن عمج؟ هب بنت عمج بعد ليش يالسه معاه(تغيض بالقو)؟؟
    شما: يعني شواسوي امايه هب موجوده مسرحه العزبه ومافي حد فـ البيت
    حمدان: لا والله وماشاء الله مافي حد فـ البيت وظهرتيله
    شما: هي نعم ظهرتله حمدان لاتنسى اني فـ بيت يدتيه هب فـ بيتنا
    حمدان(في هـ اللحظه دخل عليه الحجره ابن عمه واخوه):شماني خلاف برمسج الأهل عندي
    خالد(ابن عم حمدان ):يويلي شكله يرمس القلب
    حمدان(شاف خالد بنظره الله يستر شو ورى هاي النظره )
    شما: ممممممم زعلان
    حمدان (ابتسم وتكلم بهمس) : وانا اقدر
    حامد(اخوحمدان اكبر عنه بسنه يعني هو وحمدان بس ماعندهم لااخوان بس وحده ومعرسه اسمها حصه ):اقول خالد اظني في ناس خففوا من السرعه شكلنا دخلنا بالغلط( يقصد خف صوته, وشما عـ الخط وتسمع وناقعه من الضحك وحمدان متغيض)
    شما: هههههههههه اقول اسرع عن يقتلونك ما فينا بعد يلا مع السلامه
    حمدان: هههههههههههههههه فحفظ الرحمن ياالغاليه (سكر التليفون)
    *{لك غلا زايد بحده فوق حده لك محبه في وسط قلبي يامحبوب}
    *نروح عند عواش بس ما بنروح بعيد وااايد لأنها فـ زاخر وقرريب من علايه بس شماني بعيده عنهن المهم
    (وهي فـ صاله حدر اخوها احمد البيت وشافها يالسه بروحها )
    أحمد:عوشه وين الوالده؟؟
    عوشه: عليكم السلام والرحمه
    أحمد( بهمس): استغفر الله ...... السلام عليج ختيه
    عوشه : اللحين ريال
    أحمد(تغيض) : يعني قبل شو كنت
    عوشه: ماقلت شي ريال والنعم فيك
    أحمد: المهم وين امايه
    عوشه: راحت بيت خالتيه حصه
    أحمد: انزين الوالد ؟؟
    عوشه: فـ العزبه
    أحمد:ممممممممممم عوشه بغيتج فـ سالفه
    عوشه ( اول مره تحس ان أحمد جاد فرمسته) : لبيه
    أحمد: لبيتي فـ حايه مممممم شورايج فـ شويخ بنت خالتيه حصه
    عوشه:ووووووووووووووووووووووع شوتريد فيها هـ الدلاعه اللي شايفه نفسها
    أحمد (انصدم من رمسة عوشه): مالت عليج ماعنديه سالفه يوم ييت عندج آخذ رايج اصلا انتي تحبين منو؟ في وحده فـ البلاد ماظهرتي عليها رمسه انتي ما تحبين غير علايه وشماني .... تعالي شحالهن؟؟؟؟؟
    عواش: مالت عليه والله احلا عنك انقلع عن ويهي
    أحمد : تخسين.. عيوني عواش يكفي ان البنات هن اللي يربعن وراايه هب انا
    عوشه:ماشاء الله عليك اخويه شهاده تعتز فيها يوم البنات يربعن ورااك
    أحمد: اقول مابعور راسي بنفسي...... اذا يت امايه قوليلها كان تعبان ورقد
    عوشه: آسفه ما بكذب عـ امايه
    أحمد: عاشوووووه لا تستهبلين واااايد وربي اني هلكان بموت
    عوشه: هب منك من كثر ما تفكر فـ شويخ
    أحمد( وهو يمشي يتقرب عندها) :انتي شكلج تريدي كف ينسيج اسمج صح
    عوشه( شردت عنه):لافديتك روح ارقد نوم العوافي
    أحمد( وهورايح فوق ووبصوت خفيف اتحرى الساد)
    عوشه: نعم شوقلت ؟؟؟؟؟؟؟؟؟؟
    أحمد: مايخصج
    عوشه: اوكي خلاص السموحه منك اخويه
    أحمد(هب متفيج):مسموحههههههههههههههه
    عوشه(وهي ترمس عمرها):مللللللللللل شواسوي افففففففففففففف بعدني ما خلصت الجامعه اوووو برمس شما احسن لي بس اكيد ترمس حمداان لالالالا برمسهاا ولا علايه احسن ولا باكر ورايه جامعه اذاكر احسن لي (عوشه ماشاء الله عليها حلووووووووه عليها عيون خضر يعني مثل ما انعتها قطوه خخخخخ حلو الأسم صح المهم طويله وضعيفه بشكل فضييييع كنها قلم........ الكل بصوب يذاكر شما و علايه وعواش وخخخخ ما ننسا منصور بعد المهم شورايكم نعرفكم على باقي خبايل القصه اقصد اشخاص القصه
    (منصوربن ناصربن حمدان ال........ي عنده اخواان وبنتين بس الأولاد. ذياب وعمره 25معرس , سعيد ,سعد توم بعد مثل بس هم اكبر شما وشامس وعمرهم 23 هههه ماشاء الله عليهم عقال والعكس صحيح هب معرسين ولا يفكررون اصلاخخخخ يشتغلون فـ مكان واحد,منصورههههه الخريش كبرشماوشامس عمره 21سنه والبنات وديمه 27 ,رفيعه 26معرسااات وطيباااااااااااات مثل اخوانهن المهم وعمهم الثاني راشد
    عنده كلا بنات وولدين بس_شيخه وعذبه ومها وظبيه حراام الأسامي عليهن لالا استغفر الله وااايد شايفات اعمارهن عكس اخوانهن سيف عمره 22 وسعوود20
    واحد خلص الجامعه والثاني بعده والباقي بتعرفونهم خلاف لأنهم ماشاء الله وايدين خلنا نروح بوظبي عند شامس ساكن فبيتهم اللي فبوظبي بروحه كان يتمنى ان شما تكون معاه بس هي مارتاحت وقالت تريد تدرس فـ العين وهو مستحيل يعارض رايها ولو شو يستوي المهم شامس بقاله يوم واللي هو باكر وبيخلص الجامعه قبل شما وشما متدري قال بيسويلها مفاجأه واللحين هو يالس يذاكر اقصد خلص وفكر انه يتصل بشما
    )
    شما(شافت اسمه على طول ردت): مرحبا بقلبي مرحبا بروحي وحياتي ومماتي
    شامس :ههههه مرحبا بالغاليه بشيخة البنات شحالج
    شما: يسرك الحال ولا يضرك ومن صوبك ؟
    شامس: عسى دووم هب يوم والحمد الله ماشكي الباس غناتي
    شما: يلا عااد متى بتخطف علينا وربي مشتاقين لك هب انا بس الكل
    شامس: بعد شهرين
    شما: شووووووووووووووووووووو شحقه ليكون داش دوره وانا مدري
    شامس(يكذب عليها): لاشمومتي بس الدراسه شاغلتنا هب بيدينا
    شما(دمعت عيونها اضايقت لأن مشتاقتله): اوكي برايك بااي
    شامس: لحظه لحظه شوفييج ؟؟؟؟؟؟؟؟؟؟؟
    شما: مافيني شي بس ذاكر
    شامس :ممممممم انزين انتي متى بتخلصي ؟؟
    شما : بعد اسبوع
    شامس: اهاااااااااااا انزين ممكن طلب؟
    شما:اكيد ممكن
    شامس: ممكن تمسحين الدموع اللي هلت عـ خدج؟
    شما(استغربت ) انته شعرفك ؟؟؟؟؟
    شامس: والله مدري صوتج مرررره ماتغير
    شما( ضحكت)
    شامس: آآآآآآآآآآآآآآآآآآآآآآآآه فديت الضحكه انا
    شما: بسم الله عليك من الآه عله فعدوينك
    شامس: تعالي اليوم حطوا آه من قلب ف........ شفتيها
    شما: ههههههههه هي فديتك شفتها
    شامس(وهو متغايض) : لازم بيستوي عليج شي اذا ماشفتي حربي
    شما(انصدمت هذا شودراه)هاااااااااااااااااااااااااااااااااااااااااا اااااااااااااااااااااا
    شامس: ادريبج انصدمتي بس المهم عرفت وخلاص بس ياويلج اذا مدحتيه قدامي تراني اغااااااااااااااااااااااااار
    شما: فديت الي يغاروون علني فداااهم اقول شامس
    شامس: عيون شامس قلب شامس روح شامس آمري
    شما: امايه كانت مسرحه العزبه وتوها واصله بحدر الصاله عندها وخلاف بتصل ولا اقول ذاااااااااااااااااااكر ما بتصل آآآآآآآآآآآآآآآآآآآه الشهرين عندي سنتين
    شامس:لالالالالالالا تفكرين اعتبري كنه باكر ويلا سلمي على امايه وحبيها عـ راسها وقوليلها من شامس......
    شما: بس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    شامس: اموااااااااااااااااااااااااااااااااااااااااااااااا ااااااااااااااااااااااااااح باااااي يالغاليه
    (شما ويها احمر اخضر اصفر من المستحى حتى لو كان اخوهاا تعالوا ما ذكرناكم بمواصفاتها_ بيضه ولها شامه فوق الشفايش وبسررررررررررررعه تحمرررررررروخجوله وااااااااااايد ومعزلة ردف وقطاه وطويلة معنق مممممممممممم تريدوا مواصفاات شامس لالالالا الشباب لا بتعرفووون مواصفاتهم خلاااااااااااااااااااف ).
    {أنت الغلا كله بأول وتالي وانته حياتي وانت عمري وكوني والناس ماتسواك ياراس مالي لو بينك وبين البشر خيروني}
    راحت شماعند يدتها
    يدت شما(وهي تشووف شما نازله من فوق):مرحبا بشيخة البنات
    شما: المرحب باجي شحالج وشحاال البااعر هناااك
    يدت شما:هههههههههههه بخير الا وين منصور فلورا تقول كان اهنا
    شما: هي كان هنا وظهر شرت عليه يقيل عدنا ماطااع شوريه
    يدت شما: مسود الويه مشتاقتله ورااااااااح اتصلي فيه اريده
    شما(استغربت)من وين اييب لج رقمه امايه
    يدت شما: انا اذكر ان عندي رقمه فنوته هناك شوفيه لأني مره مسكته وقتله اكتبلي الأرقام وكتب رقمه بعد
    شما:ههههههههههههههه امايه الحين وين بتحصلينه اللي يقول بييج طرررررر
    يدت شما:لالالالالالالالالا هب مشكله اريده اللحين انا براويهم هـ الشباب نسونيه
    شما: الله يهداج يامايه قلتي شباب وين بيقروا فـ البيت


    وبوقف ويااكم اهنا اشوفكم فـ البارت الثالث
     
  3. بنت عز

    بنت عز ¬°•| عضو مبتدى |•°¬

    مشكوووووره خيتو ونتريا يديدج....
     

مشاركة هذه الصفحة